კამპანიის ფარგლებში, ბრენდი მაყურებელს უკვე კარგად ნაცნობი ვიდეორგოლის განახლებულ ვერსიას, განსხვავებული დასასრულით სთავაზობს.  

ირინა კეიდია, მარკეტინგის დირექტორი, IDS ბორჯომი საქართველო:

„ჩვენი მიზანია, რომ ამ კამპანიით ჯანსაღი ცხოვრების წესი და ზრუნვის ელემენტები უფრო პოპულარული გავხადოთ და საზოგადოებას მისი მნიშვნელობა კიდევ ერთხელ შევახსენოთ. სწორედ ამიტომ, ვაგრძელებთ გიორგი მიქაუტაძესთან თანამშრომლობას, რომელიც წელს კიდევ უფრო მრავალფეროვანი გახდება. ვიდეორგოლთან ერთად, მომხმარებელს „ბაკურიანის” ლიმიტირებულ შეფუთვას ვთავაზობთ. ახალი ეტიკეტი ინარჩუნებს ძირითადი დიზაინის ხაზს, თუმცა დამატებულია ფერადი დეტალები, გიორგი მიქაუტაძის პორტრეტები და კამპანიის გზავნილი – „მიყვარს, მიყვარს „ბაკურიანი”. ვფიქრობ, რომ ჩვენი თანამშრომლობა წელსაც წარმატებული იქნება.”

გიორგი მიქაუტაძე, საქართველოს ეროვნული საფეხბურთო ნაკრების და  „ვილიარეალის” ფეხბურთელი:

„მიხარია, რომ „ბაკურიანთან” თანამშრომლობას ვაგრძელებ, რადგან ქართულ ბრენდთან პარტნიორობა ჩემთვის მნიშვნელოვანია. გადაღებები ძალიან საინტერესო იყო, განსაკუთრებით ბოლო ნაწილი, რომელიც ვალენსიაში დავგეგმეთ. მიხარია „ბაკურიანის” ლიმიტირებულ შეფუთვაზე ჩემი ფოტოები რომ იქნება. წყალი ფეხბურთელების ცხოვრებაში ძალიან მნიშვნელოვანია და ამიტომ, „მიყვარს, მიყვარს, „ბაკურიანი”.

ახალი ვიდეორგოლის იდეასა და გადაღების წარმოებაზე ფროდაქშენ მენეჯმენტ კომპანია „ინდუსტრია ფილმმა” იმუშავა, ხოლო ლიმიტირებულ ეტიკეტზე – დიზაინერმა  ზაქარია მესროპოვმა.

ლიმიტირებული „ბაკურიანი” „ბორჯომის” ჩამომსხმელ ახალ ქარხანაში იწარმოება და ქვეყნის მასშტაბით, უკვე ყველგან გამოჩნდა.

The post „ბაკურიანი“ X გიორგი მიქაუტაძე  appeared first on City Magazine.

ბრენდის ფილოსოფიას გადმოსცემდა New Nordic  საქართველოს მიერ მომზადებული ვიდეოისტორია, სადაც მშვენიერი სალომე ღვინიაშვილი ადასტურებს მარტივ ჭეშმარიტებას სილამაზე და ჯანმრთელობა ეს შინაგანი და გარეგნული ჰარმონიაა – Beauty in and Out! – გვახსენებს New Nordic.

სკანდინავიური ბრენდი  გვთავაზობს სრულიად განსხვავებულ საკვებ დანამატებს ახალგაზრდობის, ჯანმრთელობისა და სილამაზისათვის.

New Nordic დაარსდა 1990 წელს. 35-წლიანი გამოცდილების მქონე შვედური ბრენდი დღეს  მსოფლიოს  45 ქვეყანაში სარგებლობს მომხმარებლის  ნდობით.  ის ლიდერის პოზიციას იკავებს ევროპაში, ჩრდილოეთ ამერიკასა და აზიაში.

ყველა პროდუქტი 100%-ით ნატურალური და ვეგანურია – შექმნილი ჩრდილოეთის ველური ბუნების წიაღში მოპოვებული უმაღლესი ხარისხის მცენარეული ნედლეულის, ვიტამინებისა და მინერალებისგან.

New Nordic იყენებს 400-ზე მეტ განსხვავებულ რეცეპტს, ყველა  მცენარე გადის საფუძვლიან სამეცნიერო კვლევას და მისი ეფექტიანობა ლაბორატორიებში მოწმდება . 

ნიუ ნორდიკის ლოგოში დატანილი ვერცხლისფერი ხის სიმბოლო  გარანტიაა, რომ იღებთ სუფთა სკანდინავიურ პროდუქტს, რომელიც მეცნიერთა კვლევით  ადასტურებს მის ჰარმონიულობას ადამიანის სხეულთან.

მოდით, მოკლედ გავეცნოთ ბრენდის ვარსკვლავ პროდუქტებს:

• ეფლ საიდერი – მაღალკონცენტრირებული ვაშლის ძმრისა  და არტიშოკის შემცველი ფორმულა  წონის კორექციასა და ორგანიზმის დეტოქსისთვის.

•  განსხვავებული და საინტერესო პროდუქტი “ზუკარინი” – თეთრი თუთისა და ქრომის უნიკალური კომბინაცია, რომელიც არეგულირებს სისხლში შაქრის დონეს, ამცირებს ტკბილზე მოთხოვნას და იდეალურია წონის კლებისთვის.

• ჰეა ვოლუმი –  მსოფლიოში აღიარებული  #1 სილამაზის პროდუქტი თმის ზრდისა და მოცულობისთვის.

• სრულიად ახალი თაობის  კრილის ომეგა 3 – რედ ოილ-ი თევზის ქონთან შედარებით ორჯერ მეტი ეფექტით გამოირჩევა; ასევე ყველაზე მოთხოვნად საკვებ დანამატებშია ფოლკეპილენი, რომელიც ენერგიის, ჯანმრთელობისა და სილამაზისთვის უნიკალური ე.წ. ხალხური აბია.

New Nordic-ის ხაზში ასევე წარმოდგენილიასპეციალიზებულ პრემიუმ დანამატებს იმუნიტეტის, თვალის, სმენის, შარდსასქესო სისტემის, ღვიძლის, გულისა და ტვინის ჯანმრთელობისთვის.

ნიუ ნორდიკის ბესთსელერი საკვები დანამატები უკვე დაგხვდებათ ფარმსახლის აფთიაქებში, ონლაინ – ვოლტსა და ველიზე, ხოლო უახლოეს მომავალში მათ ნახავთ ჯიპისისა და ფარდმადეპოს სივრცეებში.

„ჩვენ ფეხს ვუწყობთ თანამედროვე მიღწევებსა და აღმოჩენებს ადამიანების კეთილდღეობისთვის. New Nordic-ის საკვები დანამატები უკვე ხელმისაწვდომიაქართულ ბაზარზე – რაც ნიშნავს, რომ სკანდინავიური ბუნების საიდუმლოები უკვე ჩვენს ოჯახებშიც შემოვა.” – ამბობს  ლიკა ლობჟანიძე, ფარმაცევტული კომპანია „არტფარმას“ დამფუძნებელი და გენერალური დირექტორი.

The post New Nordic   appeared first on City Magazine.

დაიმუხტე „ლიკანის“ ახალი არომატებით – ეს ბრენდის საკომუნიკაციო გზავნილია. „ლიკანი“ ხილის ბუნებრივი არომატით, 0 კალორიით და რაც მთავარია, შაქრის და სხვა დამატკბობლების გარეშე, ჯანსაღი და გემრიელი არჩევანია წყურვილის დასაკმაყოფილებლად.

