უსაფრთხოება და სისუფთავე, პროფესიონალებით დაკომპლექტებული გუნდი, სასიამოვნო გარემო და მულტიფუნქციურობა – ერთ სივრცეში თავმოყრილი უამრავი სპორტულ-გამაჯანსაღებელი აქტივობა. ამ სტატიით, სწორედ ასეთი სივრცის შესახებ გვინდა მოგიყვეთ.  

ვაკის საცურაო აუზის მთავარი კომფორტი ისაა, რომ ნებისმიერი ასაკისა და გემოვნების ადამიანი აქ სასურველ აქტივობას პოულობს. 1965 წლიდან დღემდე ამ სივრცემ უამრავ სპორტულ ღონისძიებას უმასპინძლა და დღემდე აგრძელებს კლუბის წევრების ჯანმრთელობასა და სილამაზეზე ზრუნვას.

სპორტულ კომპლექსში ხელმისაწვდომია ოლიმპიური სტანდარტის საცურაო აუზი, რომელიც 24 საათის განმავლობაში ყველაზე უსაფრთხო მეთოდით იფილტრება. ამავე სივრცეში დაგხვდებათ ჯგუფური ვარჯიშების მრავალფეროვანი არჩევანი: კრივი, აკვა აერობიკა, მიქს აერობიკა, პილატესი, ბოდი სლიმი;  ულტრათანამედროვე ფიტნეს დარბაზი; მრავალფეროვანი მასაჟის პროცედურები, ფინური და თურქული საუნები; ცხელი და ცივი ჯაკუზები, მაგიდის ჩოგბურთის სივრცე, ღია ტერასა და ჯანსაღი კაფე.

რაც ყველაზე მნიშვნელოვანია, ვაკის საცურაო აუზზე დაცულია ყველა ის სანიტარულ-ჰიგიენური ნორმა, რაც აუცილებელია ნებისმიერი ადამიანის ჯანმრთელობისთვის. ნებისმიერ მიმართულებას, იქნება ეს ცურვა, ჯგუფური ვარჯიშები თუ მასაჟი, მხოლოდ მაღალკვალიფიციური, სერტიფიცირებული პერსონალი უწევს ზედამხედველობას.

ლიკუნას, ნინასა და ნიტასთან ერთად ვიზიტი კაფე „რეფრეშიდან“ დავიწყეთ, რომელიც ვაკის საცურაო აუზის პირველ სართულზე მდებარეობს. დილა აქ უგემრიელესი ყავით, იოგურტებითა და ნოყიერი საუზმით იწყება. დღის განმავლობაში კი მრავალფეროვანი, დათვლილი კალორაჟით შექმნილი დაბალანსებული კერძების დაგემოვნებასაც შეძლებთ. საუზმის შემდეგ, ლიკუნას და გოგოების გზებიც იყოფა – ბავშვები აუზზე ინაცვლებენ, ლიკუნა კი – სავარჯიშო დარბაზში.

ლიკუნა მეტრეველი

მოდელი

დაახლოებით ერთი წელია, რაც ვაკის საცურაო აუზის კლუბის წევრი გავხდი. სამი თვის წინ კი, ბავშვებიც შემომიერთდნენ. რეალურად, როდესაც აქტიური ვარჯიშის დაწყების გადაწყვეტილებას ვიღებდი, ბევრი არ მიფიქრია და არჩევანი მალევე შევაჩერე ვაკის საცურაო აუზზე.

მოსვლის წამიდან, ეს სივრცე ჩემი ფავორიტია. პირველ რიგში, დიდი კომფორტია ამ სივრცის მულტიფუნქციურობა –  როცა ყველაფერი ერთ სივრცეშია და ნებისმიერ დროს შემიძლია განსხვავებული აქტივობით დავკავდე. კვირაში, დაახლოებით, სამ დღეს ვვარჯიშობ და ვანაცვლებ სხვადასხვა ტიპის აქტივობას – პილატესს, აკვა აერობიკას და ფიტნეს დარბაზში ვარჯიშს. ბავშვები კი ამ დროს „საჭყუმპალაოს“ ცურვის გაკვეთილებს ესწრებიან.

როცა საქმე ჩემს შვილებს ეხება, ჩემთვის განსაკუთრებით მნიშვნელოვანია ჰიგიენისა და უსაფრთხოების ნორმების დაცულობა, ამ კუთხით ვაკის საცურაო აუზს შემიძლია სრულად მივენდო. პირველ რიგში, ის მახარებს, რომ სპორტულ კომპლექსი გვთავაზობს სპეციალურად ბავშვებისთვის შექმნილ სივრცეს „საჭყუმპალაოს“, სადაც გარდა ცურვის გაკვეთილებისა, არის ბავშვთა მასაჟი და საბავშვო კაფე.

