ქალაქში, სადაც სინათლე, არქიტექტურა, ხელოვნება და სიყვარული ერთმანეთში იკვეთება, იბადება Solférino Paris — პარფიუმერია, რომელიც სურნელზე მეტია.

ეს არის პარიზის შეგრძნება, გადმოტანილი ათ უნიკალურ არომატში — ათ განსხვავებულ ისტორიად, ემოციად და მოგონებად. სურნელებად, რომლებიც არ გკარნახობენ, ვინ უნდა იყო, არამედ გაძლევენ თავისუფლებას, იპოვო შენი საკუთარი პარიზი.

ესთეტიკური კოდები

Solférino Paris-ის ვიზუალურობას სამი მთავარი სიმბოლო განსაზღვრავს:

• მზე S10 ლოგოთი — „სინათლის ქალაქის“ ბრწყინვალების სიმბოლო;
• S10-ის ბეჭედი — ექსკლუზიური ხელწერა „სოლფერინოს ქუჩა 10-ის“ შესასვლელის მუქ მწვანე ტონალობაში;
• ჭადრაკისებრი ორნამენტი — პარიზული სასახლეების იატაკის საკულტო დეტალი.

არქიტექტურული დიზაინი

ვიზუალური კონცეფცია პარიზული სასახლეების ჰარმონიულ ხაზებს ეფუძნება. მომრგვალებული მინის ბოთლი ძალასა და სირბილეს შორის იდეალურ ბალანსს ქმნის, ხოლო ამოტვიფრული „S10“ ნიშანი, თავსახურის მზე და ყელზე შეკრული მწვანე ლენტი მას თავშეკავებულ ფუფუნებას სძენს.

შეფუთვაც არქიტექტურული სიზუსტით შეიქმნა: სუფთა ხაზები, ორმაგი რელიეფური ზოლები, „გროსგრენის“ ლენტი და უკანა მხარეს დატანილი პოეტური ილუსტრაციები თითოეული არომატის უნიკალურ პარიზულ სამყაროს წარმოაჩენს.

Solférino Paris ქმნის ქალაქის ნათელ სახეს, სადაც პირადი და უნივერსალური ერთმანეთს ხვდება — სივრცეს, სადაც თითოეული არომატი თქვენი მოგონებებისა და სურვილების ანარეკლია.

01 | RÊVERIE SUR SEINE — „ოცნება სენაზე“

Neroli Woody — ნეროლი და მერქნოვანი ნოტები

„სიმსუბუქის ჰიმნი, რომელსაც ნეროლის სიტკბო ქმნის — მიწვევა, რომ დაკარგოთ მდინარის სანაპიროზე გაცოცხლებულ მოგონებებში.“

მთავარი პარფიუმერი ნატალი ლორსონი არომატში ფორთოხლის ყვავილის მრავალფეროვან ხასიათს გვიჩვენებს. სინათლით სავსე სუნამო სალბისა და ნორჩი მანდარინის ენერგიული ნოტებით იხსნება — ზუსტად ისე, როგორც მდინარე სენაზე გადაქროლილი ნაზი, გრილი ნიავი.

თანდათანობით არომატი უფრო ღრმავდება: ამბროქსისა და მუშკის რბილი, თბილი აკორდები იღვიძებს და ქმნის შეგრძნებას, თითქოს ეს წამი სიზმარსა და რეალობას შორის გაჩერდა.

02 | 10, SOLFÉRINO — „სოლფერინოს 10“

Floral Rose — ყვავილოვანი ვარდი

მდინარე სენასა და სენ-ჟერმენის ხალხმრავალ ბულვარს შორის, სოლფერინოს ქუჩის 10 ნომერში მდებარე სასახლის დიდებული ფასადი თვალს პირველივე დანახვით იმპყრობს. ეს ისტორიული შენობა და მისი სინათლით სავსე ეზო ნამდვილი პარიზული ცხოვრების სტილს ასახავს — ადგილს, სადაც წარსულის მემკვიდრეობა და თანამედროვე ელეგანტურობა ერთმანეთს ხვდება.

„კლასიკური და ამავდროულად თანამედროვე — ეს დიდებული ვარდი ამ ისტორიული პარიზული სასახლისადმი მიძღვნილი პატივია.“ — ანტუან მეზონდიე.

ვარდი, როგორც მარადიული ყვავილი, იდეალურად გამოხატავს ამ ადგილის ისტორიას. მისი ნაზი ფურცლები ზამბახის პუდრისებრი აკორდებითა და ჩაის მსუბუქი ნოტებით ცოცხლდება. არომატი დროთა განმავლობაში კიდევ უფრო საინტერესოდ ვითარდება — ემატება ხილის ელფერები და თბილი, მერქნოვანი ბაზა, რაც მას თამამ და თანამედროვე ხასიათს სძენს.

03 | THÉ AU PALAIS ROYAL — „ჩაი პალე-როიალში“

Oolong Tea — ულუნგის ჩაი

სამეფო სასახლის გულში მშვიდი ელეგანტურობა სუფევს. მზის სინათლე კლასიკურ არქიტექტურას ეფინება, ბაღებსა და აუზებს ავსებს და გალერეების არკადებში ნაზად აღწევს. ამ მშვიდ სივრცეში დრო თითქოს ნელდება და საშუალებას გაძლევთ შეყოვნდეთ, რათა სინათლისა და ჩრდილების ცეკვით დატკბეთ.

„მნათობი არომატი, რომელიც ამ ისტორიული ადგილის მდიდრული ბაღების გარშემო, არკადების ქვეშ, მარტოობაში დალეულ ფინჯან ჩაის მოგვაგონებს.“ — ჟან-კრისტოფ ჰერო.

მუშკოვანი და მერქნოვანი ულუნგის ჩაი იდეალურად ასახავს ამ ადგილის ატმოსფეროს. სუნამო კაშკაშა ციტრუსის ნოტებით იხსნება — თითქოს სვეტებს შორის მზის სხივმა გაელვაო. ულუნგის ჩაის დახვეწილ ყვავილოვან აკორდებს ჟასმინის სითბო და ამბრეტის თესლის ნაზი, პუდრისებრი შტრიხები ამშვენებს, ხოლო ვეტივერისა და მუშკის რბილი ბაზა ამ მშვიდ, სიზმრისეულ შთაბეჭდილებას სრულყოფილად ასრულებს.

04 | FOLIES À MONTMARTRE — „მონმარტრის გიჟური ვნებები“

Black Leather — შავი ტყავი

საკრე-კიორის დიდებული ბაზილიკით დაგვირგვინებული მონმარტრი დღესაც იმ ბოჰემური სულით სუნთქავს, რომელიც ოდესღაც პიკასოს, მოდილიანისას და ტულუზ-ლოტრეკს შთააგონებდა. ეს არის უბანი, სადაც ყოველი კუთხე ისტორიას ჰყვება: ძველი წისქვილები, მყუდრო კაფეები, მხატვრების სახელოსნოები და პარიზის ულამაზესი ხედები ხელოვნებასა და თავისუფლების ჯადოსნურ აურას ერთიანად აცოცხლებს.

„ინტენსიური და ამოუცნობი — ეს არომატი პატივისცემაა იმ ადგილისადმი, რომელიც მთელი მსოფლიოს ხელოვანებს იზიდავდა და დღემდე უშრეტ შთაგონებად რჩება.“ — ჟორდი ფერნანდესი.

მონმარტრის თავისუფალი და შემოქმედებითი ხასიათი შავი ტყავის მდიდრულ ნოტებშია ასახული, რაც ნამდვილ პარიზულ ელეგანტურობას განასახიერებს. ამ თამამ აკორდებს ვარდის აბსოლუტისა და ესენციის სიღრმე ამშვენებს, ხოლო საკმეველი და ბენზოინი კომპოზიციას თბილ, გრძნობად ბრწყინვალებას მატებს.

ეს არის არომატი, რომელიც ამ არტისტული უბნის ჯადოქრობას თითქმის მარადიულ, დახვეწილ შლეიფად ტოვებს.

05 | UN SAMEDI À PARIS — „შაბათი დღე პარიზში“

Woody Gourmand — მერქნოვანი გურმანი

იქ, სადაც კულტურა, არქიტექტურა და ფუფუნება ერთიანდება, ეიფელის კოშკის გარემო ულამაზეს პარიზულ ზღაპარს ემსგავსება. ტროკადერო, ალექსანდრე III-ის ხიდი თუ მარსის ველი — ყოველი კუთხიდან „რკინის ლედის“ ახალი, შთამბეჭდავი ხედი იშლება, ირგვლივ მდებარე კაფეები კი სიცოცხლით დუღს.

„ეს არის ელეგანტური განებივრება — მიწვევა, რომ შუადღისას პარიზის ქუჩებში უბრალოდ ისეირნოთ.“ — ტანგი გენე.

არომატი შავი პილპილისა და ილის (კარდამონის) ენერგიული ნოტებით იხსნება. სეირნობისას, თანდათან იღვიძებს კედრისა და სანდალოზის ხის თბილი, ხავერდოვანი აკორდები.

კომპოზიცია ტკბილი ვანილისა და ტონკას მარცვლების რბილი ნარევით გვირგვინდება — ზუსტად ისე, როგორც ეიფელის კოშკის ხედით ტკბობისას მყუდრო კაფეში მოწყობილი სასიამოვნო შესვენება.

06 | PARIS RADIEUX — „ბრწყინავი პარიზი“

White Floral — თეთრი ყვავილოვანი

პარიზის ცის ქვეშ ეტუალის მოედანი მბზინავ ძვირფას ქვასავით კაშკაშებს. ის ქალაქის დიდებულებასა და ელეგანტურობას განასახიერებს. თორმეტი გამზირის გადაკვეთით შექმნილი ეს სივრცე ვარსკვლავს მოგვაგონებს, რომლის ცენტრშიც შანზ-ელიზეს მონუმენტური მცველი — ტრიუმფალური თაღი ამაყად დგას.

„ეტუალის მოედნის სინათლე, ფუფუნება და სიუხვე — გარდასახული თეთრი ყვავილების გამორჩეულ კომპოზიციაში.“ — იან ვასნიე.

ამ ბრწყინვალე ხასიათს გარდენია განასახიერებს, რომელიც თავის სპეტაკ ფურცლებს შლის და თითქოს მთელ პარიზს ანათებს. მის სიგრილეს ჟასმინი კიდევ უფრო აღრმავებს, ხოლო ცოცხალი ციტრუსის ნოტები არომატს განსაკუთრებულ შუქს მატებს.

ეს სინათლე დიდხანს რჩება კანზე — გამყარებული კედრის სიძლიერითა და ვანილის ნაზი სირბილით. PARIS RADIEUX ელეგანტურობის სიმბოლოა, ისევე როგორც ტრიუმფალური თაღი, რომელმაც პარფიუმერს ეს შთაგონება აჩუქა.

07 | MINUIT RUE PRINCESSE — „შუაღამე პრინცესას ქუჩაზე“

Oud Ambery — ქარვისა და უდის არომატი

წყნარი და შეუმჩნეველი, პრინცესას ქუჩა დამალული საიდუმლოსავით იკვლევს გზას სენ-ჟერმენ-დე-პრეს გულში. დაღამებასთან ერთად ქუჩა გამოცოცხლებას იწყებს, ლამპიონები მას ოქროსფრად ნაზად ანათებს. კაფეების კარები ფართოდ იღება და თბილ საღამოს ჰაერში მუსიკისა და სიცილის ნაკადს უშვებს. საათების სვლასთან ერთად რიტმი იმატებს და სენ-ჟერმენი სიცოცხლით ფეთქვას იწყებს. პრინცესას ქუჩა ენერგიის კორიანტელად, თავისუფლების სურნელით გაჟღენთილ დღესასწაულად გარდაიქმნება. აქ ყოველი მომენტი ცოცხალია, თითქოს პარიზის გულში გაშლილი ცხადი სიზმარი იყოს.

„ეს მდიდრული სურნელი იმ წვეულების სივრცის არსია, სადაც ცეკვის ნაბიჯები გრანდიოზული აპარტამენტების კეთილშობილ ხის იატაკზე ექოდ გაისმის.“ — კორალი სპიში და ფაბრის პელეგრენი.

მერქნის ლიქიორივით შექმნილი ეს კომპოზიცია პარფიუმერიის ერთ-ერთი ყველაზე მდიდრული ინგრედიენტის ახლებურ ინტერპრეტაციას გვთავაზობს. უდის ინტენსიური სიმდიდრე თანდათან იშლება, რასაც ნაზად არბილებს ხავერდოვანი ფინიკი. მისი სენსუალურობა მგზნებარე ზაფრანისა და სიროფისებრი დავანას რიტმზე ფეთქავს. ძვირფასი მერქანი და ვანილი ხაზს უსვამს მათ მაგნეტიზმს და სენ-ჟერმენ-დე-პრეს გულში შთამბეჭდავი საღამოს დაპირებას ქმნის.

08 | UN BAISER PLACE VENDÔME — „კოცნა ვანდომის მოედანზე“

Sandalwood Orris — სანდალ-ზამბახოვანი

დახვეწილი შენობებითა და არკადებით გარშემორტყმული ვანდომის მოედანი მშვიდი ფუფუნების შეგრძნებას ქმნის. ლეგენდარული საიუველირო სახლებისა და ისტორიული სასახლეების გარემოცვაში დრო თითქოს ნელდება — ეს სამეფო სივრცე იდეალური სცენაა რომანტიკული სეირნობისთვის, რომელიც ქალაქის ოქროსფერ სიმშვიდეში ნაზი კოცნით იბეჭდება.

„მინდოდა დამეჭირა პაემნის რომანტიკა პარიზის ყველაზე მდიდრულ და გამორჩეულ ადგილას.“ — შიამალა მეზონდიე.

არომატის გული სანდალოზის ხის ძვირფასი, კრემისებრი დუეტია. მას ზამბახის პუდრისებრი აკორდები და მუშკოვანი ნოტები ერწყმის, რაც პირველი პაემნის სიახლესა და მყუდრო განწყობას ირეკლავს.

ტონკას მარცვლები და საკმევლის მსუბუქი შტრიხები არომატს იდუმალ აურასა და ვნებიან სიღრმეს მატებს — ზუსტად ისე, როგორც დაუვიწყარი პარიზული ამბორი.

09 | COUP DE FOUDRE QUAI VOLTAIRE — „სიყვარული პირველი დანახვით ვოლტერის სანაპიროზე“

Ambery Woody — ამბრის მერქნოვანი

ლუვრისა და ორსეს მუზეუმებს შორის, ვოლტერის სანაპირო მშვიდი ოცნებასავით გასდევს მდინარე სენას. მზით გათბობილი ქვის სითბო, წყლის ნაზი რიტმი და ისტორიული კაფეების მარადიული შარმი დროში შეჩერებულ განწყობას ქმნის. ამ პოეტურ ადგილას ჰაერი თითქოს სიყვარულისა და ახალი გრძნობების მოლოდინით სუნთქავს.

„მინდოდა სრულყოფილად გადამეცი პირველი დანახვით სიყვარულის ემოცია ამ ლეგენდარულ სანაპიროზე, სადაც ფონად ორსეს მუზეუმი და მდინარე სენა გვევლინება.“ — ანნ ფლიპო.

ეს არომატი პირველი დანახვით სიყვარულის სურნელოვანი სიმბოლოა, სადაც ამბრი თავის ყველაზე მიმზიდველ ხასიათს ავლენს. ბერგამოტისა და ჟასმინის კაშკაშა აფეთქება არომატს სინათლით ავსებს.

თანდათანობით სანდალოზის ხე და ბენზოინი ერთმანეთს ჰარმონიულად ერწყმის, ტონკას მარცვლების თბილ სიღრმეში ეშვება და ქმნის ემოციას, რომელიც გულში დიდხანს რჩება.

