Unique Boutique-ში Valmont-ის სრული ხაზია წარმოდგენილი. ამ ამბავს, მოსული სტუმრებისთვის, სპეციალური მასტერკლასი მიეძღვნა, რომელსაც ბრენდის წარმომადგენელი, ვიტა ვილუცკაიტე უძღვებოდა.

საქართველოში Valmont -ის შემოსვლის შესახებ სტუმრებს  კლინიკა “ტოტალ შარმი ვაკის”, “ტოტალ შარმი დენტის” და  Estemed – ის დამფუძნებელი, ალბინა ქაჯაია უყვებოდა. „ეს მხოლოდ დასაწყისია. Valmont – ის ისტორია საქართველოში ძალიან საინტერესოდ განვითარდება” – აღნიშნა ალბინა ქაჯაიამ.

პრეზენტაციის სტუმრები Valmont – ის სამყაროში მოექცნენ. იქ, სადაც თითოეული პროდუქტი არის არა მხოლოდ მოვლა, არამედ რიტუალი, ცოტათი ხელოვნებასთან დაახლოებული.

ეს მართლაც ლეგენდარული ბრენდი ისტორიას ჯერ კიდევ 1905 წელს იწყებს. მაშინ, როდესაც შვეიცარიაში, მონტრეში, ლემანის ჯადოსნური ტბის ნაპირზე იხსნება ჯანმრთელობისა და სილამაზის კლინიკა Valmont. ის ევროპის გამორჩეულ კლინიკად იქცა და მის ცნობილ სტუმრებს შორის ჟორჟ სიმენონის,  კოკო შანელის, ინგრიდ ბერგმანის სახელებიც არის. სწორედ ამ კლინიკაში შეიქმნა უნიკალური პროცედურა, რომელიც საფუძვლად დაედო Valmont – ის მთავარ ინგრედიენტს – დნმ-ის სამმაგ მოლეკულას, კანის ყველანაირი ტიპის დაზიანებას რომ აღადგენს.

1985 წელს ჩნდება Valmont-ის პირველი პროდუქტები. მათ შორის, ნიღაბი Prime Renewing Pack. 30 წელი გავიდა მას შემდეგ და ეს ნიღაბი დღემდე ბესტსელერია, ისევე როგორც, ბრენდის მიერ წლების მანძილზე შექმნილი არაერთი, მართლაც რომ უნიკალური ხაზი.

მათი უმრავლესობის დატესტვის, ახლოს გაცნობის საშუალება მიეცათ სასტუმრო„ბილტმორში“ შეკრებილ სტუმრებს. მასტერკლასზე წარმოდგენილი სახის მოვლის პროტოკოლიც ყურადღებით მოისმინეს სტუმრებმა და ბევრი სიახლე გაიგეს Valmont – ის პრიდუქტებზე განსაკუთრებული ინტერესი და ბევრი შეკითხვა საქართველოში უკვე ძალზედ პოპულარულმა Valmont-ის „კონკიას ნიღაბმა“ გამოიწვია. აღმოჩნდა, რომ ხსენებულ ნიღაბს სხვადასხვა პროტოკოლი ჰქონია. ასე მაგალითად, მნიშვნელოვანი ღონისძიების წინ, სწრაფი ეფექტისთვის მას დაიტანენ ოდნავ სქელი ფენით. ჯადოსნობა გარანტირებულია.

მეორე გზა, დროში გაწერილი მოვლაა: დილით, ახლად გაღვიძებულზე, ვიდრე მაგალითად, ტელეფონის ეკრანს დავხედავთ, სახეზე “კონკიას ნიღბის“ თხელ ფენას ვისვამთ. ვიბანთ, დაახლოებით, 10-15 წუთში. ზუსტად ერთ თვეში თვისობრივად ახალ კანს ვიღებთ. ეს ახალი „საიდუმლო“ სტუმრებს მასტერკლასის ავტორმა, ვიტა ვილუცკაიტემ გაანდო.

„კონკიას ნიღბის“ მისეული რუტინა გაუზიარა აუდიტორიას ალბინა ქაჯაიამაც.  ის ნიღაბს ყოველდღე, მსუბუქი მაკიაჟის ქვეშ, ერთგვარ ბაზად იყენებს. „ცოტათი ფოტოშოპის ეფექტი აქვს. თან, პარალელურად, კანის სტრუქტურას აღადგენს და უვლის“- განმარტავდა ალბინა ქაჯაია.

Valmont ცალკე სამყაროა. ვინც ერთხელ შეეხებადა ეზიარება, მისი თაყვანისმცემელი ხდება. ცალკეა აღსანიშნავი Valmont – პროცედურები. სხვათა შორის, სასტუმრო „ბილტმორის“ სპაში მათი სრული ხაზია წარმოდგენილი. პრეზენტაციის დღეებში,  გაცნობითი მასტერკლასები დედაქალაქის სხვადასხვა სივრცეებშიც გაანებივრეს Valmont – ის სტუმრები.

სასტუმრო „ბილტმორის“ შემდეგ, Unique Boutique კიდევ ერთ ახალ სივრცეში გაიხსნება. პრეზენტაციას აპრილის თვეში გვპირდებიან. ასე რომ, Valmont – ის ისტორია  საქართველოში საკმაოდ დინამიკურად ვითარდება.

The post ლეგენდარული Valmont საქართველოში appeared first on City Magazine.

CosmaticAid ამერიკელი ექიმების მიერ შექმნილი ბრენდია, რომელიც სილამაზეს და მოვლას იწყებს ჯანმრთელობაზე ზრუნვით.

მსოფლიოში დღეს ძალიან პოპულარულია ლიმფოდრენაჟის  მასაჟი სხეულსა და სახეზე, ვინაიდან ეს ადამიანის ჯანმრთელობის საწინდარია. თანამედროვე გარემო იმთავითვე აისახება ჩვენს სახეზე, ტანზე…. სახეს და სხეულს ტოქსინების გამოდევნა, სისხლის მიმოქცევის დარეგულირება სჭირდება.

ცნობილმა პლასტიკურმა ქირურგმა ატლანტაში ბრენდი  ჯერ პლასტიკური ქირურგიის  პაციენტებისთვის შექმნა. პლასტიკური ოპერაციების შემდეგ ადამიანის ორგანიზმის, სხეულის, კანის სწრაფი, ეფექტური და ჯანსაღი აღდგენისთვის.

კვლევებმა და წლების მანძილზე პაციენტებზე დაკვირვებამ სერიოზული შედეგი დადო: კოსმეტიკეიდის პროდუქტების მოხმარების შემდეგ კანი მალე იბრუნებდა ფორმას, იხსნებოდა შეშუპება, კანი ელასტიური, გლუვი, ჯანსაღი ხდებოდა.

დღეს კოსმეტიკეიდის პროდუქცია უკვე ყველა ქალისთვის და მამაკაცისთვის  არის განკუთვნილო, მათთვის, ვისაც უყვარს გააზრებული მიდგომა სილაზისადმი.

Health is Wealth არის ბრენდის მთავარი ფილოსოფია.

სხეულის სამასაჟე ზეთები სხვადასხვა სახეობისაა, მთავარი კომპონენტი არნიკა ერწყმის ისეთ პროდუქტებს, როგორებიცაა ქოქოსი, კანაფი, ჯინჯერი… ექიმების მიერ შექმნილი ფორმულა უზრუნველყოფს ლიმფოდრენაჟს, შეშუპების მოხსნას, ეფექტს მყისიერად გრძნობს ადამიანი.

მოვლა 50/50-ზე პრინციპით მუშაობს, სახლის მოვლა და მოვლა პროფესიონალებთან. კოსმეტიკეიდი ამ მიდგომას ემხრობა. პატარა ფიბრო როლერი შექმნილია სახლის პირობებში ტანის მსუბუქი მასაჟისთვის. ის თქვენი საყვარელი კრემის წასმისასაც შეგიძლიათ გამოიყენოთ, მეტი ეფექტი ექმება.

