14 სექტემბერს, ლოს-ანჯელესში, Peacock Theater-ში, Emmy-ის 78-ე დაჯილდოების ცერემონია გაიმართა. სატელევიზიო ინდუსტრიის ერთ-ერთ ყველაზე მნიშვნელოვან საღამოს წელს მსახიობი მარისკა ჰარგიტეი უძღვებოდა.
2026 წლის Emmy-ზე მთავარი ყურადღება რამდენიმე სერიალმა მიიპყრო. დრამატულ კატეგორიებში The Pitt -მა გაიმარჯვა, კომედიურ სერიალებს შორის კი მთავარი ჯილდო Widow’s Bay -ს გადაეცა. ლიმიტირებული ან ანთოლოგიური სერიალის კატეგორიაში გამარჯვებული DTF St. Louis გახდა.
საღამოს კიდევ ერთი მნიშვნელოვანი შედეგი იყო მეთიუ რისის ორმაგი გამარჯვება — მსახიობმა Emmy როგორც კომედიური სერიალის საუკეთესო მსახიობმა, Widow’s Bay -ში შესრულებული როლისთვის, ასევე ლიმიტირებულ სერიალში შესრულებული როლისთვის, The Beast in Me -ში მიიღო.
ცერემონიას არაერთი ცნობილი მსახიობი და კინოსა და ტელევიზიის ინდუსტრიის წარმომადგენელი დაესწრო. წითელ ხალიჩაზე, სხვებთან ერთად, ზენდეია, სარა პიჯენი და კერი მალიგანი გამოჩნდნენ.
მთავარი გამარჯვებულები
საუკეთესო კომედიური სერიალი:
Widow’s Bay
საუკეთესო დრამატული სერიალი:
The Pitt
საუკეთესო ლიმიტირებული ან ანთოლოგიური სერიალი:
DTF St. Louis
საუკეთესო რეალითი-შოუ / კონკურსი:
The Traitors
საუკეთესო ვარიეტე-შოუ:
The Late Show with Stephen Colbert (CBS)
მსახიობთა ნომინაციები
დრამატულ სერიალში მამაკაცის როლის საუკეთესო შემსრულებელი:
ნოა უაილი (Noah Wyle) — The Pitt
დრამატულ სერიალში ქალის როლის საუკეთესო შემსრულებელი:
რია სიჰორნი (Rhea Seehorn) — Pluribus
კომედიურ სერიალში მამაკაცის როლის საუკეთესო შემსრულებელი:
მეთიუ რისი (Matthew Rhys) — Widow’s Bay
კომედიურ სერიალში ქალის როლის საუკეთესო შემსრულებელი:
ჯინ სმარტი (Jean Smart) — Hacks
ლიმიტირებულ სერიალში ან ტელეფილმში მამაკაცის როლის საუკეთესო შემსრულებელი:
მეთიუ რისი (Matthew Rhys) — The Beast in Me
ლიმიტირებულ სერიალში ან ტელეფილმში ქალის როლის საუკეთესო შემსრულებელი:
სალი ფილდი (Sally Field) — Remarkably Bright Creatures
დრამატულ სერიალში მეორეხარისხოვანი როლის საუკეთესო შემსრულებელი მამაკაცი:
ტომ პელფრი (Tom Pelphrey) — Task
დრამატულ სერიალში მეორეხარისხოვანი როლის საუკეთესო შემსრულებელი ქალი:
ელისონ ჯენი (Allison Janney) — The Diplomat
კომედიურ სერიალში მეორეხარისხოვანი როლის საუკეთესო შემსრულებელი მამაკაცი:
სტივენ რუტი (Stephen Root) — Widow’s Bay
კომედიურ სერიალში მეორეხარისხოვანი როლის საუკეთესო შემსრულებელი ქალი:
ქეით ო’ფლინი (Kate O’Flynn) — Widow’s Bay
რეჟისურა და სცენარი
საუკეთესო სცენარი დრამატული სერიალისთვის:
ვინს გილიგანი (Vince Gilligan) — Pluribus
საუკეთესო სცენარი კომედიური სერიალისთვის:
ქეითი დიპოლდი (Katie Dippold) — Widow’s Bay
საუკეთესო რეჟისურა დრამატულ სერიალში:
სოლ მეცშტაინი (Saul Metzstein) — Slow Horses
საუკეთესო რეჟისურა კომედიურ სერიალში:
ჰირო მურაი (Hiro Murai) — Widow’s Bay
2026 წლის Emmy-ის დაჯილდოებამ კიდევ ერთხელ აჩვენა, რომ სატელევიზიო ინდუსტრიის მთავარი ჯილდოებისთვის კონკურენცია სულ უფრო მრავალფეროვანი ხდება — წლის გამარჯვებულებს შორის როგორც უკვე ცნობილი პროექტები და მსახიობები, ისე ახალი სერიალები აღმოჩნდნენ.
ტექსტი: თეა ხოფერია