გარდა ამისა, შემიძლია ვთქვა, რომ ვაკის საცურაო აუზზე ყველაზე პროფესიონალი და მზრუნველი ინსტრუქტორები არიან, რომლებმაც ჩემს შვილებს ცურვა და ჯანსაღი ცხოვრება შეაყვარეს. რაც ნებისმიერი მშობლისთვის მნიშვნელოვანია, ზუსტად ვიცი, რომ როდესაც მე ვარჯიშზე მივდივარ, ბავშვებს სანდო ხელში ვტოვებ.

ავტორი: ანი არაბიძე

ფოტო: ნათია ასანიძე

ვიზაჟი: თაკო ძელური

The post ვაკის საცურაო აუზი – სივრცე თქვენი ჯანმრთელობისა და სილამაზისთვის! appeared first on City Magazine.

უკვე ერთი წელია, თბილისს, სპორტისა და განტვირთვის მოყვარულთათვის განსაკუთრებული სივრცე, Axis Towers Wellness Center შეემატა.  ველნეს ცენტრი  „აქსის თაუერსის“ ძირითადი კონცეფციის ნაწილია. კომპლექსში თავმოყრილია დეველოპმენტის 5 მიმართულება: საცხოვრებელი, საოფისე, კომერციული, სასტუმრო და გასართობი.

თინათინ ელიოზიშვილი, Axis Towers Wellness Center-ის ხელმძღვანელი

როგორ დაიწყო თქვენი და Axis Towers Wellness Center-ის ისტორია?

კომპანიაში პანდემიის პიკზე გადმოვედი, რაც  ერთგვარი გამოწვევა იყო. გუნდში ყოფნა ობიექტის  გახსნის წინ, ყველა ხელმძღვანელისთვის დიდი გამოცდილებაა. მითუმეტეს, პანდემიის პერიოდში. ნიშანდობლივია, რომ ამ რთულ დროსაც  „აქსის თაუერსი“ განაგრძობდა პროექტის განვითარებას და აქტიურად ასაქმებდა პერსონალს, რაც ჩემთვის გადამწყვეტი ფაქტორი იყო.

ვთვლი, რომ ძალიან საინტერესო პროდუქტი გამოგვივიდა და ქალაქში ახალი, მიმზიდველი ადგილი გაჩნდა. შეიძლება ითქვას, რომ ჩემი 20 წლიანი გამოცდილების ფონზე „აქსის თაუერს ველნესი“ ყველაზე მეტად მიყვარს, რადგანაც აქ მომეცა საშუალება ყველა ჩემი იდეა განმეხორციელებინა.

ჩემი კარიერა ფიტნეს დარბაზის მწვრთნელის პოზიციიდან დაიწყო. ვარ  ველნეს საერთაშორისო ინსტიტუტის მიერ სერტიფიცირებული მწვრთნელი. სწორედ ეს გამოცდილება მაძლევს საშუალებას უფრო ეფექტურად ვმართო სამწვრთნელო შტაბი. 

სავარჯიშო დარბაზი

უნიკალურია ველნესში არსებული სპორტული მიმართულება. სპორტულ სივრცეში ხელმისაწვდომია „ტექნოჯიმის“ უახლესი მოდელის ტრენაჟორებით აღჭურვილი ზონა, კარდიო ზონა, კრივი, პილატესი, იოგა და კრივის  სამოყვარულო რინგი.

დარბაზი ფუნქციონირებს დილის 7 საათიდან საღამოს 11 საათამდე, ხოლო სასტუმრო „პულმანის“ სტუმრებისთვის 24/7.  დარბაზში შესაძლებელია როგორც ჯგუფურ ვარჯიშებში ჩართვა, ასევე, პერსონალური მწვრთნელის აყვანა და ინდივიდუალური პროგრამის შედგენა.

განსაკუთრებულია ის გარემოც, რომელიც ჩვენს სტუმრებს ხვდებათ. დარბაზიდან იშლება პანორამული ხედები ჭავჭავაძის გამზირზე, დიდი სივრცე კომფორტულად ვარჯიშისთვის, ტერასა და მოსასვენებელი ზონა, სადაც ჩვენი წევრების განტვირთვისთვის ყველა დეტალია გათვლილი.

