თითქმის ყველას გვაქვს ჩვევა – როგორც კი თვითმფრინავი დაეშვება, ვამოწმებთ ტელეფონს, ველოდებით ინტერნეტს, ვცდილობთ პირველი ზარის განხორციელებას ოჯახის წევრებთან ან აუცილებელ საქმესთან დაკავშირებით.

უწყვეტი და ხარისხიანი მობილური კავშირი გახდა ის დეტალი, რომელიც განსაზღვრავს ჩვენს კომფორტს ახალ ქვეყანაში. თანამედროვე სამყაროში, სადაც დროზე მნიშვნელოვანი რესურსი ალბათ არც არსებობს. სულ უფრო მეტად მნიშვნელოვანი ხდება მარტივი, სწრაფი და ბიუჯეტური გადაწყვეტილებები და მომხმარებლის გამოცდილებაც სწორედ ამ ძირითადი კრიტერიუმებით ყალიბდება.

დღეს სწორედ იმ ქართულ სატელეკომუნიკაციო კომპანიაზე ვისაუბრებთ, რომელმაც ეს გამოცდილება რადიკალურად შეცვალა პოზიტიურისკენ. „გლობალ სელი“ გახდა ის საიმედო ტელეკომ ბრენდი, რომლის დახმარებითაც ყოველთვის დაკავშირებული ხარ მსოფლიოს ნებისმიერი წერტილიდან სხვა ნებისმიერ წერტილთან. 2025 წელი სატელეკომუნიკაციო ბაზრისთვის გარდამტეხი აღმოჩნდა. ეს იყო წელი, როდესაც „გლობალ სელმა“ საქართველოში სრულიად ახალი ეპოქა დაიწყო – ეპოქა, სადაც როუმინგი აღარ არის ფუფუნება, ხოლო კომუნიკაცია უცხოეთში ისეთივე მარტივია, როგორც სახლში. უფრო ვრცლად ამ ამბავზე „სითი“ გიორგი მადუაშვილს, „გლობალ სელის“ დირექტორს ესაუბრა.

– რა იყო 2025 წლის ინოვაცია, რომელმაც სრულად შეცვალა როუმინგის წესები?

2025 წელს გაჩნდა სრულიად ახალი და ინოვაციური პროდუქტი – საერთაშორისო SIM და eSIM ბარათები ქართული ნომრით და უფასო ზარებით როუმინგში, რომლის იდეის ავტორი და შემქმნელი სწორედ „გლობალ სელია“. მანამდე მოგზაურები იყენებდნენ ჩვენს ევროპულ ნომრიან საერთაშორისო SIM-ბარათებს, რაც შედარებით მაღალი ტარიფებით ხასიათდებოდა. პრობლემას ასევე ქმნიდა ის, რომ საქართველოდან ევროპულ ნომერზე დარეკვა ოჯახის ბიუჯეტზე მაინც ნეგატიურად აისახებოდა, მიუხედავად იმისა, რომ ჩვენი აბონენტებისთვის შემავალი ზარი უფასო იყო. დღეს კი, ჩვენს აბონენტებს, საქართველოდან ადგილობრივი ფასით უკავშირდებიან მთელ მსოფლიოში და ჩვენი აბონენტებისთვისაც შემავალი ზარი სრულიად უფასოა, იმის მიუხედავად, მსოფლიოს რომელ წერტილში იმყოფებიან.

ასევე, ბაზარზე არსებული სხვა ალტერნატიული სერვისები, მომხმარებლებს უმეტესად სთავაზობს მხოლოდ ელექტრონულ (eSIM) და ამავდროულად უნომრო ბარათებს, რომლითაც აბონენტები ვერ სარგებლობენ სტანდარტული ტელეკომ სერვისებით (ზარები, SMS-ები…); გარდა ამისა, აბონენტებს ყოველი მოგზაურობის წინ უწევთ ამ ბარათის ხელახლა შეძენა, გააქტიურება და სხვა ტექნიკურ თუ ფინანსურ საკითხებთან გამკლავება.