10 | L’ÉTÉ AVENUE GABRIEL — „ზაფხული გაბრიელის გამზირზე“

Fruity Suede — ხილისა და ზამშის არომატი

ხეებით გარშემორტყმული გაბრიელის გამზირი თანხმობის მოედნიდან შანზ-ელიზეს ბაღებისაკენ მიემართება. მზის სითბო პარიზულ ფასადებს ეცემა, ნაზი ნიავი ფოთლებში დაქრის და ზაფხულის მსუბუქ სურნელს ავრცელებს. ქალაქის ხმაურისგან მოშორებით, ეს მშვიდი გამზირი პარიზის უფრო ინტიმურ, სიმშვიდით სავსე მხარეს წარმოაჩენს.

„სრულყოფილი ჰარმონია ოქროსფერი ქლიავის ზაფხულის სიამოვნებასა და მდიდრული ტყავის ფუფუნებას შორის.“ — ამანდინ კლერკ-მარი.

ამ მზიან გამზირზე მირაბელის წვნიანი ქლიავის ნოტები ზაფხულის სიტკბოს ზეიმობს. არომატის ყვავილოვან გულში ზამბახი და სენსუალური ჟასმინი ცოცხლდება, რაც ფოთლების მსუბუქ შრიალს მოგვაგონებს.

მდიდრული ზამშისა და მერქნოვანი აკორდები კომპოზიციას განსაკუთრებულ დახვეწილობასა და ჯადოსნურ ხელწერას ანიჭებს. გაბრიელის გამზირი პარიზული ზაფხულის იმ განწყობას იჭერს, სადაც თითოეული წამი ნამდვილი სიამოვნებაა.

Solférino Paris  არომატების შეძენა შესაძლებელია „ვულე ვუ“ – ს პარფიუმერულ მაღაზიათა ქსელში

ონლაინ მაღაზიაში:  https://voulez-vous.ge/

Facebook : Voulez-Vous • ვულე ვუ 

Instagram: Voulez_Vous_perfumery

The post პარფიუმერული ქსელი Voulez-Vous • ვულე ვუ წარმოგიდგენთ appeared first on City Magazine.

თავად სიტყვა – როუმინგი ხშირად ძვირ და რთულად გასააქტიურებელ სერვისთან ასოცირდება. “სელფის” მომსახურება ამ აზრს შეგაცვლევინებთ. სამოგზაუროდ N1 ქსელი, “სელფი” ყველაზე მოსახერხებელ პირობებს გთავაზობთ.

ინტერნეტი ამოიწურა? კავშირი მაინც არის!  

“სელფის”  როუმინგის ერთ-ერთი მთავარი უპირატესობა ისიც არის, რომ ინტერნეტპაკეტის ამოწურვის შემდეგაც მომხმარებელი ინარჩუნებს წვდომას ყველაზე საჭირო აპლიკაციებსა და სერვისებზე –  Google Maps, Uber, Bolt, WhatsApp chat, Messenger chat და MyCellfie. ეს ნიშნავს, რომ ახალ ქალაქში ორიენტაცია, ტრანსპორტის გამოძახება და ახლობლებთან კომუნიკაცია ხელმისაწვდომი რჩება მაშინაც კი, როდესაც ინტერნეტპაკეტზე მეგაბაიტები ამოწურულია. შედეგად, მომხმარებელს არ უწევს ინტერნეტის მუდმივი კონტროლი და შეუძლია მეტი ყურადღება დაუთმოს მოგზაურობას.  

საუკეთესო ტარიფები და საიმედო მომსახურება

არანაკლებ მნიშვნელოვანია მოქნილი ტარიფებიც. “სელფის” როუმინგის პაკეტი “ევროპა” მომხმარებელს შესაძლებლობას აძლევს მოგზაურობის ხანგრძლივობისა და ინტერნეტის მოხმარების მიხედვით შეარჩიოს სასურველი მოცულობა: 

• 1 GB ₾8 

• 3 GB ₾20

• 5 GB ₾28 

• 10 GB ₾52 

“სელფის” როუმინგი უამრავ ქვეყანას ფარავს და თითოეულში ყველაზე საიმედო და მრავალრიცხოვანი პარტნიორები ჰყავს. შესაბამისად, მომსახურების ხარისხიც მოწოდების სიმაღლეზე დაგხვდებათ.

The post “სელფის“ როუმინგით კავშირზე მაშინაც იქნები, როცა მეგაბაიტები ამოგეწურება appeared first on City Magazine.

სითი სალეჰ ალშაიას (Alshaya Group-ის Starbucks-ის მიმართულების პრეზიდენტი) და ფიგენ ილგაზს (Starbucks ევრაზიის უფროსი ვიცე-პრეზიდენტი) ესაუბრა.

ბატონო ალშაია, Alshaya Group ევრაზიასა და ახლო აღმოსავლეთში Starbucks-ის 2000-ზე მეტ ლოკაციას მართავს. რა ადგილი უჭირავს საქართველოს თქვენს გლობალურ პორტფელში და რატომ გადაწყვიტეთ ამ ბაზარზე შემოსვლა სწორედ ახლა?

საქართველო ჩვენი ზრდის გზაზე მნიშვნელოვან ეტაპს წარმოადგენს. მიუხედავად იმისა, რომ Starbucks-ს წარმატებით ვმართავთ ევრაზიისა და ახლო აღმოსავლეთის მრავალ ბაზარზე, სრულიად ახალ ქვეყანაში შესვლა ყოველთვის მნიშვნელოვანი მომენტია. საქართველოს განვითარებას რამდენიმე წელია თვალს ვადევნებთ და დიდი შთაბეჭდილება მოახდინა ჩვენზე მისმა ეკონომიკურმა დინამიკამ, საინვესტიციო კლიმატმა და ცოცხალმა სამომხმარებლო კულტურამ. ასევე დავინახეთ ძლიერი კავშირი Starbucks-სა და საქართველოში დამკვიდრებულ საკაფეო კულტურას შორის. დრო სწორად შერჩეულად მოგვეჩვენა, რადგან გვჯერა, რომ საქართველო ზრდის საინტერესო ფაზაში შედის, და გვსურდა ამ გზის ნაწილი ვყოფილიყავით. აქ უზარმაზარ გრძელვადიან პოტენციალს ვხედავთ — არა მხოლოდ Starbucks-ისთვის, არამედ უფრო ფართო საინვესტიციო და პარტნიორული შესაძლებლობებისთვისაც.

ამ პროექტის განხორციელებაში რამდენიმე სახელმწიფო უწყება და საელჩო იყო ჩართული. რამდენად რთული და ხანგრძლივი იყო მოლაპარაკებების პროცესი და რა როლი ითამაშა ამ მხარდაჭერამ ბრენდის შემოსვლაში?

გლობალური ბრენდის ახალ ბაზარზე გაშვება არასდროს არის ხანმოკლე პროცესი. ის მოითხოვს საჯარო და კერძო მხარეების შეთანხმებულ მუშაობას, გრძელვადიან ვალდებულებას და საერთო ხედვას. ძალიან ვაფასებთ საქართველოს მთავრობის, საინვესტიციო სააგენტოს, ეკონომიკის სამინისტროს, საგარეო საქმეთა სამინისტროს, ქუვეითში საქართველოს საელჩოსა და ყველა იმ პარტნიორის წვლილს, ვინც ამ გზაზე მხარი დაგვიჭირა. მთელი პროცესის განმავლობაში ჩვენზე დიდი შთაბეჭდილება მოახდინა პროფესიონალიზმმა და საერთაშორისო ინვესტიციების მოზიდვისადმი გულწრფელმა ერთგულებამ. მათმა მხარდაჭერამ საკვანძო როლი ითამაშა იმაში, რომ მრავალწლიანი მსჯელობა წარმატებულ საბაზრო შემოსვლად ქცეულიყო. საქართველომ აჩვენა, რომ ის ღიაა, ამბიციურია და მზადაა, მსოფლიო დონის საერთაშორისო ბრენდები მიიღოს.

Starbucks-ს მსოფლიოში 40 000-ზე მეტი ფილიალი აქვს. თქვენი მრავალწლიანი გამოცდილებიდან გამომდინარე, რა არის მთავარი გამოწვევა ბრენდის სრულიად ახალ ქვეყანაში დამკვიდრებისას და როგორ უმკლავდება Alshaya Group ამ გამოწვევებს?

ყველაზე დიდი გამოწვევა მაღაზიის გახსნა არ არის. ყველაზე დიდი გამოწვევა ის არის, რომ Starbucks-ის გამოცდილება პირველივე დღიდან ზუსტად ისე მიაწოდო მომხმარებელს, როგორც ის ამას ელოდება. მომხმარებელი, რომელიც Starbucks-ში ლონდონში, დუბაიში, სტამბოლში თუ ნიუ-იორკში ნამყოფია, თბილისის Starbucks-ში შესვლისას იმავე ერთგულებას უნდა გრძნობდეს ხარისხის, სტუმართმოყვარეობისა და ადამიანური კავშირის მიმართ. მრავალ ქვეყანაში Starbucks-ის მართვის გამოცდილება საშუალებას გვაძლევს, გლობალური სტანდარტები ადგილობრივ ექსპერტიზას შევუთავსოთ. დიდ ინვესტიციას ვდებთ ტრენინგში, ადამიანების განვითარებასა და საოპერაციო სრულყოფილებაში, რათა ყოველი ახალი ბაზარი სწორი საფუძვლით დაიწყოს. ამავდროულად, ყურადღებით ვუსმენთ ადგილობრივ მომხმარებლებს, რადგან ყველა ბაზარს საკუთარი კულტურა და იდენტობა აქვს.

როგორია თქვენი გრძელვადიანი ხედვა საქართველოსთვის? არის თუ არა Axis Towers-ში პირველი ფილიალის გახსნა ქართულ ბაზარზე მასშტაბური საინვესტიციო ტალღის დასაწყისი?

რა თქმა უნდა. Axis Towers მხოლოდ ჩვენი გზის დასაწყისია საქართველოში. ამ ბაზარზე გრძელვადიანი პერსპექტივითა და მისი მომავლის მტკიცე რწმენით შემოვედით. ჩვენი ამბიციაა, Starbucks თანმიმდევრულად გავაფართოოთ მთელი ქვეყნის მასშტაბით, შევქმნათ ახალი სამუშაო ადგილები, განვავითაროთ ადგილობრივი ტალანტი და აქტიური წვლილი შევიტანოთ საქართველოს საცალო ვაჭრობისა და სასტუმრო-სარესტორნო სექტორების განვითარებაში. გახსნის შემდეგ მიღებული გამოხმაურება გვამხნევებს და გვჯერა, რომ ზრდისთვის მნიშვნელოვანი სივრცე არსებობს. ინვესტიციების გაგრძელებასთან ერთად, ჩვენი მიზანია, ავაშენოთ მდგრადი ბიზნესი, რომელიც ღირებულებას შეუქმნის მომხმარებლებს, პარტნიორებსა და მთლიანად ქართულ ეკონომიკას.

სავარაუდოდ, გახსნის დღეს ემოციებს თვალს ადევნებდით. პირადად თქვენთვის რა არის მთავარი სიხარული ამ ბაზარზე შემოსვლისას და რა იქნება იმის ნიშანი, რომ საქართველომ Starbucks ნამდვილად შეიყვარა?

ყველაზე სასიხარულო მომენტი იყო იმ მომხმარებელთა ენთუზიაზმის ხილვა, რომლებიც Starbucks-ის საქართველოში შემოსვლას ელოდნენ. ადამიანები ფოტოებს იღებდნენ, საკუთარ შთაბეჭდილებებს აზიარებდნენ და გახსნას გულწრფელი აღფრთოვანებით ზეიმობდნენ. ასეთი მომენტები გვახსენებს, რომ Starbucks ყავაზე ბევრად მეტია — ეს არის კავშირების შექმნა და ყოველდღიური, აზრიანი გამოცდილებები. ჩემთვის წარმატების ნამდვილი ნიშანი იქნება ის, როცა Starbucks საქართველოში ყოველდღიური ცხოვრების ნაწილი გახდება. როცა ადამიანები ჩვენს ყავის სახლებს მეგობრებთან შესახვედრად, სასწავლად, სამუშაოდ ან უბრალოდ ერთად დროის გასატარებლად აირჩევენ, მაშინ გვეცოდინება, რომ საზოგადოების სანდო და დაფასებულ ნაწილად ვიქეცით.

ქალბატონო ილგაზ, თქვენ სიღრმისეულად იცნობთ ევრაზიის რეგიონს (თურქეთი, ყაზახეთი, აზერბაიჯანი). თქვენი დაკვირვებით, როგორ შეედრება ქართველი მომხმარებელი მეზობელი ქვეყნების მომხმარებლებს და რა მოლოდინები გაქვთ ქართული ბაზრის მიმართ?

ვფიქრობ, სხვადასხვა ბაზრის მომხმარებელთა პირდაპირი შედარება რთულია, რადგან ყველა ქვეყანას საკუთარი უნიკალური კულტურა, ჩვევები და სამომხმარებლო ქცევა აქვს. თუმცა ერთ-ერთი პირველი, რაც ქართველ მომხმარებლებში თვალში გხვდება, ხარისხისა და ავთენტური გამოცდილების დაფასებაა. ევრაზიის მრავალი ბაზრის მსგავსად, ყავას აქ მნიშვნელოვანი სოციალური როლი აქვს — ადამიანებს უყვართ შეკრება, ერთად დროის გატარება და ურთიერთობების შენება საკვებსა და სასმელზე. ეს ღირებულებები ბუნებრივად ეხმიანება Starbucks-ის გამოცდილებას. ამავდროულად, ქართველი მომხმარებლები ძალიან ჩართულები, ცნობისმოყვარეები და საერთაშორისო სამყაროსთან დაკავშირებულები არიან. გვჯერა, რომ ეს კომბინაცია Starbucks-ისთვის მყარ საფუძველს ქმნის, ხოლო გახსნის შემდეგ მიღებულმა პოზიტიურმა გამოხმაურებამ ბაზრისადმი ჩვენი ნდობა კიდევ უფრო განამტკიცა.

თბილისში ყავის ინდუსტრია და ადგილობრივი საკაფეო კულტურა საკმაოდ სწრაფად ვითარდება. თქვენი აზრით, რა უნიკალურ ღირებულებას სძენს Starbucks თბილისს და როგორ აპირებთ პოზიციონირებას ამ კონკურენტულ გარემოში?

თბილისს უკვე აქვს ცოცხალი საკაფეო კულტურა და ამას გამოწვევად კი არა, დადებით ფაქტორად აღვიქვამთ. Starbucks-ს მოაქვს გლობალურად აღიარებული გამოცდილება, რომელიც პრემიუმ ხარისხის ყავაზე, ხელნაკეთ სასმელებზე, პერსონალიზაციასა და მომხმარებელთან გულწრფელ კავშირზეა აგებული. ჩვენ ადგილობრივი საკაფეო კულტურის ჩანაცვლებას არ ვცდილობთ — გვსურს, მისი ნაწილი გავხდეთ. როგორც Alshaya Group Starbucks, ჩვენი ფოკუსია თანმიმდევრული ხარისხის, აზრიანი მომხმარებლის გამოცდილებისა და თბილი, მიმზიდველი გარემოს შექმნა, სადაც ადამიანებს შეუძლიათ ურთიერთობა, მუშაობა, დასვენება და ერთად დროის გატარება. გვჯერა, რომ ეს თვისებები Starbucks-ს საშუალებას მისცემს, გამორჩეული ადგილი დაიმკვიდროს თბილისის განვითარებად ყავის სცენაზე.

პირველი ფილიალისთვის Axis Towers შეირჩა. რატომ იქცა სწორედ ეს პროექტი ბრენდის „სავიზიტო ბარათად” საქართველოში და რას სთავაზობს ეს კონკრეტული სივრცე თბილისელ ყავის მოყვარულებს?