აუზი

ველნესი სივრცე, ასევე, მოიცავს 25 მეტრიან აუზს მოძრავი შუშის გადახურვით, რომელიც იდეალურია ყველა სეზონზე. აუზის ტერიტორიაზე  განთავსებულია 2 ჯაკუზი და რამდენიმე ტიპის საუნა: ორთქლის ოთახი, მცენარეული და ფინური საუნები.

კლუბის წევრების გარდა, ველნესი  პოპულარობით სარგებლობს 5* სასტუმრო „პულმანის“ სტუმრებს შორისაც. აუზის ბარში  მთელი დღის განმავლობაში შესაძლებელია  როგორც საერთო მენიუს, ასევე სპეციალური, ფიტნეს მენიუს შეკვეთა, ჯანსაღი საკვებით,  რომელიც გათვლილია ყველა ტიპის სტუმარზე.

განსაკუთრებით გვეამაყება  ჩვენი ფეხბურთის ეროვნული ნაკრების მასპინძლობა. სასტუმრო „პულმანში“ განთავსების დროს, სპორტსმენები სტუმრობენ ველნესის სავარჯიშო დარბაზს, აუზს და მოსასვენებელ სივრცეებს.

გუნდი, რომელიც ქმნის Axis Towers Wellness Center-ს

მთავარ მიღწევად  საუკეთესო  გუნდის ლიდერობას ვთვლი. რაც  ჩემთვის დიდი პატივია. ძალიან გამიმართლა, რომ ყველაზე მშრომელი, მოტივირებული და განსაკუთრებული გუნდი მყავს.

გვყავს სერტიფიცირებული ფიტნეს ინსტრუქტორები, განსაკუთრებული მიდგომითა და მრავალფეროვანი სავარჯიშო პროგრამით – აკვა ფიტნესი, იოგა, პილატესის აქტივობა, რომელსაც უძღვება  ჯო პილატესის მეორე  თაობის მოსწავლის, რენატა საბონგუის მიერ სერტიფიცირებული მწვრთნელი, მარი ჩიხლაძე.  კრივი, Skill Row – ნიჩბოსნობის იმიტაცია, სპინინგი, ფუნქციონალური ვარჯიში და ჩვენი მწვრთნელების მიერ შექმნილი საავტორო აქტივობები.

გამოწვევები ბევრია, რაც ძალიან მიხარია. ველნეს ინდუსტრია ვითარდება ჩვენს ქვეყანაში და დარგში კონკურენცია საკმაოდ მაღალია, რაც დამატებითი მოტივაციაა ჩვენთვის.

ერთგული მომხმარებლები, კლუბის წევრები, რომლებსაც განსაკუთრებული დამოკიდებულება აქვთ თქვენი სივრცისა და გუნდის მიმართ…

გვყავს კლუბის წევრები, რომლებიც გახსნის დღიდან ჩვენთან არიან და ჩვენთვისაც ძალიან მნიშვნელოვანია ისეთი გარემოს შექმნა, სადაც ყველა დეტალი მომხმარებელზეა მორგებული და კომფორტულ სივრცეს ქმნის.

კლუბის წევრები გამორჩეულად დიდ დროს ატარებენ აუზის მზიან ტერასაზე. ასევე, გამოარჩევენ პროფესიონალი მწვრთნელების მიერ შედგენილ ფიტნეს მენიუს, დათვლილი კალორაჟით, დეტოქს და საავტორო კოქტეილებს.  ხშირად აღნიშნავენ ინდივიდუალურ მიდგომას მწვრთნელებისგან, რაც ჩვენთვისაც პრიორიტეტია.

სამომავლო გეგმები

უახლოეს მომავალში ველნესის სივრცეში გაიხსნება პრემიუმ ბრენდის ფრანგული სპა, სადაც იქნება უნიკალური პროცედურები და უმაღლესი ხარისხის მომსახურება.

დაგვემატება ექსკლუზიური საავტორო ვარჯიში „აუზის ფიტნესი“, რომელიც შექმნილია ჩვენი  პროფესიონალი მწვრთნელის, მანანა ჩანქსელიანის მიერ, საკუთარი გამოცდილებიდან გამომდინარე. მანანა გახლავთ საქართველოსა და ევროპის ჩემპიონი ცურვაში. ასევე, არაერთი საერთაშორისო ჩემპიონატის ჯილდოს მფლობელი და საქართველოს მხატვრული ცურვის ეროვნული ნაკრების მწვრთნელი.

The post Axis Towers Wellness Center  appeared first on City Magazine.