„ლიკანი“ არომატით ბაზარზე ოთხი წლის წინ გამოჩნდა და „ლიკანის“ მსგავსად, სწრაფად მოიპოვა წარმატება. ბრენდმა კი ერთგულ მომხმარებლებს სიახლე შესთავაზა და მათი თხოვნის გათვალისწინებით, პორტფელი განაახლა. „ლიკანი“ ციტრუსის და ჯანჯაფილის არომატით, სრულიად განსხვავებული პროდუქტია. არსებული სამი არომატიდან კი – ალუბალი და ბროწეული შენარჩუნდა, რომელიც საზოგადოებამ ყველაზე მეტად შეიყვარა. უცვლელი რჩება მისი უპირატესობა – 0 შაქარი და 0 კალორია, რაც შუშხუნა „ლიკანის“ არომატებს, სხვა გაზიანი სასმელებისგან გამოარჩევს.

ირინა კეიდია, კომპანია „IDS  ბორჯომის”  საქართველოს მარკეტინგის დირექტორი

„„ლიკანი“ როგორც სიახლეების მოყვარული ბრენდი, განაგრძობს განვითარებას. ჩვენ მუდმივად ვითვალისწინებთ და ყურადღებას ვაქცევთ მომხმარებლის სურვილს და ქცევას. სწორედ მათი გემოვნების გაანალიზებით, მივხვდით, რომ სიახლის დრო დადგა. განვაახლეთ პროდუქტის შეფუთვა და პორტფელში დავამატეთ სრულიად ახალი არომატები,  რომლებზეც „ლიკანის“ გუნდმა იმუშავა. იმედი მაქვს, მომხმარებელი სწრაფად შეამჩნევს განახლებულ ქილებს, დაიმახსოვრებს და შეიყვარებს „ლიკანის“ ახალ არომატებს.“

ახალი დიზაინი აგრძელებს „ლიკანის“ ძირთადი პროდუქტის შეფუთვის ხაზს. არომატების მიხედვით, ქილებზე გამოყენებულია ხილის ილუსტრაციები ყვითელი და წითელი დეტალებით, რაც მომხმარებლისთვის პროდუქტს უფრო მეტად აღსაქმელს ხდის. „ლიკანი“ ხილის არომატით მხოლოდ ქილაში იწარმოება, განახლებულ  შეფუთვაზე კომპანიის გრაფიკულმა დიზაინერმა იმუშავა.

ანი ჭოღოშვილი, კომპანია „IDS ბორჯომის“ უფროსი დიზაინერი

„ახალი შეფუთვით „ლიკანი“ არომატებით, კიდევ უფრო დავაახლოვეთ ძირითად პროდუქტს. ქილებზე გამოკვეთეთ ხილი და „ლიკანის“ ეტიკეტის უცვლელი ელემენტები – მინერალები და ტალღები. ახალი დიზაინის ძირითადი ფერი „ლიკანის“ ქილის მსგავსად მწვანეა, რომელიც არომატების მიხედვით დამატებული წითელი და ყვითელი ფერებით, ბრენდის და ახალი პროდუქტის ხასიათს გამოხატავს.“

„ლიკანი“ ხილის არომატით, საქართველოს ბაზარზე, პირველად სამი სხვადასხვა არომატით გამოჩნდა. ვაშლი და ტარხუნა, ატამი და ფორთოხლის ყვავილი, ალუბალი და ბროწეული მომხმარებელმა სწრაფად შეიყვარა. ოთხი წლის შემდეგ, ბრენდმა პორტფელი განაახლა და ბაზარზე პოზიციონირებას ორი არომატით – ალუბალი და ბროწეული და ციტრუსი და ჯანჯაფილით განაგრძობს. შუშხუნა „ლიკანი“ ხილის არომატით კომპანია IDS ბორჯომი საქართველოს მიერ, ბორჯომის N2 ჩამომსხმელ ქარხანაში იწარმოება.

The post „ლიკანი“ – განახლებული შეფუთვა და არომატები appeared first on City Magazine.

ზღაპრის ბოლო კეთილია,

შენთან, შენთანა ვარ,

ნურაფრის ნუ … გეშინია

მღერიან ასე, 20-22 წლის გოგო-ბიჭები „ჩაჩავას კლინიკის“ ეზოში. მღერიან, ცეკვავენ,  იცინიან, იღებენ ვიდეოებს. კლინიკის მეორე სართულის დიდი ფანჯარა გამოღებულია და იქიდან, სავარაუდოდ,  მომავალი დედა იყურება. ისიც მღერის, თმატალღოვანი  და ისიც იღებს ამ ისტორიულ მომენტს.

2024 წლის მარტის თვე. გაზაფხულია, თბილა.  სიყვარული და სიხარული ტრიალებს ჰაერში.

რაზე მეფიქრება ახლა, იცით?

ნეტავ  რას მღეროდნენ დაახლოებით ორი საუკუნის წინ აი აქ, „ჩაჩავას“ ეზოში, მომავალი დედის გულშემატკივრები? ნეტავ  რომელი სიმღერები იყო მაშინ ასეთი ბედნიერი წუთების ასე ზუსტად გამომხატველი?

1873 წლიდან იწყება, ძვირფასო მკითხველო, „ჩაჩავას კლინიკის“ ისტორია. 1873 წელს დაარსდა მცირე სამშობიარო სახლი. ვიცი, თარიღები არ გიყვართ, მაგრამ აქ სხვაგვარად არ გამოვა. 1875 წელს დაარსებულა ამიერკავკასიის სამეანო დაწესებულება. უკვე 1912 წლიდან, მეანობა-გინეკოლოგიის ინსტიტუტი გახდა. შემდეგ, კვლევითი ინსტიტუტი, ხოლო 1981 წლიდან,  აქაურობას აკადემიკოს კოტე ჩაჩავას სახელი მიენიჭა. 2010 წლიდან მას-მულტიპროფილურ სამედიცინო დაწესებულებას – მთელი საქართველო უკვე „ჩაჩავას კლინიკად“ იცნობს.

პოლონელი არქიტექტორის მიერ აგებული ულამაზესი შენობა, დედაქალაქის თეთრ მარგალიტად წოდებული, დღესაც ზუსტად ისეთია, როგორც წლების წინ: მაღალ-მაღალი, რაღაც დარბაისლური, მასიური ლამაზი კიბეებით,  შესასვლელში ისტორიული, უცვლელი აბრით -ქალი შლაპით – ისტორიული და ულამაზესი მოზაიკური იატაკით, მაღალი ფანჯრებით ხოლო  არსით – ნოვატორული.

ასეც იყო ჩაფიქრებული და ეს არის „ჩაჩავას კლინიკის“ მთავარი კონცეფცია და გზავნილი ჩვენთვის – საამაყო ისტორიის გაფრთხილება, შენარჩუნება და მუდმივი სიახლე;

– ქეთის ელოდებით? – მეკითხებიან შესასვლელში. ქეთი აქაურობის მასპინძელი, „ჩაჩავას კლინიკის“ ხელმძღვანელი და რეპროდუქტოლოგია. ნამდვილი ვარსკვლავი ახალი თაობის სამედიცინო წრეებში. ქეთის დიდი ხანია ვიცნობ და შორიდან ვაკვირდები. ბოლო 10 წელია „ჩაჩავას კლინიკაში“ ის რეპროდუქციის განყოფილებას ხელმძღვანელობს და მრავალი ადამიანის ბედნიერების შემქმნელი და თანაზიარია.

–  დიახ

–  აგვიანებს, პაციენტთან შეყოვნდა – მიხსნიან. ამ ლოდინში უამრავ ისტორიას ვისმენ. თან, დერეფანში ამ ისტორიების ამსახველ ფოტოებს ვათვალიერებ. ქეთი მალე გვიერთდება და თავიდან ვიწყებ ნაცნობი და საყვარელი კედლების გაცნობას.