როგორც პირველი Starbucks საქართველოში, გვინდოდა ლოკაცია, რომელიც თანამედროვე თბილისის ენერგიასა და ამბიციას აირეკლავდა. Axis Towers-მა შემოგვთავაზა ხილვადობის, ხელმისაწვდომობისა და ძლიერი არქიტექტურული იერსახის ერთობლიობა. ეს არის გამორჩეული, ღირსშესანიშნავი ადგილი, რომელიც თანაბრად იზიდავს ადგილობრივ მოსახლეობას, პროფესიონალებსა და სტუმრებს. გვინდოდა, ჩვენს პირველ მაღაზიას ბაზარზე ძლიერი შესავალი გაეკეთებინა და მომხმარებლისთვის პირველივე დღიდან Starbucks-ის სრული გამოცდილება შეეთავაზებინა. ამ მიზნის მისაღწევად Axis Towers იდეალური ადგილი იყო.

 Starbucks-ის ძირითადი ფილოსოფია „მესამე ადგილის” კონცეფციას ეყრდნობა — სივრცეს სახლსა და სამსახურს შორის. როგორ მომზადდა ადგილობრივი გუნდი, რათა ეს უნიკალური ატმოსფერო და სტანდარტი თბილისში ზუსტად ყოფილიყო გადმოტანილი?

„მესამე ადგილის” ფილოსოფია ყველაფრის გულშია, რასაც ვაკეთებთ. ეს არის იდეა, რომ Starbucks უნდა იყოს თბილი, მიმზიდველი სივრცე სახლსა და სამსახურს შორის, სადაც ყველა თავს მიკუთვნებულად გრძნობს. იმისთვის, რომ ეს გამოცდილება საქართველოში მოგვეტანა, გახსნამდე დიდი ინვესტიცია ჩავდეთ პარტნიორების (თანამშრომლების) ტრენინგში. პროგრამა მოიცავდა სასმელების მომზადების ოსტატობას, მომხმარებელთა მომსახურებას, საოპერაციო სრულყოფილებას და, რაც მთავარია, ადამიანურ კავშირს. წარმოუდგენლად ვამაყობ ადგილობრივი გუნდით — მათ Starbucks-ის კულტურა ენთუზიაზმით მიიღეს და გამოცდილებას საკუთარი სითბო და სტუმართმოყვარეობა შემატეს. მრავალი თვალსაზრისით, საქართველოში სტუმრის მიღების ძლიერი კულტურა იდეალურად ეხმიანება იმ ღირებულებებს, რომლებსაც Starbucks წარმოადგენს.

მთელ მსოფლიოში ადამიანებს უყვართ Starbucks-ის კრუასანები და მაფინები. თქვენი პირადი აზრით, აქვს თუ არა რომელიმე ცნობილ ქართულ ტკბილეულს პოტენციალი, Starbucks-ის ვიტრინაზე აღმოჩნდეს?

როგორც Alshaya Group Starbucks, თავიდანვე გვსურდა, პატივი გვეცა და წარმოგვეჩინა საქართველოს მდიდარი კულინარიული კულტურა და არა უბრალოდ საერთაშორისო მენიუ შემოგვეტანა ბაზარზე. სწორედ ამიტომ ჩვენს კვების შეთავაზებაში ისეთი საყვარელი ადგილობრივი კერძები შევიტანეთ, როგორიცაა ხაჭაპური და ლობიანი. გახსნის შემდეგ ქართველი მომხმარებლებისგან უამრავი დადებითი გამოხმაურება მივიღეთ როგორც სოციალურ ქსელებში, ისე უშუალოდ მაღაზიაში. ადამიანებმა გულწრფელად დააფასეს, რომ ნაცნობი ადგილობრივი გემოები Starbucks-ის გამოცდილების გვერდით იყო წარმოდგენილი. ვფიქრობ, ეს მნიშვნელოვან რამეს გვაჩვენებს: მომხმარებლებს მოსწონთ გლობალური ბრენდები, მაგრამ ისინი ასევე აფასებენ ბრენდებს, რომლებიც ადგილობრივ ტრადიციებსა და კულტურას პატივს სცემენ. საქართველოში ზრდის გაგრძელებასთან ერთად, კვლავ მოვუსმენთ ჩვენს მომხმარებლებს და გამოვიკვლევთ შესაძლებლობებს, რომ Starbucks-სა და ქართულ გემოვნებას შორის აზრიანი კავშირები შევქმნათ. ჩემთვის გახსნის ერთ-ერთი ყველაზე სასიამოვნო მხარე იყო იმის ხილვა, რომ მომხმარებლებმა ეს ძალისხმევა შენიშნეს და დააფასეს. ეს ადასტურებს, რომ Starbucks-ს შეუძლია, ერთდროულად იყოს გლობალურად თანმიმდევრული და ადგილობრივად რელევანტური.

ტექსტი: მარიკა ხოფერია

The post Starbucks-ის ქართული თავგადასავალი იწყება appeared first on City Magazine.

იმ საღამოს  კარნეგი ჰოლის  სცენაზე სუხიშვილების საოცარი პროგრამა მიმდინარეობდა, დარბაზში კი, 2800 სტუმარი ქართული ცეკვით  ტკბებოდა. 

რამდენიმე წლის წინ ამერიკაში ჩასული ქართველი გოგოსთვის ეს მხოლოდ წარმატებული ღონისძიება არ ყოფილა. ეს იყო პასუხი კითხვაზე – და მერე? კითხვაზე, რომელიც საქართველოში წარმატებული კარიერის, ტელევიზიის, დიდი პროექტებისა და პროფესიული მიღწევების შემდეგ, საკუთარ თავს დაუსვა და რომელმაც საბოლოოდ ნიუ-იორკამდე მიიყვანა. 

პრესის ჟურნალისტი ვარ 17 წლიდან. შემდეგ ეს გამოცდილება პროდიუსინგსა და პროდაქშენში გადავიტანე. ჩავერთე PR-სა და მარკეტინგში.  ამერიკაში წასვლამდე არხის გაყიდვების ხელმძღვანელი ვიყავი. კარიერულად საკმაოდ მაღალ საფეხურს მივაღწიე, მაგრამ სწორედ მაშინ შემეშინდა გაჩერების. ვეღარ ვხედავდი რა უნდა ყოფილიყო ჩემი შემდეგი ნაბიჯი და საკუთარ თავს ერთი კითხვა დავუსვი – „მერე?“ სწორედ ამ კითხვამ მიმაღებინა ამერიკაში წასვლის გადაწყვეტილება. ამას დაემთხვა არასტაბილური გარემო, რომელმაც კიდევ უფრო მკაფიოდ დამანახა, რომ მიუხედავად ამდენი შრომისა, ჩემი კარიერა და მომავალი ბოლომდე ჩემზე აღარ იყო დამოკიდებული.

ჩემი ძმა ამერიკაში სწავლობდა და პირველად მასთან ჩავედი. ერთი თვე გავატარე ჯერ ჩიკაგოში, შემდეგ ნიუ-იორკში. სწორედ მაშინ მივხვდი, რომ ამერიკა არ არის ოცნებების ასრულების ქვეყანა იმ გაგებით, როგორც ხშირად არის რომანტიზებული. ეს არის ქვეყანა, სადაც მთლიანად საკუთარ თავზე ხარ დამოკიდებული და საბოლოოდ იღებ იმას, რასაც შენი შრომით იმსახურებ. უამრავ ქვეყანაში ვიყავი ნამყოფი და ევროპაც ძალიან მიყვარდა, მაგრამ ამერიკაში პირველად გამიჩნდა განცდა, რომ აქ ჩემი მომავალი მხოლოდ ჩემს ადაწყვეტილებებსა და ძალისხმევაზე იქნებოდა დამოკიდებული. ჩამოსვლიდან მალევე პანდემია დაიწყო. თავის გადასარჩენად ყველანაირ სამსახურში ვიმუშავე. ესეც ამერიკის რეალობის ნაწილია, ყოველდღე გადარჩენის რეჟიმში ხარ. თუმცა ამ რუტინამ არ უნდა მოგწყვიტოს მთავარს, რისთვის მოხვედი და რისი შექმნა გინდა.

სხვათა შორის, EMOLAS-ს სახელი და ისტორია ინტერვიუსთვის მომზადებისას სრულიად შემთხვევით გავიგე. მეგობარმა მითხრა, „ემოლასი“ ხომ უბრალოდ ამობრუნებული „სალომეა“-ო. ამიტომაც, ვკითხე ჩემს გმირს, სალომეს, როგორ გაჩნდა სახელის იდეა. 

რუსთავი 2-ში რომ დავიწყე მუშაობა, პატარა ვიყავი. ისეთი პერიოდი მქონდა ცხოვრებაში, ყველაფერი თავდაყირა რომ გაქვს. Facebook -ზე ამოყირავებული პროფილის სურათი დავაყენე, სახელიც ამობრუნებული დავიწერე -ემოლასი. ასე, თითქოს, მოცემულობასთან შესაბამისობაში ვიყავი და იმის შემდეგ, გავხდი „ემოლასი“. ყველა ამ სახელს მეძახდა და ამერიკაში ჩამოსვლის შემდეგაც, ჩემს კომპანიას დაუფიქრებლად Emolas Corporation დავარქვი. ახლა ცოტა მერიდება, New York times-თან ინტერვიუში მკითხეს, რატომ აირჩიე ეს სახელიო და ისე შემრცხვა, ალბათ, რაღაც განსაკუთრებულ ისტორიას ელოდნენ და სინამდვილეში ასეთი მარტივი და მინიმალისტური აღმოჩნდა. თუმცა, წლების განმავლობაში, ამ სახელმა ჩემთან ერთად იმდენი რამ გამოიარა, რომ მისი შეცვლა არც მიფიქრია. ერთი შეხედვით უბრალო ისტორიაა, მაგრამ ჩემთვის ძალიან დიდი შინაარსის მატარებელია. თან, თუ დავფიქრდებით, სამყაროც ხომ რაღაცნაირად ამოყირავებულია. არც ახლა მაქვს შეგრძნება, რომ თავით მაღლა ვდგავარ, პირიქით, მგონია, რომ ყველა ჩვენგანი რაღაც გაგებით თავდაყირა დავდივართ. ჰოდა, უკვე 15 წელია „ემოლასი“ ვარ და ეს სახელი ყველგან ჩემთან ერთად იქნება.

თქვენი პროექტები და პორტფოლიო ძალიან მრავალფეროვანია. რა არის მთავარი კრიტერიუმი, რომლის მიხედვითაც წყვეტთ ვის და რას წარუდგენთ მაყურებელს?

ჩემთვის მთავარია ჩვენი ქვეყანა ზუსტად იმ მრავალფეროვნებით წარვუდგინოთ საერთაშორისო მაყურებელს და უდიდეს აუდიტორიას, როგორიც რეალურად არის. აბსოლუტურად ყველა მიმართულებას მოვიცავთ.. კონცერტები ხომ თავისთავად, მუსიკა, ცეკვა, ბალეტი, თეატრი. გარდა ამისა,  ჩვენ ვაკეთებთ მიღებებს, სადაც ქართულ ღვინოს წარმოვადგენთ. ამასთან ერთად, ყველა ღონისძიების შემდეგ ქართველი ახალგაზრდა არტისტების ელექტრონული მუსიკის საღამოები გვაქვს. როდესაც ქართული სპექტაკლის – “მოახლეების” წარდგენა დავაანონსეთ, საოცარი გამოხმაურება მოჰყვა ამას.

ეს მხოლოდ თეატრისა და სანახაობის დამსახურება არ არის. ამ სპექტაკლში სამი ვარსკვლავი მონაწილეობს – ნინო კასრაძე, ნატო მურვანიძე, ბაია დვალიშვილი. ამხელა გამოხმაურება მათი სწორი სამოქალაქო და საზოგადოებრივი პოზიციის დამსახურებაა. იმდენად ღირსეული მოქალაქეები არიან, ისეთ მნიშვნელოვან მესიჯებს ატარებენ, რომ  ხალხის რეაქცია ამ არტისტების დამსახურებაც არის, რადგან პირველ რიგში, არიან ნამდვილი, ღირსეული მოქალაქეები. ჩვენ საერთო ფასეულობების მქონე ხელოვანებთან, არტისტებთან, ადამიანებთან ვთანამშრომლობთ და მათთვის გავაკეთებთ ყველაფერს, რომ საუკეთესო შედეგი დავდოთ. 

სალომე, რა არის შენი და Emolas Corporation-ის მთავარი მისია?

სანამ ჩემს თავზე გადავალ, გეტყვი რომ ყველას ჩვენი წილი მისია გვაქვს აქ. ამ ქვეყანაში ცხოვრებისას აღმოვაჩინე, რომ ადამიანებისთვის შენ ხარ შენი ქვეყნის წარმომადგენელი. აქ შენ ხარ შენი ქვეყანა და როგორც კი ამას აცნობიერებ, ინთება შენში პატრიოტიზმი და პასუხისმგებლობა. ჩვენი მისია, ნებისმიერი აქ მყოფის, ჩვენი ქვეყნის წარმოჩენაა – ყველა თავისებურად ახერხებს ამას და მადლობა მათ. ჩემი მთავარი მისიაა ქართული კულტურის ექსპორტი ამერიკაში. გვინდა მივაწოდოთ არაქართველ აუდიტორიას მთელი ჩვენი  სიკეთეები, ხიბლი და ღირსებები, რაც გვაქვს, როგორც დიდი კულტურის მატარებელ ერს. ამასთან ერთად, ჩვენი მიზანია რომ ეს ყველაფერი დიდ სცენებზე გავიტანოთ.

სტეფანეს კონცერტი, რომელიც ჩვენი პირველი პროექტი იყო, Webster Hall-ში ჩატარდა. 1400 ადამიანი ესწრებოდა. თავიდან, ხელშეკრულების გაფორმების დროს, არ გვენდობოდნენ. ამ ისტორიულ ადგილას ქართველი აუდიტორიის შეყვანის შეეშინდათ და დაზღვევის თანხა გაგვიორმაგეს. ზუსტად ამ დროს ყველაზე მეტად მეტკინა შინაგანად რაღაც, მაგრამ თან მივხვდი, რომ სწორედ ეს იყო ჩემი მისია, დამემტკიცებინა, რამდენად ღირებული და დასაფასებელი ერი ვართ, არა მხოლოდ სტეფანეს კონცერტის სახით, არამედ იქ დამსწრე ქართველი აუდიტორიის სახითაც. ამის შემდეგ, ჩვენს კომპანიას რეკომენდაციებს უწევენ, აღფრთოვანებული იყვნენ ქართველი აუდიტორიით.  უკვე იციან, გვიცნობენ და გვენდობიან. პირველად ეს გარდატეხა სწორედ ჩვენ მოვახდინეთ. 

სალომე, როგორია ამ ყველაფრის უკუკავშირი? რას გრძნობ ამ დროს, როდესაც ხედავ, რომ კიდევ ერთხელ წარმატებით შესრულდა კონკრეტული პროექტი?

სუხიშვილების კონცერტის მსვლელობისას, ერთ-ერთი დიდი საერთაშორისო სააგენტოს ხელმძღვანელმა, პირდაპირ დარბაზიდან მომწერა: „ღმერთო ჩემო, ამას რას ვესწრები და რას ვუყურებო.“ ჩემთვის, შუა კონცერტის დროს, მხოლოდ ეს შეტყობინებაც კი, ყველაფრის მთქმელი იყო. სუხიშვილების კონცერტს 2800 ადამიანი ესწრებოდა. ახლაც რომ მკითხო, ზუსტად მახსოვს ვინ ვის გვერდით იჯდა. სტრატეგიულად გვქონდა გათვლილი ყველაფერი. მოვიწვიეთ Forbes, Vogue, New York Times, New Yorker, Daily Mail, The Washington Post–ის წარმომადგენლები, რომლებმაც კონცერტების შესახებ სტატიები წინსწრებითაც კი გამოაქვეყნეს. რა თქმა უნდა, ჩვენთვის ყველაზე მნიშვნელოვანი ქართველი მაყურებელია, მაგრამ ამასთან ერთად, ვცდილობთ ჩვენი კულტურა იმ ადამიანებსაც გავაცნოთ, ვისაც შეუძლია ამ ამბის კიდევ უფრო ფართოდ გავრცელება. რობერტ დე ნირო ესწრებოდა კონცერტს. ის იცნეს და ამას მოჰყვა ამხელა ამბავი, მაგრამ რეალურად, მისი რანგის სხვა სფეროს უამრავი წარმომადგენელიც იყო. 