 ჯანსაღი ცხოვრების მოყვარული ნებისმიერი ადამიანისთვის, ოლიმპიური სტანდარტების ვაკის საცურაო აუზი,  ყველაზე სასურველი ადგილია.  ამ სივრცეში გაერთიანებულია – საცურაო აუზი, ფიტნესის დარბაზი, სველი და მშრალი საუნები, ჯაკუზი,სპა . შეგიძლიათ დაკავდთ ისეთი აქტივობებით, როგორიცაა:  მაგიდის ჩოგბურთი, დაივინგი, აერობიკა, აკვა აერობიკა, პილატესი, Body Slim, SLT, კრივი,  მასაჟი. განტვირთვისთვის, აქვეა ტერასა და კაფე, რომლის მენიუ შედგენილია  დაბალანსებული, ჯანსაღი კვების გათვალისწინებით.

დილის 07:00 -დან – საღამოს 22:00 საათამდე, ეს სივრცე და მისი მაღალკვალიფიციური პერსონალი ზრუნავს ყველა ვიზიტორის უსაფრთხოებაზე, ქმნის მაქსიმალურად კომფორტულ პირობებს მათთვის, ვისთვისაც საკუთარ ჯანმრთელობასა და სილამაზეზე ზრუნვა პრიორიტეტია.

ახალ სეზონს  ვაკის აუზი   განახლებული და უფრო კომფორტული სივრცეებით შეხვდა.  თუკი  თავად არ გინახავთ ეს ყველაფერი, ჯერ „სითის“ ფურცლებიდან შეიტყვეთ და მერე, თავად მიხვდებით თუ რატომ უნდა აირჩიოთ თქვენი უკეთესი ჯანმრთელობისთვის, სწორედ ვაკის აუზი. 

სიახლეები

ვაკის საცურაო აუზი კლუბის წევრებს მუდმივად უსაფრთხო და კომფორტულ პირობებს უქმნის. ივლისის დასასრულს, სპორტული კომპლექსის მნიშვნელოვანი განახლება დაიგეგმა. ერთთვიანი სარემონტო სამუშაოების დასრულების შემდეგ, „ვაკის საცურაო აუზი“ ახალ სეზონს სრულიად განახლებული და კეთილმოწყობილი შეხვდა.

განახლებები შეეხო სპორტული კომპლექსის ყველა სივრცეს:

·         სრულიად შეიცვალა გასახდელი და საშხაპე ოთახების იერსახე,  ინფრასტრუქტურა.  მოწესრიგების პროცესი უფრო კომფორტული გახდა.

·         შეიცვალა აუზის დეტალები, განახლდა წყლის ფილტრაციის სისტემა და „ევრო 7“ სტანდარტის მქონე ოლიმპიური აუზი კიდევ უფრო უსაფრთხო გახდა ვიზიტორებისთვის.

·         განახლდა ფიტნესის  დარბაზის როგორც ინტერიერი, ისე  სპორტული დანადგარები. სივრცე სრულად აღიჭურვა Technogym-ის ბრენდის უმაღლესი კლასის Artis-ის ხაზის ტრენაჟორებით, რომელიც საქართველოში მხოლოდ ვაკის საცურაო აუზზეა წარმოდგენილი.

დაარსებიდან დღემდე, ვაკის საცურაო აუზი მომხმარებელს პრემიუმ ხარისხის სივრცეს და მომსახურებას  სთავაზობს.

აუზი

ვაკის საცურაო აუზი ოლიმპიური სტანდარტის შესაბამისია. 50 მეტრი სიგრძისა და 22 მეტრი სიგანის აუზი, სიდიდით პირველია საქართველოში. პირველ ადგილს იკავებს მისი მაქსიმალური სიღრმეც, რომელიც 7 მეტრს შეადგენს.

ამ უკანასკნელი მაჩვენებლის გამო, საქართველოში ეს ერთადერთი აუზია, სადაც პროფესიონალ ინსტრუქტორთან ერთად, დაივინგს შეისწავლით და საერთაშორისო სერტიფიკატის აღებასაც შეძლებთ.

ვაკის საცურაო აუზი, ასევე, მასპინძლობს საქართველოს ნაკრებს წყალში ხტომაში. ეს ერთადერთი დახურული ტიპის აუზია, სადაც წყალში მხტომელები პროფესიონალურ წვრთნას გადიან მთელი წლის განმავლობაში.