პირველი სიახლე- წყალში მშობიარობა.

თეთრ, ფაფუკ ღრუბლებში ჩაფლული ლურჯი-ლურჯი ზღვისპირა ცა გხვდებათ პირველად  თვალში და ოთახის შუაგულში დიდი, ქათქათა ჯაკუზი. ეს ჯაკუზი განსაკუთრებულია. სპეციალური შეკვეთით დამზადებული ლონდონის ერთ-ერთ ქარხანაში. აქ წყალგამტარობა, მილები, შიდა კედლების ხაზები და თვით ზედაპირიც კი უნდა იყოს სხვაგვარი.

– დიდხანს ველოდებოდით წყალში მშობიარობისთვის ამ განსაკუთრებულ ჯაკუზის.  მსოფლიოს წამყვანი კლინიკები უკვეთენ იქ და ამიტომ. წყალში მშობიარობის მიმართულების დანერგვა რომ გადავწყვიტეთ, იყო მთავარი დათქმა – თუ ვაკეთებთ, ვაკეთებთ უმაღლესი სტანდარტით – მიყვება ქეთი.

– ბევრია მსურველი?

– იცით, კი. იმატებს თანდათან – მპასუხობს ქეთი და დასძენს, რომ სულ ახლახან „ჩაჩავას კლინიკაში“ კიდევ ერთი ახალი მიმართულება-დოულების სერვისი დაემატა. დოულები დამხმარე ადამიანები ყოფილან, რომლებსაც შესაბამისი ცოდნა აქვთ და მშობიარეს ფსიქოლოგიურ და ფიზიკურ  დახმარებას უწევენ. ესეც იკრებს პოპულარობას. ჯერჯერობით უცხოელებში, მაგრამ აქაურებიც ნელ-ნელა მიყვებიან ამ ტენდენციას.

გაკრიალებულ დერეფანში სრული წესრიგი და სიმშვიდეა. ეს რაღაცნაირად გაწყნარებს. ცხადია, რიტმია რთული, მშობიარეც ბევრი, მაგრამ იგრძნობა წლების მანძილზე ჩამოყალიბებული სისტემა, კომფორტი და გამოცდილება.

„ჩაჩავას კლინიკა“ იყო პირველი, ვინც პალატები დედებისთვის ოთახებად, ან გნებავთ,  სასტუმროს ნომრებად შეცვალა. არა, ახლაც პალატებს უწოდებენ, მაგრამ თავისი კონცეფციით მაინც მაღალი ხარისხის სასტუმროს ოთახებს და აპარტამენტებს ჰგავს. ყველას თავისი სახელი აქვს, ერთს, მაგალითად, საოცრად ელეგანტურს, ასეც ჰქვია- ლუქს ელეგანტი. ყველა დეტალი და სურვილია გათვალისწინებული.

ერთ ახლად ნამშობიარებ დედას, „ჩაჩავას კლინიკიდან“ რომ გამოდიოდა უთქვამს – ასე მგონია, აქაურობა ორსულმა ქალმა დაგეგმა და ახლად ნამშობიარებმა განახორციელაო , იმდენად ყველა ჩვენი სურვილია გათვალისწინებული.

ასეც ხდება. გაწერის წინ აქ  დედებს ეკითხებიან რა მოეწონათ, რას ისურვებდნენ, რას შეცვლიდნენ. . . თავიდან, თურმე, ყველა ცოტა დაბნეული ისმენს ამ კითხვებს. მერე, როგორც დედებს სჩვევიათ, ყველა ერთვება და სანამ ექთნები პატარებს არ შემოუყვანენ, არც ფიქრობენ ამ დიდი განხილვის შეწყვეტას.

– მათი აზრია მნიშვნელოვანი. ყველაზე საპასუხისმგებლო და ბედნიერ დღეებს ატარებს ქალი „ჩაჩავას კლინიკის“ კედლებში და მნიშვნელოვანია, რომ მაღალი ხარისხის სამედიცინო მომსახურებასთან ერთად, მათ შესაბამისი კომფორტიც მიიღონ. სასიამოვნოდ გაატარონ ის სამი დღე აქ. იყვნენ მშვიდად და ასე შემზადებულები შეუდგენენ თავიანთ ახალ ცხოვრებას კლინიკის კედლებს მიღმა – ამბობს ქეთი.

რეპროდუქტოლოგი ქეთი გოცირიძე სამი შვილის დედაა.   მისი სამუშაო რიტმი მართლაც 24/7-ზეა. მიყვებიან, რომ სამივე ბავშვზე სამშობიაროდ პირდაპირ სამუშაო ადგილიდან წასულა. წარმოიდგინეთ, ხარ პაციენტთან, მუშაობ, მთელი შენი არსითა და გამოცდილებით გუნდთან ერთად ჩართული ხარ, რომ ის დედა გახდეს, უცებ . . . მიდიხარ და მშობიარობ!

როგორია? გადასარევი! და სამოტივაციოც ჩვენთვის, ქალებისთვის.

„ჩაჩავას კლინიკა“ მართლაც ხარისხის ნიშანია და ამიტომ  ყველა სიახლეს, რაც აქ ინერგება, ნდობით ხვდება  საზოგადოება. იმასაც კი, რაც თავდაპირველად კითხვებს აჩენს. ასე იყო წლების წინ. ბევრს უკვირდა სიახლე – სად სამშობიარო და სად ხუთვარსკვლავიანი სასტუმროს ტიპის ოთახები, აპარტამენტები. გაამართლა. რატომ, იცით? არა იმიტომ, რომ ეს მართლაც ძალზედ კომფორტული აპარტამენტები და ლუქსები მხოლოდ გარკვეული შესაძლებლობის მქონე ქალებისთვისაა. არა! მთელი გარემოა შექმნილი თითოეული ქალისთვის, ვინც აქ შემოდის. იგივე მაღალი ხარისხის სამედიცინო მომსახურება, იგივე კვება, იგივე  ბავშვის მოვლა. განსხვავება ოთახების ზომაში და, კი ბატონო,  ოთახების სხვადასხვა  იერშია.

ნდობით შეხვდნენ პაციენტები  რეპროდუქციის მიმართულებას, პლასტიკური ქირურგიის განყოფილების დაფუძნებას. რადგან ეს ჩაჩავაში ხდება, ესე იგი მაღალი ხარისხის გარანტიაა. ეს ხომ ჩაჩავაა. 

ამბის თხრობა აქ უნდა დავასრულოთ.

დასასრულისთვის ერთი ძლიერ მნიშვნელოვანი თემა შემოვიტოვე. ორსაუკუნოვანი კლინიკის კედლებში მალე მემილიონე ახალშობილი დაიბადება! ზუსტი დრო და თარიღი, აბა როგორ გითხრათ, მაგრამ უახლოეს მომავალშიო, მითხრეს.

ამ ღირსშესანიშნავ ამბავს ყველა ერთად გავიგებთ, ყველას ერთად მაგრად გაგვიხარდება. ერთი კითხვა არ მასვენებს მხოლოდ: რა სიმღერით ან შეძახილებით შეხვდება ამ დიდებულ ამბავს დამსწრე საზოგადოება?

გაგაგებინებთ!

ავტორი: ეკა ხოფერია

ფოტო: ნათია ასანიძე

The post ჩაჩავას კლინიკა – ორსაუკუნოვანი ისტორიის ახალი თავი appeared first on City Magazine.

სხვადასხვაგვარად ვემზადებით. ზოგი საყიდლების ორომტრიალით, საახალწლო დეკორაციებზე ფიქრით,   ახალი რეცეპტების ძიებაში. ზოგი კი, ახალ წელს საკუთარ თავს საუკეთესო საჩუქარს უკეთებს და ჯანსაღად, სასურველ ფორმაში ხვდება. 

