არომატის კონცეფცია Double B მონოგრამას ეფუძნება, რომელიც ორი განსხვავებული ძალის ჰარმონიულ ერთიანობას გამოხატავს. ეს იდეა სუნამოს კომპოზიციაშიც აისახება — ერთმანეთისგან განსხვავებული, თუმცა ჰარმონიულად შეხამებული აკორდების საშუალებით.

პიონისა და ნეკერჩხლის სიროფის კონტრასტული აკორდი

BOSS Bottled Beyond For Her-ის ერთ-ერთი გამორჩეული დეტალი ვარდისფერი პიონისა და ნეკერჩხლის სიროფის კონტრასტული კომბინაციაა. პიონის ნაზი და ნათელი ნოტები კომპოზიციას ჰაეროვან და თანამედროვე ხასიათს სძენს, ნეკერჩხლის სიროფის თბილი, ქარვისფერი აკორდები კი არომატს სიღრმესა და სენსუალურობას მატებს.

სუნამოზე Givaudan-ის პარფიუმერებმა კვენტინ ბიშმა, ბენუა ლაპუზამ და ლუიზ ტერნერმა იმუშავეს. მაღალი კონცენტრაციის ფორმულა ხანგრძლივი სურნელოვანი გამოცდილებისთვის არის შექმნილი.

წარმატების ახალი ინტერპრეტაცია

BOSS-ის ახალი კამპანიის მთავარი იდეა წარმატების მხოლოდ პირად მიღწევად აღქმას სცდება. ბრენდი ყურადღებას ამახვილებს მიღწევების გაზიარებაზე, ერთმანეთის მხარდაჭერასა და სხვების შთაგონებაზე.

BOSS Bottled Beyond For Her სწორედ იმ ქალებისთვის შეიქმნა, რომლებიც საკუთარ მიზნებს ისახავენ, შესაძლებლობებს ეძებენ და საკუთარი მაგალითით სხვებსაც აძლევენ მოტივაციას. ამგვარად, ახალი არომატი BOSS Recognize BOSS ფილოსოფიას ქალური პერსპექტივიდან აგრძელებს.

სამი ქალი — ერთი საერთო იდეა

ახალი არომატის გლობალური კამპანიის სახეები სამი განსხვავებული სფეროს წარმომადგენელი ქალია: ოსკაროსანი მსახიობი და პროდიუსერი ჯესიკა ჩესტეინი, მრავალპლატინური მუსიკალური კარიერის მქონე ბექი ჯი და ოლიმპიური ჩემპიონი სიგრძეზე ხტომაში ტარა დევის-ვუდჰოლი.

მათი პროფესიული გზები ერთმანეთისგან განსხვავებულია, თუმცა კამპანიის მთავარი იდეა მათ აერთიანებთ,  წარმატების მიღმა დაინახონ ადამიანები, რომლებმაც მათ გზაზე შთაგონება და მხარდაჭერა მოუტანეს.

ქალური ხაზის ელჩები ამავე ფილოსოფიას მამაკაცის ხაზის წარმომადგენლებთან — ბრედლი კუპერთან, მალუმასთან და ვინისიუს ჟუნიორთან ერთად იზიარებენ.

BOSS-ის ხელწერა ახალ დიზაინში

BOSS Bottled Beyond For Her-ის ვიზუალური იდენტობა ასევე Double B მონოგრამის გარშემო ვითარდება. დახვეწილი, სკულპტურული ფორმის ფლაკონი ქალურობასა და თანამედროვე სიმტკიცეს აერთიანებს.

ვარდისფერი ტონი შავის სიღრმესა და ოქროსფერი დეტალების ბზინვარებას ერწყმის. მამაკაცის ხაზისთვის დამახასიათებელი ტყავისებრი ყელი ქალის ვერსიაში ელეგანტური მედალიონით არის ჩანაცვლებული, რომელზეც Double B ლოგოა ამოტვიფრული, შავი ლაკირებული თავსახური კი თავად მონოგრამის ფორმას იმეორებს.

Double B მონოგრამა ოქროსფერი დეტალის სახით სუნამოს შეფუთვაზეც გვხვდება, რაც დიზაინს BOSS-ისთვის დამახასიათებელ დახვეწილობასა და თანამედროვე ხასიათს უნარჩუნებს.

BOSS Bottled Beyond For Her ხელმისაწვდომია 30, 50 და 100 მლ მოცულობებში. პარფიუმერული ტანის ლოსიონი 200 მლ;

BOSS Bottled Beyond For Her BOSS-ისთვის წარმატების თემის ახალი, ქალური ინტერპრეტაციაა — არომატი, რომელიც პირად სტილთან ერთად თავდაჯერებულობის, ახალი შესაძლებლობებისა და ერთმანეთის მხარდაჭერის იდეასაც გამოხატავს.

BOSS Bottled Beyond For Her-ის შეძენა შესაძლებელია პარფიუმერულ ქსელ Voulez-Vous • ვულე ვუ-ში.

ონლაინ მაღაზიაში:  https://voulez-vous.ge/

Facebook: Voulez-Vous • ვულე ვუ 

Instagram: Voulez_Vous_perfumery

The post პარფიუმერული ქსელი Voulez-Vous • ვულე ვუ წარმოგიდგენთ ახალ არომატს appeared first on City Magazine.

კონტრასტზე აგებული კომპოზიცია

BOSS Bottled Beyond-ის ხასიათს ორი გამორჩეული აკორდი განსაზღვრავს — ფორთოხლის ყვავილის აბსოლუტი და თბილი ტყავის აკორდი.

ფორთოხლის ყვავილი სურნელს ენერგიასა და სინათლეს მატებს, ტყავის თბილი და ტექსტურული აკორდი კი კომპოზიციას სიღრმეს, სიმდიდრესა და სენსუალურობას სძენს. მათი კონტრასტი ქმნის დაბალანსებულ, მაგრამ ხასიათიან არომატს — ნათელს, ძლიერსა და დახვეწილს ერთდროულად.

სურნელზე DSM-Firmenich-ის პარფიუმერებმა დაფნე ბუგემ, ფრანკ ფოლკლიმ და ბრუნო იოვანოვიჩმა იმუშავეს. 

BOSS RECOGNIZE BOSS — სურნელის მთავარი იდეა

BOSS Bottled Beyond-ის მთავარი გზავნილია BOSS RECOGNIZE BOSS — იდეა, რომელიც წარმატებას ერთმანეთის აღიარებას, მხარდაჭერასა და საერთო მიზნის მიღწევას უკავშირებს. ამ კონცეფციის სახეები BOSS-ის გლობალური ელჩები არიან: მრავალი ჯილდოს მფლობელი, მსახიობი და რეჟისორი ბრედლი კუპერი, ლათინოამერიკული მუსიკის გლობალური შემსრულებელი და სიმღერების ავტორი მალუმა და მსოფლიო ვარსკვლავი, ფეხბურთელი ვინისიუს ჟუნიორი. 