ვაკის საცურაო აუზზე განსაკუთრებული ყურადღება ეთმობა წყლის სისუფთავეს. განსხვავებით საქართველოში არსებული სხვა აუზებისგან, წყალი აქ „ევრო 7“ სტანდარტის შესაბამისად, ულტრაიისფერი სხივებით სუფთავდება,  ქლორის მინიმალური შემცველობით. წყლის გასუფთავების ეს მეთოდი უზრუნველყოფს მაქსიმალურ უსაფრთხოებას, კანის ჯანმრთელობას და თმის სტრუქტურის შენარჩუნებას.

ფიტნესის  დარბაზი

ვაკის საცურაო აუზის ფიტნესის დარბაზი  ულტრათანამედროვე, მულტიფუნქციური სივრცეა, რომელიც სრულად აღჭურვილია Technogym-ის უმაღლესი კლასის, Artis-ის ხაზის ტრენაჟორებით. ეს არის 2022 წლის ინოვაციური, ჭკვიანი მოწყობილობები, რომელიც უზრუნველყოფს მაქსიმალურად უსაფრთხო და კომფორტულ ვარჯიშს.

Artis-ის ხაზი კარდიო და ძალისმიერი ვარჯიშების უმაღლესი საფეხურია. მეტი კომფორტის შესაქმნელად, ვაკის აუზის ფიტნეს დარბაზიც სწორედ ამ ფუნქციების მიხედვითაა დაყოფილი – ერთ სივრცეში ძალისმიერი ვარჯიშების შესრულებას შეძლებთ, მეორე სივრცე კი, სრულად ეთმობა კარდიო ვარჯიშებს.

Artis-ის ხაზის ტრენაჟორები დატვირთვას მთელ სხეულზე ანაწილებს და არ ახდენს მის ლოკალიზებას ერთ კონკრეტულ წერტილში, რის გამოც, ვარჯიშის დროს დაცული ხართ სპორტული ტრავმების მიღებისგან.

ეს ტრენაჟორები უზრუნველყოფილია  ულტრათანამედროვე სისტემით, რომელიც აგროვებს თითოეული მომხმარებლის მონაცემს და ქმნის საკუთარ  გამოცდილებაზე დაფუძნებულ პერსონალურ სავარჯიშო პროგრამას, რომელიც უნიკალურია და არ განმეორდება.

გამოყენების სიმარტივე და უსაფრთხოება – ეს არის ყველაზე მნიშვნელოვანი მახასიათებლები, რომლებიც გამოარჩევს  Technogym-ის Artis-ის ხაზის ტრენაჟორებს სხვა დანარჩენისგან. ეს თვისებები საშუალებას იძლევა, რომ ტექნიკა გამოყენებული იქნას ფიზიკური რეაბილიტაციისა და სხვა სამედიცინო მომსახურებებისთვის.

Artis-ის ხაზის მოწყობილობები აღჭურვილია ისეთი  ინოვაციური და ულტრათანამედროვე ფუნქციებითა და დამატებებით, როგორიცაა: Full HD ეკრანები, მობილურის უსადენო დამტენი, Android-ის  სისტემური უზრუნველყოფა, YouTube, Netflix, Spotify და სხვა აპლიკაციებთან წვდომა.

ეს ტრენაჟორები დიზაინითაც გამორჩეულია. თანამედროვე ფორმები და 2 ფერის კომბინაცია ისეა შეხამებული, რომ ნებისმიერ ჩაცმულობას  მოუხდება.

Tachnogym-ი მუდმივად ახორციელებს სამეცნიერო კვლევებს, რომლის მიხედვითაც Artis-ის ხაზის უსაფრთხოება, ხარისხი და დიზაინი პრემიუმ სტანდარტის შესაბამისია.

რაც ყველაზე მნიშვნელოვანია,Technogym-ის Artis-ის ხაზის ტრენაჟორები საქართველოში მხოლოდ ვაკის საცურაო აუზის ფიტნესის  დარბაზშია წარმოდგენილი.

The post ვაკის საცურაო აუზი appeared first on City Magazine.

“სითის” გადამღები ჯგუფი, “ვაკის საცურაო აუზის” ტერიტორიაზე, დათქმულ დროზე ადრე მივედით. ვერ გამოვტოვებდით შანსს, რომ აქვე, კაფეს ღია ტერასაზე არ ჩამოვმსხდარიყავით და ირინა ონაშვილის ფოტოსესიის და მასთან ინტერვიუს დეტალები კიდევ ერთხელ არ გაგვევლო. იმდენად მონატრებული ვართ კაფეებს, აუზებს და ყველაფერს, რასაც მთელი ეს გასული პერიოდი მოკლებული ვიყავით პანდემიის გამო, რომ ყველა ასეთი შესაძლებლობით ვსარგებლობთ. ფოტოსესიის დასრულების შემდეგ, ისევ ამ ადგილს მივუბრუნდით, სადაც ირინამ გვიამბო თუ როგორი იყო მისთვის პანდემიის პერიოდი, რას საქმიანობს ახლა და რატომ არის მისთვის “ვაკის საცურაო აუზის” სივრცე – თერაპია # 1.