და მართლაც რა შეიძლება აჩუქო საკუთარ თავს ჯანმრთელობაზე ძვირფასი?

ჩვენი სტატიის გმირი ლიკა ქორქიაც სწორედ იმ ადამიანთა რიცხვშია, რომლებიც ახალი წლის წინა პერიოდს მაქსიმალურად გაჯანსაღებისა და ძალების მოკრებისთვის იყენებს. ლიკას არჩევანი “აქსისის ველნეს ცენტრია”. თბილისში ნამდვილად ერთ-ერთი გამორჩეული ადგილი, სადაც განსაკუთრებული განწყობა შესვლისთანავე გექმნება. 

სავარჯიშო დარბაზი

ველნესში არსებული სპორტული დარბაზი აღჭურვილია “ტექნოჯიმის” უახლესი მოდელის ტრენაჟორებით. ამ სივრცეში საკმაოდ მრავალფეროვანი არჩევანია და ნებისმიერი გემოვნების ადამიანი შეძლებს სასურველი ტიპის სავარჯიშო სივრცის შერჩევას –  კარდიო ზონაში, პილატესისა და იოგას წრეებსა თუ კრივის  სამოყვარულო რინგზე. დარბაზში შესაძლებელია როგორც ჯგუფურ ვარჯიშებში ჩართვა, ასევე, პერსონალური მწვრთნელის აყვანა და ინდივიდუალური პროგრამის შედგენა. მნიშვნელოვანი დეტალია სპორტული დარბაზის ინტერიერიც – ნათელი, ბევრი სიმწვანითა და  პანორამული ხედებით.

მთავარი ხიბლი კი, რაც ამ სპორტულ სივრცეს გამორჩეულს ხდის არის პროფესიონალი მწვრთნელების გუნდი, რომლებიც თითოეულ

სტუმართან ინდივიდუალური მუშაობით აღწევენ სასურველ შედეგს.

 აუზი

ველნეს ცენტრის გამორჩეული სივრცეა 25 მეტრიანი აუზი, საიდანაც საოცარი ხედები იშლება. თამამად ვიტყოდი, ეს ადგილი ჩვენს ქალაქში ერთ-ერთი საუკეთესო სივრცეა განტვირთვისა და რელაქსაციისთვის. აუზის ტერიტორიაზე  განთავსებულია 2 ჯაკუზი და რამდენიმე ტიპის საუნა: ორთქლის ოთახი, მცენარეული და ფინური საუნები. ცალკე აღნიშვნის ღირსია აუზთან არსებული ბარი, სადაც მთელი დღის განმავლობაში შესაძლებელია  როგორც საერთო მენიუს, ასევე სპეციალური, ფიტნეს მენიუს შეკვეთა, ჯანსაღი საკვებით,  რომელიც გათვლილია ყველა ტიპის სტუმარზე.

ლიკა ქორქია

ტელეწამყვანი, მოდელი

ბოლო 10-15 წელია რეგულარულად ვვარჯიშობ. თუმცა, მაქვს პერიოდები, როდესაც ჩემს ორგანიზმს დასვენება სჭირდება. დაახლოებით ერთი თვეა რაც ვარჯიშის კურსი განვაახლე. ეს სივრცე ჩემთვის თავიდანვე განსაკუთრებულად საინტერესო იყო. პირველ რიგში იმიტომ, რომ აქ ერთ სივრცეშია თავმოყრილი ყველა ის მიმართულება, რაც ვფიქრობ რომ ჩემს ორგანიზმს სჭირდება. ჩემთვის კომფორტულია ლოკაციაც, რადგან ჩემს სახლთან ახლოსაა. დამეთანხმებით, რომ ეს დეტალები ძალიან მნიშვნელოვანია დატვირთული რეჟიმის დროს.

ჩემი ერთ-ერთი საყვარელი სივრცე განტვირთვისა და სასიამოვნო ვარჯიშისთვის აუზია. რომელიც, ძალიან მნიშვნელოვანია როგორც ფიზიკური, ასევე, მენტალური ჯანმრთელობისთვის. აუზზე ვიზიტისას, აუცილებლად ვსტუმრობ ხოლმე საუნასაც.

აქტიურად დავიწყე ვარჯიში ფიტნეს ცენტრშიც. ჩემთვის უმნიშვნელოვანესია, რომ აქ მხვდებიან საკუთარი საქმის პროფესიონალი ფიტნეს ინსტრუქტორები, რომლებიც ზედმიწევნით გიხსნიან ყველა დეტალს, უდიდეს მოტივაციას გაძლევენ და გიდგენენ ინდივიდუალურად მორგებულ სავარჯიშო პროგრამას.

ვფიქრობ, საბოლოო ჯამში, სწორედ სხვადასხვა ტიპის ვარჯიშის კომბინაცია გაძლევს საუკეთესო შედეგს. ასე, ვარჯიში უფრო მრავალფეროვანია და ნაკლებად ემსგავსება რუტინას. სასურველ შედეგსაც უფრო სწრაფად ვიღებთ. წინასაახალწლო პერიოდში, საკუთარი თავისთვის დროის დათმობა, ძალების მოკრება და გაჯანსაღება ყველას გვჭირდება. ვფიქრობ, სწორედ ეს არის საუკეთესო საახალწლო საჩუქარი, რაც საკუთარ თავს შეგვიძლია ვაჩუქოთ.

აქვე, ვისარგებლებ შემთხვევით და “სითის” მკითხველს, საუკეთესო სურვილებით მივულოცავ დამდეგ ახალ წელს!

ავტორი: ანა არაბიძე

ფოტო: ნათია ასანიძე

მაკიაჟი: თაკო ძელური

The post საუკეთესო საახალწლო საჩუქარი საკუთარ თავს appeared first on City Magazine.

სპორტული შეჯიბრება კლუბის წევრებს შორის: ცურვის 2 სახეობაში, სხვადასხვა ასაკობრივ კატეგორიებში,  მოყვარულებსა და პროფესიონალ მოცურავეებს შორის გაიმართა.

ჩემპიონატში 115-მა კლუბის წევრმა მიიღო მონაწილეობა და შეჯიბრის შედეგად, 48 საპრიზო ადგილი გამოვლინდა. გამარჯვებულებს  50-მდე კომპანიისგან 200-ზე მეტი სოლიდური პრიზი ერგო.  ვაკის საცურაო აუზმა თავის მხრივ, სიურპრიზი მოუმზადა ღონისძიებაზე მყოფებს და საკუთარი აბონემენტები გაათამაშა. 5 გამარჯვებული მომენტალურად გახდა ვაკის აუზის კლუბის წევრი  და ამ სტატუსის ყველა ბენეფიტითა და პრივილეგიით ისარგებლებენ.

ვაკის საცურაო აუზზე ცურვის შიდა ჩემპიონატი ტორტის გაჭრის საზეიმო ცერემონიალით დასრულდა.

ღონისძიებას გულშემატკივრები, ვაკის საცურაო აუზის კლუბის წევრები, ბრენდ ამბასადორები და ცნობილი სახეები ესწრებოდნენ.

სპორტული კომპლექსი ახლა უკვე შავ პარასკევს,  22-დან 26 ნოემბრის ჩათვლით 25%-იან ფასდაკლებას აწესებს ნებისმიერ მომსახურებაზე. ფასდაკლება ვრცელდება ვაკის საცურაო აუზის სივრცეში მდებარე კაფე რეფრეშშიც, რომელიც საკუთარ სტუმრებს დათვლილი კალორაჟით შედგენილი ჯანსაღი და დაბალანსებული კერძებით უმასპინძლდება.