ელეგანტურობა ინტენსიური შთაბეჭდილებით

BOSS Bottled Beyond Eau de Toilette Intense აერთიანებს BOSS Bottled-ის თანამედროვე ესთეტიკას და ნიშური პარფიუმერიისთვის დამახასიათებელ დახვეწილობას.

კომპოზიციაში გამოყენებული მაღალი ხარისხის ინგრედიენტები სურნელს ხანგრძლივ და ინტენსიურ შთაბეჭდილებას სძენს. ეს არის არომატი მამაკაცისთვის, რომლის სტილიც ზედმეტი ძალისხმევის გარეშე იქცევს ყურადღებას.

როდესაც ბოთლი თავად ხდება სტილის ნაწილი

BOSS Bottled Beyond-ის ვიზუალური იდენტობა სურნელის კონცეფციის გაგრძელებაა. ნახევრად გამჭვირვალე, მეტალის ეფექტის მქონე შუშას ვერცხლისფერი თავსახური და ტყავისებრი ორმაგი კანტი ავსებს, რომელსაც Double B მონოგრამა ამშვენებს.

ბოთლის დიზაინშიც სწორედ ის კონტრასტია შენარჩუნებული, რომელიც სურნელის მთავარ იდეას განსაზღვრავს — სინათლე და სიღრმე, სიმტკიცე და დახვეწილობა, კლასიკური ელეგანტურობა და თანამედროვე ხასიათი.

BOSS Bottled Beyond — სხვადასხვა მომენტისთვის

BOSS Bottled Beyond Eau de Toilette Intense ხელმისაწვდომია 30, 50, 100 მლ მოცულობებში.

BOSS Bottled Beyond Eau de Toilette Intense -ის შეძენა შესაძლებელია პარფიუმერულ ქსელ Voulez-Vous • ვულე ვუ-ში.

ონლაინ მაღაზიაში:  https://voulez-vous.ge/

Facebook: Voulez-Vous • ვულე ვუ 

Instagram: Voulez_Vous_perfumery

The post პარფიუმერული ქსელი Voulez-Vous • ვულე ვუ წარმოგიდგენთ  არომატს — BOSS Bottled Beyond Eau de Toilette Intense appeared first on City Magazine.

ქალაქში, სადაც სინათლე, არქიტექტურა, ხელოვნება და სიყვარული ერთმანეთში იკვეთება, იბადება Solférino Paris — პარფიუმერია, რომელიც სურნელზე მეტია.

ეს არის პარიზის შეგრძნება, გადმოტანილი ათ უნიკალურ არომატში — ათ განსხვავებულ ისტორიად, ემოციად და მოგონებად. სურნელებად, რომლებიც არ გკარნახობენ, ვინ უნდა იყო, არამედ გაძლევენ თავისუფლებას, იპოვო შენი საკუთარი პარიზი.

ესთეტიკური კოდები

Solférino Paris-ის ვიზუალურობას სამი მთავარი სიმბოლო განსაზღვრავს:

• მზე S10 ლოგოთი — „სინათლის ქალაქის“ ბრწყინვალების სიმბოლო;
• S10-ის ბეჭედი — ექსკლუზიური ხელწერა „სოლფერინოს ქუჩა 10-ის“ შესასვლელის მუქ მწვანე ტონალობაში;
• ჭადრაკისებრი ორნამენტი — პარიზული სასახლეების იატაკის საკულტო დეტალი.

არქიტექტურული დიზაინი

ვიზუალური კონცეფცია პარიზული სასახლეების ჰარმონიულ ხაზებს ეფუძნება. მომრგვალებული მინის ბოთლი ძალასა და სირბილეს შორის იდეალურ ბალანსს ქმნის, ხოლო ამოტვიფრული „S10“ ნიშანი, თავსახურის მზე და ყელზე შეკრული მწვანე ლენტი მას თავშეკავებულ ფუფუნებას სძენს.

შეფუთვაც არქიტექტურული სიზუსტით შეიქმნა: სუფთა ხაზები, ორმაგი რელიეფური ზოლები, „გროსგრენის“ ლენტი და უკანა მხარეს დატანილი პოეტური ილუსტრაციები თითოეული არომატის უნიკალურ პარიზულ სამყაროს წარმოაჩენს.

Solférino Paris ქმნის ქალაქის ნათელ სახეს, სადაც პირადი და უნივერსალური ერთმანეთს ხვდება — სივრცეს, სადაც თითოეული არომატი თქვენი მოგონებებისა და სურვილების ანარეკლია.

01 | RÊVERIE SUR SEINE — „ოცნება სენაზე“

Neroli Woody — ნეროლი და მერქნოვანი ნოტები

„სიმსუბუქის ჰიმნი, რომელსაც ნეროლის სიტკბო ქმნის — მიწვევა, რომ დაკარგოთ მდინარის სანაპიროზე გაცოცხლებულ მოგონებებში.“

მთავარი პარფიუმერი ნატალი ლორსონი არომატში ფორთოხლის ყვავილის მრავალფეროვან ხასიათს გვიჩვენებს. სინათლით სავსე სუნამო სალბისა და ნორჩი მანდარინის ენერგიული ნოტებით იხსნება — ზუსტად ისე, როგორც მდინარე სენაზე გადაქროლილი ნაზი, გრილი ნიავი.

თანდათანობით არომატი უფრო ღრმავდება: ამბროქსისა და მუშკის რბილი, თბილი აკორდები იღვიძებს და ქმნის შეგრძნებას, თითქოს ეს წამი სიზმარსა და რეალობას შორის გაჩერდა.

02 | 10, SOLFÉRINO — „სოლფერინოს 10“

Floral Rose — ყვავილოვანი ვარდი

მდინარე სენასა და სენ-ჟერმენის ხალხმრავალ ბულვარს შორის, სოლფერინოს ქუჩის 10 ნომერში მდებარე სასახლის დიდებული ფასადი თვალს პირველივე დანახვით იმპყრობს. ეს ისტორიული შენობა და მისი სინათლით სავსე ეზო ნამდვილი პარიზული ცხოვრების სტილს ასახავს — ადგილს, სადაც წარსულის მემკვიდრეობა და თანამედროვე ელეგანტურობა ერთმანეთს ხვდება.

„კლასიკური და ამავდროულად თანამედროვე — ეს დიდებული ვარდი ამ ისტორიული პარიზული სასახლისადმი მიძღვნილი პატივია.“ — ანტუან მეზონდიე.

ვარდი, როგორც მარადიული ყვავილი, იდეალურად გამოხატავს ამ ადგილის ისტორიას. მისი ნაზი ფურცლები ზამბახის პუდრისებრი აკორდებითა და ჩაის მსუბუქი ნოტებით ცოცხლდება. არომატი დროთა განმავლობაში კიდევ უფრო საინტერესოდ ვითარდება — ემატება ხილის ელფერები და თბილი, მერქნოვანი ბაზა, რაც მას თამამ და თანამედროვე ხასიათს სძენს.