საქართველოს ბაზარზე სხეულის სამასაჟე ფიბროროლერი  სიახლეა  და თამამად შეგიძლიათ თქვენს გუაშებს და როლერებს  დაუმეგობროთ. წაიღოთ მოგზაურობაში, ფრენის შემდეგ მოიყვანოთ ფორმაში სხეული …

CosmaticAid  წარმოადგენს სახის ზეთს, ის გამოიყენება გუაშათი ან დღეს ასე პოპულარული სხვა ინსტრუმენტებთან ერთად, ან სულაც ხელით მასაჟისას. მცირე რაოდენობის ზეთის დატანებითა და სამასაჟე მოძრაობებით კანს ეხმარებით ტოქსინების გამოყვანაში.  სურნელი აქვს ვანილის და ლავანდის.

CosmeticAid  ღამის კრემი სახის, კისრისა და დეკოლტეს ზონაზე მუშაობს. ხსნის შეშუპებას, დაღლილობას, კვებავს. იდეალურია დაძაბული დღის დასრულებისას.

დაბოლოს, კოსმეტიკეიდის Pain Cream უნივერსალური კრემი ტკივილის, შეშუპების, სილურჯის ასალაგებლად და მოსასხსნელად. მყისიერად ხსნის ტკივილს სახსრებსა და კუნთებზე, ნაზი წყლისფერი ტექსტურა მენთოლიანია. შეგიძლიათ სახეზეც გამოიყენოთ, რეალურად აგილაგებთ სილურჯეებს. 

დააბინავეთ CosmeticAid  Pain Cream  თქვენს სახლში, გრილ ადგილზე  და თქვენ  მუდამ პატარა სასწრაფო დახმარება გექნებათ თან.

The post CosmeticAid – Health is Wealth appeared first on City Magazine.

The Outset   მცენარეულ კომპონენტებზე დამზადებული ბრენდია. მისი შექმნის იდეა სკარლეტს საკუთარი პრობლემური, აკნესკენ მიდრეკილების მქონე კანიდან, გაუჩნდა. ხანგრძლივი დროის განმავლობაში სხვადასხვა პროდუქციის ძიებაში მყოფმა იოჰანსონმა გამოსავალი საკუთარი ბრენდის შექმნაში იპოვა, რომელიც მის კანს, როგორც თავად ამბობს, მარტივად საუკეთესო შედეგს მოუტანდა. 

„მინდოდა ისეთი დამატენიანებელი, რომელიც მაკიაჟის ბაზად შემეძლო გამომეყენებინა. მსურდა ისეთი შეგრძნება ყოფილიყო, რომ „შიგნიდან“ განათებული, ბზინვარე ეფექტი ჰქონოდა კანს. შედეგად მართლაც, ულტრა დატენიანებული კანის ეფექტი მაქვს.”- ყვება იოჰანსონი.

The Outset  ვეგანური კანის მოვლის საშუალებებისგან შედგება: გამწმენდი, შრატი, დამატენიანებელი კრემი, ბალზამები და ყველა სხვა საშუალება შემუშავებულია სპეციალურად მგრძნობიარე კანისთვის.  

The Outset-ს თავის შემადგენლობიდან ამოღებული აქვს პარფიუმი, სულფატები, ფტალატები, პლასტმასის ელემენტები, ტალკი, ტრიკლოზანი, სინთეზური საღებავები, ტოლუოლი, ბენზინი, პარაბენები, მინერალური ზეთი, წებოვანა, ალუმინის ფხვნილი …

The Outset ასევე გამოცდილია დერმატოლოგების მიერ ალერგენებზე და თანამშრომლობს ისეთ არაკომერციულ ორგანიზაციებთან, როგორიცაა  One Tree Planted და Dress for Success.

მას შემდეგ რაც 2024 წლის აპრილიდან ბრენდი ამაზონზეც იყიდება, ცნობილმა მსახიობმა მყიდველებს თხოვნით მიმართა, რომ მიაწოდონ ყველა შენიშვნა, რაც მათ პროდუქციის მოხმარებისას გაუჩნდებოდათ.

სკარლეტი აქტიურადაა ჩართული ბრენდის სარეკლამო კამპანიაში, ხშირად უზიარებს მომხმარებელს კანის მოვლის მისეულ რუტინას, სადაც, ცხადია, მთავარი ადგილი The Outset-ს უჭირავს.

ბრენდი იყიდება “სეფორას ” ქსელში და მისი გამოწერა ამაზონიდან შეგიძლიათ.

წყარო:

CNN

THE Hollywood REPORTER 

The post სკარლეტ იოჰანსონის The Outset   appeared first on City Magazine.

ადრე სხვების დარწმუნება უხდებოდა, პაციენტებს მასაჟებს საჩუქრად უკეთებდა, ჩუმად აპარებდა სახის იოგას, ვარჯიშის სიკეთეებს. დღეს კი, ის ყველგან არის და მაინც ყველას არ ყოფნის. ხან მის მიერ დაფუძნებულ სივრცეშია, სახელად Ane Rosh, ხან ბალნეოლოგიურში, ხან „ბლის იოგაში” და ხანაც  „ვორლდკლასში”. პარალელურად, სულ არის ონლაინ, (კაცმა არ იცის როგორ ასწრებს). შემეცნებითი მასტერკლასებით სხვადასხვა ქალაქში მოგზაურობს, ატარებს მარათონებს. შედეგიც არ აყოვნებს: მსოფლიოს კვალდაკვალ სულ უფრო მეტი და მეტი სხვადასხვა ასაკის ქალი, მათ შორის პატარა გოგოებიც, სახის ვარჯიშებისა და მასაჟების მიმდევრები ხდებიან. 

როგორ მოვედით აქამდე? 

შორენა ალიბეგაშვილი გვიყვება სახის მასაჟსა და სკულპტურირებაზე

ის ჩემს ცხოვრებაში 21 წლიდან შემოვიდა და მისი დამსახურებით გავხდი კოსმეტოლოგი. ჯერ ერთმა ჩინელმა მასაჟისტმა მასწავლა. შემდეგ ცოდნა ევროპული ტექნიკით გაღრმავდა. სკულპტურირება 8 წლის წინ დავიწყე. თავიდან ვერ ვბედავდი, უფრო ნაზად ვაკეთებდი. ზოგჯერ შეგრძნება მქონდა, რომ თითები თავად მოითხოვდნენ მეტს. სკულპტურირება სრულიად სხვაგვარი ტექნიკაა, მას უნდა გრძნობდე. 

ინიექციები

რა დასამალია, ვაკეთებდი და კარგადაც გამომდიოდა. მაგრამ დრომ მოიტანა და გავჩერდი. კარგად მახსოვს ბოლო ინიექცია. ჩემს ახლობელს ვუკეთებდი და თან თვალზე ცრემლი მომდიოდა, ვხვდებოდი, რომ ეს აღარ უნდა გამეკეთებინა, ჩემი აღარ იყო. მას შემდეგ 6 წელი გავიდა. რთული გზა იყო, რადგან გზა, რომელიც მე ავირჩიე, პოპულარული საერთოდ არ იყო. სახის მასაჟის კულტურა ჩვენთან კი არსებობდა, მაგრამ კლასიკური. კოსმეტოლოგები, რომლებიც კლასიკურ მასაჟებს აკეთებდნენ, ინიექციებზე გადავიდნენ. მიმართულება, სადაც მაშინ მე ვიყავი, არაპოპულარული და არაანაზღაურებადი იყო. მახსოვს ვჩუქნიდი მასაჟებს ყველას, ვთხოვდი, რომ გაეკეთებინათ. მინდოდა შეეგრძნოთ რა სიკეთის მოტანა შეუძლია მას. მახსოვს ერთმა ჩემმა დიდი ხნის პაციენტმა მითხრა – ამ აპარატებს რომ ადებ დიდ ფასს, ვერ ხვდები, რომ ყველაზე ძვირფასი შენი ხელებიაო. ვუპასუხე, – ამაში არავინ არ გადაიხდის – შენ დაიწყეო – და, დავიწყე. 