სპორტული ცხოვრების მოყვარული ნებისმიერი ადამიანისთვის, ვაკის საცურაო აუზი ყველაზე სასურველი ადგილია, რადგან ამ სივრცეში გაერთიანებულია: ოლიმპიური სტანდარტის საცურაო აუზი, ულტრათანამედროვე ფიტნეს დარბაზი, მასაჟების მრავალფეროვანი პროცედურები, ჯგუფური ვარჯიშების ნაირსახეობა, ფინური და ორთქლის საუნები, ცხელი და ცივი ჯაკუზები, ღია ვერანდა და ჯანსაღი კაფე რეფრეში.

ვაკის საცურაო აუზი ყველა მასშტაბურ სპორტულ ღონისძიებას უერთდება და საკუთარ სივრცეშიც სპორტის სხვადასხვა სახეობების პოპულარიზაციას ემსახურება.

უკვე მრავალი წელია, ვაკის საცურაო აუზის  სივრცეში,  ტრადიციულად, მიმდინარეობს ჩოგბურთის ჩემპიონატი, რომელსაც სპორტული კომპლექსის კლუბის წევრები ყოველი წლის დასაწყისში მოუთმენლად ელიან.

 „ინვესტირება ჯანმრთელობაში“ – ვაკის საცურაო აუზის სლოგანია, რომელიც ზუსტად გადმოსცემს სპორტული კომპლექსის მთავარ დანიშნულებას – ჩვენ ვქმნით სივრცეს თქვენი ჯანმრთელობისთვის!

The post ვაკის საცურაო აუზის  პირველი ჩემპიონატი ცურვაში appeared first on City Magazine.

ახალი დრო

ბოსტნეულსა და ხილში სასარგებლო ელემენტები არსად გამქრალა, მაგრამ დროთა განმავლობაში, მათი ხარისხი და რაოდენობა იკლებს. ეს გამოწვეულია იმით, რომ ბევრი მწარმოებელი ხილს სწრაფად ზრდის, რათა უფრო სწრაფად გაყიდოს, ვიტამინებს კი დრო არ რჩებათ დაგროვებისთვის. თავად ნიადაგი კი, რომელშიც თანამედროვე ბოსტნეული და ხილი იზრდება, ნაკლებ საკვებ ნივთიერებებს შეიცავს. 

უფრო მეტიც, თანამედროვე ადამიანები ხშირად არიან ჩაძირულნი თავიანთ საზრუნავში და სათანადო ყურადღებას არ აქცევენ რაციონს. თუ არ მიირთმევთ მრავალფეროვან კერძებს, საჭირო ვიტამინებისა და მინერალების მიღება კიდევ უფრო რთულდება.

აქტუალური გარემოებები

ბოლო წლებში D ვიტამინის დეფიციტი სულ უფრო ხშირად გვხვდება და მზიანი ამინდიც კი ვერ უმკლავდება ამ პრობლემას: დღეს ბევრი ადამიანი მუშაობს სახლიდან ან დროის უმეტეს ნაწილს შენობაში ატარებს. D ვიტამინის საჭირო რაოდენობით სინთეზირება შეუძლებელია, თუ დღეში 30 წუთზე მეტს არ ატარებთ გარეთ.

ბევრს სჯერა, რომ ისინი საკმარის საკვებ ნივთიერებებს იღებენ, რადგან ხშირად ამზადებენ კერძებს ბოსტნეულით, მაგრამ თერმული დამუშავების დროს, ხილში შემავალი ბოჭკოს ნახევარზე მეტი კარგავს სასარგებლო თვისებებს. დეფიციტის ასანაზღაურებლად საჭიროა რეგულარულად მიირთვათ ცოცხალი ბოსტნეული და ხილი. ეს კი ბევრს ავიწყდება.

დეფიციტის წარმოქმნას ასევე განაპირობებს საქართველოს ქალაქების სანაპიროდან დაშორება. სასიცოცხლო მნიშვნელობის ომეგა-3 და იოდი დიდი რაოდენობით გვხვდება თევზსა ​​და ზღვის პროდუქტებში, რომლებიც სუფრაზე იმაზე ნაკლებად გვხვდება, ვიდრე საჭიროა.

იმუნიტეტის პრობლემები

იმუნიტეტი ჩვენი თავდაცვის მექანიზმია. თუ ის დასუსტებულია, მაშინ ადამიანი ხშირად ავადდება, თავს დეპრესიულად გრძნობს და სხეულის სისტემებში სხვადასხვა პრობლემები აღენიშნება. იმუნიტეტზე გავლენას ახდენს მრავალი ფაქტორი: კვება, ძილი, საკვების ბუნებრიობა და მავნე დანამატების რაოდენობა, სტრესის დონე თუ გარემოს დაბინძურება. ამ ყველაფერს ადამიანი ვერ აკონტროლებს, ამიტომ მნიშვნელოვანია ორგანიზმის საკვები ნივთიერებებით გაძლიერება. 

იბადება შეკითხვა: რომელი ვიტამინები უნდა მივიღოთ?

მნიშვნელოვანია, რომ ინდივიდუალურად შეარჩიოთ თქვენთვის საჭირო სასარგებლო მიკროელემენტები, მაგრამ არსებობს რამდენიმე ვიტამინი, რომელთა მონიტორინგი განსაკუთრებით მნიშვნელოვანია.

ვიტამინი D: ჯანსაღი ძვლებისა და ძლიერი იმუნური სისტემის საიდუმლო. ეს ვიტამინი ეხმარება ორგანიზმს შეიწოვოს კალციუმის, რომელიც აუცილებელია ძვლებისა და კბილების ჯანმრთელობისთვის. D ვიტამინის დეფიციტის დროს ორგანიზმი უფრო ხშირად ავადდება, ამიტომ ცივ სეზონზე მაინც მნიშვნელოვანია D3 ვიტამინის მაღალაქტიური კურსის გავლა.

იოდი: ეს ელემენტი საჭიროა ფარისებრი ჯირკვლის ფუნქციონირებისთვის, რომელიც, თავის მხრივ, პასუხისმგებელია მეტაბოლიზმზე. ის ორგანიზმს საშუალებას აძლევს გამოიმუშაოს ჰორმონი თიროქსინი, რომელიც უკავშირდება თბორეგულაციას, უჯრედების გაყოფას,  წყლისა და მარილის რეგულირების პროცესს. ამ მიკროელემენტის მიღების ყველაზე მარტივი გზაა იოდიზირებული მარილის გამოყენება სამზარეულოში, ზღვის პროდუქტების ჩართვა რაციონში და იოდის შემცველი ვიტამინების მიღება. 

ომეგა-3 ცხიმოვანი მჟავები აუცილებელია გულის, თვალისა და ტვინის ჯანმრთელობისთვის. ისინი ხელს უწყობენ ქოლესტერინის შემცირებას და აძლიერებენ იმუნიტეტს. კვლევების თანახმად, ისინი ამცირებენ გულ-სისხლძარღვთა დაავადებებისგან სიკვდილის რისკს. გარდა ამისა, ომეგა-3 ხელს უწყობს ტვინის ნორმალურ ფუნქციონირებას, აუმჯობესებს განწყობას და ამცირებს დეპრესიის რისკს. ამ მიკროელემენტის მიღება შესაძლებელია ზღვის თევზისგან, ბუნებრივი ზეთისხილის ზეთისა და თხილისგან.

