Elite Model Look -ი გახლავთ მსოფლიოში ყველაზე პრესტიჟული პროფესიული საერთაშორისო სამოდელო კონკურსი, რომელიც უკვე მე 15-ედ, წარმატებით ჩატარდა საქართველოში კომპანია ელიტის ექსლკუზიური წარმომადგენლის, სამოდელო სააგენტო “IC Model Management”-ის მიერ.
კონკურსი მიზნად ისახავს გოგონებსა და ვაჟებს შორის ახალი სახეების აღმოჩენას და მათ საერთაშორისო ასპარეზზე გაყვანას.
უკვე ოთხი ათწლეულის განმავლობაში, Elite Model Look-ი რჩება ახალი ვარსკვლავების აღმოჩენის ავანგარდში. იგი სთავაზობს ათასობით ახალგაზრდას მთელი მსოფლიოდან, რომ აქციონ თავიანთ ოცნებები რეალობად და მიჰყვნენ მოდის ისეთი ვარსკვლავების კვალს, როგორებიც არიან: სინდი კროუფორდი, ჟიზელ ბუნდჰენი, სტეფანი სეიმური, ვიტორია სერეტი, მონა ტუგარდი, ფეი ფეი სან, მაიოვა ნიკოლასი, ბირგიტ კოსი, მინგ ქსი, ვალერია ბულდინი, ნინა მარკერი, მეთიუ ბელი, დევიდსონ ობენებო და სხვები.
![2023 elite](https://citymagazine.ge/wp-content/uploads/2023/12/406538899_1023985231992336_1690947718030102765_n-1024x683.jpg)
![ELITE MODEL LOOK Georgia](https://citymagazine.ge/wp-content/uploads/2023/12/406556038_1630361954437809_8223458219788483258_n-1024x683.jpg)
![ELITE MODEL LOOK Georgia 2023](https://citymagazine.ge/wp-content/uploads/2023/12/406528495_1018875719205421_5738537655660819935_n-1024x683.jpg)
“Elite Model Look”-ის უნიკალურობა იმაში მდგომარეობს, რომ იგი აძლევს საშუალებას დამწყებ მოდელებს უმოკლესი გზით მიაღწიონ წარმატებას, გახდნენ პროფესიონალები და დაიწყონ შთამბეჭდავი საერთაშორისო სამოდელო კარიერა.
კონკურსში ყოვლწლიურად 70 ქვეყნიდან 350 000-ამდე კონკურსანტი იღებს მონაწილეობას. მე-40, საიუბილეო მსოფლიო ფინალზე გამარჯვებულებს ელით სამოდელო კონტრაქტი სააგენტო “Elite Model Management”-თან და აქტიური საერთაშორისო სამოდელო კარიერა.
Elite Model Look Georgia 2023-ში ონლაინ რეგისტრაციის მეშვეობით მონაწილეობა მიიღო 1000-ზე მეტმა კანდიდატმა და მათგან იქნა შერჩეულია 19 გოგონა და 4 ვაჟი კონკურსანტი, რომლებიც იბრძოდნენ გამარჯვებულის ტიტულის მოსაპოვებლად.
6 დეკემბერს, სასტუმროში “თბილისი ფილარმონია მერკურისაგან“ ჩატარდა Elite Model Look Georgia 2023-ის ფინალური ღონისძიება, სადაც პირდაპირი ჩართვის მეშვეობით, საერთაშორისო სამოდელო კონკურსის ELITE MODEL LOOK WORLD-ის ხელმძღვანელმა ქალბატონმა ჯენიფერ მეიმ და ELITE MODEL LOOK Georgia-ს ორგანოიზატორმა ქ–ნმა ია კიწმარიშვილმა, დაასახელეს გამარჯვებული გოგონა და ვაჟი, რომლებიც საქართველოს სახელით გაემგზავრებიან მსოფლიო ფინალზე.
![დიანა ჯინჭარაძე საბა ცქვიტიშვილი](https://citymagazine.ge/wp-content/uploads/2023/12/406589872_652227153748433_3793073232072959278_n-684x1024.jpg)
![ია კიწმარიშვილი](https://citymagazine.ge/wp-content/uploads/2023/12/406582085_891120045571208_5984759721436850473_n-1024x683.jpg)
![საბა ცქვიტიშვილი დიანა ჯინჭარაძე](https://citymagazine.ge/wp-content/uploads/2023/12/406549344_1047633686437210_3790111128234283321_n-684x1024.jpg)
მე 15-ე საიუბილეო კონკურსის Elite Model Look Georgia 2023-ის გამარჯვებულები გახდნენ: 17 წლის დიანა ჯინჭარაძე და 18 წლის საბა ცქვიტიშვილი.
დიანა და საბა 2024 წლის დასაწყისში წარადგენენ ჩვენს ქვეყანას მე 40 საიუბილეო მსოფლიო ფინალის ღონისძიებაზე ELITE MODEL LOOK WORLD FINAL.