ველნეს თერაპია

ასე ჰქვია ამ მიმართულებას. მე კი მას სახის არქიტექტურა დავარქვი. სახის შენება Ane Rosh-ის ტექნიკით მოიცავს კომბინირებულ, სისტემურად დალაგებულ სხვადასხვა სახის მეთოდის და ფილოსოფიის პლატფორმებს : სახის იოგა, რევიტონიკა, ლიმფოდრენაჟი, აკუპუნქტუურა, რეფლექსოლოგია, კინეზიოლოგია, ოსთეოპატია, ტიბეტური ბერების საიდუმლოებები, ციგუნის (დაოს) ფილოსოფია, რეიკი და ასე შემდეგ. ეს ყველაფერი გაერთიანდა და რაც არ უნდა დაუჯერებლად ჟღერდეს, მას დროის გაჩერება ჰქვია. ადამიანი მხოლოდ ნაოჭებზე ორიენტირებული ვერ იქნება, მთელი კომპლექსი და გააზრებაა ჩაქსოვილი მასში. ადამიანი თითქოს უბრუნდება თავის ბუნებას.

სახის ზეთი, წყალი თუ სქელი საცხი? 

რით ვივარჯიშოთ ან გავიკეთოთ სახის მასაჟი?

ეს ძალიან ინდივიდუალურია. ყველას თავისებური კანი აქვს, თავისი მიდგომა და დამოკიდებულება. ჩემს 30 წლიან პრაქტიკაში სულ ათამდე იყო ადამიანი, ვინც უარი თქვა ზეთით მასაჟზე. რაც ეხება ზეთით ვარჯიშს, ის ყველას მოსწონს. სახის ზეთი დღემდე უნივერსალურ პროდუქტად ითვლება. მაგრამ უნდა გვახსოვდეს, რომ მასაჟის დროს აქტიურდება სისხლის მიმოქცევა, კანი ხურდება როგორც გარედან, ასევე შიგნიდან და ამ დროს იწევს კუნთის ტემპერატურა, რაც ააქტიურებს კოლაგენის და ელასტინის გამომუშავებას. ასევე აქტიურდება სორბირებული ნივთიერების გამოყოფა. ამიტომ, აუცილებლად საგულდაგულოდ უნდა იყოს ჩამობანილი სახე, არ აქვს მნიშვნელობა ზეთით არის შესრულებული მასაჟი თუ საცხით. ამ საკითხში უმჯობესია გაითვალისწინოთ თქვენი მკურნალი კოსმეტოლოგის რჩევები.

როგორ შევდივართ ასაკში

ასაკი საოცარი რამეა. ეს სიმდიდრეა, გაჯერებული დიდი გამოცდილებით. უნდა შევცვალოთ დამოკიდებულება მის მიმართ. არსებობს მოსაზრება, რომ ადამიანი იცხოვრებს იმდენ ხანს, რამდენიც უნდა რომ იცხოვროს. ცხოვრების ხარისხია მნიშვნელოვანი და რას მოიცავს ეს ცხოვრების ხარისხი: ვიღაცას მარტო ყოფნა უყვარს, ვიღაცას მუდმივი ურთიერთობა, ვიღაცა მავნე ჩვევებს ანებებს თავს, ვიღაც ახალ საქმეს პოულობს. ერთი სიტყვით, პასუხი ასეთია – ბალანსი. იპოვეთ თქვენი ბალანსი.

ეწინააღმდეგებით თუ არა აპარატურულ კოსმეტიკას, ინიექციებს?

არა, არა და არა. ცხოვრების ხიბლი არჩევანის თავისუფლებაშია და სწორედ ესაა კარგი, რომ ქალებს შეგვიძლია სილამაზისკენ ის გზა ავირჩიოთ, რომელიც ჩვენთვისაა ორგანული. ეს გზა შეიძლება შეიცვალოს, ჩვენც ვიცვლებით. მე ჩემს ძვირფას ადამიანებს უბრალოდ ვუხსნი და ვუზიარებ, რისი მოტანა შეუძლია სახის არქიტექტურას. მინდა, რომ ეს შანსი მისცენ საკუთარ თავს. თუ ადამიანს არ სჯერა, არაფერი გამოვა. 

როდის ვივარჯიშოთ?

როდესაც დრო გექნებათ. მთავარია ეს გააკეთოთ ხშირად. თავიდან ცოტა გიჭირს. მერე ისე შემოდის ეს შენს ყოველდღიურობაში, მის გარეშე ვერც წარმოგიდგენია დღე. შედეგიც არ აყოვნებს. ადამიანს, ვინც სახის იოგას, მასაჟებს იკეთებს, ყველაფერი ეს გამომეტყველებაზე ეტყობა. გახსოვდეს, რომ შენ ხარ საკუთარი თავის კოსმეტოლოგიც და მოტივატორიც. 

რამდენი წლის ხართ?

მე ვარ 50 წლის, არასდროს გამიკეთებია რაიმე ინიექცია. მხოლოდ მიკრონიდლინგი, როლერი და აპარატურული. თუმცა, გაგიმხელთ, იმედია ჩემი პაციენტები არ გამიბრაზდებიან, ვიდრე დავრწმუნდებოდი Ane Rosh-ს ტექნიკის შედეგიანობაში, ვამბობდი, აპარატურულ პროცედურებს ვიკეთებ-მეთქი. ის, როგორც გამოვიყურები, მხოლოდ და მხოლოდ სახის არქიტექტურის შედეგია. 

როდის დაიწყეთ სახის იოგა?

45-46 წლის მიჯნაზე და იქიდან მოყოლებული, ის ჩემი ცხოვრების განუყოფელი ნაწილია. მთელი გულით მინდა, ეს გამოცდილება და ბედნიერება ბევრ ქალს გავუზიარო. ჩვენ ვიმსახურებთ სილამაზეს და სიჯანსაღეს. და … სილამაზეს აქვს სახელი, მას ჰქვია Ane Rosh!

ავტორი: ნატალია ყიფიანი

ფოტო: თიკო ჭიღლაძე

The post შორენა ალიბეგაშვილი – სახის არქიტექტურა  appeared first on City Magazine.

იანვრის შუა რიცხვებში დედაქალაქში  პრემიუმ ნიშ ბრენდის, Compagnie de Provence– ის, პრეზენტაცია გაიმართა. საღამოს მედიის წარმომადგენლები,  ბლოგერები და ინფლუენსერები ესწრებოდნენ.

პრეზენტაციას დერმატო-კოსმეტოლოგი ნათია თოდუა უძღვებოდა, რომელმაც  კანის მოვლისა  და ამ პროცესში  Compagnie de Provence-ის პროდუქტების როლზე ისაუბრა.

Compagnie de Provence-ის ისტორია 1990 წლიდან იწყება, როდესაც ორმა მარსელელმა მეგობარმა ლეგენდარული მარსელის საპნის ტრადიციის აღდგენა და მისი გათანამედროვება გადაწყვიტა. მარსელის ლეგენდარული საპნის კუბი მნიშვნელოვან ადგილს იკავებდა მათ კულტურულ და ინდუსტრიულ მემკვიდრეობაში, სწორედ ამიტომ ბრენდის დამფუძნებლებმა მისი აღორძინება გადაწყვიტეს.

Compagnie de Provence-ს საპონი მზადდება სწორედ ისე, როგორც საუკუნეების წინ: ქოქოსის მცენარეული ზეთითა და ნატურალური გლიცერინით, ხელოვნური საღებავების, ცხოველური ცხიმის, სინთეზურად აქტიური ნივთიერებების გარეშე, 95%-ზე მეტი ბუნებრივი ინგრედიენტის შემცველობით.