რა შეცვალა „გლობალ სელის“ ინოვაციურმა პროდუქტმა – ქართულნომრიანმა SIM / eSIM ბარათებმა მოგზაურთათვის: „გლობალ სელი“ ერთადერთი ავტორიზებული ტელეკომ ოპერატორია, რომელიც აბონენტებს ერთობლიობაში სთავაზობს:

– მუდმივ/უვადო საერთაშორისო SIM და eSIM ბარათს;

– მუდმივ/უვადო ქართულ ნომერს საერთაშორისო SIM და eSIM ბარათზე;

– უფასო შემომავალ ზარებს მთელ მსოფლიოში;

– ყველა სატელეკომუნიკაციო სერვისის ხელმისაწვდომობას მოგზაურობის დროს;

– ქსელზე ავტომატურ რეგისტრაციას, პარამეტრების ავტომატურ რეჟიმში გასწორებას და ა.შ.

ეს ყოველივე ქმნის დიდ კომფორტს მოგზაურობის დროს, როდესაც აღარ გვიწევს ფიქრი იმაზე, თუ რა როგორ გავააქტიუროთ, რა როგორ შევიძინოთ, რა როგორ გავასწოროთ პარამეტრებში და ა.შ. 

– უკვე ყველაფერი წარმოუდგენლად მარტივია – თუ ხარ „გლობალ სელის“ აბონენტი, ეს ავტომატურად ნიშნავს იმას, რომ სარგებლობ ექსკლუზიური და უწყვეტი ტელეკომ სერვისებით მთელ მსოფლიოში, თან ისე, თითქოს საქართველოში ხარ – ქართული ნომრით და უფასო ზარებით როუმინგში – გვიამბობს გიორგი მადუაშვილი.

სრული უსაფრთხოება – ISO სერტიფიცირება და ავტორიზებული

მომსახურება „გლობალ სელი“ საქართველოს კომუნიკაციების ეროვნული კომისიის მიერ ავტორიზებული მობილური ოპერატორია, რომლისგანაც სატელეკომუნიკაციო სერვისის მიღება ნიშნავს გარანტირებულ ხარისხს, სამართლებრივ დაცვას და ინფორმაციის უსაფრთხოებას. ეს არა მხოლოდ მომხმარებლის ინტერესს ემსახურება, არამედ მთლიანად სატელეკომუნიკაციო სექტორის სტაბილურ და განვითარებად ფუნქციონირებას უზრუნველყოფს.

ასევე, 2025 წელს „გლობალ სელმა“ მიაღწია ძალიან მნიშვნელოვან ეტაპს – კომპანიამ წარმატებით გაიარა ISO სერტიფიცირება რამდენიმე მიმართულებით. ეს გახლავთ: მონაცემთა უსაფრთხოების და ინფორმაციის გადაცემის მართვის სისტემები, ასევე, ხარისხის მართვის სისტემები. ეს არის ოფიციალური დადასტურება იმისა, რომ „გლობალ სელის“ სერვისები და მომსახურება უსაფრთხო, გამართული და საერთაშორისო სტანდარტებზე დაფუძნებულია.

– სხვა რა მნიშვნელოვან სიახლეებს გამოყოფდით 2025 წელს?

„გლობალ სელი“ გახდა პირველი ქართული ტელეკომ ოპერატორი, რომელიც გაერთიანებული ერების ორგანიზაციის მსოფლიო ტელეკომ კავშირის (ITU) წევრი გახდა საქართველოდან. მსოფლიო სატელეკომუნიკაციო ოჯახის წევრობა კი გვიქმნის წამყვან ტელეკომ ინდუსტრიებთან და უცხოურ ოპერატორებთან პირდაპირი ურთიერთჩართვისა და პარტნიორობის მარტივ შესაძლებლობას (შუამავალი კომპანიების გარეშე), რაც თავის მხრივ, საშუალებას გვაძლევს, მომხმარებლებს შევთავაზოთ იაფი ტარიფები, ბევრად უკეთესი, სწრაფი და სტაბილური კავშირი მთელ მსოფლიოში.