“მის საქართველო 2003” და ამავე წელს, მსოფლიოს 20 ყველაზე ლამაზ გოგონას შორის დასახელებული ირინა ონაშვილი, რამდენი წელიც არ უნდა გავიდეს, ყოველთვის ასოცირებული იქნება სილამაზესთან, ჯანსაღი ცხოვრების წესთან, წარმატებასა და საყოველთაო აღიარებასთან. ირინა ნამდვილად იმსახურებს ბევრ შექებას, რადგან, გარდა ტიტულისა, ის დღესაც უმშვენიერესად გამოიყურება და მიუხედავად დატვირთული სამუშაო გრაფიკისა, ასწრებს ყველაფერს, რასაც კი ხელს მოჰკიდებს. რაც მთავარია, არის ორი ბიჭის, 9 წლის საბას და 4 წლის დათუნას დედა.

პანდემიის პერიოდი

პანდემიის დროს გაჩნდა უფრო მეტი დრო ოჯახში. დავკავდი კულინარიით. განსაკუთრებით კარგად გამომდის ცხობა. დავიწყე ვარჯიში სახლის პირობებში, რადგან აქამდე, რეალურად, ამის დრო არ მქონია არასდროს. ჩემმა დამ, როგორც ყოფილმა სპორტსმენმა, დაიწყო ჩემი ტრენინგები. ხან ონლაინ მავარჯიშებდა, ხან სახლში. ყველა ჩემთვის საჭირო მოწყობილობა მაქვს, აბსოლუტურად: განტელები, რეზინები. საკუთარი თავის მოვლისთვის მეტი დრო გამიჩნდა, რადგან აქამდე ვერ ვასწრებდი წესების დაცვას საფეხურეობრივად. რაც მთავარია, წუწუნის განცდა დამაკარგვინა ამ პანდემიამ შარშან. არასოდეს ცხოვრებაში აღარ დავიწუწუნებ, ბევრი საქმის გამო. ერთი სული მქონდა საქმე გამეკეთებინა და ვითხოვდი – მეტი საქმე მომეცით, რომ რამით დავკავდე.

სიახლეები

ამ ეტაპზე ვმუშაობ ჩემი პროფესიით. ეს არის ჰიპერმარკეტი “აგროჰაბი”, სადაც ვარ მარკეტინგის სამსახურში, საზოგადოებასთან ურთერთობის მენეჯერი. სექტემბრიდან, ასევე, დავიწყე მუშაობა “ტვ პირველზე”. “შუადღე ლაივის” ერთ-ერთი წამყვანი ვარ. ძალიან საინტერესო გამოწვევა იყო ჩემთვის, ბევრ რამეს ვსწავლობ, ბევრი რამე გავიგე. აქამდე ტელევიზიაში არ მიმუშავია და რომ მეკითხებიან როგორ მოვხვდი, თამამად ვეუბნები, რომ სულ ველოდებოდი როდის მივიღებდი სატელევიზიო შემოთავაზებას.

სიახლე, რეალურად, ის არის, რასაც ახლა ვაკეთებ – სიუჟეტები. კამერასთან მუშაობა თავისუფლად შემიძლია და ვაკეთებდი ამას ადრეც. არ ვიძაბები და ეს ერთგვარი კომფორტია, ერთის მხრივ, მაგრამ წამყვანობა, სიუჟეტის მომზადება, ლაივჩართვა, მართლა ახალია. ჯერ ამ სატელევიზიო ტერმინოლოგიას სანამ შევეჩვიე. ვკითხულობდი ხოლმე: რა არის ეს პერეკლიჩკა? ვოკსპოპი?

უმეტესწილად, ვამზადებ სიუჟეტებს შემოქმედებით თემებზე: მხატვრებზე, ქუჩის მუსიკოსებზე, ჩვენს ცნობილ არტისტებზე. ახლა, მაგალითად, “სუხიშვილებზე” გვაქვს ერთი მთლიანი ეთერი. ამ თემებს რომ ვამზადებ, შესაბამისად, მეც მიწევს ხოლმე მომზადება და ძალიან ბევრ ინფორმაციას ვიგებ. ცალკე მაქვს რუბრიკა: სილამაზე და ჯანმრთელობა.