დღეს ეს სახელგანთქმული ბრენდი თანამედროვე იერითა და თავის მოვლის საშუალებების ფართო ასორტიმენტით არის წარმოდგენილი. მას  საქართველოში მხოლოდ ,,ავერსის“ სააფთიაქო ქსელში იპოვით.

The post Compagnie de Provence appeared first on City Magazine.

იაპონური კულტურით შთაგონებული საღამო მედიის, პრესისა და ინფლუენსერებისთვის რესტორან ფუნიკულიორის წვეულებათა დარბაზში გაიმართა.  სასიამოვნო მუსიკით  და კოქტეილებით დაწყებული  მიღება, ფოტოსესიით გაგრძელდა. დარბაზში ულამაზესი ნატვრის ხე   ტკბილეულის ყუთებით იყო მორთული. თითეულმა სტუმარმა ჩამოხსნა ერთი ტკბილეულის ქისა და მის ნაცვლად საკუთარი საახალწლო სურვილი ჩამოკიდა.

ახალი ღამის შრატის პრეზენტაცია ისი პარის პიარისა და კონტენტის მენეჯერმა ლინა ქალდანიმა გახსნა. ბრენდის ისტორიის მოსმენის შემდეგ, სტუმრებს ახალი პროდუქტი ამიერკავკასიაში Shiseido-ს ტრეინინგ მენეჯერმა   მაია მოშიაშვილმა გააცნო.   სახალისო გათამშებაში   გამარჯვებულ ხუთ სტუმარს  განსაკუთრებული საჩუქრები გადაეცათ. პრეზენტაცია კი მნიშვნელოვანი და სენტიმენტალური ვიდეოთი დასრულდა.

ჯადოსნობით და იაპონური სულით გაჯერებულ საღამოზე სტუმრებმა იაპონური კერძები, ნუგბარი და სასმელი დააგემოვნეს. საღამოს მშვენება იყო  გასაოცარი იაპონური ცეკვა, რომელმაც სრულიად წარმოაჩინა ამ ქვეყნის კულტურის სილამაზე.   ტრადიციულად ისიპარიმ ყველა სტუმარი არაჩვეულებრივი საჩუქრებით გაახარა და საღამოც გრანდიოზული ფოიერვერკით დასრულდა.

Shiseido LiftDefine Radiance Night Concentrate

ახალი შრატი, რომელმაც კიდევ უფრო გაამდიდრა და გააძლიერა Vital Perfection-ის ხაზი და რომელთან ერთადაც ისურვებდა დაძინებას  ყოველი ქალბატონი. Shiseido LiftDefine Radiance მიზანმიმართულად ებრძვის კანის მოდუნებას ღამის პერიოდში და აქვს გრავიტაციის საწინააღმდეგო მოქმედება. Shiseido-ს მკვლევარებმა დაადგინეს, რომ კანს გააჩნია ბუნებრივი ანტიგრავიტაციული სისტემა, ერთგვარი „დინამიური ქამარი“(Dynamic Belt), რომელიც ასაკის მატებასთან ერთად კარგავს სიმკვრივეს და იწვევს კანის მოდუნებას. ეს აღმოჩენა 2020 წელს მსოფლიოს კოსმეტიკის საერთაშორისო კონგრესზე დაჯილდოვდა. Shiseido-ს ლაბორატორიაში შემუშავებული ახალი ტექნოლოგია LiftDynamic 4D მიზანმიმართულად მუშაობს ანტიგრავიტაციული სისტემის გაძლიერებაზე.ახალი შრატი გათვლილია ყველა იმ ქალბატონისათვის, ვინც ეძებს  კანის მოვლის პროდუქტს ლიფტინგისა და გამამკვრივებელი ეფექტით, ვისაც სურს მიიღოს თვალსაჩინო ეფექტი, ელასტიური და გამკვრივებული კანი და უფრო მეტად გაამრავალფეროვნოს თავისი ღამის მოვლის რუტინა. კლინიკურად დადასტურებულია, რომ ახალი შრატი სულ რაღაც 2 კვირაში გამოკვეთს ღაწვებს და ასწორებს ნიკაპის ხაზებს.  მისი მოქმედების გაძლიერება კი სესაძლებელია სპეციალური ღამის გამამკვრივებელი მასაჟით.

The post Shiseido – Vital Perfection LiftDefine Radiance Night Concentrate appeared first on City Magazine.

ადგილობრივი წარმოების, მართლაც საამაყო სტარტაპზე გიყვებით. თანამედროვე სტანდარტებით,  მხოლოდ ბუნებრივი ინგრედიენტებით შექმნილ სამყაროს სახელად “საპონერია” დაერქვა. იტალიურიდან ის „საპნის სახელოსნოდ“ ითარგმნება. არაყიშვილის ქუჩაზე არსებულ სივრცეში საპნებისა და არომატების მართლაც ჯადოსნური სახელოსნო დაგხვდებათ.

ლამაზად და გემრიელად ჩამწკრივებული საპნები სახის, სხეულის, სხვადასხვა ტიპის კანისთვის ასევე, ბავშვებისთვის და  მოზრდილებისთვის. თითოეული მათგანი უნიკალურია და საქმის ცოდნით არის შექმნილი. ერთი მიმართულება აკნეს პრობლემებს ებრძვის, მეორე – არ აშრობს, მესამე – ატენიანებს, მეოთხე – ამშვიდებს… ყურადღებით უნდა გაეცნოთ.  საჭირო ინფორმაციას ადგილზე უხვად მოგაწვდიან. საპნების გარდა, აბაზანის ბურთულები, ქაფის ბარები, მარილებიც შეათვალიერეთ. ყველაფერი იმდენად ბუნებრივი და ეკოლოგიურად სუფთაა, რომ ბავშვებისთვისაც სრულიად უსაფრთხოა. 

აუცილებლად ცალკე გამოსაყოფი თემაა “საპონერიას” ტანის მოვლის ხაზი; ნაზი და ნოტიო სქრაბები, მსუყე და ოდნავ მსუბუქი ტანის კარაქები. შეგხვდებათ ძილის წინ დამამშვიდებელი საცხიც სხეულისთვის და რუჯის წინ წასასმელი შოკოლადის საცხი, მზისგან დამცავი შემადგენლობით, ცხადია. სულ მალე „საპონერიას“ ინოვაციური ტექნოლოგიით დამზადებული თმის მოვლის ხაზი დაემატება. 

საჩუქრებისა და სიურპრიზების მოყვარულებისთვის “საპონერია”, ჩვენი აზრით, იდეალური ადგილია. ძალიან მისაღებ ფასად ულამაზეს ყუთს ააწყობთ.  იმდენად ლამაზი, სასიამოვნო და სასარგებლო საჩუქარია, რომ გულგრილი არავინ დარჩება, ამაში თავად დარწმუნდებით. და რაც მთავარია, ეს ყველაფერი ძალიან წააგავს შოკოლადებს, ნაზი ბეზეების ჰაეროვან ნამცხვრებს… ამას ემატება პროდუქციის საოცარი არომატი, რომლის შეგრძნებისთანავე სასიამოვნო ემოცია გეუფლებათ. ამ ახალ ემოციას “საპონერია” ჰქვია.

The post “საპონერია” appeared first on City Magazine.

რამდენი ხანია რაც ესთეტიკური ცენტრი “ანტურაჟი” გაიხსნა?

ესთეტიკური ცენტრი “ანტურაჟი” დაახლოებით, ერთი თვეა რაც გავხსენი, თუმცა, ესთეტიკური მედიცინის სფეროში უკვე 9 წელია ვმოღვაწეობ. ხშირად მითქვამს, რომ გზა, რომელიც დღემდე გავიარე, მარტივი არ ყოფილა. საქმისა და პაციენტებისადმი სიყვარული, მთავარი მოტივაციაა ამ გზაზე.

რა ტიპის მომსახურების მიღება შეიძლება კლინიკაში?