სპორტის მხარდაჭერა 

ათასობით ქართველი სპორტსმენი საზღვარგარეთ „გლობალ სელის“ უფასო როუმინგით სარგებლობს.

2025 წელს „გლობალ სელსა” და საქართველოს სპორტის სამინისტროს შორის გაფორმდა მემორანდუმი, რომლის შედეგადაც ყველა სპორტსმენი, რომელიც საქართველოს სახელით ასპარეზობს საერთაშორისო შეჯიბრებებში, საზღვარგარეთ სრულიად უფასო ინტერნეტ კავშირით სარგებლობს.

უკვე რამდენიმე ათასმა სპორტსმენმა ისარგებლა ამ უნიკალური შესაძლებლობით. არ გვაქვს დაწესებული შეზღუდვა, თუ რამდენჯერ შეიძლება ისარგებლოს ერთმა სპორტსმენმა უფასო სერვისით. ჩვენთვის მთავარია, საქართველოს სახელი, დროშა, ეროვნული ჰიმნი რაც შეიძლება ხშირად ფიგურირებდეს მსოფლიო ასპარეზზე და ჩვენი მხრივ, მზად ვართ, უფასო სერვისის მისაწოდებლად ყველა საერთაშორისო ასპარეზობის მონაწილე სპორტსმენთათვის.

ასევე, 2025 წელს ევროკავშირის წევრი ქვეყნების გამაერთიანებელმა ჭადრაკის ევროპულმა ორგანიზაციამ (ევროპის ჭადრაკის კავშირმა) „გლობალ სელი” დააჯილდოვა სპეციალური პრიზით, როგორც ყველაზე საიმედო ტელეკომ პარტნიორი მთელ ევროპაში. „გლობალ სელი” ევროპის ჭადრაკის კავშირს და ჭადრაკის ევროპული საზოგადოების წევრებს უწევს სატელეკომუნიკაციო მომსახურებას მთელ ევროპაში.

სოციალური და საგანმანათლებლო პროექტები 

ბავშვებისთვის შექმნილი პირველი სატელეფონო ზღაპრული არხი 2025-ში გაჩნდა კიდევ ერთი ინოვაცია, რომელიც საქართველოში აქამდე არ არსებობდა: GLOBALCELL KIDS – საბავშვო სატელეფონო ზღაპრების არხი (ქალაქის/თბილისის სატელეფონო ნომერი: 032 2 033 033). სრულიად უფასო მომსახურება საშუალებას აძლევს ბავშვებს მოუსმინონ ქართულ ზღაპრებს ხმოვანი ფორმატით. მშობლებისთვის ეს კომფორტული, ჯანმრთელი და ეკრანისგან დაცლილი გზა გახდა ძილის წინ მათი პატარებისთვის ზღაპრების მოსასმენად.

განახლებული ფილიალი ქუთაისის საერთაშორისო აეროპორტში – 24/7

მომსახურება.

პანდემიის შემდეგ დახურული ფილიალი 2025 წელს განახლებული კონცეფციით დაუბრუნდა მგზავრებს. „გლობალ სელის“ ფილიალი აეროპორტის გამგზავრების დარბაზის მთავარ სივრცეშია განთავსებული და მოგზაურებს 24/7 რეჟიმში აძლევს საშუალებას ადგილზე გაიაქტიურონ SIM/eSIM ბარათი, შეიძინონ სასურველი პაკეტი და მიიღონ სრული კონსულტაცია.