03 | THÉ AU PALAIS ROYAL — „ჩაი პალე-როიალში“

Oolong Tea — ულუნგის ჩაი

სამეფო სასახლის გულში მშვიდი ელეგანტურობა სუფევს. მზის სინათლე კლასიკურ არქიტექტურას ეფინება, ბაღებსა და აუზებს ავსებს და გალერეების არკადებში ნაზად აღწევს. ამ მშვიდ სივრცეში დრო თითქოს ნელდება და საშუალებას გაძლევთ შეყოვნდეთ, რათა სინათლისა და ჩრდილების ცეკვით დატკბეთ.

„მნათობი არომატი, რომელიც ამ ისტორიული ადგილის მდიდრული ბაღების გარშემო, არკადების ქვეშ, მარტოობაში დალეულ ფინჯან ჩაის მოგვაგონებს.“ — ჟან-კრისტოფ ჰერო.

მუშკოვანი და მერქნოვანი ულუნგის ჩაი იდეალურად ასახავს ამ ადგილის ატმოსფეროს. სუნამო კაშკაშა ციტრუსის ნოტებით იხსნება — თითქოს სვეტებს შორის მზის სხივმა გაელვაო. ულუნგის ჩაის დახვეწილ ყვავილოვან აკორდებს ჟასმინის სითბო და ამბრეტის თესლის ნაზი, პუდრისებრი შტრიხები ამშვენებს, ხოლო ვეტივერისა და მუშკის რბილი ბაზა ამ მშვიდ, სიზმრისეულ შთაბეჭდილებას სრულყოფილად ასრულებს.

04 | FOLIES À MONTMARTRE — „მონმარტრის გიჟური ვნებები“

Black Leather — შავი ტყავი

საკრე-კიორის დიდებული ბაზილიკით დაგვირგვინებული მონმარტრი დღესაც იმ ბოჰემური სულით სუნთქავს, რომელიც ოდესღაც პიკასოს, მოდილიანისას და ტულუზ-ლოტრეკს შთააგონებდა. ეს არის უბანი, სადაც ყოველი კუთხე ისტორიას ჰყვება: ძველი წისქვილები, მყუდრო კაფეები, მხატვრების სახელოსნოები და პარიზის ულამაზესი ხედები ხელოვნებასა და თავისუფლების ჯადოსნურ აურას ერთიანად აცოცხლებს.

„ინტენსიური და ამოუცნობი — ეს არომატი პატივისცემაა იმ ადგილისადმი, რომელიც მთელი მსოფლიოს ხელოვანებს იზიდავდა და დღემდე უშრეტ შთაგონებად რჩება.“ — ჟორდი ფერნანდესი.

მონმარტრის თავისუფალი და შემოქმედებითი ხასიათი შავი ტყავის მდიდრულ ნოტებშია ასახული, რაც ნამდვილ პარიზულ ელეგანტურობას განასახიერებს. ამ თამამ აკორდებს ვარდის აბსოლუტისა და ესენციის სიღრმე ამშვენებს, ხოლო საკმეველი და ბენზოინი კომპოზიციას თბილ, გრძნობად ბრწყინვალებას მატებს.

ეს არის არომატი, რომელიც ამ არტისტული უბნის ჯადოქრობას თითქმის მარადიულ, დახვეწილ შლეიფად ტოვებს.

05 | UN SAMEDI À PARIS — „შაბათი დღე პარიზში“

Woody Gourmand — მერქნოვანი გურმანი

იქ, სადაც კულტურა, არქიტექტურა და ფუფუნება ერთიანდება, ეიფელის კოშკის გარემო ულამაზეს პარიზულ ზღაპარს ემსგავსება. ტროკადერო, ალექსანდრე III-ის ხიდი თუ მარსის ველი — ყოველი კუთხიდან „რკინის ლედის“ ახალი, შთამბეჭდავი ხედი იშლება, ირგვლივ მდებარე კაფეები კი სიცოცხლით დუღს.

„ეს არის ელეგანტური განებივრება — მიწვევა, რომ შუადღისას პარიზის ქუჩებში უბრალოდ ისეირნოთ.“ — ტანგი გენე.

არომატი შავი პილპილისა და ილის (კარდამონის) ენერგიული ნოტებით იხსნება. სეირნობისას, თანდათან იღვიძებს კედრისა და სანდალოზის ხის თბილი, ხავერდოვანი აკორდები.

კომპოზიცია ტკბილი ვანილისა და ტონკას მარცვლების რბილი ნარევით გვირგვინდება — ზუსტად ისე, როგორც ეიფელის კოშკის ხედით ტკბობისას მყუდრო კაფეში მოწყობილი სასიამოვნო შესვენება.

06 | PARIS RADIEUX — „ბრწყინავი პარიზი“

White Floral — თეთრი ყვავილოვანი

პარიზის ცის ქვეშ ეტუალის მოედანი მბზინავ ძვირფას ქვასავით კაშკაშებს. ის ქალაქის დიდებულებასა და ელეგანტურობას განასახიერებს. თორმეტი გამზირის გადაკვეთით შექმნილი ეს სივრცე ვარსკვლავს მოგვაგონებს, რომლის ცენტრშიც შანზ-ელიზეს მონუმენტური მცველი — ტრიუმფალური თაღი ამაყად დგას.

„ეტუალის მოედნის სინათლე, ფუფუნება და სიუხვე — გარდასახული თეთრი ყვავილების გამორჩეულ კომპოზიციაში.“ — იან ვასნიე.

ამ ბრწყინვალე ხასიათს გარდენია განასახიერებს, რომელიც თავის სპეტაკ ფურცლებს შლის და თითქოს მთელ პარიზს ანათებს. მის სიგრილეს ჟასმინი კიდევ უფრო აღრმავებს, ხოლო ცოცხალი ციტრუსის ნოტები არომატს განსაკუთრებულ შუქს მატებს.

ეს სინათლე დიდხანს რჩება კანზე — გამყარებული კედრის სიძლიერითა და ვანილის ნაზი სირბილით. PARIS RADIEUX ელეგანტურობის სიმბოლოა, ისევე როგორც ტრიუმფალური თაღი, რომელმაც პარფიუმერს ეს შთაგონება აჩუქა.

07 | MINUIT RUE PRINCESSE — „შუაღამე პრინცესას ქუჩაზე“

Oud Ambery — ქარვისა და უდის არომატი

წყნარი და შეუმჩნეველი, პრინცესას ქუჩა დამალული საიდუმლოსავით იკვლევს გზას სენ-ჟერმენ-დე-პრეს გულში. დაღამებასთან ერთად ქუჩა გამოცოცხლებას იწყებს, ლამპიონები მას ოქროსფრად ნაზად ანათებს. კაფეების კარები ფართოდ იღება და თბილ საღამოს ჰაერში მუსიკისა და სიცილის ნაკადს უშვებს. საათების სვლასთან ერთად რიტმი იმატებს და სენ-ჟერმენი სიცოცხლით ფეთქვას იწყებს. პრინცესას ქუჩა ენერგიის კორიანტელად, თავისუფლების სურნელით გაჟღენთილ დღესასწაულად გარდაიქმნება. აქ ყოველი მომენტი ცოცხალია, თითქოს პარიზის გულში გაშლილი ცხადი სიზმარი იყოს.