ჩვენს ესთეტიკურ ცენტში შესაძლებელია სრული კოსმეტოლოგიური მომსახურება, დერმატოლოგის კონსულტაცია და ლაზერული ეპილაცია. აქვე მინდა აღვნიშნო ჩვენი ესთეტიკური ცენტრის ლოგო, რომელიც თანასწორობის სიმბოლოა და მოიაზრებს ესთეტიკური მედიცინის მნიშვნელობას როგორც ქალბატონებისთვის, ასევე მამაკაცებისთვისაც.

მომიყევით გუნდზე, რომელიც ქმნის “ანტურაჟს”

“ანტურაჟი” – ეს ლამაზი ჟღერადობის სიტყვა, გარემო პირობების ერთობლიობას აღნიშნავს. იმ პოზიტიური გარემო პირობების ერთობლიობას, რომელსაც ჩემი გუნდი და მე ვქმნით: ცოდნის, გამოცდილების, პროფესიონალიზმის, პაციენტისადმი დიდი სიყვარულის, ზრუნვის და პასუხისმგებლობის გათვალისწინებით… ყველა სპეციალისტი გახლავთ ექიმი და საკუთარი საქმის პროფესიონალი.

როგორ ფიქრობთ, რა არის დღეს ესთეტიკურ მედიცინაში მთავარი გამოწვევა?

დღევანდელ რეალობაში სტერეოტიპული გახდა სილამაზის აღქმა და სამწუხაროდ, ხშირად ზომიერების შეგრძნება ეკარგებათ პაციენტებს. ესთეტიკური მედიცინის მთავარი გამოწვევა დღეს ინდივიდუალიზმის შენარჩუნებაა. მეცნიერების დამსახურებით, უამრავი საშუალება არსებობს დაბერების პროცესის შესაჩერებლად. ამავდროულად, არ უნდა დავკარგოთ მთავარი ხიბლი, შარმი და ის ინდივიდუალიზმი, რაც თითოეულ ადამიანს გააჩნია.

ახლა გაზაფხულია. როგორია ზოგადი რეკომენდაციები ამ პერიოდისთვის. რა პროცედურების გაკეთებაა რეკომენდებული კანის ზაფხულისთვის მოსამზადებლად?

არსებობს ზოგადი რეკომენდაციები კანის ზაფხულისთვის მოსამზადებლად. ესენი გახლავთ – გარქოვანებული (ზედაპირული) უჯრედების ექსფოლიაცია (აშრევება), წმენდა, მსუბუქი პილინგი და კანის დატენიანება (ბიორევიტალიზაცია, მეზოთერაპია, პლაზმალიფტინგი) ასაკის გათვალისწინებით. მნიშვნელოვანი რეკომენდაციაა, რომ დატენიანება სჭირდება ყველა ტიპის კანს. ასევე, ნებისმიერი სქესისთვის უმნიშვნელოვანესია მზისგან დამცავი ნელსაცხებლის გამოყენება.

აუცილებლად უნდა აღვნიშნოთ, რომ თქვენი და თქვენი გუნდის შესახებ, სოციალურ ქსელებში ყოველთვის განსაკუთრებული სიყვარულით წერენ. პროფესიონალიზმის გარდა, ყველა ხაზგასმით აღნიშნავს თქვენს განსაკუთრებულ დამოკიდებულებას პაციენტების მიმართ… მსგავსი სიყვარულის დამსახურება ნამდვილად არაა მარტივი…

ჩემთვის ყოველი პაციენტი თანასწორია და თითოეული მათგანი საოცრად დიდ პასუხისმგებლობასთან ასოცირდება, რადგან პაციენტი მანდობს ყველაზე ძვირფასს რაც მას გააჩნია – საკუთარ ჯანმრთელობასა და სილამაზეს. ამასთანავე, უმნიშვნელოვანესია მოხდეს მისი სურვილისა და ჩემი შესაძლებლობების თანხვედრა. ამიტომ, ყოველთვის ვცდილობ გავარკვიო პროცედურის არსში, შევადგინო მისი ანამნეზი, გავაფრთხილო მოსალოდნელი გართულების შესახებ… ვთვლი, რომ პაციენტის ინფორმირებულობა წარმატებული პროცედურის საწინდარია.

ბოლოს, აუცილებლად მინდა აღვნიშნო უკრაინაში მიმდინარე მოვლენები, რომელიც თითოეული ჩვენგანისთვის ძალიან მტკივნეულია. ნახევრად უკრაინელი ვარ, უკრაინაში ცხოვრობს ბევრი ჩემი ნათესავი და იმის ყურება, რაც ახლა იქ ხდება, ჩემთვის ორმაგად მტკივნეულია.

ფოტო: ნათია ასანიძე/ LIG Studio

მისამართი: ბაგები, წყნეთის გზატკეცილი #49

The post Entourage – სივრცე თქვენი სილამაზისთვის appeared first on City Magazine.

შემოდგომა ის სეზონია, როცა ბევრი ჩვენგანი ესთეტიკური მედიცინის კლინიკებში იწყებს ვიზიტს. იმ პროცედურების გარდა, რომლებიც კონკრეტულად ამ სეზონიდანაა რეკომენდებული, პირადად მე მგონია, რომ ზაფხულის სიცხისა და რუჯის შემდეგ დასტრესილი კანისთვის მსგავსი ვიზიტები აუცილებელიც კი არის. კლინიკის შერჩევისას, ჩემთვის რამდენიმე კრიტერიუმია მნიშვნელოვანი. პირველ რიგში, პროფესიონალი ექიმი. ასევე, თანამედროვე აპარატურა და ხარისხიანი, სანდო პრეპარატები. მიუხდავად იმისა, რომ ერთი თვის წინ 28 წლის გავხდი, ჯერ ესთეტიკური მედიცინის კლინიკისთვის არ მიმიმართავს. ჯერ-ჯერობით თითქოს ყველაფერი წესრიგშია, სახეზე შესამჩნევი ნაოჭები არ ჩანს. თუმცა, ისიც ვიცი, რომ უკვე დროა დავიწყო ასაკის შესაბამისი პროცედურები პრევენციისთვის. ამიტომ, როგორც ჩემს პროფესიას შეეფერება, ვიწყებ ძებნას, თვალიერებას, მეგობრების რეკომენდაციების მოსმენას. ჩემი კვლევის შედეგები ასეთია – ყველა ჩემი მოთხოვნისა და სურვილის გათვალისწინებით, “ნინო დიდიას კლინიკა” ლიდერობს. მალევე, ვიზიტი დავგეგმე და ნინოს პეკინის #5-ში, კლინიკაში ვესტუმრე. ეს ჩემი პირველი სტუმრობაა ესთეტიკის კლინიკაში. ამიტომ, ბუნებრივია, მაქვს უამრავი კითხვა. ნინოს კი, ყველა მათგანზე ამომწურავი პასუხი.

ნინო, გახსოვთ როდის გაჩნდა პირველად სამედიცინო სფეროს მიმართ ინტერესი?