ადრე ვმუშაობდი “ვიადერმში” და ახლა თამამად შემიძლია კომპეტენტურად გავაკეთო სიუჟეტები “ვიადერმის სილამაზის კაფსულების” შესახებ. ასევე, “არტფარმას” სხვა პროდუქტებზეც. მე თვითონ ვარ “ვიადერმის” მომხარებელი და ჩემს შვილებსაც, პერიოდულად, ვასმევ “მარსიანჩიკებს”.

ცხოვრების ჯანსაღი წესი

ჩემთვის “ვაკის საცურაო აუზი” #1 სივრცეა, სადაც ყველაფერია როგორც ენერგიის მისაღებად, ასევე, რელაქსაციისთვის. უარყოფით ენერგეტიკას, სტრესს, დაღლილობას ხსნის და გმუხტავს ახალი ძალებით. ახლა უკვე, რაც გაიხსნა სპორტულ-გამაჯანსაღებელი ცენტრებიც, სახლში ინდივიდუალურ ვარჯიშებს დავუმატე “ვაკის საცურაო აუზის” სხვადასხვა აქტივობა. აქ მოსვლისას, ჩემი გადატვირთული გრაფიკის გამო, ვცდილობ მოვასწრო და რამდენიმე გამაჯანსაღებელი პროცედურა ჩავიტარო. ჩემთვის მასაჟისა და ცურვის კომბინაცია ერთ-ერთი საუკეთესო გამაჯანსაღებელი პროცედურაა. ასევე, თუ მეტი დრო მაქვს, პირველ რიგში, შევდივარ საუნაში, რომ სხეულის დაჭიმული კუნთები მოდუნდეს და შემდეგ ვამატებ სხვა აქტივობებს.

როდესაც დღის განმავლობაში დატვირთული ხარ, ძალიან მნიშვნელოვანია იპოვო ისეთი სივრცე, სადაც სწორად მოუვლი შენს ფიზიკურ მხარეს და ფსიქოლოგიურადაც განიტვირთები.

განსაკუთრებით მომწონს აქაური ოლიმპიური სტანდარტების აუზი. გადატვირთულ, დაჭიმულ სხეულს ძალიან დიდ განტვირთვას აძლევს ცურვა. ასევე, არაჩვეულებრივია სისხლის მიმოქცევისთვის და ზოგადად, ჯანმრთელობისთვის.

მე და ჩემი მეუღლე ბავშვებისთვისაც ყოველთვის ვირჩევთ აუზს. მითუმეტეს, რომ პატარებს ძალიან უყვართ ცურვა. ბავშვის ფიზიკური განვითარებისთვის ძალიან მნიშვნელოვანია წყალი. სხეულის ყველა ნაწილს ავითარებს სწორად და ამიტომ, მოზარდისთვის განსაკუთრებით კარგია.

ჩემთვის “ვაკის საცურაო აუზზე” სიარული არამარტო ჯანსაღი ცხოვრების წესია, არამედ, თერაპიაც.

ზაფხულის არდადეგები

ამ ზაფხულს სად გავატარებთ, დამოკიდებულია კოვიდ სიტუაციაზე.

პატარა საზღვარგარეთ არ მყოლია ჯერ არსად. ძირითადად, ვსტუმრობთ ხოლმე საქართველოში შავი ზღვის სანაპიროს. აქამდე, სანამ პატარები იყვნენ, გრიგოლეთში ვისვენებდით. შარშან ვიყავით კვარიათში და ძალიან მოგვეწონა იქაურობა და ალბათ, ისევ იქ წავალთ. უმეტესწილად კი, არდადეგებს ვატარებთ ხოლმე კახეთში, რადგან იქ გვაქვს სახლი.

ავტორი: თეა ხოფერია

ფოტო: ანა კოსტომაროვა:

გადაღების ადგილი: “ვაკის საცურაო აუზი”

The post “ვაკის საცურაო აუზი” – თერაპია #1 appeared first on City Magazine.

სულ ახლახანს, World Class -ის ოჯახს ახალი წევრი შეემატა, ზურა ხიზანიშვილი. ადამიანი, რომლისთვისაც სპორტი ცხოვრების განუყოფელი ნაწილია. პროექტის გადასაღებად, დათქმულ დროს, დილით მივდივართ. ზურა უკვე აქაა და როგორც მივხვდით, ჩვენს მისვლამდე ვარჯიშის ნაწილი უკვე მოსწრებული აქვს.