„ეს მდიდრული სურნელი იმ წვეულების სივრცის არსია, სადაც ცეკვის ნაბიჯები გრანდიოზული აპარტამენტების კეთილშობილ ხის იატაკზე ექოდ გაისმის.“ — კორალი სპიში და ფაბრის პელეგრენი.

მერქნის ლიქიორივით შექმნილი ეს კომპოზიცია პარფიუმერიის ერთ-ერთი ყველაზე მდიდრული ინგრედიენტის ახლებურ ინტერპრეტაციას გვთავაზობს. უდის ინტენსიური სიმდიდრე თანდათან იშლება, რასაც ნაზად არბილებს ხავერდოვანი ფინიკი. მისი სენსუალურობა მგზნებარე ზაფრანისა და სიროფისებრი დავანას რიტმზე ფეთქავს. ძვირფასი მერქანი და ვანილი ხაზს უსვამს მათ მაგნეტიზმს და სენ-ჟერმენ-დე-პრეს გულში შთამბეჭდავი საღამოს დაპირებას ქმნის.

08 | UN BAISER PLACE VENDÔME — „კოცნა ვანდომის მოედანზე“

Sandalwood Orris — სანდალ-ზამბახოვანი

დახვეწილი შენობებითა და არკადებით გარშემორტყმული ვანდომის მოედანი მშვიდი ფუფუნების შეგრძნებას ქმნის. ლეგენდარული საიუველირო სახლებისა და ისტორიული სასახლეების გარემოცვაში დრო თითქოს ნელდება — ეს სამეფო სივრცე იდეალური სცენაა რომანტიკული სეირნობისთვის, რომელიც ქალაქის ოქროსფერ სიმშვიდეში ნაზი კოცნით იბეჭდება.

„მინდოდა დამეჭირა პაემნის რომანტიკა პარიზის ყველაზე მდიდრულ და გამორჩეულ ადგილას.“ — შიამალა მეზონდიე.

არომატის გული სანდალოზის ხის ძვირფასი, კრემისებრი დუეტია. მას ზამბახის პუდრისებრი აკორდები და მუშკოვანი ნოტები ერწყმის, რაც პირველი პაემნის სიახლესა და მყუდრო განწყობას ირეკლავს.

ტონკას მარცვლები და საკმევლის მსუბუქი შტრიხები არომატს იდუმალ აურასა და ვნებიან სიღრმეს მატებს — ზუსტად ისე, როგორც დაუვიწყარი პარიზული ამბორი.

09 | COUP DE FOUDRE QUAI VOLTAIRE — „სიყვარული პირველი დანახვით ვოლტერის სანაპიროზე“

Ambery Woody — ამბრის მერქნოვანი

ლუვრისა და ორსეს მუზეუმებს შორის, ვოლტერის სანაპირო მშვიდი ოცნებასავით გასდევს მდინარე სენას. მზით გათბობილი ქვის სითბო, წყლის ნაზი რიტმი და ისტორიული კაფეების მარადიული შარმი დროში შეჩერებულ განწყობას ქმნის. ამ პოეტურ ადგილას ჰაერი თითქოს სიყვარულისა და ახალი გრძნობების მოლოდინით სუნთქავს.

„მინდოდა სრულყოფილად გადამეცი პირველი დანახვით სიყვარულის ემოცია ამ ლეგენდარულ სანაპიროზე, სადაც ფონად ორსეს მუზეუმი და მდინარე სენა გვევლინება.“ — ანნ ფლიპო.

ეს არომატი პირველი დანახვით სიყვარულის სურნელოვანი სიმბოლოა, სადაც ამბრი თავის ყველაზე მიმზიდველ ხასიათს ავლენს. ბერგამოტისა და ჟასმინის კაშკაშა აფეთქება არომატს სინათლით ავსებს.

თანდათანობით სანდალოზის ხე და ბენზოინი ერთმანეთს ჰარმონიულად ერწყმის, ტონკას მარცვლების თბილ სიღრმეში ეშვება და ქმნის ემოციას, რომელიც გულში დიდხანს რჩება.

10 | L’ÉTÉ AVENUE GABRIEL — „ზაფხული გაბრიელის გამზირზე“

Fruity Suede — ხილისა და ზამშის არომატი

ხეებით გარშემორტყმული გაბრიელის გამზირი თანხმობის მოედნიდან შანზ-ელიზეს ბაღებისაკენ მიემართება. მზის სითბო პარიზულ ფასადებს ეცემა, ნაზი ნიავი ფოთლებში დაქრის და ზაფხულის მსუბუქ სურნელს ავრცელებს. ქალაქის ხმაურისგან მოშორებით, ეს მშვიდი გამზირი პარიზის უფრო ინტიმურ, სიმშვიდით სავსე მხარეს წარმოაჩენს.

„სრულყოფილი ჰარმონია ოქროსფერი ქლიავის ზაფხულის სიამოვნებასა და მდიდრული ტყავის ფუფუნებას შორის.“ — ამანდინ კლერკ-მარი.

ამ მზიან გამზირზე მირაბელის წვნიანი ქლიავის ნოტები ზაფხულის სიტკბოს ზეიმობს. არომატის ყვავილოვან გულში ზამბახი და სენსუალური ჟასმინი ცოცხლდება, რაც ფოთლების მსუბუქ შრიალს მოგვაგონებს.

მდიდრული ზამშისა და მერქნოვანი აკორდები კომპოზიციას განსაკუთრებულ დახვეწილობასა და ჯადოსნურ ხელწერას ანიჭებს. გაბრიელის გამზირი პარიზული ზაფხულის იმ განწყობას იჭერს, სადაც თითოეული წამი ნამდვილი სიამოვნებაა.

Solférino Paris  არომატების შეძენა შესაძლებელია „ვულე ვუ“ – ს პარფიუმერულ მაღაზიათა ქსელში

ონლაინ მაღაზიაში:  https://voulez-vous.ge/

Facebook : Voulez-Vous • ვულე ვუ 

Instagram: Voulez_Vous_perfumery

The post პარფიუმერული ქსელი Voulez-Vous • ვულე ვუ წარმოგიდგენთ appeared first on City Magazine.

Olfactory Signals 2024 წელს დააარსა კრეატიულმა პლატფორმამ System Preferences-მა და მან სწრაფად დაიმკვიდრა თავი, როგორც ევროპის ერთ-ერთმა ყველაზე ექსპერიმენტულმა და პროგრესულმა სურნელოვანმა ფორუმმა.

10 Corso Como-ს უნიკალური სივრცე განსაკუთრებულად შეესაბამება ამ ივენთს, რადგან ამ კონცეპტუალურ სივრცეში ერთიანდება მოდა, ხელოვნება, დიზაინი, გამომცემლობა და თანამედროვე კულტურა.