ბავშვობა, ალბათ, როგორც ყველას, მეც საკმაოდ ლაღი მქონდა. მამა აეროპორტში მუშაობდა და ხშირად გვიწევდა მოგზაურობა სხვადასხვა ქალაქში და ქვეყანაში. ვცხოვრობდით სამხედრო ჰოსპიტალის უკან. იქვე, ჩვენს მეზობლად, ექიმები მუშაობდნენ. გვათამამებდნენ და მოჰქონდათ უამრავი სამედიცინო ნაკრები, ამპულები, ნემსები, მაკრატლები და ა.შ. ალბათ ამანაც იქონია გავლნა იმაზე, რომ ბავშვობიდან პედიატრობა მინდოდა. ვიცვამდი თეთრ ხალათს და საღამოებს ასე, თამაშში ვატარებდი. მერე დაიწყო გარდაქმნები, არეულობები, სამოქალაქი ომი, 9 აპრილი და მძიმე 90-იანები. ჩემი სურვილი თითქოს მიჩუმდა. მივყვებოდი ამ რუტინულ ცხოვრებას. როდესაც უმაღლესში ჩაბარების დრო მოვიდა, ჯერ ჩავაბარე ქ. ქუთაისის სახელმწიფო უნივერსიტეტში არსებულ ბიო-სამედიცინოზე, რადგან თბილისში წასვლის შანსი არ მქონდა. გათხოვების შემდეგ კი, ვცხოვრობდი თბილისში და სწავლა კერძო სამედიცინო უნივერსიტეტში გავაგრძელე. ეს იყო ცხოვრება უცხო ქალაქში, 90-იანი წლები, სტუდენტობა და ოჯახი…

რატომ აირჩიეთ კონკრეტულად ესთეტიკური მედიცინის მიმართულება? რა არის ამ სფეროში ისეთი, რამაც ეს გადაწყვეტილება მიგაღებინათ?

უკრაინაში მოგვიწია დროებით საცხოვრებლად გადასვლა. ყველაფერი შეიცვალა ამის შემდეგ. ვფიქრობ, რომ საჭირო დროს, საჭირო ადგილას აღმოვჩნდი. ბავშვის ბაღში შეყვანის შემდეგ, გადავწყვიტე დამეწყო თავის მოვლა, რადგან საკმაოდ სენსიტიური კანი მქონდა. დავუმეგობრდი იმ კლინიკის მფლობელს, სადაც ხშირად დავდიოდი. ამ ადამიანმა ყველანაირი გზა გამიხსნა ესთეტიკურ მედიცინაში. მასთან დავდიოდი პრაქტიკაზე. პარალელურად, ვსწავლობდი კიევის სამედიცინო უნივერსიტეტის დერმატო-კოსმეტოლოგიის ფაკულტეტზე. მალევე, კარგი რეკომენდაციით დავიწყე მუშაობა კიევის ერთ-ერთ ესთეტიკური მედიცინის ცენტრში. თამამად შემიძლია ვთქვა, უკრაინა ჩემი ყველაზე ტკბილი მოგონებაა. გავიჩინე მეგობრები, რომლებთანაც დღემდე მაქვს კონტაქტი. გავიცანი ბევრი პროფესიონალი ექიმი. ძალიან გამიმართლა, რომ არაჩვეულებრივ ექიმებთან, პაციენტებთან და ამდენ საინტერესო ადამიანთან მომიწია ურთიერთობა.

დღემდე მახსოვს, როდესაც პირველად ესთეტიკური მედიცინის კონგრესზე აღმოვჩნდი. ეს იყო ყველაზე დიდი გამოწვევა. წარუშლელი შთაბეჭდილებები დამრჩა – დიდი პავილიონები, ათასამდე პროფესიონალური და დეკორატიული კოსმეტიკა. უამრავი აპარატურა, სასიამოვნო გარემო, ბევრი ხალხი და ემოციებით სავსე საღამო.

იმ პერიოდში, ინექციური კოსმეტოლოგია ახალი გამოწვევა იყო. პირველად იქ ვნახე Restylane-ს ბანერი და დიდ ეკრანზე ტუჩის აუგმენტაციის პროცედურა. მალევე მეც დავიწყე ინექციური კოსმეტოლოგიის შესწავლა. ჯერ იყო მეზოთერაპიის და ბიორევიტალიზაციის კურსები. მეზოთერაპია იყო მონო პრეპარატების საშუალებით. გვაძლევდნენ პროტოკოლს და როგორც ქიმიკოსებს, უნდა აგვერია გარკვეული დოზები ერთმანეთში და მიგვეღო კოქტეილები. შემდეგ, შევისწავლე ბოტოქსი და კონტურული პლასტიკა. პირველი პრეპარატები, რომლებითაც დავიწყე მუშაობა, იყო რესტილაინი და იუვიდერმი.

საქართველოში როგორ გაგრძელდა თქვენი საქმიანობა?

საქართველოში 2008 წელს ჩამოვედი. თავიდან გამიჭირდა დამკვიდრება. საკმაოდ დიდი დრო დამჭირდა თვითრეალიზაციისთვის. ჩვენი კლინიკა, GeoSwiss, დაარსდა დაახლოებით 12 წლის წინ. ის ფუნქციონირებდა როგორც სამედიცინო ცენტრი. 2014 წელს, დაემატა ესთეტიკური განყოფილებაც და სწორედ ამ პერიოდიდან შევუერთდი მეც.

რა პროცედურები კეთდება თქვენს კლინიკაში?

ჩვენს კლინიკაში შეგიძლიათ ჩაიტაროთ შემდეგი პროცედურები:

• კონტურული პლასტიკა
• ბოტოქსი
• ძაფები
• ბიორევიტალიზაცია
• მეზოთერაპია
• სახის წმენდა (აპარატურული, მექანიკური, ზედაპირული, ღრმა)
• HYDRAFACIAL MD – კანის ღრმა წმენდა, დატენიანება და გაახალგაზრდავება
• ქიმიური პილინგები
• ალმასური დერმაბრაზია
• მიკრონიდლინგი
• ელექტროეპილაცია
• ფონოფორეზი
• სახის მასაჟი
• წამწამების ლამინირება
• წარბების ლამინირება
• ნემსით ეპილაცია

როგორ ფიქრობთ, რა გამოარჩევს თქვენს კლინიკას სხვა მსგავსი პროფილის კლინიკებისგან?

მიმაჩნია, რომ ჩვენი თანამედროვე მიდგომები, პროფესიული უნარების მუდმივი გაუმჯობესება სხვადასხვა ტრენინგის და სემინარის მეშვეობით, გვაძლევს წარმოუდგენელ შესაძლებლობებს და გვეხმარება იმაში, რომ დავამკვიდროთ მაღალი ხარისხი ქართულ ბაზაზე. სწორედ ეს გამოარჩევს მას სხვა კლინიკებისგან.

ნინო, მინდა გთხოვოთ, რომ როგორც ექიმმა, აუხსნათ ჩვენს მკითხველს რა არის ის მნიშვნელოვანი ფაქტორები, რაც უნდა გავითვალისწინოთ ესთეტიკური მედიცინის კლინიკაში სტუმრობისას?

პირველი, რაც მნიშვნელოვანია, არის ექიმთან კონსულტაცია. სადაც ირკვევა ექიმის კვალიფიკაცია და მისი მიდგომები. ექიმმა უნდა შეადგინოს პაციენტის ანამნეზი, აუხსნას პრობლემები, რა პროცედურებს ან პრეპარატებს სთავაზობს. ამის შემდეგ კი, პაციენტი ამ ინფორმაციას უნდა გაეცნოს. ის, რაც თქვენ ირგვლივ მეგობრებს, დას, მეზობელს უხდება, შეიძლება სრულიად მიუღებელი იყოს თქვენი სახისთვის და ვერ მიიღოთ სასურველი ეფექტი. ინდივიდუალური მიდგომა, სწორად შერჩეული და კურსად ჩატარებული პროცედურები, არის საუკეთესო შედეგის გარანტი.

მოდით, გართულებებზეც ვისაუბროთ

აუცილებლად უნდა შევეხოთ გართულებების თემასაც. იმის გამო, რომ დღესდღეობით შეიცვალა მიდგომები სახის მოდელირებასთან დაკავშირებით და ინექციის დროს ვიყენებთ უფრო დიდი რაოდენობის პრეპარატებს (2-3 მლ. ან მეტი), გართულებების რისკი გაიზარდა. სახეზე არ არსებობს “არასაშიში” ზონა. ბოლო პერიოდში აქტიურად გვასწავლიან გართულებების ამოცნობას და მართვას. პირადად მე, სამჯერ გავიარე “კადვერ” კურსი. ეს არის ყველაზე მაღალი საფეხური პროფესიული ზრდისთვის ესთეტიკის სფეროში. ანატომიური “კადვერის” კურსი არის სწავლება უნიკალური მიდგომით, რომლის საშუალებითაც შეგვიძლია შევიძინოთ ახალი ცოდნა ანატომიის სფეროში, გავაუმჯობესოთ ინექციის ტექნიკა, გავეცნოთ გართულებების განვითარების მექანიზმებს და მათი პრევენციის მეთოდებს.