ყველაზე ემოციური მომენტი კი მაშინ დადგა, როდესაც ნინო სუხიშვილმა დამიძახა, ჩამეხუტა და მადლობა გადამიხადა. მითხრა, რომ დიდი ნინოსა და ილიკოს  დროს, როგორი ფურორიც მოახდინა სუხიშვილებმა ლასკალაში, იმავე მნიშვნელობის მოვლენა იყო კარნეგი ჰოლში გამართული ეს კონცერტიც. ეს სიტყვები ჩვენთვის იმის დასტური იყო, რომ რაღაც ძალიან მნიშვნელოვანი შევქმენით. კონცერტის დაწყებისას კულისებში ვერ გავჩერდი. იმდენად ემოციური და პირადი იყო ის მომენტი ჩემთვის, რომ ჩემს ოთახში ავედი, მონიტორის წინ დავჯექი და ავტირდი…

თუმცა, როგორც აღმოჩნდა, ყველაზე მასშტაბური პროექტი ჯერ კიდევ წინ არის. Facebook-ზე სალომეს ერთ პოსტს გადავაწყდი ტექსტით: „ჩემი ცხოვრების და კარიერის აქამდე ყველაზე მასშტაბურ პროექტზე, მსოფლიოს უდიდესი სცენის მენეჯმენტისგან თანხმობა და კონკრეტული აჯენდა მივიღე დღეს…“

„ამერიკული ბალეტის ისტორია ჯორჯ ბალანჩინის სახელთან არის დაკავშირებული. აქ ის ხელოვნების სამყაროს ერთ-ერთ უდიდეს ფიგურად მიიჩნევა. სწორედ ამიტომ, განსაკუთრებით მნიშვნელოვანია, რომ ისეთი სცენებისგან, როგორიცაა David H. Koch Theater და Metropolitan Opera House, ქართული ბალეტისთვის, სეზონის ფარგლებში, ოთხდღიანი სივრცე მივიღეთ. ეს ძალიან დიდი პასუხისმგებლობაა, უმნიშვნელოვანესი პროექტია, რომელსაც ვამზადებთ.“ 

სუხიშვილების პროექტამდე სალომე ამ გზას თითქმის მარტო გადიოდა. დღეს მის გვერდით მეგობრები არიან, რომლებსაც ამ საქმის სიყვარული გადასდო. დიდი პროექტების უკან, რა თქმა უნდა, უამრავი პარტნიორი და პროფესიონალი დგას, მაგრამ მთავარი მაინც ის საერთო ენერგიაა, რომელიც ადამიანებს ერთი იდეის გარშემო აერთიანებს. ეს ქართული სულისკვეთების, შრომისმოყვარეობის დამსახურებაა. ის “ქართული ამბავია”, მარტო ჩვენ რომ ვიცით და სხვას არავის ესმის, რომელიც სალომემ თავის მეგობრებს გადასდო და ახლა ერთად მთების გადადგმაც კი შეუძლიათ.  

6 დიდი პროექტია შემოდგომაზე დაგეგმილი. როგორც კი ამ ამბებს მოვრჩები, უნდა ჩამოვიდე საქართველოში და დავეშვა თხილამურებით გუდაურის მთებიდან. ისე მიყვარს საქართველოს ბუნება, ფეხით მაქვს მოვლილი ჩემს შვილთან ერთად. ამერიკაში ჩემი საქართველო მაქვს მოწყობილი. ნიუ იორკთან ახლოს, ვიყიდეთ აგარაკი, საათ ნახევრის გზაზე. აგარაკს ვეძახით  კიკეთს, ნიუ იორკი არის თბილისი. რუკაზეც ასე მაქვს მონიშნული და ასე ვეძახი ყოველდღიურად. მეგობრები რომ ვიკრიბებით, ხშირად ქართულ მუსიკას ვუსმენთ, ეზოში საქართველოს დროშა ფრიალებს, მოვირგე აქაურობა, სხვანაირად არც გამომივიდოდა. ეს ყველაფერი ხუმრობით, მაგრამ არასოდეს უნდა დაგვავიწყდეს რეალურად სად ვართ და რას ვემსახურებით. ამერიკა არის ქვეყანა, რომელმაც მომცა შესაძლებლობა საკუთარი იდეები რეალობად მექცია. ძალიან მიყვარს აქაურობა და უზომოდ მადლიერი ვარ იმ შესაძლებლობებისთვის, რაც აქ მივიღე.  თუმცა, საქართველო ისეთი საყვარელია ჩემთვის, ისეთი შეუცვლელი, რომ ამ სიცარიელის განცდას ვერაფერი, ვერასოდეს შეავსებს.. 

სალომე ლილუაშვილი, Emolas Corporation-ის დამფუძნებელი

ტექსტი: ელენე ბარამიძე

The post SALOME  – EMOLAS appeared first on City Magazine.

მეგა ბრენდების ჩვენებებიდან დაწყებული, შოურუმებში, ისტორიულ სასახლეებსა და ქალაქის სხვადასხვა ლოკაციაზე გამართული პრეზენტაციებით დასრულებული, თითოეულმა დიზაინერმა საერთო ნარატივის შექმნაში თავისი წვლილი შეიტანა. მილანის მოდის კვირეულისთვის მთავარია იდენტობა, შემოქმედებითი ძიება და მამაკაცის ჩაცმულობის ახალი ხედვების ჩამოყალიბება. უმაღლესი ხარისხის ნაწარმის შექმნა, ფუფუნების ცნების ახალი ინტერპრეტაცია და თვითგამოხატვის თავისუფლებისა თუ კულტურული შერწყმის მზარდი მნიშვნელობა კიდევ ერთხელ ადასტურებს, რომ მილანის მოდის კვირეული გაცილებით მეტია, ვიდრე უბრალოდ მოდის ღონისძიება — ის ინდუსტრიისა და კრეატიული სამყაროს განვითარების ერთ-ერთი მთავარი მაჩვენებელია. ყველასათვის ცნობილ ბრენდების გვერდით Prada, Armani, Ralph Lauren, Paul Smith, Missoni, Dolce & Gabbana.. შედარებით ახალდაარსებული ბრენდებიც იყვნენ კვირეულის ოფიციალურ განრიგში Caruso, Mtl studio, Tell the truth, Materia, Meriisi, Moarno, Botega Bernard.

Thom Browne-მა რომელიც როგორც ყოველთვის პარიზში მართავს ჩვენებებს, მილანის მოდის კვირეულის ფარგლებში ჩვენება პირველად გამართა. ასევე მილანში სადებიუტო ჩვენება ქონდათ დანიურ ბრენდ Martin Quad-სა და კოლუმბიურ ბრენდ Garcias-ს. მარტინმა აქრომატულ ტონებში ხოლო გარსიამ კი ქრომატულ ფერებში გადაწყვეტილი კოლექცია წარგვიდგინა.

Garcias-მა, რომლის დაფუძნებელია კოლუმბიელ-იტალიელი დიზაინერი Nicolas Martin Garcia, წარადგინა კოლექცია Latin Dreamers. შთაგონება მიგრაციის, იდენტობისა და ლათინოამერიკული კულტურის თემებიდან მოდიოდა. ჩვენებამ კოლუმბიური უბნის ატმოსფერო გააცოცხლა, ფერთა გამა მოიცავდა ვარდისფერს, კრემისფერს, პრინტიან ქსოვილებს, ჯინსის ნაწარმს, დეკორატიულ დეტალებს და თავისუფალ სილუეტებს — ეს არის ის, რასაც დიზაინერი „ლათინურ მაქსიმალიზმს“ უწოდებს.

Martin Quad-მა წარადგინა კოლექცია Mood Man, რომელიც თანამედროვე მამაკაცურობის ახალ ინტერპრეტაციას გვთავაზობს. ჩვენება გაიმართა Fondazione Sozzani-ში და გამოირჩეოდა მინიმალისტური ესთეტიკით, დახვეწილი თარგით, ექსპერიმენტული პროპორციებითა და თავშეკავებული სტილისტიკით, რაც ბრენდის კონცეპტუალურ და თანამედროვე ხედვას უსვამდა ხაზს.

კვირეულის ერთ-ერთი ყველაზე საინტერესო ახალი სახელი იყო Shinya Kozuka, რომელმაც კოლექცია Watercolour Path წარადგინა. შთაგონება დიზაინერმა იტალიაში სეირნობისას მიღებული უცნაური გამოცდილებიდან მიიღო — როდესაც დროებით საკონტაქტო ლინზა დაკარგა და გარემო ბუნდოვნად დაინახა. სწორედ ამ ბუნდოვან ხედვაზე, მოგონებებსა და ნოსტალგიაზე აიგო კოლექცია. აკვარელის პრინტები, დამუშავებული დენიმი, გაცვეთილი ტილოს ქურთუკები, ფართო სილუეტები და პოეტური სტილიზაცია ქმნიდა სიზმარსა და რეალობას შორის არსებულ ატმოსფეროს. ჩვენებაზე შევხვდი ისეთ ცნობილ ინფლუენსერებს, როგორებიც არიან Nick Kaufmann-სა და Benji Krol-ს.

Bunhova by Bungaro-მ მილანის მოდის კვირეულზე პირველი ოფიციალური პრეზენტაცია გამართა. ბრენდი ოთხი ახალგაზრდა დიზაინერის მიერ არის დაფუძნებული, მათ კოლექცია სახელწოდებით “ოთახი” პრეზენტაცია Fondazione Sozzani-ის სივრცეში გამართეს. ძველებური სახლის იმიტირებულ სივრცეში წარმოდგენილი მანეკენების მეშვეობით გავეცანი სამოსისა და ზამშის ჩანთების კოლექციას.

მილანის მამაკაცის მოდის კვირეულის ფარგლებში Church’s-მა 2027 წლის გაზაფხული-ზაფხულის კოლექცია წარადგინა ბრიტანული სახლის ელეგანტურობით შთაგონებულ სივრცეში. ბრენდმა წარმოაჩინა საკუთარი სამყარო, რომელიც დაფუძნებულია უმაღლესი ხარისხის მასალებსა და მრავალწლიან მემკვიდრეობაზე. ამ ხედვას კიდევ უფრო ამყარებდა არქივიდან შერჩეული უნიკალური ექსპონატები. ეს იყო იმერსიული გამოცდილება, რომელმაც კიდევ ერთხელ გაუსვა ხაზი ინგლისურ ტრადიციებს, ოსტატობასა და თანამედროვე სტილს შორის არსებულ მჭიდრო კავშირს. პრეზენტაციის შემდეგ ბრენდის მიერ ორგანიზებულ “კოკტეილ ფართიც” მოყვა, სადაც სხვადასხვა ცნობილ ადამიანს შორის ჰოლივუდის ვარსკვლავი, გერმანელი წარმოშობის მსახიობ Daniel Bruhl-საც შევხვდი. საღამოსთვის მუსიკას  მოწვეული დჯ Fiona Jane  ქმნიდა

MERIISI-ს 2027 წლის გაზაფხული-ზაფხულის კოლექცია აგრძელებს ბრენდის კონცეპტუალურ გზას, რომელიც ორიენტირებულია ინდივიდუალიზმზე. დიზაინერისთვის მნიშვნელოვანია  გადამუშავებული თუ deadstock მასალების გამოყენება. დიზაინერმა პრეზენტაცია მილანის ვინტაჟურ მაღაზია “Pezze Vintage”-ში გამართა, საკმაოდ მეგობრულ ატმოსფეროში.

Grossi – „L’Uomo per Gioco“ გააერთიანა 2026 წლის შემოდგომა-ზამთრისა და 2027 წლის გაზაფხული-ზაფხულის კოლექციები ერთ საერთო ნარატივად. Fondazione Sozzani-ში წარმოდგენილმა პროექტმა ასახა მყიფე, ჯერ კიდევ ფორმირების პროცესში მყოფი მამაკაცურობა, პოპ-კულტურის, ჰიბრიდული გამოსახულებებისა და უჩვეულო ვიზუალური სამყაროს გავლენით. კოლექციაში წარმოდგენილი იყო ექსპერიმენტული მასალები და ფორმები — ლაზერული დამუშავების მაქმანები, ღია კონსტრუქციები, სინთეზური თმისა და მატყლის ქსოვილები, რომელიც ტრადიციულ ესთეტიკას არღვევს.

ესპანელმა დიზაინერმა Sergio Davila-მ მილანში თავისი დებიუტი გამართა. მისი კოლექცია აერთიანებდა ხმელთაშუა ზღვის კულტურულ მემკვიდრეობასა. ქალისა და მამაკაცის გაერთიანებული ფერებიდ დატვირტული კოლექცია, ხელით შესრულებული ნაქსოვი და ტრიკოტაჟის მასალისგან შედგებოდა. დიზაინერის ხედვამ თანამედროვე მამაკაცის ფუფუნების უფრო თავისუფალ ინტერპრეტაციას შემოგვთავაზა.

Bikkembergs-ის პრეზენტაციის მთავარი აქცენტი მოძრაობაზე, ტექნიკურ ქსოვილებსა და ფეხბურთის კულტურით შთაგონებულ მამაკაცურ სილუეტებზე გაკეთდა — ეს არის ბრენდის იდენტობა, რომელიც მისი დაარსებიდანვე განსაზღვრავს მის ესთეტიკას. თავისუფალი ზედა ტანსაცმელი, სპორტული ელემენტებით შთაგონებული კომპლექტები, მსუბუქი ტრიკოტაჟი და ფუნქციური დეტალები ქმნიდა თანამედროვე, აქტიური ცხოვრების სტილის გარდერობს და არა უბრალოდ სპორტულ ტანსაცმელს. 

PLĀS-მა განაგრძო საკუთარი თანამედროვე დიზაინის ენის განვითარება მდგრადობისა და მოდულური ჩაცმის კონცეფციის მეშვეობით. დიზაინერმა Nathi Danten-მა კოლექცია სახელწოდებით „არაფერი სერიოზული“ Alberto Corino-სთან კოლაბორაციით მუსიკალურად გაფორმებულ სივრცეში წარმოგვიდგინა. 

Canali-ს 2027 წლის გაზაფხული-ზაფხულის კოლექციისთვის Alessio Lillocci-მ შთაგონებად აირჩია სანელებლების გზა — ესთეტიკური მოგზაურობა, რომელიც ინდონეზიას, ინდოეთს, აღმოსავლეთ აფრიკასა და ხმელთაშუა ზღვის რეგიონს აერთიანებს. დარიჩინის, კარდამონისა და სპარსული ლურჯი მარილის ტონებში გადაწყვეტილი კოლექცია მოგვითხრობს მსუბუქი ფენების, ძვირფასი ქსოვილებისა და მუდმივ მოძრაობაში მყოფი ელეგანტურობის შესახებ. ეს არის კულტურების შეხვედრის ისტორია, რომელიც მამაკაცის კლასიკურ სტილს თანამედროვე ინტერპრეტაციით წარმოგვიდგენს.