მილანი, როგორც დიზაინის, მოდისა და კულტურული ინოვაციების საერთაშორისო ცენტრი, ბუნებრივ გარემოს ქმნის ისეთი ღონისძიებისთვის, რომელიც სურნელს არა მხოლოდ პროდუქტად, არამედ კულტურულ და შემოქმედებით მედიად განიხილავს

ოთხი დღის განმავლობაში ღონისძიება სურნელს, როგორც თანამედროვე ხელოვნების მედიას, იკვლევს და აერთიანებს პარფიუმერებს, დიზაინერებს, არტისტებს, მკვლევრებსა და დამოუკიდებელ ბრენდებს მსოფლიოს სხვადასხვა ქვეყნიდან. იმერსიული ინსტალაციების, კურირებული შეხვედრების, დისკუსიებისა და ექსპერიმენტული პროექტების მეშვეობით სტუმრებს შესაძლებლობა ეძლევათ, სურნელი ტრადიციული პარფიუმერიის ფარგლებს მიღმა აღმოაჩინონ და შეისწავლონ მისი კავშირი ხელოვნებასთან, დიზაინთან, მეცნიერებასა და კეთილდღეობასთან.

წლევანდელ გამოცემაში მსოფლიოს სხვადასხვა კუთხიდან 30-ზე მეტმა მონაწილემ მიიღო მონაწილეობა. თითოეული მათგანი წარმოდგენილია პროგრამაში, რომელიც მიზნად ისახავს სურნელის აღქმის ახალი პერსპექტივების გახსნას და მის გაფართოებას. მონაწილეებს შორის ჩემთვის განსაკუთრებით დასამახსოვრებელი შემდეგი ბრენდები აღმოჩნდნენ – პარფიუმის ხაზიდან: Arpa Studios, Abel Fragrance, Jouissance Parfums, Notes De Bas De Paje, Siuno Fragrances, Raer Scents, Ecdysis Studio, ინტერიერის პარფიუმი და ე.წ “ლაიფსთაილ” წარმომადგენლებიდან Amen, Ahare Space Project, Cromo Tea, Be Barman Eventi, ხოლო  ხელოვანებიდან Chiara Capellini, Ambra Martone, Sissel Tolaas, Octave Perrault.

განსაკუთრებული ყურადღება მიიქცია შვედურმა ბრენდმა Björk and Berries-მა, რომელიც სკანდინავიური ბუნების ნარატივებს სურნელებში თარგმნის, ასევე Unifrom-მა, რომლის მინიმალისტური ესთეტიკა თანამედროვე დიზაინისა და პარფიუმერიის საინტერესო გადაკვეთას ქმნის. მან თავისი სუნამოს ხაზის ინსტალაცია არტისტ Fabian Bergmark Nasman-თან კოლაბორაციით შემოგვთავაზა.

Marie Jeanne Grasse პარფიუმის ხაზმა, საფრანგეთის ქალაქ გრასიდან ჩემი დიდი მოწონება დაიმსახურა, მან ხელოვან Daidaitran-ის მიერ შექმნილ ნამუშევრებთან ერთად წარგვიდგინა სუნამოები. Cromo tea-ის დამფუძნებელმა სხვადასხვა სახეობის ჩაი წარადგინა და მსურველებს მისი დაგემოვნება ადგილზევე შეეძლოთ. ღონისძიების ერთ-ერთ ყველაზე დამაფიქრებელ აღმოჩენად ჩემთვის Ahare Space Project იქცა — ინიციატივა, რომელიც სურნელს არა როგორც ესთეტიკურ ობიექტს, არამედ მეხსიერების და  ემოციური კავშირის საშუალებად განიხილავს.

ღონისძიების ერთ-ერთი მთავარი პროექტი OPEN Al(R) — სურნელების მკვლევარის, Sissel Tolaas-ისა და არქიტექტორ Octave Perrault-ის თანამშრომლობით შექმნილი  ნამუშევარი გახდა, რომელიც 10 Corso Como-ს სახურავზე განათავსეს. ინსტალაცია ეფუძნებოდა იდეას, რომ ჰაერი და წყალი დღემდე რჩება ყველაზე თავისუფალ ელემენტებად. სწორედ ამ კონცეფციაზე დაყრდნობით შექმნეს ავტორებმა სივრცე, სადაც სურნელი, კლიმატი და მოძრაობა ერთიან აღქმად გარდაიქმნებოდა.

ეს ის არასრული სიაა  სხვადასხვა ქვეყნიდან ჩამოსული არტისტების, მეცნიერების, არქიტექტორების, პარფიუმერებისა და მკვლევრების, რომლებსაც გავეცანი ღონისძიების განმავლობაში.

Olfactory Signals აგრძელებს თავის დამკვიდრებას, როგორც თანამედროვე ოლფაქტორული გამოხატვის ერთ-ერთი წამყვანი პლატფორმა, რომელიც ვიზიტორებს სთავაზობს უნიკალურ შესაძლებლობას, სურნელი კულტურის, შემოქმედებისა და ინოვაციის პრიზმაში განიცადონ.

მილანში გატარებული ოთხი დღის შემდეგ ცხადი ხდება, რომ Olfactory Signals მხოლოდ სურნელების გამოფენა არ არის. ეს არის პლატფორმა, რომელიც გვთავაზობს სამყაროს განსხვავებული სენსორული პერსპექტივიდან დანახვას და გვაფიქრებინებს, თუ რამდენად დიდი კულტურული, ემოციური და შემოქმედებითი პოტენციალი შეიძლება იმალებოდეს იმ შეგრძნებაში, რომელსაც ყოველდღიურ ცხოვრებაში ხშირად ყველაზე ნაკლებ ყურადღებას ვუთმობთ.

Text & Photos by Matassi Tsertsvadze

The post როდესაც სურნელი ხელოვნებად იქცევა: Olfactory Signals 2026 მილანში appeared first on City Magazine.

“euphoria elixirs  სავსეა ენერგიით, გამოხატვის შესაძლებლობითა და მრავალფეროვნებით!“ – ამბობს ROSALÍA . „სამივე სურნელი საკუთარ განწყობას წარმოაჩენს.  ვანილის ნოტები კი, კანზე თბილ და ნაცნობ შეგრძნებას ქმნის.  Calvin Klein – ის შრომისმოყვარე გუნდთან შეხვედრა ჩემი ოცნება იყო!

19 თებერვალს, ნიუ-იორკი euphoria elixirs -ის ოფიციალურ პრეზენტაციას უმასპინძლებს, სადაც სამ ახალ არომატს ბრენდის გლობალური ელჩი — ROSALÍA  წარადგენს. თითოეული სუნამო განსხვავებულ ენერგიას, ხასიათსა და ემოციას ატარებს, რაც მათ სრულიად უნიკალურს ხდის.

რას იგრძნობთ ახალ არომატებში?