ასევე აღსანიშნავია, რომ საქართველოში არსებული ესთეტიკური მედიცინის ცენტრები და პლასტიკური ქირურგები, ერთმანეთს გვერდით უდგანან და ეხმარებიან გართულების ამოცნობაში, მის სწორად მართვაში.

დღესდღეობით, რომელია ყველაზე მოთხოვნადი პროცედურა?

ყველაზე მოთხოვნადი არის, რა თქმა უნდა, ინექციური პროცედურები. ეს არის, ძირითადად, ტუჩის აუგმენტაცია, ცხვირის მოდელირება ფილერით, full face, ძაფებით სახის ლიფტინგი. პაციენტები გახდნენ ინსტაგრამ გვერდის მიმდევრები, ითხოვენ კონკრეტულ პროცედურებს და შედეგებს. უნდა გავითვალისწინოთ, რომ ნებისმიერი პროცედურის შედეგი არის ინდივიდუალური, ადამიანის ანატომიური აგებულებიდან გამომდინარე. ერთია სურვილი, მეორე კი – რეალობა. ამიტომ, ხშირად გვიწევს პაციენტებისთვის უარის თქმა, რადგან ვიცით, რომ ვერ მივიღებთ სასურველ შედეგს.

ამდენწლიანი პრაქტიკიდან გამომდინარე, თუ შეგიძლიათ მითხრათ, რა მოსწონთ ქართველ ქალებს?

ქართველი ქალები გამოირჩევიან სილამაზით, გემოვნებით, იციან რა უნდათ და რა მოუხდებათ. გამიმართლა, რომ ჩემი პაციენტები ითვალისწინებენ ჩემს რჩევებს. გამიმართლა იმაშიც, რომ ადამიანები, რომლებიც ჯერ კიდევ მაშინ მენდნენ, როცა საქართველოში ახალი ჩამოსული ვიყავი და გახდნენ ჩემი პაციენტები, დღემდე ჩემთან ერთად არიან. ამ დროის განმავლობაში, ჩვენ მეგობრებიც კი გავხდით.

როგორია მსოფლიო და ქართული ტენდენციები ესთეტიკური მედიცინის კუთხით?

დღესდღეობით, ესთეტიკურ მედიცინაში არის დიდი გამოწვევები. ძალიან შეიცვალა მიდგომები და პროცედურები. ჩვენ აღარ ვართ ის კოსმეტოლოგები, 10-15 წლის წინ ცხვირ-ტუჩის ზონაზე ფილერის კორექციას რომ ვთვლიდით პაციენტის გაახალგაზრდავებად. ჩვენ ვართ თერაპევტები კომპლექსური მიდგომით. სხვადასხვა პროცდურით ხდება კანზე პრობლემების მოგვარება. პილინგები, მეზო ან ბიორევიტალიზაცია, აპარატურული პროცედურა, ფილერები, ძაფები და ა.შ. პროცედურების კომბინაციით და სახის მოვლის სწორად შერჩეული რუტინით ვიღებთ სასურველ და ხანგრძლივ შედეგს.

ნინო, როგორია ზოგადი რეკომენდაციები? რა ასაკიდან უნდა დავიწყოთ ვიზიტი ესთეტიკური მედიცინის კლინიკაში?

რეკომენდებულია 25-30 წლიდან მივმართოთ ექიმ-კოსმეტოლოგს. სახის არსებული მდგომარეობა დამოკიდებულია ბევრ გარემო ფაქტორზე: სად ვცხოვრობთ, როგორი წესით ვცხოვრობთ, როგორ ვუვლით თავს, მორფოლოგიურად როგორი კანის ტიპი გვაქვს, გენეტიკა და ა.შ. ანუ, ჯერ ექიმი ადგენს სრულ ანამნეზს და ამის შემდეგ ინდივიდუალურად უდგება ყველა კანს და პრობლემას. თუ თხელი და მგრძნობიარე კანი გაქვთ, სასურველია 22-25 წლიდან მივმართოთ ექიმს. ამ ასაკში ინექციური პროცედურებით არ იწყება კანის მოვლა. გვაქვს ბევრი პროფესიონალური, კანის ზედაპირული მოვლის საშუალებები, რომლითაც ხდება კანის იმუნიტეტის ამაღლება, დატენიანება, ნაოჭის გასადავება და ა.შ.. 40+ და 50+ პაციენტის შემთხვევაშიც, პროცედურები ირჩევა ინდივიდუალურად და აუცილებლად კომპლექსურად ხდება მკურნალობის ჩატარება. რადგან სახე ორგანიზმის სარკეა, სახეზე გამოკვეთილ პრობლემებს განვიხილავთ როგორც მთელი ორგანიზმის რეაქციას ამა თუ იმ პრობლემაზე. ხშირად საჭირო ხდება სხვადასხვა სპეციალისტის ჩართვა და პარალელურად, მკურნალობის გაგრძელება.

როგორ ფიქრობთ, გაქვთ თქვენი ხელწერა?

მე ვფიქრობ, რომ კი. ჩემთვის პრიორიტეტულია მაქსიმალური ბუნებრიობის შენარჩუნება. პაციენტს შევუნარჩუნო ინდივიდუალურობა, გამოიყურებოდეს კარგად და ვერ ხვდებოდე თუ რა მანიპულაციები აქვს მას ჩატარებული _ აი, ეს არის ჩემთვის შედეგი. პირველად ვეკითხები და ყოველთვის ვითვალისწინებ თუ რა არ მოსწონს პაციენტს მის გარეგნობაში. ვიწყებთ ამაზე მსჯელობას, ანამნეზის შედგენას და ახსნას, თუ რამდენად შესაძლებელია ამ პრობლემის ნაწილობრივ ან სრულად მოგვარება. ასევე, პანდემიამდე შევისწავლე ტუჩის აუგმენტაციის საავტორო ტექნიკა, რომელიც უფრო დავხვეწე ამ ბოლო პერიოდში. ის მეხმარება ისეთი პრობლემების მოგვარებაში, რაც მიუღწეველი მიგვაჩნდა კლასიკური ტექნიკის დროს.

ნინო, ვიცი რომ, მიუხედავად ყველასთვის რთული პერიოდისა, წინ დიდი სამომავლო გეგმები გაქვთ…

როდესაც განვითარებას შევწყვეტ, ალბათ იქ დამთავრდება ჩემი კარიერა. ძალიან მალე ბევრი სიახლე მინდა შევთავაზო ჩემს მომხმარებელს. პირველი სიახლეა ის, რომ უახლოეს მომავალში ვგეგმავ სასწავლებლად წასვლას და ვაპირებ ქართველ მომხმარებელს ახალი ტექნიკებითა და სიახლეებით დავუბრუნდე. ასევე, კიდევ ერთი მნიშვნელოვანი გეგმაა ის, რომ ვაპირებ გაფართოებას, რაზეც უკვე აქტიურად დავიწყე მუშაობა. თუმცა დანარჩენს, ამ ეტაპზე, ინტრიგად დავტოვებ…

ტექსტი: ანა არაბიძე

ფოტო: ლიზა გაბუნია

მაკიაჟი: ნინო მარტაშვილი

The post სტუმრად “ნინო დიდიას კლინიკაში” appeared first on City Magazine.