ახალი სამოგზაურო პლატფორმა GLOBALCELL TRAVEL – ყველა საჭირო

რჩევა მოგზაურებისთვის

ასევე, კომპანიამ ახალი მედია-პლატფორმა შექმნა სახელწოდებით „GLOBALCELL TRAVEL – შენი გზამკვლევი მსოფლიოში“, რომელსაც „გლობალ სელის“ საზოგადოებასთან ურთიერთობის ხელმძღვანელი, ნანიკო ხაზარაძე უძღვება. რუბრიკა მოგზაურებს აწვდის პრაქტიკულ რჩევებს, უსაფრთხოების რეკომენდაციებსა და მიმოიხილავს საინტერესო ტურისტულ მიმართულებებს ცნობილ გიდებთან, ტუროპერატორებთან და ცნობად სახეებთან ერთად.”

ნანიკო ხაზარაძე იმ გამოცდილებაზე გვიყვება, რომელიც ამ გუნდთან ერთად რამდენიმე თვის განმავლობაში დააგროვა.

„გლობალ სელი ჩემთვის სრულიად მოულოდნელი, მაგრამ ძალიან მნიშვნელოვანი საჩუქარი აღმოჩნდა. კომპანიაში ისე უცნაურად მოვხვდი, თითქოს შემთხვევით, მაგრამ დღეს ვხვდები, რომ სწორედ ეს შემთხვევა იყო გარდამტეხი. მადლობელი ვარ ყველასი, ვინც ეს გზა გამიხსნა. მიყვარს აქაურობა, გუნდი, ბრენდი – და ალბათ, იმ მიზეზითაც, რომ „გლობალ სელი“ სრულად ქართულია, განსაკუთრებულ სენტიმენტს მიჩენს. ჩემთვის ეს არა მხოლოდ სამსახური, არამედ მისიაა: რაც შეიძლება მეტ ადამიანს გავაცნო ის პროდუქტი, რომელსაც რეალურად ვენდობი – გვიამბობს ნანიკო ხაზარაძე.

კავშირი, რომელიც ყველგან იმუშავებს

კომპანია 2026 წლისთვის გეგმავს დაფარვის გაფართოებას ისე, რომ კავშირი ხელმისაწვდომი იყოს ყველგან – როგორც ხმელეთზე, ისე ცაში (თვითმფრინავში), შუა ზღვასა და ოკეანეში (გემზე) და ა.შ. ამ გზით „გლობალ სელი“ ცდილობს, რომ ქართული ნომერი ყველანაირ საზღვრებს გასცდეს და კომუნიკაცია ყველგან ერთნაირად მარტივი იყოს.

„ყველაზე მეტად დამფუძნებლის სიტყვები დამამახსოვრდა: მისი ოცნებაა, რომ საქართველოს ფარგლებს გარეთ გაჩერებულ თვითმფრინავში ყველა მგზავრმა ჩართოს ქართული ტელეკომ ბრენდი „გლობალ სელი“ და ეს მომსახურება იყოს საუკეთესო მთელ მსოფლიოში. ეს ნამდვილად არის ბრენდი, რომელსაც ვენდობი, რომელსაც ვეკუთვნი და რომლის ნაწილად ყოფნაც მაბედნიერებს“ – ნანიკო ხაზარაძე.

„გლობალ სელი“ 16 წლისაა

სასიხარულოა, როცა ახალი კადრები გვემატებიან. სტაბილურობა საკადრო ნაწილში, თანამშრომლების შენარჩუნება და ახალი წევრების დამატება, რომლებიც ახალი სიცოცხლითა და ენერგიით შემოდიან ამ საქმეში ძალიან მნიშვნელოვანია კომპანიის წარმატების გზაზე.