Brunello Cucinelli-ის ბრენდმა, როგორც ყოველთვის ერთ-ერთი ყველაზე შთამბეჭდავი პრეზენტაცია გამართა.  მზით ოდნავ გაფერმკრთალებული ქაშმირის ნაქსოვები, დამუშავებული სელი, მსუბუქი შალი, ზამში და რბილი ბამბა ავსებდა კოლექციას, ხოლო ფერთა პალიტრა — გარგარისფერი, ატმის ყვავილის ტონი, ლურჯი, ღია ცისფერი, ვანილისფერი და აკვამწვანე —ასეთია კუჩინელის გაზაფხული საფხული 2027 წლის კოლექცია. ეს იყო „მშვიდი ფუფუნების“ იდეის კიდევ ერთი სრულყოფილი მაგალითი, სადაც მთავარი როლი მასალებისა და ოსტატობის ხარისხს ენიჭება და არა ლოგოებს. ბრენდს განსაკუთრებულად შარმიანი მოდელები ყავს ამორჩეული ყოველ სეზონზე. მათ შორის გავიცანი James Turlington, რომელიც ცნობილი სუპერმოდელი Christy Turlinghton-ის დისშვილია.

Harmont & Blaine-მა წარმოადგინა ხმელთაშუა ზღვის ელეგანტურობით შთაგონებული, თავისუფალი და ბუნებრივი კოლექცია. მთავარი აქცენტი გაკეთდა სელისა და ბამბის ქსოვილებზე, რბილ ტრიკოტაჟსა და სანაპირო პეიზაჟებით შთაგონებულ ფერთა დახვეწილ პალიტრაზე. ბრენდმა უარი თქვა სწრაფი მოდის ტენდენციებზე და ყურადღება გაამახვილა მუდმივ კომფორტზე, ხარისხიან მასალებზე და ყოველდღიურ ელეგანტურობაზე.

Massimo Giorgetti-მ MSGM-ის საწყის ენერგიას დაუბრუნდა და კოლექცია თანამედროვე ხელოვნების გალერეა Ordet-ში წარგვიდგინა. კონტრასტული ფერები, ზოლები, პრინტები, ვესტერნის ელემენტებით შთაგონებული ქურთუკები, დაუმუშავებელი ტვიდი, ფერადი ტრიკოტაჟი და უნისექს სილუეტები ბრენდის ახალგაზრდულ და დინამიკურ ხასიათს უსვამდა ხაზს. მხატვარ P. Staff-ის ვიდეოინსტალაციამ პრეზენტაციას შემოქმედებითი, ემოციური და ექსპერიმენტული განწყობა შემატა. მინიმალიზმის ნაცვლად, MSGM ოპტიმიზმს, ინდივიდუალიზმსა და თავისუფალ თვითგამოხატვას აღნიშნავს.

Koday-მ მილანის მოდის კვირეულზე პირველად მიიღო მონაწილეობა და Pierre Verger-ს ფოტონამუშევრებით: 60-იანი წლების ბრაზილიის პეიზაჟების, ხალხისა და ტრადიციის ამსახველი ფოტომასალით ინსპირირებული კოლექცია წარგვიდგინა. ოხრისფერი, ლურჯი, ცისფერი, პრინტიანი, ზოლიანი და ტრანსფარენტული სამოსით სავსე კოლექცია ჩემთვის ერთ-ერთი გამორჩეული იყო ამ სეზონზე.

Lardini-მ Circolo Filologico Milanese-ს ულამაზეს სივრცეში წარადგინა კოლექცია Pétra, რომელიც შთაგონებულია ბავშვური, უბრალო ჟესტით — გზაზე ნაპოვნი პატარა ფრაგმენტების შეგროვებით, რომლებიც საბოლოოდ ელეგანტურ ისტორიად იქცევა. ფერთა პალიტრა მოიცავდა მუქ კრემისფერ, მარგალიტისფერ, ყავისფერს, თეთრსა და შავს. პრეზენტაციამ წარმატებით წარმოაჩინა, როგორ შეიძლება ბრენდის მემკვიდრეობის თანამედროვე ინტერპრეტაცია დახვეწილი კონსტრუქციებისა და მრავალფუნქციური დიზაინის მეშვეობით.

Santoni-ს 2027 წლის გაზაფხული-ზაფხულის კოლექცია The Art of Encounter ხელოსნური ტრადიციებისა და ინოვაციის შერწყმას ეძღვნება. კოლექციის მთავარი გმირებია პერსონალიზებადი მოდელები, მათ შორის Carlo-ს ლოფერები, ასევე ახალი სპორტული ფეხსაცმელები, ჩანთები და ორმაგი ბალთიანი ფეხსაცმელები, რომლებიც პრემიუმ ხარისხის მასალებითა და ექსკლუზიური დამუშავების ტექნიკით არის შექმნილი. კოლექცია ქალის ხაზსაც მოიცავს და კიდევ ერთხელ უსვამს ხაზს Santoni-ს ოსტატობას.

მილანის მამაკაცის მოდის კვირეულის ფარგლებში Cortigiani-მ 2027 წლის გაზაფხული-ზაფხულის კოლექცია Montenapoleone-ზე მდებარე საკუთარ ბუტიკში წარადგინა. ღონისძიების სპეციალური სტუმრები იყვნენ მსახიობები Giorgio Marchesi და Matteo Martari. პრეზენტაციამ კიდევ ერთხელ გაამყარა ბრენდის ხედვა თანამედროვე მამაკაცურ ელეგანტურობაზე, რომელიც დაფუძნებულია პროდუქტის ხარისხზე, ოსტატობაზე და დახვეწილ სტილზე. 

2027 წლის გაზაფხული-ზაფხულის სეზონისთვის Filippo De Laurentiis-მა წარადგინა კოლექცია „DA MAR“, რომელიც ადრიატიკის ზღვას აღიქვამს როგორც კულტურების, იდენტობებისა და ისტორიის გადაკვეთის ადგილს. ბრენდი განსაკუთრებულ ყურადღებას უთმობს ტრიკოტაჟს, სელისა და აბრეშუმის ქსოვილებს, დაწნულ ტექსტურებსა და ოტომანის ტექნიკას. კოლექცია შედგებოდა თბილი ტონებისგან.

ცნობილი 10 Corso Como-ს სივრცე, ყოველთვის გამორჩეულ ღონისძიებებს მასპინძლობს. ამჟამად მან უმასპინძლა CIFF–  „სკანდინავიურ ხელწერებს“. მიწვეული ვიყავი გახსნის საღამოზე, სადაც გავეცანი სხვადასხვა განხრის სკანდინავიელ დიზაინერს. პროექტში წარმოდგენილი იყო როგორც ტანსაცმლისა და ფეხსეცმლის, ასევე თავის მოვლის და პარფიუმერული ბრენდები. 

მიუხედავად იმისა, რომ თითოეულმა ბრენდმა საკუთარი განსხვავებული შემოქმედებითი გზა წარმოადგინა, რამდენიმე მნიშვნელოვანი ტენდენცია თითქმის ყველა კოლექციაში გამოიკვეთა: მკაცრი კლასიკური კოსტიუმების ნაცვლად, ყურადღება თავისუფალ და კომფორტულ მკერავობაზე გადავიდა. ფუფუნების მთავარი საფუძველი კვლავ მაღალი ხარისხის ნაკეთობა და მასალები დარჩა. ინდივიდუალიზმი უფრო მნიშვნელოვანი გახდა, ვიდრე მამაკაცურობის ტრადიციული სტერეოტიპები — კოლექციები აქტიურად უსვავდა ხაზს თავისუფალ სტილიზაციას, თვითგამოხატვასა და კულტურულ მრავალფეროვნებას. 

Text and Photos – Matassi Tsertsvadze

The post Milan Men’s Fashion Week S/S 2027 appeared first on City Magazine.

შენობა, რომელიც თავდაპირველად სახელმწიფო ბანკის ბათუმის განყოფილებისთვის აშენდა, წლების განმავლობაში ინარჩუნებდა თავის ფუნქციას და მნიშვნელობას, ხოლო მოგვიანებით, თანამედროვე რეკონსტრუქციის შედეგად, მას ახალი არქიტექტურული შრეები დაემატა – მათ შორის გამორჩეული ასტრონომიული საათი, რომელიც დღეს ბათუმის ერთ-ერთ სიმბოლოდ არის ქცეული.

ეს ადგილი მხოლოდ არქიტექტურული მემკვიდრეობა არ არის. ის არის ქალაქის ისტორიის, დროის ციკლურობისა და ცვლილებების მეტაფორა – სივრცე, სადაც წარსული და თანამედროვეობა ერთ მთლიან გამოცდილებად ერთიანდება.

დღეს კი, სწორედ ამ ისტორიულ კონტექსტში, შენობა ახალ ფუნქციას იძენს როგორც Hotel Indigo Batumi Old Town  ბრენდი, რომელიც გლობალურ გამოცდილებას ადგილობრივი იდენტობისა და უბნის უნიკალური სულის გადმოცემით აერთიანებს.

ეს პროექტი არა მხოლოდ შენობის გაცოცხლება, არამედ ქალაქის მეხსიერების გააქტიურებაა – მცდელობა, რომ ბათუმის ავთენტური ისტორია თანამედროვე სტუმრის გამოცდილების ნაწილად იქცეს.

ინტერვიუ თეო გიორგაძესთან (Chief Marketing Officer) – კომერციული ხედვა და ახალი სიცოცხლე ისტორიულ შენობაში.

როგორ ხედავთ ამ შენობის ახალ სიცოცხლეს კომერციული თვალსაზრისით?

ამ შენობას ძალიან ძლიერი იდენტობა აქვს და სწორედ ეს გახდა ჩვენი მთავარი საწყისი წერტილი. კომერციული პროექტის წარმატება დღეს აღარ განისაზღვრება მხოლოდ ინფრასტრუქტურით ან ლოკაციით – ის განისაზღვრება გამოცდილებით.

ჩვენთვის მნიშვნელოვანი იყო, რომ ეს სივრცე არ ყოფილიყო უბრალოდ განთავსების ადგილი. ის უნდა გამხდარიყო ისტორიის გაგრძელება, სადაც სტუმარი ერთდროულად გრძნობს ქალაქსაც, შენობასაც და მის შიგნით არსებულ ამბავს.

რა განასხვავებს ამ სასტუმროს ბათუმის სხვა სასტურმოებისგან?

განსხვავება სწორედ კონცეფციაშია. ჩვენ არ ვცდილობთ ვიყოთ მხოლოდ სასტუმრო. ჩვენი მიზანია ვიყოთ კონკრეტულად ამ ადგილის გაგრძელება.

ბრენდი Indigo სწორედ ამას ეფუძნება – თითოეული მათი სასტუმრო უკავშირდება იმ უბანს, სადაც მდებარეობს. ამიტომ აქ ყველაფერი – დიზაინი, მასალები, დეტალები – ბათუმის ისტორიიდან და ხასიათიდან არის შთაგონებული.

როგორ ხდება ისტორიული ავთენტურობისა და თანამედროვე კომერციული მოთხოვნების დაბალანსება?

ეს იყო ერთ-ერთი ყველაზე რთული, მაგრამ ყველაზე საინტერესო პროცესი. ჩვენი მიდგომა იყო ძალიან მარტივი პრინციპი – არაფერი დაგვეკარგა, რაც ამ შენობას უნიკალურს ხდის.

ისტორიული ელემენტები შენარჩუნდა როგორც საფუძველი, ხოლო თანამედროვე ფუნქციები ისე დაემატა, რომ მათ ისტორია არ დაეფარათ, არამედ გაეგრძელებინათ.

ეს ბალანსი კომერციულადაც ძალიან მნიშვნელოვანია, რადგან დღეს სტუმარი ეძებს ნამდვილ გამოციდლებას.

რა როლს ასრულებს ეს პროექტი ქალაქის ტურიზმის განვითარებაში?

ბათუმი უკვე აღარ არის მხოლოდ სეზონური ტურისტული მიმართულება. ის თანდათან იქცევა ქალაქად, რომელსაც აქვს კულტურული სიღრმე და მრავალშრიანი გამოცდილება.

ასეთი პროექტები სწორედ ამ გარდაქმნას აჩქარებს, ისინი ქალაქს აძლევენ შინაარსს და არა მხოლოდ ინფრასტრუქტურას.

რას ნიშნავს თქვენთვის ამ ისტორიულ შენობაში ახალი სასტუმროს გახსნა?

ეს არის პასუხისმგებლობა და ერთგვარი პატივი. როდესაც ასეთ შენობას ეხები, შენ არ ქმნი უბრალოდ ახალ პროდუქტს  შენ აგრძელებ მის ცხოვრებას.

ჩვენი მიზანია, რომ ეს ადგილი დარჩეს ცოცხალი, აქტიური და მუდმივად განვითარებადი, მაგრამ თავისი ავთენტური ხასიათის დაკარგვის გარეშე.

ისტორიული მეხსიერებით დატვირთული ეს შენობა დღეს უკვე აღარ არის მხოლოდ წარსულის ნაწილი – ის იქცა ქალაქის განვითარების ცოცხალ გაგრძელებად, სადაც არქიტექტურა, კულტურა და თანამედროვე სტუმარ-მასპინძლობა ერთ მთლიან ნარატივს ქმნის.

როგორც თეონა გიორგაძე აღნიშნავს, ასეთი პროექტების მთავარი ღირებულება არა მხოლოდ კომერციულ წარმატებაშია, არამედ იმაში, თუ რამდენად შეუძლია მათ ქალაქის იდენტობის გაძლიერება და მისი ახალი გამოცდილებებით გამდიდრება. სწორედ ამ ხედვაზე დგას Hotel Indigo Batumi Old Town  სივრცე, რომელიც ბათუმის ისტორიას არ ინახავს როგორც არქივს, არამედ აცოცხლებს მას ყოველდღიურ გამოცდილებად.

https://www.instagram.com/hotelindigobatumi

https://www.facebook.com/hotelindigobatumi

The post ბათუმის მეხსიერება ახალ სიცოცხლეში  appeared first on City Magazine.

ყველა ლოგიკითა და ფიქრით არტისკენ უნდა წასულიყო.

გვინდოდა ზაფხულის „სითიში” სკოლის დამთავრების ფანტასტიკურ პერიოდს გამოვხმაურებოდით. ელენე კუჭუხიძე იდეალური გმირია. მისი პირველი „სითი”, როგორც მოგახსენეთ, 10 წლის ასაკში შედგა. წელს სკოლას ამთავრებს და იწყებს ახალს.

შეხვედრა სტუდიაში შედგა. ვიდრე გუნდი გადაღებისთვის ემზადებოდა, გამოველაპარაკე. წინ გაზრდილი და ძალიან საინტერესო ელენე მეჯდა. ამიხსნა, რომ გეგმები ოდნავ შეეცვალა. მისი „ხე კადუ“დარჩება, არტიც დარჩება, მაგრამ პროფესიის მიმართულება მაინც კორპორაციული სამართლისკენ წავიდა. იცით, იერითაც ასეთია. თან არტი და თან სამართალი. სადღაც სირბილე და იქვე სიმტკიცე. „სითის“ ფოტოსესიასაც ეს ელენე უნდა დაეჭირა. ვფიქრობთ, დაიჭირა.

ელენე კუჭუხიძე, 17 წლის

დაამთავრა ევროპული სკოლა

სწავლას განაგრძობს, საფრანგეთში, EDHEC Business School

თბილისიდან პარიზში (ლილში), რატომ პარიზი?

პარიზი, თბილისის შემდეგ, ჩემი საყვარელი ქალაქია, რომლის ქუჩებში, სენას ნაპირზე სეირნობა, არასოდეს მომბეზრდება. თუმცა, სასწავლებლად ლილი შევარჩიე. ლილი მშვიდი, სტუდენტური ქალაქია, საოცარი მდებარეობით (ძალიან ახლოს პარიზთან, ბრიუსელთან, ბრიუგესთან…) მიმაჩნია, რომ ნამდვილ ფრანგულ კულტურას და საზოგადოებას სწორედ ლილში გავიცნობ. უნივერსიტეტი კი სტუდენტებზე ორიენტირებულია.