ამ დარბაზში ყოველთვის სხვა ტემპი და განსაკუთრებული განწყობაა. შესვლისას გხვდება კაფე ჯანსაღი კერძებით, სასმელებით… გადიხარ ტრენაჟორების კორიდორს და ხედავ არაჩვეულებრივ ფორმაში მყოფ თითქმის ყველა ასაკის ადამიანს. ზოგი მარტო ვარჯიშობს, ზოგიც, მწვრთნელთან ერთად. დარბაზის ბოლოს ჯგუფური ვარჯიშის ოთახებია, რომელიც, თითქოს, მზის სხივებთან ერთად, სავსეა იქაური ენერგიითა და განწყობით. ყოველთვის, როცა მსოფლიო ბრენდის ქართველ ამბასადორებს ვუსვამთ კითხვას – რა არის World Class-ში გამორჩეული, პასუხია – აქაური გარემო და World Class-ის ოჯახი. რთულია არ დაეთანხმო…

ზურა ხიზანიშვილი, ფეხბურთელი

– ვარჯიში და ჯანსაღი ცხოვრების წესი ჩემს ცხოვრებაში 7 წლის ასაკიდან გაჩნდა. მთელი ცხოვრება, მინდორზე ვარჯიშის პარალელურად, ვვარჯიშობდი დარბაზშიც. პროფესიული ფეხბურთისთვის თავის დანებების შემდეგ, თითქოს, დარბაზმა მომცა შვება. ძალიან მსიამოვნებს ყოველ დილით რომ უნდა მოვიდე და ვივარჯიშო. რა თქმა უნდა, 20 წლის რომ ვიყავი სხვა დატვირთვა მქონდა. ახლა უკვე, სხვა.

სწორი ვარჯიშითა და სწორი კვებით ასაკს იმდენად ვერ ვგრძნობ, მიუხედავად იმისა, რომ ჯერ დიდი ასაკი არც მაქვს. ვარჯიში, ჩემს შემთხვევაში, პირველ რიგში, ხასიათზე მოქმდებს. 2 დღესაც რომ გამოვტოვებ, მგონია რაღაც დავაშავე.

ფეხბურთელის ცხოვრება ხომ იცით როგორია, დღეს ერთ ქვეყანაში ხარ, ხვალ მეორეში. ამიტომ, აქამდე ვერ ვახერხებდი თბილისში მევლო რომელიმე სპორტდარბაზში. ამ ეტაპზე კი, დადგა ეს პერიოდიც. ინიციატივა, რომ World Class-ის ამბასადორი გავმხდარიყავი, წამოვიდა ნინი ხუროძისგან (World Class Georgia-ს მარკეტინგის და გაყიდვების დირექტორი). ძალიან გამიხარდა ეს შემოთავაზება და სიამოვნებით დავთანხმდი. სალომე უკვე დიდი ხანია “ვორლდკლასელია”. აქ ვარჯიშობს ჩემი ბევრი მეგობარიც.

როგორია თქვენი სავარჯიშო გეგმა/სისტემა?

– ვარჯიშს ვიწყებ კარდიოვარჯიშებით. სარბენ ბილიკზე, დაახლოებით, 45 წუთი და შემდეგ ვაგრძელებ მწვრთნელთან ერთად ტრენაჟორებზე. ჩემი ინიციატივა იყო სპინინგის ჯგუფის შეკვრა. ერთ-ერთი ყველაზე ეფექტური ვარჯიშია როგორც გოგონებისთვის, ასევე ბიჭებისთვის. საუკეთესოა წონაში დასაკლებად.

ბოლოს უნდა დაგისვათ კითხვა, რომელსაც World Class-ის ყველა ამბასადორს ვუსვამთ. როგორ ფიქრობთ, მაინც რა გამოარჩევს World Class-ს?

– მგონია, რომ აქ გამორჩეული გარემოა. გხვდება ძალიან ხარისხიანი და მრავალფეროვანი ტრენაჟორები. მე არ მყავს კონკრეტულად ერთი პირადი მწვრთნელი, რადგან ყველა თავისი საქმის პროფესიონალია და ნებისმიერთან მუშაობა სასიამოვნოა. აუცილებლად უნდა აღვნიშნო ისიც, რომ ყოველთვის განსაკუთრებული სისუფთავეა და დაცულია ყველა რეკომენდაცია.

ფოტო: ლიზა გაბუნია

The post ზურა ხიზანიშვილის WORLD CLASS appeared first on City Magazine.