Calvin Klein – მა მოახერხა შეენარჩუნებინა ლეგენდარული euphoria – ს დნმ-ი, თუმცა მას სრულიად ახალი სიცოცხლე შთაბერა;

• ვანილის ნოტები: სამივე ახალ არომატს დამატებული აქვს ვანილის თბილი და მიმზიდველი აქცენტები, რაც სურნელს მეტ სიღრმეს სძენს.

• ორქიდეის ელეგანტურობა:  ორქიდეის დახვეწილი ფენა არომატებს იმ ორიგინალურ და ნაცნობ შარმს უნარჩუნებს, რომლითაც euphoria – მ მსოფლიო წლების წინ დაიპყრო.

პარფიუმერიის მოყვარულებს ლოდინი დიდხანს არ მოუწევთ – euphoria elixirs – ის გაყიდვები მარტის თვიდან დაიწყება.

 ვანილის სამი სახე  euphoria elixirs – ში

ახალი კოლექციის მთავარი გმირი ვანილია. თუმცა, Calvin Klein – მა ის სრულიად ახლებურად დაგვანახა. თითოეული  ვანილის არომატის განვითარების სხვადასხვა ეტაპს ასახავს — ნედლი სიმწვანიდან, მზისგან გამომშრალ, თბილ ნოტებამდე.

გაიცანით სამი ახალი ელექსირი, რომლებიც თქვენს ინდივიდუალურობას გაუსვამს ხაზს:

solar elixir (მზის ელექსირი) – სიხარულის ენერგია

ეს არის კაშკაშა და სიცოცხლით სავსე სურნელი. წარმოიდგინეთ მზისგან გამთბარი კანი და ზაფხულის ოქროსფერი ბზინვარება.

• მთავარი ნოტები: წვნიანი მანგო და ვანილი;

• განწყობა: მანათობელი, ენერგიული და პოზიტიური;

• პარფიუმერი: ნიკოლას ბონევილი;

 magnetic elixir (მაგნიტური ელექსირი) – დაუძლეველი მიმზიდველობა

მდიდარი და ტკბილი არომატი, რომელიც თბილი შეხებასავით რჩება კანზე. ის იპყრობს გარშემომყოფთა ყურადღებას თავისი რბილი სენსუალურობით.

• მთავარი ნოტები: მუშკის ვანილი, ამბრეტი და ორქიდეა;

• განწყობა: რომანტიკული, ინტიმური და თავდაჯერებული;

• პარფიუმერი: კაროლინ დიუმური; 

bold elixir (თამამი ელექსირი) – ძლიერი ხასიათი

ეს არის ყველაზე ინტენსიური და იდუმალი არომატი კოლექციაში. შემწვარი ვანილის სიღრმე და შებოლილი ნოტები მას განსაკუთრებულ სიმკვეთრეს სძენს.

• მთავარი ნოტები: მუხის ხე, შებოლილი ორქიდეა და ჟასმინი;

• განწყობა: თამამი, ინტრიგებით სავსე და შეუვალი;

• პარფიუმერები: კარლოს ბენაიმი, დომიტილ მიშალონი, კაროლინ დიუმური;

დიზაინი: კლასიკური ფორმა, ახალი ფერები;

euphoria – ს საკულტო, სკულპტურული ფორმის ბოთლი ამჯერად კაშკაშა ფერებით ბრუნდება. თითოეული არომატის ხასიათი მის შეფუთვაშიც აისახა:

• ვარდისფერი (magnetic), იისფერი (bold) და ყვითელი (solar).

მონოქრომატული დიზაინი და ნათელი ტონები ხაზს უსვამს კოლექციის ახალგაზრდულ ენერგიასა და თავისუფლების იმ სულისკვეთებას, რომელსაც კამპანიის სახე — ROSALÍA  გადმოსცემს.

მისი შეძენა შეგიძლიათ “ვულე ვუ”-ს ფილიალებში  ასევე,

ონლაინ მაღაზიაში:  https://voulez-vous.ge/

Facebook : Voulez-Vous • ვულე ვუ 

Instagram: Voulez_Vous_perfumery

ხელმისაწვდომია 100 მლ, 50 მლ, 30 მლ ზომებში.

The post პარფიუმერული ქსელი Voulez-Vous • ვულე ვუ წარმოგიდგენთ ამ სეზონის სიახლეებს appeared first on City Magazine.

მარტის წვიმიანი საღამო. სასტუმრო “რუმსის” შეხვედრების ოთახში წრიულად განლაგებული სავარძლები პრესის წარმომადგენლებისთვის, მარცხნივ  ჩვენი მთავარი გმირის, Matiere Premiere -ს, ჩამწკრივებული პარფიუმები, მარჯვნივ – პატარა ქილებში მოთავსებული თითოეული პარფიუმის მთავარი ინგრედიენტი, ბრენდის ენაზე რომ ვთარგმნოთ, მთავარი ნედლეული –  ზოგან ვანილის პუდრა, ზოგან ციტრუსი…  სავარძლებზე საქაღალდეა, შიგნით  თითოეული სუნამოს არომატიზებული სანიშნე.

ეს არის ისტორია და ამბავი მსოფლიოში ერთ-ერთი ყველაზე მდგრადი და ხანგრძლივი არომატებისა, სახელად Matiere Premiere. სულ ახლახანს ბრენდი Aromateque-ში  დაბინავდა, პრეზენტაციისთვის თბილისს დამფუძნებლები,  მასტერ პარფიუმერი, აურელიან გიშარი (Aurelien Guichard) და კაიუს ვონ ნორინგი (Caius von Knorring) ეწვივნენ. 

Matiere Premiere  ახალგაზრდა სახლია. სულ 5 წლის წინ შეიქმნა, დიახ, 2020-ში, მაშინ , როდესაც მთელ მსოფლიოში კორონა ვირუსი მძვინვარებდა. 

-ეს საკმაოდ რთული დრო იყო. იქმნებოდა ბრენდის სხვადასხვა არომატები. გასაგები მიზეზების გამო, პირისპირ შეხვედრებსა და  დატესტვას სურნელების ვერ ვახერხებდით, ვაგზავნიდით ამანათებით, რასაც ხშირად რამდენიმე კვირა ჭირდებოდა, მაგრამ   ხანგრძლივი დროის მიუხედავად, ადრესატთან სურნელი უცვლელი ჩადიოდა, ის არ იკარგებოდა და სწორედ ამ გარემოებამ კიდევ ერთხელ დაგვარწმუნა, რომ სწორი გზით მივდიოდით – გვიყვებიან დამფუძნებლები.

რატომ და როგორ?

ფორმულაა უნიკალური და ამავდროულად მარტივი, ხოლო  მისი არსი ბრენდის სახელწოდებაშია: Matiere Premiere ნიშნავს მთავარ ნედლეულს, მთავარ ინგრედიენტს. ესაა ბრენდის კონცეფცია -თითოეული არომატი ერთი ძირითადი  ინგრედიენტის ირგვლივ იქმნება.  ასე მაგალითად, ლეგენდარული და სრულიად შესანიშნავი Radical  Rose  გრასის ბაღებში ბიოლოგიურად მოყვანილი ვარდის სურნელია, Vanila Powder -ის მთავარი ნედლეული კი, როგორც ხვდებით, ვანილის პუდრაა. . .