ანტიოქსიდანტები: თავისუფალი რადიკალები აზიანებენ უჯრედებს და აჩქარებენ დაბერების პროცესს. ამის თავიდან ასაცილებლად საჭიროა ანტიოქსიდანტების მიღება: ვიტამინები A, E და თუთია. ცივ სეზონზე განსაკუთრებული სიფრთხილეა საჭირო იმისათვის, რომ ორგანიზმმა მიიღოს საკმარისი ვიტამინი C, რომელიც აჩქარებს აღდგენის პროცესებს და გავლენას ახდენს სხვა მიკროელემენტების შეწოვაზე.

ცელულოზა: მართალია ცელულოზა არ შეიწოვება ორგანიზმში, მაგრამ მნიშვნელოვანია კუჭ-ნაწლავის ტრაქტის ჯანმრთელობის შესანარჩუნებლად. ის ხელს უწყობს ნაწლავის ნორმალურ ფუნქციონირებას და ტვინის აქტივობის გაზრდას. ასევე ცელულოზა წარმოადგენს B ჯგუფის ვიტამინების წყაროს. თუ არ ხართ მიჩვეული დღეში რამდენიმე სახეობის ხილის ჭამას, თანაც კანიანად, მაშინ სცადეთ ვაშლის პექტინის კაფსულების მიღება. ამისთვის თქვენი ორგანიზმი მადლობას გადაგიხდით. 

კოლაგენი: ეს არის ცილა, რომელიც არის სხეულის შემაერთებელი ქსოვილის საფუძველი. ამ მიკროელემენტის დეფიციტის შემთხვევაში, კანი ხდება მოშვებული და არაელასტიკური, რაც შეეხება ფრჩხილებსა და თმას – ისინი  მტვრევადი ხდება, ხოლო სახსრებზე პრობლემები აღინიშნება . პროდუქტები, რომლებიც შეიცავს ამინომჟავებს და ცილებს, ხელს უწყობს კოლაგენის სინთეზს: ზღვის პროდუქტები, ციტრუსები, პარკოსნები. ამ ნივთიერების ნაკლებობის კომპენსირება შეგიძლიათ ზღვის კოლაგენის დახმარებით. ჩვენი რეკომენდაციაა აირჩიოთ ამ ელემენტის თხევადი ფორმა, რადგან უფრო სწრაფად შეიწოვება და უფრო შესამჩნევ შედეგს იძლევა.

მნიშვნელოვანი ინფორმაცია: ვიტამინების მიღების წესები

ვიტამინები ინდივიდუალურად უნდა აირჩიოთ, სხვა ადამიანებთან შედარების გარეშე. სანამ რაიმე ბიოლოგიური დანამატის მიღებას დაიწყებთ, უნდა გაიაროთ კონსულტაცია სპეციალისტთან, რათა თავიდან აიცილოთ შესაძლო ზედოზირება ან, პირიქით, მიკროელემენტების ძალიან მცირე დოზის მიღება.

ვიტამინის დანამატების რაციონში ჩართვამდე უნდა ჩაიტაროთ გამოკვლევები და გაიკეთოთ ანალიზები. ეს საშუალებას მოგცემთ დაადგინოთ რა პრობლემა აქვს თქვენს სხეულს და რისი მიღება გჭირდებათ. მხოლოდ სპეციალისტს შეუძლია   დაგინიშნოთ თქვენთვის საჭირო ვიტამინებისა და მინერალების კურსი.

შეიძინეთ ვიტამინები მხოლოდ სანდო მაღაზიებიში, რომლებსაც აქვთ ხარისხისა და ბუნებრიობის დამადასტურებელი სერტიფიკატები. ასეთია, მაგალითად, iHerb.. ეს არის ამერიკული ონლაინ მაღაზია, სადაც წარმოდგენილია 30000-ზე მეტი ჯანმრთელობისა და სილამაზის პროდუქტი. აშშ-დან საქართველოში პირდაპირ მიწოდებას დაახლოებით ორი კვირა სჭირდება. თანაც, ნოემბრის თვეში,  iHerb-ზე  მეგა ფასდაკლებები იქნება ხელმისაწვდომი, ამიტომ  თვალი ადევნეთ ვებსაიტზე არსებულ შეთავაზებებს! შესაძლო უსიამოვნო შედეგების თავიდან ასაცილებლად და მათ უსაფრთხოებაში დასარწმუნებლად, არ დაგავიწყდეთ აქტიური ნივთიერებების დოზებისა და კონცენტრაციების გულდასმით შესწავლა.  iHerb-ის ბაზარზე ყველა ბიოლოგიური დანამატი გადის მკაცრ კონტროლს, აქვს ავთენტურობის დამადასტურებელი დოკუმენტი და თითოეულ პროდუქტში განსაზღვრული სასარგებლო მიკროელემენტების ზუსტი დოზა.

გახსოვდეთ, რომ ვიტამინები ეფექტურია, როდესაც მიიღება მკაფიო კურსის შესაბამისად, კონკრეტული სახის დეფიციტის კომპენსაციისთვის. ანალიზების გაკეთება დანამატების მიღებამდე და ასევე, კურსის დასრულების შემდეგ, დაგეხმარებათ თვალყური ადევნოთ პროგრესს და არეგულიროთ სასარგებლო მიკროელემენტების დოზირება. დაიმახსოვრეთ, მათი მიღება მხოლოდ ექიმის დანიშნულებითაა რეკომენდებული!

The post ვიტამინების დეფიციტი: რატომ ჩნდება და როგორ მოვაგვაროთ ეს პრობლემა? appeared first on City Magazine.

ჯანსაღი ცხოვრების მოყვარული ნებისმიერი ადამიანისთვის ოლიმპიური სტანდარტების, „ვაკის საცურაო აუზი“ ყველაზე სასურველი ადგილია, რადგან ამ სივრცეში გაერთიანებულია – საცურაო აუზი, ფიტნეს დარბაზი, მაგიდის ჩოგბურთი, დაივინგი, აკვა აერობიკა, მიქს აერობიკა, პილატესი, ბოდი სლიმი,  კრივი, სველი და მშრალი საუნები, ცხელი და ცივი ჯაკუზები, მასაჟის პროცედურები, ღია ტერასა და კაფე, რომლის მენიუ დაკომპლექტებულია დაბალანსებული, ჯანსაღი კერძებით. ახალი სეზონიდან სპორტულ-გამაჯანსაღებელი კომპლექსი აკვა აერობიკისა და პილატესის განახლებული, გახანგძლივებული გრაფიკებით დაბრუნდა, რის გამოც სპორტის ამ სახეობების მოყვარულები ვარჯიშებზე დასწრებას უკვე საღამოს საათებში, სამსახურის შემდეგაც შეძლებენ.

„ვაკის საცურაო აუზი“ თავის დაარსების ისტორიას 1965 წლიდან ითვლის და დღემდე ოლიმპიური სტანდარტებით ლიდერია ქვეყანაში. მისი მთავარი სივრცე : საცურაო აუზი, 50 მეტრი სიგრძისა და 23 მეტრი სიგანისაა,  მაქსიმალური სიღრმე კი 7.2 მეტრს წარმოადგენს. სწორედ ამ  მაჩვენებლის გამო, საქართველოში ეს ერთადერთი აუზია, სადაც პროფესიონალ ინსტრუქტორთან ერთად, დაივინგს შეისწავლით და საერთაშორისო სერტიფიკატის აღებასაც შეძლებთ. „ვაკის საცურაო აუზი“ ასევე მასპინძლობს საქართველოს ნაკრებს წყალში ხტომაში. ეს ერთადერთი დახურული ტიპის აუზია, სადაც წყალში მხტომელები პროფესიონალურ წვრთნას გადიან მთელი წლის განმავლობაში.

ნახევარსაუკუნოვანი ისტორიის მანძილზე, ამ სივრცემ არაერთ სპორტულ ღონისძიებას უმასპინძლა. დროთა განმავლობაში აუზი განახლდა, ამ სივრცეს სხვა სერვისები და  აქტივობებიც დაემატა, აღიჭურვა ულტრათანამედროვე ტექნიკით და საბოლოოდ, ოლიმპიური სტანდარტის სპორტულ კომპლექსად ჩამოყალიბდა.