ახალი წლის დღეები ნელ-ნელა დასასრულს უახლოვდება. ჩვენი დაკვირვებით, სოციალურ ქსელებში მოიმატა კითხვამ – რით ვუშველოთ საახალწლო სუფრის ზეგავლენით გაჩენილ გამონაყარს? უნდა აღინიშნოს, რომ სახის კანის მდგომარეობაზე პირბადეც საკმაოდ ნეგატიურ გავლენას ახდენს. არსებობს რჩევები, რომელთა დაცვით მაქსიმალურად ავირიდებთ ამ მიზეზების გამო გამონაყარის გაჩენასა თუ არსებულის გამწვავებას. განსაკუთრებით, სახის კანისთვის ამ ისედაც “მძიმე”, პოსტ-ახალი წლის პერიოდში.

ახალი წლის დღეების შემდეგ, სახის კანის და ზოგადად, მთლიანი ორგანიზმის გასაწმენდად აუცილებელია რაციონის მაქსიმალური გამდიდრება ჯანსაღი პროდუქტებით. უნდა შევზღუდოთ ცხიმიანი, შებოლილი საკვები, ტკბილეული, სწრაფი კვება. მეტი ბოსტნეული, ხილი. უმნიშვნელოვანესი კომპონენტია წყალი, საჭირო რაოდენობით და ძილის რეჟიმის დარეგულირება.

პირველი, რასაც თითქმის ყველა დერმატოლოგი გვირჩევს, არის პირბადის ხშირი გამოცვლა. საშუალოდ, 2 საათში ერთხელ. უნდა ვეცადოთ ვატაროთ ბუნებრივი ქსოვილისგან დამზადებული პირბადე. აუცილებელია კანის სისუფთავის დაცვა-სახის დაბანა დილა/საღამოს, კანის ტიპის შესაბამისი საშუალებით. მინიმუმამდე უნდა დავიყვანოთ კოსმეტიკური პროდუქტების გამოყენება, რადგან პირბადე ქმნის ერთგვარ მიკროკლიმატს, რის გამოც, ფორები ფართოვდება და კანი დაუცველი ხდება მიკრობების მიმართ.

კვების სტილის შეცვლა, პირბადის ტარების წესების გათვალისწინება, რასაკვირველია, იძლევა შედეგს, რომელსაც მალევე იგრძნობთ. თუმცა, ამ პრობლემასთან საფუძვლიანი და კომპლექსური მიდგომაა საჭირო. ამიტომ, დღეს მინდა მოგიყვეთ ყველასთვის კარგად ცნობილი ფრანგული, პრემიუმ კლასის, ლუქს ბრენდის “კოდალის” Vinopure ხაზის შესახებ, რომელიც სწორედ პრობლემური კანის მოვლისთვისაა განკუთვნილი.

ამ ხაზის პროდუქტების შემადგენლობაში შედის კომპონენტები, რომელიც კვლევებისა თუ პირადი გამოცდილების გავალისწინებით, აკნეს მკურნალობის პროცესში ყველაზე ეფექტურია. ესენია – ნატურალური სალიცილის მჟავა, პოლიფენოლი და 6 ეთერზეთის უნიკალური კოქტეილი (ლავანდა, მელისა, მენთოლი,როზმარინი, გერანი (ანუ ბალბა) და ციტრონელის ზეთი) თითოეულ კომპონენტს თავისი განსაკუთრებული მნიშვნელობა აქვს.

პოლიფენოლი – საუკეთესო ანტიოქსიდანტია, არეგულირებს ცხიმის სინთეზს. ამცირებს შავ წერტილებს.

6 ეთერზეთის კოქტეილს აქვს ანთების საწინააღმდეგო და ანტიბაქტერიული მოქმედება.

სალიცილის მჟავა აკნეს სამკურნალო ერთ-ერთი ყველაზე ცნობილი პროდუქტია – ამცირებს და ავიწროებს ფორებს და აუმჯობესებს კანის სტრუქტურას.

ახლა კი, ამ ხაზში შემავალ პროდუქტებზე მოგიყვებით:

დავიწყოთ სახის დაბანით. როგორც უკვე აღვნიშნეთ, დერმატოლოგების რჩევით, ეს ერთ-ერთი მთავარი საფეხურია. “კოდალის” Vinopure სერიის სახის დასაბანი გელი რეკომენდებულია კომბინირებული და ცხიმიანი კანის მოსავლელად და აკნეს სამკურნალოდ.

სასიამოვნო არომატის მქონე გელი მსუბუქად წმენდს კანის ზედაპირს, ამცირებს კანზე გამოხატულ ანთებით უბნებს, ანიჭებს კანს ჯანსაღ იერს. არეგულირებს ცხიმოვანი ჯირკვლების სეკრეციას.

გელის შემადგენლობაში შედის 95 % ნატურალური კომპონენტები: ვარდის წყალი, მცენარეული წარმოშობის სალიცილის მჟავა, ყუძნის პოლიფენოლი და ეთერზეთები.

არ შეიცავს ალკოჰოლს, საპონს, პარაბენს, კონსერვანტებს. არომატიზატორებს. არის არაკომედოგენური – ანუ არ ახშობს ფორებს.

გამოყენება: დილა/საღამოს ნოტიო კანზე დაიტანეთ გელის მცირე რაოდენობა, მსუბუქი მასირების შემდეგ ჩამოიბანეთ. მოარიდეთ თვალის არეს.

სახის კანის გასუფთავების შემდგომი ეტაპია ტონერის გამოყენება. ტონერი აღადგენს კანის ბუნებრივ ბალანსს, ათანაბრებს კანის ფერს, უზრუნველყოფს კანის სრულად გასუფთავებას და ამზადებს მას შემდგომი პროდუქტების უკეთ ასათვისებლად. “კოდალის” ეს კონკრეტული ტონერი განკუთვნილია ცხიმიანი და კომბინირებული კანისთვის. აქვს ანთების საწინააღმდეგო და ანტიბაქტერიული მოქმედება. მასში შემავალი ყურძნის წყალი ამშვიდებს და ატენიანებს კანს.

გამოყენება: დილით და ღამით გასუფთავებულ სახეზე გადაინაწილეთ ბამბის დისკით.

ტონერის შემდეგი საფეხურია შრატი. “კოდალის” Vinopure სერიის ეს შრატი განკუთვნილია უშუალოდ ანთებითი უბნების სამკურნალოდ. საგრძნობლად აუმჯობესებს კანის ზოგად სტრუქტურას. ამცირებს და ავიწროებს ფორებს, შავ წერტილებს. მასში შემავალი ვარდის წყალი უზრუნველყოფს ცხიმის კონტროლსა და კანის ჯანსაღ ფერს. სხვათა შორის, ეს შრატი განსაკუთრებული პოპულარობით სარგებლობს და ბევრი უცხოელი ბიუთი ბლოგერის ვიდეოებში შეძლებთ ნახოთ მისი ბეფორე/აფტერ შედეგი.

გამოყენება: დილით და საღამოს. აკნეს მკურნალობის პროცესში საუკეთესო შედეგს იძლევა ამავე სერიის ტონერის შემდეგ და ფლუიდამდე გამოყენებისას.

და ბოლო საფეხური – “კოდალის” Vinopure სერიის ფლუიდი.

ეს პროდუქტი იდეალურია ცხიმიანი და კომბინირებული კანისთვის. გამოყენების შემდეგ, კანს ხანგრძლივი დროით ანიჭებს გლუვ ეფექტს.

ფლუიდში არსებული კომპონენტები უშუალოდ მიმართულია ანთებითი უბნების სამკურნალოდ, ცხიმის გამოყოფის დასარეგულირებლად და კანის სტრუქტურის ზოგადი მდგომარეობის გასაუმჯომბესებლად.

გამოიყენება: დღისით და ღამე, რუტინის ბოლო საფეხურზე.

ბოლოს კი აქვე გეტვით, იმასაც, რომ “კოდალის” Vinopure სერიის ყველა ამ პროდუქტის შეძენა “პსპ”-ს სააფქთიაქო ქსელშია შესაძლებელი.

The post New Year, New Routine appeared first on City Magazine.