⁠რატომ ბიზნეს ადმინისტრირება და არა არტი?

ხელოვნება ჩემი ცხოვრების განუყოფელი ნაწილია, და ყოველთვის ასე იქნება, მაგრამ ჩემ თავს კორპორაციული სამართლის სფეროში ვხედავ. ამ პროფესიის შესწავლის შესაძლებლობას სწორედ ეს მიმართულება მომცემს.

„ხე კადუ“ დაიწყო ასე…

„ხე კადუს“ შექმნის იდეა 2019 წელს გამიჩნდა, რომლის მიზანი იყო შემექმნა ისეთი ეკოლოგიურად სუფთა სათამაშო, რომელიც პატარებში განავითარებდა დადებით უნარ-ჩვევებს – შრომას, კრეატიულობას, გარშემო მყოფებზე ზრუნვას… სათამაშოები: ჩიტის სახლი, ჩემი საყვარელი წიგნის თარო, ახალი თბილისი და სხვა. საზოგადოებამ მალე შეიყვარა და დღემდე მოთხოვნადია.

 „⁠ხე კადუ“ – როგორ გაგრძელდება ის?

„ხე კადუში“ იმდენი შრომაა ჩადებული, სადაც არ უნდა წავიდე, რა საქმითაც არ უნდა ვიყო დაკავებული, ყოველთვის მოვნახავ დროს ვიფიქრო და განვავითარო იგი. გავაგრძელო მასთან დაკავშირებული სხვადასხვა სოციალური თუ შემოქმედებითი პროექტი.

ვერ წარმომიდგენია ჩემი დღე მუსიკის გარეშე. რასაც არ უნდა ვაკეთებდე, მუსიკა ჩემი ყოველდღიურობის ნაწილია. ვერ წარმომიდგენია ვერც ერთი საქმე, გარემო რომელსაც სწორად შერჩეული მუსიკა არ ავსებდეს და ალამაზებდეს.

⁠უახლოესი მომავლის გეგმები

სასწავლებლად გამგზავრების პროცესის დროს ბევრი საბუთი თუ პრობლემაა მოსაგვარებელი. ძალაუნებურად, მეც ამ მზადების პროცესში ვარ ჩართული. მაქსიმალურად ვცდილობ განვეწყო, დავიმუხტო და მომზადებული შევხვდე ასეთ საპასუხისმგებლო ნაბიჯს ჩემს ცხოვრებაში.

⁠ყველაზე მეტად მომენატრება…

ოჯახის წევრებთან გატარებული დღე, ჩვენი ტაძარი, აჭარული ხაჭაპური.

საყვარელი საგანი…

მათემატიკა და სამართალი

⁠საყვარელი ფილმი

„პიანისტი“

საყვარელი წიგნი

„პატარა უფლისწული“ – ანტუან დე სენტ-ეგზიუპერი

“სითი” მაშინ…

პირველად სითიში გადამიღეს, როდესაც 10 წლის ვიყავი. ის ემოცია არასოდეს დამავიწყდება.

⁠”სითი დღეს…”

სითი ყოველთვის დახვეწილი და გემოვნებიანია.  გაძლევს საშუალებას  საუკეთესოდ გამოავლინო თავი.

სამკაული: Chopard

საათი: Baume & Mercier Chronograph Georgia

ფოტო: Ivan Berkovich 

მაკიაჟი: ეკატერინე ჩანჩიბაძე

პროდიუსერი: ეკა ხოფერია

The post სკოლას დაამთავრებ და მერე?  . . . appeared first on City Magazine.

Olfactory Signals 2024 წელს დააარსა კრეატიულმა პლატფორმამ System Preferences-მა და მან სწრაფად დაიმკვიდრა თავი, როგორც ევროპის ერთ-ერთმა ყველაზე ექსპერიმენტულმა და პროგრესულმა სურნელოვანმა ფორუმმა.

10 Corso Como-ს უნიკალური სივრცე განსაკუთრებულად შეესაბამება ამ ივენთს, რადგან ამ კონცეპტუალურ სივრცეში ერთიანდება მოდა, ხელოვნება, დიზაინი, გამომცემლობა და თანამედროვე კულტურა.

მილანი, როგორც დიზაინის, მოდისა და კულტურული ინოვაციების საერთაშორისო ცენტრი, ბუნებრივ გარემოს ქმნის ისეთი ღონისძიებისთვის, რომელიც სურნელს არა მხოლოდ პროდუქტად, არამედ კულტურულ და შემოქმედებით მედიად განიხილავს

ოთხი დღის განმავლობაში ღონისძიება სურნელს, როგორც თანამედროვე ხელოვნების მედიას, იკვლევს და აერთიანებს პარფიუმერებს, დიზაინერებს, არტისტებს, მკვლევრებსა და დამოუკიდებელ ბრენდებს მსოფლიოს სხვადასხვა ქვეყნიდან. იმერსიული ინსტალაციების, კურირებული შეხვედრების, დისკუსიებისა და ექსპერიმენტული პროექტების მეშვეობით სტუმრებს შესაძლებლობა ეძლევათ, სურნელი ტრადიციული პარფიუმერიის ფარგლებს მიღმა აღმოაჩინონ და შეისწავლონ მისი კავშირი ხელოვნებასთან, დიზაინთან, მეცნიერებასა და კეთილდღეობასთან.

წლევანდელ გამოცემაში მსოფლიოს სხვადასხვა კუთხიდან 30-ზე მეტმა მონაწილემ მიიღო მონაწილეობა. თითოეული მათგანი წარმოდგენილია პროგრამაში, რომელიც მიზნად ისახავს სურნელის აღქმის ახალი პერსპექტივების გახსნას და მის გაფართოებას. მონაწილეებს შორის ჩემთვის განსაკუთრებით დასამახსოვრებელი შემდეგი ბრენდები აღმოჩნდნენ – პარფიუმის ხაზიდან: Arpa Studios, Abel Fragrance, Jouissance Parfums, Notes De Bas De Paje, Siuno Fragrances, Raer Scents, Ecdysis Studio, ინტერიერის პარფიუმი და ე.წ “ლაიფსთაილ” წარმომადგენლებიდან Amen, Ahare Space Project, Cromo Tea, Be Barman Eventi, ხოლო  ხელოვანებიდან Chiara Capellini, Ambra Martone, Sissel Tolaas, Octave Perrault.

განსაკუთრებული ყურადღება მიიქცია შვედურმა ბრენდმა Björk and Berries-მა, რომელიც სკანდინავიური ბუნების ნარატივებს სურნელებში თარგმნის, ასევე Unifrom-მა, რომლის მინიმალისტური ესთეტიკა თანამედროვე დიზაინისა და პარფიუმერიის საინტერესო გადაკვეთას ქმნის. მან თავისი სუნამოს ხაზის ინსტალაცია არტისტ Fabian Bergmark Nasman-თან კოლაბორაციით შემოგვთავაზა.

Marie Jeanne Grasse პარფიუმის ხაზმა, საფრანგეთის ქალაქ გრასიდან ჩემი დიდი მოწონება დაიმსახურა, მან ხელოვან Daidaitran-ის მიერ შექმნილ ნამუშევრებთან ერთად წარგვიდგინა სუნამოები. Cromo tea-ის დამფუძნებელმა სხვადასხვა სახეობის ჩაი წარადგინა და მსურველებს მისი დაგემოვნება ადგილზევე შეეძლოთ. ღონისძიების ერთ-ერთ ყველაზე დამაფიქრებელ აღმოჩენად ჩემთვის Ahare Space Project იქცა — ინიციატივა, რომელიც სურნელს არა როგორც ესთეტიკურ ობიექტს, არამედ მეხსიერების და  ემოციური კავშირის საშუალებად განიხილავს.

ღონისძიების ერთ-ერთი მთავარი პროექტი OPEN Al(R) — სურნელების მკვლევარის, Sissel Tolaas-ისა და არქიტექტორ Octave Perrault-ის თანამშრომლობით შექმნილი  ნამუშევარი გახდა, რომელიც 10 Corso Como-ს სახურავზე განათავსეს. ინსტალაცია ეფუძნებოდა იდეას, რომ ჰაერი და წყალი დღემდე რჩება ყველაზე თავისუფალ ელემენტებად. სწორედ ამ კონცეფციაზე დაყრდნობით შექმნეს ავტორებმა სივრცე, სადაც სურნელი, კლიმატი და მოძრაობა ერთიან აღქმად გარდაიქმნებოდა.

ეს ის არასრული სიაა  სხვადასხვა ქვეყნიდან ჩამოსული არტისტების, მეცნიერების, არქიტექტორების, პარფიუმერებისა და მკვლევრების, რომლებსაც გავეცანი ღონისძიების განმავლობაში.

Olfactory Signals აგრძელებს თავის დამკვიდრებას, როგორც თანამედროვე ოლფაქტორული გამოხატვის ერთ-ერთი წამყვანი პლატფორმა, რომელიც ვიზიტორებს სთავაზობს უნიკალურ შესაძლებლობას, სურნელი კულტურის, შემოქმედებისა და ინოვაციის პრიზმაში განიცადონ.

მილანში გატარებული ოთხი დღის შემდეგ ცხადი ხდება, რომ Olfactory Signals მხოლოდ სურნელების გამოფენა არ არის. ეს არის პლატფორმა, რომელიც გვთავაზობს სამყაროს განსხვავებული სენსორული პერსპექტივიდან დანახვას და გვაფიქრებინებს, თუ რამდენად დიდი კულტურული, ემოციური და შემოქმედებითი პოტენციალი შეიძლება იმალებოდეს იმ შეგრძნებაში, რომელსაც ყოველდღიურ ცხოვრებაში ხშირად ყველაზე ნაკლებ ყურადღებას ვუთმობთ.

Text & Photos by Matassi Tsertsvadze

The post როდესაც სურნელი ხელოვნებად იქცევა: Olfactory Signals 2026 მილანში appeared first on City Magazine.

მილანის მოდის კვირეულების ქართველი სტუმარი მატასი ცერცვაძე და მისი თვალით დანახული Fashion Week მომენტები.

ტანსაცმლისა და სამკაულების დიზაინერი, ფოტოგრაფი & „სთორი თელერი“ ვარ, 2015 წლიდან პარიზისა და მილანის მოდის კვირეულებს მუდმივად ვსტუმრობ. ასევე  გამოვარჩევ ჩემთვის საყვარელ კოპენჰაგენის მოდის კვირეულს. ვიღებ „სთრითსთაილს“, „ბექსთეიჯის“ მომენტებს, ვესწრები ჩვენებებს და ვხვდები ცნობილი ფოტოგრაფების ობიექტივში და სხვადასხვა გამოცემების გვერდებზე, როგორც მოდის კვირეულის გამორჩეულად ჩაცმული სტუმარი.

მილანის მოდის კვირეულის განმავლობაში დიზაინერებმა შემოდგომა-ზამთარი 2026/27  წლის კოლექციები წარგვიდგინეს და მოგვაწოდეს სამოსის, აქსესუარების, ფერებისა და სილუეტების უახლესი ტენდენციები. როგორც ყოველთვის გადატვირთული განრიგით: ჩვენებებით, პრეზენტაციებით, პერფორმანსებით და ბრენდების მიერ ორგანიზებული ე.წ „ავთერ-ფართებით“ განვლო მოდის კვირეულებმა. კვირეულის განმავლობაში ლეგენდარული და ყველასათვის ცნობილი მეგა მოდის სახლების გვერდით  ნიჭიერი დიზაინერების შედარებით ახლადდაარსებული ბრენდებიც იყვნენ წარმოდგენილი. საერთო ჯამში მოდის დედაქალაქმა ასზე მეტ ღონისძიებას უმასპინძლა.

როგორც იცით მამაკაცების მოდის კვირეულის ფარგლებში დიზაინერები ძირითადად მამაკაცის კოლექციებს წარადგენენ, ამ სეზონზე ზოგიერთმა ბრენდმა გაერთიანებული – ე.წ co-ed შოუები შემოგვთავაზა. შემდეგ კი დავესწარი მეტად დატვირთული განრიგით წარმოდგენილ ქალების ანუ ე.წ მთავარი მოდის კვირეულს. ყოველი ბრენდი და დიზაინერი ცდილობს საუკეთესო და განსხვავენული გზით წარმოაჩინოს სამოსი და გამოხატოს საკუთარი თავი.

მილანის ქალების მოდის კვირეულის დროს  გავეცანი  შემოდგომა–ზამთარი 2026/27 კოლექციებს. კვირეულის ფარგლებში გაიმართა ასზე მეტი ღონისძიება – პოდიუმის ჩვენება, პრეზენტაცია, პერფორმანსი თუ “ავთერ-ფართი”. კვირეულის მონაწილეები, როგორც ცნობილი მოდის სახლები, ისე ახალი და ექსპერიმენტული ბრენდები იყვნენ. ქალაქი ამ დღეებში გადაიქცა კრეატიულ პლატფორმად, სადაც მოდის ინდუსტრიის პროფესიონალები, მედია და სტუმრები ერთად ვაკვირდებოდით სეზონის მთავარ ტრენდებს — მდიდარ ტექსტურებს, ძლიერი სილუეტების “ლუქებს”, თანამედროვე სამკერვალო ტექნიკასა და შესრულების მაღალ ხარისხს. კვირეული გაიხსნა Diesel-ის ჩვენებით, რომელიც სათამაშოებით სავსე – ფერად სივრცეში ჩატარდა, დახურვით კი Francesca Liberatore-მ საჯარო სკოლაში გამართული ჩვენებით დაასრულა ქალების მოდის კვირეული.

ცნობილი მოდის სახლებთან ერთად: Gucci, Fendi, Jil Sander, Missoni და ა.შ ახალგაზრდა ნიჭიერი ტალანტების Florania, Institution by Galib Gassanoff და Tell The Truth ჩვენებებიც ვიხილეთ.

ასევე კვირეულის განმავლობაში ყოველთვის იმართება Fashion Hub, რომელიც აერთიანებს იმედისმომცემ ტალანტებს. წელს მათ სიაში იყვნენ: DennJ, Cavia, Lessico Familiare…

ჩემთვის გამორჩეული კოლექცია  Galib Gassanoff-მა წარმოადგინა თავისი ახლად დაარსებული პროექტის Institution-ის სახელით.

გალიბი ეთნიკურად აზერბაიჯანელ ქართველი მილანში ერთ-ერთი ყველაზე პერსპექტიულ ახალგაზრდა დიზაინერად ითვლება, ის ახლახანს 2026 წლის LVHM პრემიის ნახევარფინალისტად შეირჩა. გალიბის ძირითადი ინსპირაცია კულტურული მემკვიდრეობა და ისტორიაა.

კოლექციაში გამოყენებული იყო საუკუნოვანი ხალიჩების დამზადების ტექნიკა. პოდიუმზე წარმოდგენილი ზოგიერთი კოსტიუმი ფეხსაცმლის თასმებისგან შექმნილი იყო, რამდენიმე ლუქი კი აწყობილია ხალიჩებისგან, რომლებსაც აზერბაიჯანელი ქალები ქსოვენ. სამოსი თითქოს სკულპტურის ობიექტების ფუნქციას ასრულებს, იდენტობის შესახებ ისტორიებს მოგვითხრობს და ეთნიკური თემის იდეოლოგიის გამტარია- ყოველივე ეს  Institution-ს მილანში გამორჩეულს ხდის, სადაც ბევრი კოლექცია უფრო მეტად ფუფუნების ტენდენციებზეა ორიენტირებული, ვიდრე კულტურულ ხელნაკეთობებზე.

Anteprima-ს კოლექცია მილანის მოდის კვირეულზე გამოირჩეოდა მინიმალისტური ელეგანტურობითა და დახვეწილი ტექსტურებით. ბრენდმა წარმოადგინა ქალის გარდერობის თანამედროვე ვერსია.