ასევე, რაც არ უნდა დაგვავიწყდეს: „გლობალ სელის“ ახალი წლის გათამაშება მომხმარებლებისთვის უნიკალური შესაძლებლობაა მოიგონ განსაკუთრებული სამოგზაურო პრიზები და სარგებლობდნენ კომპანიის სერვისებით სრულიად ახალი წლის განმავლობაში. გათამაშებაში მონაწილეობა ძალიან მარტივია: ნებისმიერი აბონენტი, რომელიც შეავსებს ბალანსს, გააქტიურებს პაკეტს ან შეიძენს ახალ SIM/eSIM ბარათს, ავტომატურად მიიღებს გათამაშების ბილეთს. ბილეთი უნდა მოთავსდეს სპეციალურ ჯადოსნურ დოლურაში, საიდანაც 30 დეკემბერს, 12 საათზე, Facebook Live-ში შემთხვევითობის პრინციპით გამოვლინდებიან გამარჯვებულები. მათ პირდაპირ ეთერში დაუკავშირდებიან „გლობალ სელის“ ქართულ ნომერზე და შეძლებენ მიიღონ პრიზები: ავიაბილეთი ევროპის მიმართულებით, სათავგადასავლო კამერა DJI, 1000 ლარიანი სამოგზაურო ვაუჩერი. გათამაშების ყველა გამარჯვებულს 2026 წელს ეძლევა უფასო და ულიმიტო ინტერნეტი „გლობალ სელისგან“ მთელ მსოფლიოში”,- გიორგი მადუაშვილი

„გლობალ სელი“ დღეს უკვე უბრალოდ ოპერატორი აღარ არის – ეს არის ბრენდი, რომელიც ქმნის კავშირს, ამარტივებს მოგზაურობას, ზრუნავს თითოეულ მომხმარებელზე და ტექნოლოგიას ადამიანურ გამოცდილებად აქცევს. ეს არის ისტორია იმის შესახებ, თუ როგორ შეიძლება ქართული კომპანია მსოფლიო სტანდარტების მატარებელი გახდეს და ამავდროულად, ინოვაციისა და სანდოობის სიმბოლოდ დარჩეს.

ასეთი იყო 2025 წელი “გლობალ სელისთვის”! წინ 2026 წელია!

www.globalcell.ge

ტექსტი: კესო ბოჭორიშვილი

ფოტო: ნათია ასანიძე

The post 2025 წელი და „გლობალ სელის“ ინოვაცია, რომელმაც როუმინგის წესები შეცვალა appeared first on City Magazine.

სწორედ ამ განწყობას ქმნის სელფი მობაილის ზაფხულის კამპანია. კამპანია სელფიმ ვიდეორგოლით წარადგინა — ამბავი სამეგობროს ნამდვილი ზაფხულიდან, სავსე გულწრფელი ემოციებითა და რეალური ისტორიებით. ეს ის ისტორიებია, რომლებიც ხშირად კადრს მიღმა რჩება და სოციალურ მედიაში არ ხვდება, მაგრამ ჩვენთვის ყველაზე მნიშვნელოვანი და დასამახსოვრებელია.

ზაფხული სელფის ენით – სიამოვნება, სიმსუბუქე და გულწრფელობა

სელფი მობაილის კამპანიის ფარგლებში შეგვიძლია, ჩვენი ნამდვილი ზაფხული – სიცილით, დაუგეგმავი თავგადასავლებითა და ხანდახან სევდიანი კადრებით – სხვებსაც მოვუყვეთ. ეს არის სურვილი და შესაძლებლობა, რომ ზაფხული არ დარჩეს მხოლოდ მეხსიერებაში და შთაბეჭდილებები ერთმანეთს გავუზიაროთ.

კამპანია შეიქმნა სელფი მობაილის საკომუნიკაციო პლატფორმა „ვილაპარაკოთ“-ის ფარგლებში. პლატფორმის მიზანი გულწრფელი საუბარია სხვადასხვა საკითხზე,  რეალური დიალოგით,  ყოველდღიურ თემებზე.