 „ვაკის საცურაო აუზზე“ განსაკუთრებული ყურადღება ეთმობა წყლის სისუფთავეს. განსხვავებით საქართველოში არსებული სხვა აუზებისგან, წყალი აქ „ევრო 7“ სტანდარტის შესაბამისად, ულტრაიისფერი სხივებითა და კვარცის ქვიშით სუფთავდება, ქლორის მინიმალური დამატებით. წყლის გასუფთავების ეს მეთოდი უზრუნველყოფს მაქსიმალურ უსაფრთხოებას, კანის ჯანმრთელობას და თმის სტრუქტურის შენარჩუნებას.

ზაფხულის სეზონის მიწურულს, სპორტული კომპლექსი გარკვეული პერიოდით იკეტება, რათა ჩატარდეს ტრადიციული სარემონტო და ჰიგიენური სამუშაოები. დაგეგმილი სამუშაოების ფარგლებში, მიმდინარეობს ყველა სივრცის განახლება და „ევრო 7“ სტანდარტის შესაბამისად, ჰიგიენური დამუშავება. ამ პერიოდში სრულად იცლება საცურაო აუზი, საფუძვლიანად იწმინდება და თავიდან ივსება 3 600 ტონა წყლით, რათა განახლებულ სეზონზე აუზის კლუბის წევრებმა იცურონ ყველაზე უსაფრთხო და სუფთა წყალში.

 „ვაკის საცურაო აუზი“ – ბავშვებისთვის

სპორტული კომპლექსი „ვაკის საცურაო აუზი“ ზრუნავს კომფორტული გარემოს შექმნაზე ნებისმიერი ასაკის ადამიანისთვის, ამიტომ ამ სივრცეში მნიშვნელოვანი ყურადღება ეთმობა მცირეწლოვან ბავშვებს. ბავშვებისთვის შემოდგომა ერთ-ერთი ყველაზე მნიშვნელოვანი პერიოდია. ამ დროს მათ სხეულისა და ზოგადი იმუნიტეტის გაძლიერება სჭირდებათ, რათა დაცულები იყვნენ მოსალოდნელი ვირუსებისგან.

სპორტულ კომპლექსში ძირითად აუზთან ერთად, საჭყუმპალაოც გაიხსნა და დაიწყო ახალი ჯგუფების რეგისტრაცია. საბავშვო აუზზე ბავშვების მიღება 2 წლის ასაკიდან ხდება. ინსტრუქტორთა შორის მხოლოდ სერტიფიცირებული, მაღალი კვალიფიკაციის მქონე ცურვის ტრენერები არიან, რომლებიც ბავშვებს ცურვას შეასწავლიან ყველაზე სუფთა, ჰიგიენისა და უსაფრთხოების ყველა სტანდარტის შესაბამის საცურაო აუზზე. ახალი სეზონიდან, სპორტულ-გამაჯანსაღებელ კომპლექსს დაემატა ბავშვთა კრივი, რომელსაც მრავალი ჯილდოს მფლობელი, სერტიფიცირებული კრივის ინსტრუქტორი გაუძღვება. სპორტის ამ სახეობაზე მიღება 8 წლის ასაკიდან უკვე დაიწყო.

გარდა ჩამოთვლილი ცურვის და კრივის შემსწავლელი გაკვეთილებისა, „ვაკის საცურაო აუზი“ მშობლებს ბავშვთა მასაჟსაც სთავაზობს. სერვისების ჩამონათვალშია როგორც ზოგადგამაჯანსაღებელი, ისე – თერაპიული მასაჟი, რომელიც ტარდება ბავშვებისთვის შემდეგი პრობლემებით:  სქოლიოზი, კიფოზი, ლორდოზი და მენჯ-ბარძაყის დისპლაზია. პროცედურებს ატარებს სერტიფიცირებული, პროფესიონალი თერაპევტ-მასაჟისტებით დაკომპლექტებული გუნდი.

სპორტული კომპლექსი „ვაკის საცურაო აუზი“ ქმნის ყველაზე ჯანსაღ, მშვიდ და უსაფრთხო გარემოს მომავალი თაობისთვის, რათა სპორტის სიყვარული მათ ბავშვობიდანვე ისწავლონ.

„ვაკის საცურაო აუზის“ ფიტნეს დარბაზი

ვაკის საცურაო აუზის ფიტნეს დარბაზი, ულტრათანამედროვე, მულტიფუნქციური სივრცეა, რომელიც სრულად აღჭურვილია Technogym-ის უმაღლესი კლასის, Artis-ის ხაზის ტრენაჟორებით. ეს არის ინოვაციური, ჭკვიანი მოწყობილობები, რომელიც უზრუნველყოფს მაქსიმალურად უსაფრთხო და კომფორტულ ვარჯიშს.

Artis-ის ხაზი კარდიო და ძალისმიერი ვარჯიშების უმაღლესი საფეხურია. მეტი კომფორტის შესაქმნელად, ვაკის აუზის ფიტნეს დარბაზიც სწორედ ამ ფუნქციების მიხედვითაა დაყოფილი – ერთ სივრცეში ძალისმიერი ვარჯიშების შესრულებას შეძლებთ, მეორე სივრცე კი სრულად კარდიო ვარჯიშებს ეთმობა.

Artis-ის ხაზის ტრენაჟორები დატვირთვას მთელ სხეულზე ანაწილებს და არ ახდენს მის ლოკალიზებას ერთ კონკრეტულ წერტილში, რის გამოც ვარჯიშის დროს დაცული ხართ სპორტული ტრავმების მიღებისგან.

გამოყენების სიმარტივე და უსაფრთხოება – ეს არის ყველაზე მნიშვნელოვანი მახასიათებლები, რომლებიც გამოარჩევს  Technogym-ის Artis-ის ხაზის ტრენაჟორებს სხვა დანარჩენისგან. ეს თვისებები საშუალებას იძლევა, რომ ტექნიკა გამოყენებული იქნას ფიზიკური რეაბილიტაციისა და სხვა სამედიცინო მომსახურებებისთვის.

Artis-ის ხაზის მოწყობილობები აღჭურვილია ინოვაციური და ულტრათანამედროვე ფუნქციებითა და დამატებებით, როგორიცაა: Full HD ეკრანები, მობილურის უსადენო დამტენი, Android სისტემური უზრუნველყოფა, YouTube, Netflix, Spotify და სხვა აპლიკაციებთან წვდომა.

Tachnogym-ი მუდმივად ახორციელებს სამეცნიერო კვლევებს, რომლის მიხედვითაც Artis-ის ხაზის უსაფრთხოება, ხარისხი და დიზაინი პრემიუმ სტანდარტის შესაბამისია.

სპორტული კომპლექსი „ვაკის საცურაო აუზი“ ქმნის ყველაზე უსაფრთხო და კომფორტულ გარემოს ფიტნესის მოყვარული ადამიანებისთვის, რათა საკუთარ სილამაზესა და ჯანმრთელობაზე ზრუნვა აქციოს პრიორიტეტად ნებისმიერი ადამიანისთვის.

The post სპორტული კომპლექსი „ვაკის საცურაო აუზი” –  „ინვესტირება ჯანმრთელობაში” appeared first on City Magazine.