თავისუფალი სილუეტების პალტოები, ნაზი ნაქსოვი კაბები და დახვეწილი კოსტიუმები. ფერთა პალიტრა მოიცავდა ნეიტრალურ ტონებს: კრემისფერს, ნაცრისფერს, ხაკისფერსა და  ლურჯს. სხვადასხვა ფაქტურის ტექსტილისგან შემდგარი კოლექციის მთავარი იდეა იყო ქალის ყოველდღიური კომფორტისა და დახვეწილობის შერწყმა.

Francesca Liberatore-ის ჩვენება საჯარო სკოლის  სივრცეში გაიმართა. დიზაინერმა წარმოადგინა 80-იანი წლების ესთეტიკით შთაგონებული კოლექცია: ტყავის სტრუქტურული ქურთუკები, გეომეტრიული მოტივები, მკვეთრი ფერების კონტრასტები. სილუეტებმა გააერთიანა ავანგარდული ფორმები და კომფორტული სტილი,  რომელიც უწყვეტობასა და შინაარსზეა დაფუძნებული. არაორდინალური ჩვენება, რომელიც დიზაინერმა საჯარო სკოლაში გამართა ავთენტურობისა და ელეგანტურობის ზეიმი იყო.

Florania-მ მილანში წარმოადგინა რომანტიკული და ქალური ესთეტიკის კოლექცია. ბრენდის ჩვენებაში ყურადღება გამახვილდა დეკორატიულ დეტალებზე: ყვავილოვან პრინტებზე, მსუბუქ ქსოვილებზე, ნაზ ფერებზე ამასთანავე კოლექციაში ტყავის ნაწარმის ე.წ “თოთალ ლუქებიც” მრავლად იყო რაც ძლიერი ქალის იმიჯს უსვავდა ხაზს. კოლექცია წარმოაჩენდა ბუნებასთან კავშირსა და თანამედროვე ქალურობას, სადაც კლასიკური ფორმები თანამედროვე სტილთან იყო შერწყმული.

Le Silla-მ მოდის კვირეულის ფარგლებში წარმოადგინა ფეხსაცმლის კოლექცია, რომელიც გლამურისა და სენსუალურობის ნაზავია. კოლექციაში დომინირებდა: მაღალქუსლიანი ჩექმები, კრისტალებითა და მეტალის დეტალებით გაფორმებული ფეხსეცმელი. გრძელი, მუხლამდე თასმიანი ტყავის ჩექმები. ჩემის აზრით ბრენდის უახლესი ზეთისხილისფერი მაღალქუსლიანი ფეხსეცმელი წლის ტრენდულ აქსესუარად იქცევა.

Tokyo James-ის პოდიუმი ერთ-ერთი ყველაზე თანამედროვე და ექსპერიმენტული იყო. დიზაინერმა წარმოადგინა “ქუჩის სტილით” ინსპირირებული კოლექცია, რომელიც გამოირჩეოდა ფართო ქურთუკებით, ტყავის დეტალებითა და არქიტექტურულ ფორმებთან ახლოს მდგომი სამოსით. ბრენდის ჩვენება ასევე co-ed შოუ იყო.

AGL-მ მილანში კოლექცია შოურუმის ფორმატში წარმოადგინა. ბრენდის წარმომადგენლებმა  გამაცნეს ფეხსაცმელის უახლესი კოლექცია, რომელშიც შედიოდა ტყავის ბოტები, პლატფორმიანი ფეხსაცმელები და მინიმალისტური სნიკერები.

La DoubleJ-ის პრეზენტაცია მილანში ნამდვილ ფერების ფესტივალს ჰგავდა.
ბრენდი ცნობილია ჭრელი ტექსტილებითა და პრინტების გამოყენებით და ამ სეზონზეც წარმოადგინა: ძლიერი გეომეტრიული და ყვავილოვანი პრინტები, ფართო სილუეტის კაბები, დეკორატიული აქსესუარები. კოლექციის იდეა იყო სიხარული, ენერგია და იტალიური ცხოვრების სტილი. სამოსის პრეზენტაციასთან ერთად კრეატიულმა დირექტორმა JJ Martin-მა მოცეკვავეების მიერ დადგმული პერფორმანსიც შემოგვთავაზა. პრეზენტაციაზე შევხვდი ისეთ ცნობილ და ელეგანტურ ინფლუენსერებსა და ჰოლივუდის ვარსკვლავებს, როგორიცაა  კელი რუსერფორდი, ოლივია პალერმო და ვიკი მონტანარი და სხა მრავალი.

ბრენდები რომლებსაც პირველად ამ სეზონზე გავეცანი არის: Zona20 Milano, Art259Design, Jarel Zang, Nissa. Sara Behbud – ირანული ბრენდია რომლის პერფორმანსის მთავარი მესიჯი იყო- ქალები, სიცოცხლე, თავისუფლება. Zona20 Milano-მა წარმოადგინა თანამედროვე ურბანული კოლექცია, რომელიც შთაგონებული იყო მილანის არქიტექტურითა და ქალაქის რიტმით.

კოლექციაში დომინირებდა: მონოქრომული ლუქები, სტრუქტურული პალტოები, კუბოკრული ქსოვილი. ბრენდის ესთეტიკა აერთიანებს იტალიურ კლასიკას და თანამედროვე ქალაქურ მინიმალიზმს. Art259Design-მა მათთვის დამახასიათებელი შავ-თეთრი, ბუნებრივი ქსოვილებისგან შემდგარი კოლექციის შოურუმის ტიპის პრეზენტაცია მოაწყო, ხოლო Jarel Zang-მა განსხვავებულ სივრცეში გვამოგზაურა. პოდიუმი მოიცავდა ოფისის ტიპსა და ბუნების ელემენტების მიქსს. კოსტიუმების ფორმები კი არაორდინალური და ექსტრავაგანტული იყო, ფერთა გამა კი მუქი ტონალობები ნეონის აქცენტებით.

პირველად დავესწარი ბრენდების Kasai და Nissa-ს პრეზენტაციებს, მათ საერთო ხაზი აღმოაჩნდათ -კოლექცია საღამოს კაბებისა და ელეგანტურ კოსტიუმებს მოიცავდა. ბრენდმა Tell the Truth გაგვაცნო ქუჩის მოდით ინსპირირებული კოლექცია, რომლის ჩვენება მილანის ცათამბრჯენის ბოლო სართულზე მოეწყო. ქალაქის ულამაზესი ხედი იყო მოდელების ე.წ “ბექგრაუნდი”გახდა.

Fondazion Sozzani-ის სივრცემ ბევრ საინტერესო და ახალბედა ბრენდს უმასპინძლა: აქ მოეწყო Setchu-ს პრეზენტაცია, დიზაინერმა სამოსთან ერთად ახალი სუნამოსა და სამკაულის კოლექციაც გამოფინა.

აქვე გაიმართა ფრანკა სოზანისადმი მიძღვნილი დოკუმენტური ფილმის ჩვენება. Ports 1961-ის კოლექციის პრეზენტაციაც  Fondazione Sozzani-ის სივრცეში იყო წარმოდგენილი: მკაცრი კოსტიუმები, ფართო პალტოები, გრძელი მინიმალისტური კაბები.

ფერთა პალიტრა ძირითადად მონოქრომული იყო — შავი, თეთრი, ნაცრისფერი და მუქი ლურჯი. კოლექცია ქმნიდა თანამედროვე ინტელექტუალური ქალის იმიჯს, სადაც ფორმა და სტრუქტურა მთავარ როლს თამაშობს.

Alessandro enriquez-მა Rossella Jardini-სთან კოლაბორაციით შექმნილი ფერადოვანი კოლექციის პრეზენტაცია მილანის ერთ-ერთ გამორჩეულ ადგილას “ბანი მისტერიოზიში” გამართა.

კოლექციაში კარგად ჩანდა დიზაინერების განწყობა და ხასიათი. ალესანდრომ ჩვეულ ხაზს არ უღალატა და ახალი კოლექციაც მკვეთრი ფერების სიჭრელითა და პრინტების სიუხვით გამოირჩეოდა.

ბრენდი Themoirè ცნობილია ჩანთების დიზაინით, ბრენდისთვის განსაკუთრებით მნიშვნელოვანია მდგრადი მოდა და ეკოლოგიური მასალები.  რაც ჩემის აზრით უმნიშვნელოვანესია დღევანდელ მოდის ინდუსტრიაში. ამ სეზონზეც მთავარი აქცენტი გაკეთდა: ვეგანურ ტყავზე, გადამუშავებულ ქსოვილებზე, რბილ, სკულპტურულ ფორმებზე. პრეზენტაცია გაიმართა შოურუმის მშვიდ და მინიმალისტურ გარემოში, სადაც კოლექცია წარმოდგენილი იყო როგორც თანამედროვე, ეკო-ლუქსის მაგალითი. ფერთა პალიტრაში დომინირებდა მიწისფერი ტონები- ყავისფერი, ქვიშისფერი, მწვანე.

Fabiana Filippi-ს პრეზენტაცია “ოსტატობის ძაფი” მილანის მოდის კვირეულზე გამოირჩეოდა იტალიური ელეგანტურობითა და დახვეწილი მინიმალიზმით.  კოლექციაში წარმოდგენილი იყო რბილი ქაშმირის პალტოები,  ნაქსოვი კაბები, მსუბუქი-ფენებად ჩასაცმელი კოსტიუმები. ფერთა პალიტრა ძალიან ნაზი — კრემისფერი, ნაცრისფერი, ღია ყავისფერი და რბილი ვერცხლისფერი დეტალები. კოლექციის იდეა იყო თანამედროვე ქალის მშვიდი ლუქსი, რომელიც ხარისხსა და კომფორტზეა დაფუძნებული.

Fratelli Rossetti-მ მილანში წარმოადგინა ფეხსაცმლისა და ტყავის აქსესუარების შავ-თეთრი კოლექცია, რომელიც ბრენდის ისტორიულ ხელობას უსვამდა ხაზს. პრეზენტაციაში ყურადღება გამახვილდა: კლასიკურ ლოფერებზე, მაღალი ტყავის ჩექმებზე, თანამედროვე ფორმის ბოტებზე.

მიმიწვიეს ასევე Delvaux-ის პრეზენტაციაზე, სადაც ჩანთების უახლეს კოლექციას გავეცანი. ბრენდი არის უძველესი, რომელიც დაარსდა 1829 წელს ბელგიაში და დღემდე ერთ-ერთი პრესტიჟულია და ცნობილია მაღალი ხარისხის ტყავის ჩანთებით. Delvaux-ის ახალი კოლექცია აერთიანებს ბრენდის ისტორიულ მემკვიდრეობას და თანამედროვე დიზაინს. კოლექციაში წარმოდგენილია „აიქონიქ“ ჩანთების განახლებული ვერსიები.

Des Phemmes-ის კოლექცია მილანში გამოირჩეოდა დრამატული და გლამურული ესთეტიკით. ბრენდი ცნობილია: კრისტალებით გაფორმებული კაბებით, ბრჭყვიალა ქსოვილებით. დიზაინი Salvo Rizza აერთიანებს ქალურობასა და თეატრალურობას. ბრენდის ნამუშევრები ხშირად ჩანს წითელ ხალიჩაზე და მუსიკალურ ღონისძიებებზე.

Moncler-მა მილანის მოდის კვირეულზე წარმოადგინა კოლექცია, რომელიც ბრენდის მთავარ თემას — მთის სპორტსა და ტექნიკურ ტანსაცმელს — თანამედროვე მოდასთან აერთიანებს. კოლექციის მთავარი ელემენტები იყო: პუფერული ქურთუკები, ტექნიკური პალტოები, ბეწვისა და ნეილონის კომბინაციები. დიზაინში იგრძნობოდა ალპური გარემოს გავლენა, თუმცა ლუქები ადაპტირებული იყო ქალაქური ცხოვრებისათვისაც. Moncler-ის ივენთები ხშირად აერთიანებს მოდას, სპორტსა და ტექნოლოგიას.

Maria Grazia Chiuri-ის მიერ შექმნილი Fendi-ის საოცარი კოლექციის ჩვენების შემდეგ კოსტიუმების ახლოდან გასაცნობად მოდის სახლს ვესტუმრე ე.წ Re-see-სთვის, რაც კარგი საშუალებაა კოლექციის დეტალების – ქსოვილების, კერვის ტექნიკისა და აქსესუარებზე დაკვირვებისთვის.  განსაკუთრებით მომეწონა Fendi-ს საფირმო – „Fendi Baguette“ ჩანთების ახალი კოლექცია. მარია გრაციას შექმნილ სამოსს ავხსნიდი ორი სიტყვით „Chic & Cool“.

Demna Gvasalia-ს გუჩის მოდის სახლისთვის სადებიუტო ჩვენების აღსანისნავად მოეწყო გრანდიოზული Gucci After Party, ეს ღონისძიება, მოდის სამყაროს ერთ-ერთი ყველაზე გამორჩეული საღამო გახდა.

ღონისძიებაზე შეიკრიბნენ დიზაინერები, მოდელები და ინდუსტრიის წარმომადგენლები. საღამოზე უამრავ ცნობილ ადამიანს შევხვდი. სკულპტურებით სავსე სივრცე ჩვენების შემდეგ სტუმრებმა შევავსეთ და EsDeeKid-ის მიერ შესრულებულ მუსიკაზე გავერთეთ.

მილანის მამაკაცის მოდის კვირეულმა – შემოდგომა–ზამთარი 2026/27 დაახლოებით 76 ღონისძიება გააერთიანა, მათ შორის პოდიუმის ჩვენებები და პრეზენტაციები. სეზონი ერთგვარ შემოქმედებით პრელუდიად იქცა მომავალი მილანო–კორტინა 2026 წლის ზამთრის ოლიმპიადის წინ. მრავალი კოლექცია შთაგონებული იყო ზამთრის ლანდშაფტებითა და  სპორტით. კვირეულის განმავლობაში იტალიური ისტორიული მოდის სახლები საერთაშორისო დიზაინერებთან ერთად წარდგნენ, რითაც ტრადიციასა და ინოვაციას შორის მდიდარი დიალოგი შეიქმნა. კლასიკური სამკერვალო ფორმები თანამედროვე ხედვით წარმოგვიდგა, ხოლო სპორტული გავლენები, მდგრადობა და თანამედროვე ლუქსის დახვეწილი ხედვა სეზონის განმსაზღვრელ თემებად იქცა. მამაკაცების მოდის კვირეული  Zegna-ს ჩვენებით გაიხსნა და PDF-ის ბრენდმა დახურა. ჩემთვის საინტერესო და ერთმანეთისგან მკაფიოდ განსხვავებული კოლექციებს გავეცანი.

Eleventy-ის კოლექციამ გააერთიანა კლასიკური სარტორიული სტილი და სპორტული კომფორტი. მთავარი ელემენტები: მანდარინის საყელოს პიჯაკები, ქაშმირისა და მატყლის ნაქსოვი სამოსი. თემატიკა: ქალაქსა და ბუნებას შორის გარდამავალი გარდერობი.

K‑Way-ს ბრენდმა Vogue Italia-სთან ერთად კოლაბორაციით შემოგვთავაზა ახალი კოლექციის პრეზენტაცია და პარალელურად გამართა „საუბრები“ მოწვეულ სპიკერებთან ერთად. სივრცის დეკორაციის დიზაინმა ალპებში მამოგზაურა. K-Way-ს პრეზენტაცია გაკეთდა პროექტით “მილანის მთები: ალპები ქალაქში”. კოლექციამ გააერთიანა: ალპური სტილი, წყალგამძლე ტექნიკური მასალები, ურბანული სპორტული ლუქები. 

Plās Collective- მილანში დაფუძნებული არტისტული კოლექტიური ბრენდია, რომელიც  კრეატიული, თავისუფალი, ახალგაზრდული სტილით გამოირჩევა. დიზაინერმა Nathi Danten კოლექციას “არაფერი სერიოზული” უწოდა და მეგობრულ გარემოში მისი პრეზენტაცია მოაწყო.