გრასის ბაღები, ან გნებავთ ფერმა, Matiere Premiere-ს განსაკუთრებული სიამაყეა. აურელიან გიშარი ერთადერთი პარფიუმერია მსოფლიოში, რომელიც სუნამოებში საკუთარ ფერმაში მოყვანილ ინგრედიენტებს იყენებს. გრასის ბაღებში, იქ, სადაც აურელიანი დაიბადა, ყვავის ვარდი და ტუბეროზა.

მასტერ პარფიუმერი, აურელიან გიშარი, ნამდვილი ვასრკვლავია მსოფლიოს პარფიუმერიის სამყაროში. მისი მამა, ჟან გიშარი, ავტორია ისეთი საკულტო არომატებისა, როგორებიცაა Cacharel LouLou, Calvin Klein Obsession და Hermès Concentré d’Orange Verte.

არანაკლებ შთამბეჭდავია აურელიან გიშარის პარფიუმერული პორტფელი,  20 წლიანი კარიერის მანძილზე, მან მსოფლიოს წამყვანი ბრენდებისთვის 100-ზე მეტი არომატი შექმნა!

– ეს ძალიან საინტერესო პერიოდი იყო. თუმცა, მაშინ მე პარფიუმს ბრენდის მიხედვით ვქმნიდი, ახლა კი სუნამო მთავარი ინგრედიენტის, მთავარი ნედლეულის, ირგვლივ იქმნება– განმარტავს აურელიენ გიშარი.

პრეს- შეხვედრის შემდეგ სტუმრებმა  და მასპინძლებმა „აპოთეკაში“ გადაინაცვლეს, სადაც Matiere Premiere უკვე ფართო საზოგადოებას წარუდგა.

ბრენდი ექსკლუზიურად არომატეკაშია წარმოდგენილი, ნახსენები სურნელების გარდა, არომატეკაში Matiere Premiere -ს  სრული კოლექცია დაგხვდებათ. უდაოდ, იპოვით თქვენსას!

#aromateque #matierepremiere #aurelien #guichard

The post Matiere Premiere არომატეკაში appeared first on City Magazine.

დახვეწილი არომატი ძლიერი აურით, ქალური ელეგანტურობით, ისეთი თანამედროვე ესთეტებისთვის, რომლებსაც სურთ სრულყოფილება და იღებენ კიდეც მას.

Valaya Exclusif – ის არომატის კვალი ისეთივე ნაზია, როგორც ნატიფი ბამბის შეხება კანზე. მანდარინისა და ბერგამოტის ტალღა ჰარმნიულად ერწყმის თეთრი ყვავილების თაიგულს. მუშკის, ხის და ვანილის კომპოზიცია კი სიღმესა და სინაზეს მატებს არომატს. ეს არის სენსუალური მინიშნება პეტიკოტზე, ცნობილი, როგორც “le secret”, რომელსაც მე-18 საუკუნის ქალბატონები სხვადასხვა სამოსის ქვეშ ატარებდნენ.

Valaya – მ გამოშვებიდან ძალიან მალე თაყვანისმცემლები მთელი მსოფლიოს მასშტაბით მოხიბლა. Valaya Exclusif – ით პარფიუმერული სახლი ფრანგული ფუფუნების ახალ განზომილებას წარმოაჩენს — ქალურ ხელწერას, რომელიც ყოველთვის წარუშლელ შთაბეჭდილებას ტოვებს.

„Valaya Exclusif – ი არის ჭეშმარიტი ელეგანტურობა, დაბალანსებული ფუფუნება, რომელიც ყველა დეტალშია გამოხატული. არომატის ეს ახალი ინტერპრეტაცია კანთან შეხებისთანავე ავლენს მომაჯადოებელ სენსუალურობას და ინტენსივობას” – განმარტავს Parfums de Marly – ის დამფუძნებელი და კრეატიული დირექტორი, Julien Sprecher – ი.

Valaya Exclusif – ი, წარმოდგენილი ვერცხლისფერი დეტალებით გაფორმებულ თეთრ ფლაკონში, იმ გამჭვირვალობას და ძვირფასი ნაქარგების შეთამაშებას გვახსენებს, რასაც მე-18 საუკუნის კეთილშობილი ქალბატონები ანიჭებდნენ უპირატესობას.

Valaya Exclusif – ის ყოველი ნოტი და აკორდი Parfums de Marly – ის ოსტატობას, უნიკალურ შემოქმედებით ხედვას და თანამედროვე მიდგომას ასახავს.

Parfums de Marly – ის ახალი არომატი Valaya Exclusif – ი პარფიუმერულ ქსელ “ლუტეცია” – ში გელოდებათ.

The post Valaya Exclusif – ელეგანტურობის ძალა appeared first on City Magazine.

დახურული ვახშამი პრესისა და მედიისთვის გაიმართა, რომელსაც ინფლუენსერები და ბლოგერებიც ესწრებოდნენ. სუნამოს პრეზენტაცია თანამედროვე ქალებით იყო შთაგონებული, მათი ყოველდღიური ცხოვრებით, სიძლიერით, თვითგამოხატვით და მრავალფეროვანი ცხოვრების სტილით.

სტუმრების მიღება კაფე ლიტერას გასაოცარ ეზოში ვარდისფერი პროზეკოს თანხლებით დაიწყო. ტერასაზე Carolina Herrera-ს ულამაზესი ფოტო ზონა იყო განთავსებული,  სადაც ფოტოების გადაღების შემდეგ სტუმრებმა ისი პარის პატარა აქტივობაშიც მიიღეს მონაწილეობა: ერთი სიტყვით დაწერეს, თუ როგორია ქალი?

მიღების შემდეგ გასაოცარი სუნამოს პრეზენტაციის დროც დადგა და სტუმრებმა მწერალთა სახლის ერთ-ერთ ოთახში გადაინაცვლეს. პრეზენტაცია ისი პარის ბრენდების განვითარებისა და კომუნიკაციების ხელმძღვანელმა, ლინა ქალდანმა წარმოადგინა. ძირითადი აქცენტი ქალების ერთობასა და ერთმანეთის მხარდაჭერაზე გაკეთდა, რადგან Carolina Herrera Good Girl Blush Elixir, სწორედ ქალების სიძლიერის და თანადგომის სიმბოლოა.

სუნამოს თავბრუდამხვევი არომატი მთელ ოთახში დატრიალდა და სტუმრებიც მისით მოიცვა. სურნელის გაცნობის შემდეგ პრეზენტაცია ქალების მნიშვნელობაზე, შეხედულებებზე და მათ დამოუკიდებლობაზე საუბრით  გაგრძელდა და მკაფიოდ აღინიშნა, რომ განურჩევლად ყველა ქალი იმსახურებს თავისუფლებას, ბედნიერებას და რეალიზებას.