სალომე ღვინიაშვილი

მოდელი, World Class Georgia-ს ბრენდ ამბასადორი

2 წლის წინ, World Class Georgia-ს მარკეტინგისა და გაყიდვების დირექტორისგან, ნინი ხუროძისგან მივიღე შემოთავაზება დამეწყო ვარჯიში და World Class Georgia-ს ბრენდ ამბასადორი გავმხდარიყავი. დიდი სიამოვნებით დავთანხმდი, რადგან World Class -ის შესახებ ბევრი მსმენია და ეს ბრენდი ყოველთვის ძალიან მომწონდა.

ვარჯიშს ჩემს ცხოვრებაში, წლების განმავლობაში, საკმაოდ დიდი ადგილი ეკავა. თუმცა, თამამად შემიძლია ვთქვა, რომ World Class-მა აბსოლუტურად თავდაყირა დააყენა ჩემი და ვარჯიშის ურთიერთობა. პირველად სწორედ აქ ვიგრძენი რას ნიშნავს ვარჯიშის სიყვარული და ვარჯიშისგან სიამოვნების მიღება.

დარბაზში თითქმის ყოველდღე დავდივარ. ძირითადად, კვირას ვისვენებ ხოლმე. იქიდან გამომდინარე, რომ სხვადასხვა ვარჯიშით ვარ დაკავებული – ინტენსიური, პილატესი, ანტიგრავითი, სთრეჩინგი და სხვა, ვცდილობ კვირის დღეებზე გადავანაწილო.

ყოველთვის აღვნიშნავ ხოლმე, რომ მთავარი, რაც World Class Georgia-ს გამოარჩევს, ოჯახური გარემოა. რა თქმა უნდა, ძალიან მნიშვნელოვანია მაღალკვალიფიციური მწვრთნელები და ის ინფრასტრუქტურა, რაც აქ გვხვდება. სწორედ ეს ყველაფერი ერთად ქმნის გამორჩეულ ადგილს, სახელად – World Class Georgia.

განსაკუთრებულ მადლობას იმსახურებს ნინი ხუროძე და მწვრთნელები, რომლებიც გვავარჯიშებენ მე და ზურას. ასე შეგვაყვარეს ვარჯიში. ბევრჯერ მითქვამს, რომ ჩემი ცხოვრება იყოფა World Class-ამდე და World Class-ის შემდეგ. ვვარჯიშობდი, მაგრამ გულწრფელად გეტყვით, რომ არასდროს მიყვარდა. ახლა კი, საერთოდ სხვა დამოკიდებულება მაქვს და ეს სწორედ ამ ადამიანების დამსახურებაა.

ჩემს სოციალურ ქსელებში ყოველთვის ვაზიარებ ვარჯიშის ვიდეოებს. ძალიან მიხარია, როცა მწერენ, რომ ამით მოტივაცია ეძლევათ. მიხარია, რომ ბევრი თინეიჯერისთვის ვარჯიშისა და ჯანსაღი ცხოვრების დასაწყებად ვაძლევ მოტივაციას. ეს ნამდვილად უკეთესობისკენ ცვლის ადამიანის არა მხოლოდ ფიზიკურ, არამედ შინაგან სამყაროსაც. 

ზურა ხიზანიშვილი

ფეხბურთელი, World Class Georgia -ს ბრენდ ამბასადორი

World Class Georgia-ს დიდ ოჯახს პირველად სალომე შემოუერთდა, დაახლოებით ორი წლის წინ. მალევე, მეც შემოვუერთდი. ჩემი პროფესიისა და ცხოვრების სტილიდან გამომდინარე, ვარჯიში ყოველთვის ჩემი ცხოვრების განუყოფელი ნაწილი იყო. სწორედ ვარჯიშის სურვილით მოვედი თავიდან აქ. მაგრამ, World Class Georgia-ს გუნდმა და ოჯახურმა გარემომ, რაც აქ დამხვდა, კიდევ უფრო დიდი მოტივაცია მომცა. 

ძირითადად, დილაობით ვვარჯიშობ. კვირაში, მინიმუმ, სამი დღე. ხანდახან, კვირაში ხუთი დღეც. არის ხოლმე დღეები, როცა აქ უბრალოდ მეგობრების სანახავად, სასაუბროდ მოვდივარ. ისეთი განწყობაა, რომ აქ არამხოლოდ ვარჯიში, არამედ, მოსვლა და ურთიერთობებიც გსიამოვნებს.

მეც და სალომესაც გვიყვარს სიახლეები, ახალი აღმოჩენების გაკეთება, შესაბამისად, თითქმის ყველა ვარჯიში ვცადეთ – შედარებით აქტიურიც და იოგა, პილატესიც… World Class-ს ეს უპირატესობაც აქვს, რომ მრავალფეროვანი ვარჯიშების არჩევანია და ეს პროცესს კიდევ უფრო საინტერესოსა და სასიამოვნოს ხდის. 

ვფიქრობ მთავარი, რითაც World Class Georgia გამორჩეულია, არის ძლიერი გუნდი. მათი კვალიფიკაცია, გუნდურობა, ორგანიზებულობა, დამოკიდებულება ერთმანეთისა და მომხმარებლების მიმართ, ქმნის ოჯახური გარემოს და აქ ყოველი მოსვლა განსაკუთრებით სასიამოვნოა.

ავტორი: ანა არაბიძე

მაკიაჟი: ნინო მარტაშვილი

ფოტო: ნათია ასანიძე (LIG Studio)

The post სალომე, ხიზანა და World Class Georgia appeared first on City Magazine.

ღონისძიება ჯანსაღი ცხოვრების წესის დამკვიდრებას ემსახურება და ხელს უწყობს სპორტის ამ სახეობის პოპულარიზაციას საქართველოში.

„ვაკის საცურაო აუზი“ ერთ სივრცეში აერთიანებს უამრავ სპორტულ აქტივობას, მათ შორის: ცურვას, ფიტნესს, დაივინგსს, წყალში ხტომას, ჯგუფური ვარჯიშების სახეობებს: აერობიკა, კრივი, პილატესი და მრავალი სხვა. ამ სახეობათა ჩამონათვალშია მაგიდის ჩოგბურთიც, რომელიც წლების განმავლობაში ვაკის საცურაო აუზის კლუბის წევრებისთვის ერთ-ერთი გამორჩეული აქტივობაა.

ჩემპიონატი მაგიდის ჩოგბურთის ფედერაციის ეგიდით წელს მეოთხედ ჩატარდა. წლევანდელი ჩემპიონატი განსხვავებული პრინციპით წარიმართება. შერჩეული მონაწილეები 2 ლიგაში გადანაწილდნენ – A და B ლიგა, საიდანაც B ლიგა მოყვარული, ხოლო A ლიგა – პროფესიონალი მოთამაშეებით იყო დაკომპლექტებული.

ჩემპიონატში მონაწილეობის სურვილით, სპორტულ კომპლექსს “ვაკის საცურაო აუზი” უამრავი ახალი კლუბის წევრი დაემატა. მონაწილეობის სურვილი 40-ზე მეტმა ადამიანმა გამოთქვა.

2023 წლის მაგიდის ჩოგბურთის ჩემპიონატი 30-ზე მეტი სპონსორი და პარტნიორი კომპანიის მხარდაჭერით ჩატარდა, რომლებმაც ვაკის საცურაო აუზის კლუბის წევრებისთვის 150-ზე მეტი პრიზი დააწესეს. ჩემპიონატის გამარჯვებულებს და ყველა მონაწილეს სოლიდური საჩუქრები გადაეცათ.

სპორტული კომპლექსი “ვაკის საცურაო აუზი” აგრძელებს ტრადიციას და გეგმავს, მომდევნო ჩემპიონატებს უფრო მასშტაბური სახე მისცეს.

ფოტო: გიორგი აბდალაძე

The post 2023 წლის მაგიდის ჩოგბურთის ჩემპიონატი ვაკის საცურაო აუზზე appeared first on City Magazine.