Cortigiani იტალიური ბრენდი, რომელიც ცნობილია კლასიკური ელეგანტურობით. უახლეს კოლექციაზე აქცენტი გააკეთა პრემიუმ ქსოვილებსა და დახვეწილ სილუეტზე. პრეზენტაციაზე გავიცანი ცნობილი მოცეკვავე ფრანჩესკო მარიოტინი, რომელიც ბრენდის სამოსში იყო წარმოდგენილი.

Harmont & Blaine – ნეაპოლიტანური ბრენდი, რომელიც ცნობილია ხმელთაშუაზღვის ყოველდღიური ელეგანტურობით. როგორც ყოველთვის ბრენდმა მამაკაცებისა და ქალბატონების ფერადი სამოსი წარგვიდგინა და პრეზენტაციაზე აპერიტივოთიც გაგვიმასპინძლდა სტუმრებს. კოლექციაში ჭარბად იყო , ლურჯი, მდოგვისფერი, ნაცრისფერი.

Santoni ცნობილი იტალიური ლუქს ბრენდია, რომელიც ფოკუსირდება ფეხსაცმელსა და ჩანთებზე. ბრენდის პრეზენტაციები გამოირჩევა ხელით დამზადებული ნაწარმის წარდგენით, პრეზენტაციაზე ტყავის დამუშავების ყველა ეტაპის ჩვენებით, რაც ჩემის აზრით გამორჩეული მიდგომაა “დამზადებულია იტალიაში” ხაზგასმისა და თვითშემეცნებისთვის.

Marcello Pipitone-მ ამ სეზონზე ბრენდის 5 წლის იუბილე აღნიშნა. მისი კოლექციების იდენტობა ურბანული სპორტული სტილია. დიზაინერმა გადამუშავებული მასალები გამოიყენა ახალ კოლექციაში.

Bikkembergs ცნობილი ბრენდი თავისი სპორტული დიზაინით, რომლის კრეატიული დირექტორი Lee Wood-ია. მან ახალი კოლექცია ბრენდის სათაო ოფისში წარგვიდგინა.

Rold Skov- დანიელი დიზაინერის ბრენდი, რომელიც ცნობილია ნოსტალგიური და არტისტული მამაკაცის სტილით. კოლექცია დატვირთული იყო ვინტაჟური ტექსტურებითა და ფერების ექსპრესიული კომბინაციებით.

გამორჩეულად კრეატიული ნამუშევრები ქონდათ Pecoranera-ს ბრენდს რომელიც რამდენიმე დიზაინერის ერთობლივი პროექტია.

Corneliani-ი აერთიანებს იტალიურ ტრადიციულ სარტორიულ სტილსა და ელეგანტურ თანამედროვე სილუეტებს, რაც ბრენდის იდენტობის მთავარ ნაწილს წარმოადგენს.

Salvatore Santoro ცნობილია ხელით დამუშავებული ტყავის სამოსით. დიზაინი აერთიანებს იტალიური ხელით ნამუშევარ და თანამედროვე ფორმებს. ახალი შემოდგომა-ზამთრის კოლექციის კონცეფცია წარსულისა და თანამედროვეობის დიალოგი გახდა. ფერების გამა მოიცავდა ყავისფერის, მწვანის, ლურჯისა და შინდისფერის ტონის გრადაციებს, ასევე რამდენიმე კოსტუმში ანიმალისტური ფაქტურა იყო გამოყენებული.

Bottega Bernard დამწყები ტალანტია, რომელიც პირველად გამოჩნდა მილანის მოდის კვირეულის კალენდარში. კოლექცია ფოკუსირდება: მინიმალისტურ იტალიურ ესთეტიკაზე. დიზაინერმა კოლექცისათან ერთად გამაცნო ე.წ “მუდბორდები”.

Victor Hart ახალგაზრდა ბრენდია, რომლის სადებიუტო ჩვენებაც შედგა ოფიციალური მოდის კვირეულის ფარგლებში. კოლექციის მთავარი ნაწილი დენიმისგან შედგებოდა. დიზაინერმა შეძლო აფრიკული მოტივებისა და ევროპული სამკერვალო ტექნიკის იდეალურად შერწყმა.

პორტუგალიელმა დიზაინერმა Miguel Vieira, რომელიც დახვეწილი მინიმალიზმით არის ცნობილი, წარმოადგინა შემოდგომა/ზამთარი 2026–27 კოლექცია, რომელსაც ახასიათებდა სუფთა ხაზები, თანამედროვე ელეგანტურობა. ფერთა გამა მოიცავდა ძირითადად შავსა და პასტელურ ტონებს, რაც კოლექციის თანამედროვე ხასიათს უსვამდა ხაზს. მიგუელ ვიეირას ბრენდის ე.წ ბექსთეიჯში ფოტოების გადაღება და ჩვენებისთვის მზადების ფუსფუსის კამერით აღბეჭდვა ჩემთვის საინტერესოდ სასიამოვნო აღმოჩნდა.

Bally-ის  შვეიცარიული მემკვიდრეობითა და ევერესტის ისტორიული ექსპედიციებით შთაგონებული კოლექცია აერთიანებს ფუნქციურობასა და დახვეწილ ურბანულ ელეგანტურობას. ალპური მოტივები, არქივიდან აღებული გრაფიკა და „სასრიალო“ სიმბოლიკა გვხვდება, როგორც კლასიკურ სილუეტებში, ისე ტექნიკურ ზედა ტანსაცმელსა და აქსესუარებში. ბრენდის დამახასიათებელი დეტალები — „B“-ის ქვილთირებული რელიეფი და უტილიტარული ელემენტები — ხელობის ხარისხსა და ფუნქციურობას უსვამს ხაზს. ფეხსაცმელში გამორჩეულია განახლებული “ქალაქური კერლინგი” და ახალი “ალპური ჩექმები”, რომლებიც მემკვიდრეობას, ინოვაციასა და თანამედროვე სტილს აერთიანებს.

Tod’s-ის შემოდგომა-ზამთარი 2026/27 მამაკაცის კოლექცია, რომელიც წარმოდგენილი იყო შთამბეჭდავი სლოგანით „იტალიური შეხება“, როგორც ყოველთვის ულამაზეს ვილა ნეკი კამპილიოში ჩატარდა. ეს ადგილი ჩემი ერთ-ერთი ფავორიტია მილანში. Tod’s-ის პრეზენტაცია ყპველთვის იტალიური ცხოვრების ავთენტურობის, ოსტატობისა და ბუნებრივი ელეგანტურობის ზეიმია. სტუმრების თვალწინ ხელოსნებმა ხელით დაამუშავეს მასალები და გააცოცხლეს კოლექციის მთავარ გმირი — ცნობილ ზამთრის “გომინოს” ჩექმა-ბოტები. ღონისძიებას ესწრებოდნენ ცნობილი პერსონები, მათ შორის მსახიობი ედ ვესტვიკი. Tod’s-მა კიდევ ერთხელ გაუსვა ხაზი თავისი მემკვიდრეობის ერთგულებას.  ბრენდისთვის „დამზადებულია იტალიაში“ საუკეთესო გამოხატულებად იქცა.

მილანის მამაკაცის მოდის კვირეულზე Lardini-მ კოლექცია წარმოადგინა  მყუდრო გარემოში- სახელწოდებით “წარმომავლობა”, რომელიც კონცენტრირებული იყო ბრენდის მუდმივ იდენტობაზე. კოლექცია ასახავს Lardini-ის “შესრულების ხელოვნება“-ს, სადაც ხელობა ერთდროულად კულტურული ღირებულებაცაა და ინოვაციის ძრავაც. ტრადიციული სარტორიული სტილი ტექნიკურ სიზუსტეს ერწყმის, ხოლო მასალები და წარმოების პროცესები ნამდვილ ლუქსს განსაზღვრავს.

Boglioli-მ თავისი ახალი 26/27 წლის მილანის ცნობილი უბნებით შთაგონებული კოლექცია წარმოადგინა, როგორც ურბანული ლუქსის დახვეწილი გამოხატულება. ულტრა-თხელი შალი და  განახლებული ქაშმირი ხაზს უსვამს ბრენდის ტაქტილურ ოსტატობას, ხოლო ტექნიკური პიჯაკები თანამედროვე ცხოვრების ელეგანტურობას. ფერთა პალიტრა აერთიანებს ლურჯის ტონებს, თბილ ნეიტრალურ ფერებსა და Boglioli-ისთვის დამახასიათებელ მწვანეს.

Rowen Rose-ის ჩვენება მამაკაცის მოდის კვირეულის ფარგლებში გაიმართა განსაკუთრებულ გარემოში — დეკონსეკრირებულ ეკლესიაში, სადაც სანთლების შუქმა და წითელმა განათებამ შოუს დრამატული ატმოსფერო შესძინა. კრეატიულმა დირექტორმა Emma Rowen Rose-მა ხელოვნებისა და არქიტექტურის გავლენით შექმნა კოლექცია, რომელიც გამოირჩევა სკულპტურული ფორმებით, ფერების სიუხვით(ტერაკოტა, მდოგვისფერი, ზეთისხილისფერი, ყავისფერი…), ტექსტურიანი ქსოვილებითა და თავისუფალი დრაპირებით, რაც თითოეულ ლუქს თითქმის სიურეალისტურ, არტისტულ ხასიათს აძლევს. ერთობლივ (co-ed) კოლექციაში წარმოდგენილი იყო Rowen Rose-ის დამახასიათებელი ელეგანტურობა და ზუსტი სამკერვალო ტექნიკა. სტუმრებს შორის იყვნენ ცნობილი ფიგურები: კამილე რაზატი და მარა ლაფონტანი. ეს კოლექცია ჩემთვის ერთ-ერთი ფავორიტია ამ სეზონზე.

 Text and Photos by Matassi Tsertsvadze

The post Milan Fashion Week appeared first on City Magazine.

მახსოვს, ლეგენდარული მსოფლიო ტოპ მოდელების მიბაძვით გავაკეთეთ. კანისფერი სამოსი ავთანდილმა შეკერა. ვიღებდით „კიკალა სტუდიაში”…. რა დასამალია და, ბევრიც „ვაფოტოშოპეთ”, ვინაიდან ერთ კადრში ამდენი ლამაზი გოგო არც თუ ისე მარტივი გადასაღები იყო.

დღემდე ყველა დიდი სიყვარულით ვიხსენებთ  იმ დროს, იმ ფოტოსესიას და იმ აურზაურს. მართლა სხვა დრო იყო…

თიკა  სითიმდე გავიცანი. გავიცანი, როგორც მომღერალი. ეს იყო რუსთავი ორში. მე პოლიტიკური გადაცემა მიმყავდა სახელად, „ღამის კურიერი“. ძირითადად პოლიტიკურ დებატებს ეთმობოდა ეთერი და ძალიან, ძალიან იშვიათად კულტურულ სიახლეებს ან შოუ ბიზნესს. მაშინ ძალიან პოპულარული იყო კლიპის პრეზენტაცია. რაც უფრო „სერიოზულ“ ეთერში მოხდებოდა ეს, მით უკეთესი. დათო ფორჩხიძემ თიკას „არ გაჩერდე“ მოიტანა. თიკა ძალიან ეფექტური გოგო იყო – მაღალ-მაღალი, აშხვართული, “ტოპმოდელური” ღიმილით და დასამახსოვრებელი ხმის ტემბრით. მონუსხა ყველა, სტუდიის ოპერატორ-დაცვიანად.

და აი, გადის მრავალი წელი და ის უკვე ჩვენი ზაფხულის სითის გოგოა. თიკას მთელი ხიბლი მის მრავალფეროვნებაშია. „მასალაა“ ბარაქიანი, რასაც გინდა იმას გააკეთებ მისგან. უფრო ზუსტად, არც არაფრის გაკეთება არ გინდა – ეფექტურია, ლამაზი, ძლიერი. მე ასეთი თიკა დავინახე ჩვენს გუნდთან ერთად. იდეები No Name-ს დამფუძნებელს, ჩემს კარგ ახლობელს, მაკა ჩხეიძეს გავუზიარე და მივიღეთ ჩვენი, „სითისეული“თიკა. ის დილაუთენია იწყებს „გადარბენის“ რეჟიმს. დადის კონცერტებზე, არ ერიდება უმაკიაჟო ვლოგებს გამომწერებისთვის. მერე მიჰყავს გადაცემები, მერე კვლავ გადაღებები, იქით ოჯახი და ბავშვები, შუაში და ლამის ყოველდღე, ვარჯიში, დისციპლინა, კვლავ სცენა, კვლავ ტელევიზია, კვლავ გასტროლები და კვლავ დილის რიტუალები. აი, ამ დიდ აურზაურში „სითიმ“ კადრი გააჩერა. მგონი  გამოგვივიდა.

რომ არა მომღერალი, ტელეწამყვანი, მოდელი ვიქნებოდი… 

ბავშვთა  ფსიქოლოგი.

რომ არა საქართველო, ვიცხოვრებდი… 

აშშ-ში, ვიცხოვრე, ჩემი ენერგიის და რიტმის ხალხია და ამიტომ.

ჩემი ცხოვრების მთავარი კომპოზიცია/სიმღერა

თავად ვიმღერე – „ მე ბედნიერების მჯერა“.

რა ფერია ჩემი ცხოვრება? 

პირველი, რაც ახლა აზრად მომივიდა, იასამნისფერი.

წიგნი, რომელსაც თავიდან წავიკითხავდი…

ბავშვთა ფსიქოლოგიას ეხება „ეს რომ ჩვენს მშობლებს სცოდნოდათ“

ფილმი, რომელსაც თავიდან ვნახავდი   

Notebook, სიყვარულის მჯერა.

მომღერალი, ვისთანაც ვიმღერებდი 

დუალიპასთან, მგონია, რომ სცენაზე  კარგი სანახავი ვიქნებოდით დუეტში.

ტელევიზია თუ დიდი სცენა?

ორივე სცენაა ჩემთვის, მაგრამ დიდი სცენა, ალბათ, დიდი ბედნიერებაა.

ახალი საინტერესო გადაცემა თუ ახალი სიმღერა?  

ახალი გადაცემა საინტერესო გამოწვევაა.

ასაკი და სილამაზე. ბუნებრივად შესვლა ასაკში თუ პლასტიკური ჩარევა?

ბუნებრივად შესვლა და ამით ტკბობა.

ლამაზისასცენო კაბა თუ სამკაული? 

სასცენო კაბა.

ფოტოსესია თუ ვიდეორგოლი? 

ვიდეორგოლი, სადაც ვილაქლაქებ.

დასვენება აქტიური თუ პასიური? 

ამ ბოლო დროს პასიურ დასვენებაზე გადავედი.

უზომოდ ბედნიერი ვარ იმით, რომ…. 

ბედნიერი ვარ იმით, რომ ბევრ სიყვარულს ვიღებ.

რჩევა, რომელიც მივიღე ერთ დროს… 

რის გაკეთებასაც მოასწრებ დღეს, ვეღარ მოასწრებ ხვალ.

ჩემი საყვარელი ამოჩემებული გამოთქმა…. 

არასოდეს თქვა არასოდეს

პატარა თიკას ვეტყოდი… 

პატარა თიკას ვეტყოდი, რომ შენ ცხოვრება დაგასაჩუქრებს  ბევრი ბედნიერი ადამიანით, მოვლენით და ამბით.

სითის 2011 წლის თებერვალის ყდა

ფოტო: Ivan Berkovich

თმა/მაკიაჟი: ეკატერინე ჩანჩიბაძე

პროდიუსერი: ეკა ხოფერია

სამოსი: Rick Owens

სამკაული: Parts of Four

No Name Concept Store

The post თიკა ფაცაცია – სითი სცენა appeared first on City Magazine.