მალე გასაოცარი სურნელით შთაგონებული ვახშმის დროც დადგა და სტუმრებმა შეფ თეკუნა გაჩეჩილაძის კერძების დასაგემოვნებლად გადაინაცვლეს. თითოეული კერძი სუნამოს კონცეფციას შეესაბამებოდა და მის ხასიათს გამოხატავდა.  დესერტის წარდგენისას სტუმრებს თავად შეფიც ეწვია და უგემრიელესი ვახშმის იდეაზე ესაუბრა.  ვახშამის დასასრულს პრეზენტატორმა, ყველა ის სიტყვა გააცნო სტუმრებს, რომლებიც მათ  დაწერეს და ამგვარად ერთმანეთს გაუზიარეს თუ როგორია ქალი.საღამოს დასასრულს კი, კიდევ უფრო გემრიელი დესერტის დრო დადგა და ისი პარიმ სტუმრები Carolina Herrera-ს ამ ახალი არომატით დაასაჩუქრა.  შთამბეჭდავი საღამო  ემოციების გაზიარებით და საერთო ფოტოს გადაღებით დასრულდა.

The post ICI PARIS x Carolina Herrera appeared first on City Magazine.

AVON-ის ისტორია სუნამოებით დაიწყო. 1886 წელს დევიდ მაკკონელიმ გაყიდვაში ჩაუშვა პირველი პროდუქტი – პარფიუმერული ნაკრები Little Dot Perfume Set, რომელიც 5 მინი სუნამოსგან შედგებოდა. მაკკონელი ამ ნაკრებს სამოგზაურო წიგნებთან ერთად ყიდდა.  აღმოჩნდა, რომ სუნამოებზე მოთხოვნა წარმოუდგენლად მაღალი იყო, რამაც მაკკონელი წაახალისა, მალევე შეექმნა ცალკე კომპანია California Perfume Company-ის სახელით, ნიუ იორკში. შესაბამისად, AVON-ის პირველი პროდუქტი სწორედ სუნამო იყო და პარფიუმერია დღემდე ბრენდის ყველაზე პოპულარულ კატეგორიად რჩება.

AVON-ის გაყიდვების 30%, 100-ზე მეტ ქვეყანაში, სწორედ პარფიუმერიაზე მოდის. Global Data-ს მონაცემებით კი, 2023 წლის განმავლობაში მსოფლიოს მასშტაბით AVON-ის სუნამოების გაყიდვების მაჩვენებელი ყველა კონკურენტი ბრენდის შედეგებზე მაღალია.

Faw Away ბრენდის ბესტსელერი და მომხმარებლის ფავორიტი ხაზია, რომელიც სხვადასხვა შემადგენლობისა და არომატის კლასიკურ თუ თანამედროვე სუნამოებს აერთიანებს: Far Away Original, Far Away Glamour, Far Away Rebel, Far Away Beyond the moon. ყოველი არომატი განსხვავებული მისწრაფებების, გემოვნებისა და ხასიათის ქალბატონებისთვის შეიქმნა, რათა მათ შეძლონ და გამოავლინონ საკუთარი შინაგანი ხასიათი, ინდივიდუალიზმი და უნიკალური სტილი.

საკულტო კოლექციას სულ ახლახან დაემატა კიდევ ერთი არომატი, Far Away Shine, რომელიც არის აბსოლუტური სიახლე, მისი ნათელი სურნელით დაწყებული, პრემიალური ბოთლით დამთავრებული. 

სუნამოს შემადგენლობა ისეთივე მრავალფეროვანი და გამორჩეულია, როგორც მისი სურნელი: ძლიერი ვარდისფერი წიწაკა, ნათელი ოქროსფერი მუშკი, ისპაჰანის ვარდი, ანტიკური და ეგზოტიკური სპარსული ყვავილი, რომელიც 2 000 წელზე მეტია, გამოიყენება სილამაზის სფეროში და ქალების მიერ აღიარებულია, როგორც შინაგანი სინათლის სიმბოლო.

აღსანიშნავია, რომ სუნამოს განახლებული შეფუთვა დამზადებულია გადამუშავებადი მასალებისგან.

Far Away-ს კოლექციის სექტემბრის არომატებს შეგიძლიათ გაეცნოთ აქ:

https://ge.avon-brochure.com

The post Far Away Shine – შინაგანი სინათლე ერთ ბოთლში appeared first on City Magazine.

ცნობილი პარფიუმერული სახლის Clive Christian ახალი სუნამოს პრეზენტაცია შედგა თბილისში. ახალ გვირგვინოსანს E Cashmire Musk ჰქვია და ის 192 ინგრედიენტს შეიცავს.  

გვირგვინოსნად იმიტომ მოვიხსენიეთ, რომ უკლებლივ ყველა ხაზი და ყველა ფლაკონი გვირგვინის მატარებელია, რაც  ხაზს უსვამს მის კავშირს სამეფო სახლთან. 

გამორჩეული ბრენდია Clive Christian-ი, საინტერესო ისტორიით, რომელიც  1872 წელს იწყება. სწორედ ამ წელს სახლის დიდმა გულშემატკივარმა, დედოფალმა ვიქტორიამ, ბრენდის შემქმნელებს უფლება მისცა დიზაინში მისი გვირგვინის ფორმა გამოეყენებინათ.  

დედოფალ  ვიქტორიასა და პრინც ალბერტის სიყვარულის ისტორიის გამომხატველია  ყველა ფლაკონზე დატანებული ფორთოხლის ყვავილი – სწორედ ფორთოხლის ყვავილის ფორმა ჰქონია ოქროსა და ფაიფურის გულსაბნევს, პრინცმა რომ დედოფალს აჩუქა.

ამ ლამაზ ისტორიებში მოგზაურობდნენ “არომატეკას” მიერ მოწვეული სტუმრები საღამოზე. მთავარი გმირი შესასვლელში ხვდებოდა სტუმრებს, მთელ სივრცეში Clive Christian-ის ახალი სუნამოს  სურნელი ტრიალებდა, უკრავდა ლამაზი მუსიკა, დათუნა ალადაშვილის აკომპანიმენტით  საოცრად მღეროდა  ნატალია ქუთათელაძე.

• რას შეადარებდით ახალ სუნამოს? -ეკითხებოდნენ სახლის წარმომადგენლებს სტუმრები.

• მუსიკას, ლამაზს და ერთი მოსმენით რომ შეგიყვარდება, ისეთს, დანარჩენი უკვე თქვენი აღმოსაჩენია – პასუხობდნენ მასპინძლები. 

Clive Christian-ის ახალი ვარსკვლავის E cashmire musk გაცნობა შეგიძლიათ ნიშ პარფიუმერიის სივრცეებში სახელად “არომატეკა”.

The post E Cashmire Musk appeared first on City Magazine.