ზაფხულის კამპანია კი სწორედ ამ სერიის გაგრძელებაა – ვისაუბროთ ბევრი, გავაზიაროთ საკუთარი ისტორიები, ემოციები ურთიერთობები, სიახლეები და ცვლილებები.

ბევრად მეტი, ვიდრე უბრალოდ კამპანია 

სელფი მობაილი ზაფხულის კამპანიით მოგვიწოდებს, რომ ვიალაპარკოთ ბევრი, გავაზიაროთ ჩენი ზაფხული, მოვყვეთ ამბები, რომლებიც რეალურად, ქმნის დაუვიწყარ თავგადასავლებს – კამპანია საუბრის დაწყების წერტილია.
რეალური ემოციებისთვის, გულწრფელი ამბებისთვის და იმ ზაფხულისთვის, რომელიც ყველას დაგვამახსოვრდება.

სელფი მობაილი არის ქართული მობილური ოპერატორი, რომელიც საქართველოს მასშტაბით 1.42 მლნ აბონენტს ემსახურება, კომპანია აპრილში ორი წლის გახდა. ბრენდის გამოჩენიდან დღემდე მან არაერთი მნიშვნელოვანი პროექტი განახორციელა. სელფი მობაილი გახდა ქვეყანაში პირველი მობილური ოპერატორი, რომელმაც საქართველოში 5G ქსელი დანერგა.

სელფი მობაილმა, მომხმარებლების უკეთესი გამოცდილებისთვის,  დანერგა Vodafone-ის ლოიალობის პლატფორმა, რომლის ადაპტაციაც სრულად მოახდინა ქართულ ბაზარზე. პლატფორმა აერთიანებს სპეციალურ შეთავაზებებს სხვადასხვა კატეგორიიდან: კვება, სპორტი, გართობა, მოგზაურობა და სხვა.

ტექსტი: კესო ბოჭორიშვილი

კრედიტები:

Mimosas & Freelance Team

Nino Gordeladze, Natia Kvaratskhelia, Mari Sukhishvili, Irina Sakvarelidze, Sopo Kechkhoshvili, Salome Gordeladze

Elixir Production Studio
Executive Producer – Nata Managadze

Director – Nino Gordeladze

Photographer – Giorgi Nakashidze

Photographer Assistant – Avto Mamulia
Production Manager – Achi Kevlishvili
Production Coordinator – Natashka Doborjginidze

Production Assistant – Iti Keshelava

Production Designers – Tamar Sulakvelidze
Set Dresser – Tazo Bochoidze
Helpers – Ana Qachibaia, Mariam Sulakvelidze

Costume Designer – Elene Gabilaia

Costume Designer Assistant – Nini Natelashvili

Casting Director – Nanuka Sioridze

Make Up – Veriko Bedeladze, Naniko Sulakvelidze

Location Manager – Ana Abashidze
Drivers – Valeri Kevlishvili, Avto Ugulava, Beqa Tsiklauri

Cast – Giorgi Barbakadze, Teona Kublashvili, Jambakur Bakradze, Nanisha Metreveli, Nata Managadze, Achi Kevlishvili, Andria Jaliashvili

Storyboard Artist – Ivane Kipshidze

Post-Production
Editing – Levan Buthkuzi

Motion Design – Koka Kitia
Sound Studio – Avira Sound
Sound Design and Editing – Achi Kevlishvili
Music – Nika Kocharov

Designer – Vano Saginashvili

The post ნამდვილი ზაფხული რეალურ ურთიერთობებში იბადება appeared first on City Magazine.

კომპლექსში დაგხვდებათ 45 ნომრიანი სასტუმრო, რესტორანი ქართულ-ევროპული სამზარეულოთი, საერთაშორისო სტანდარტების შესაბამისი სპორტული კომპლექსი ფიტნეს დარბაზით, ლობი ბარი, საკონფერენციო დარბაზი, ბილიარდი და მაგიდის ჩოგბურთი. კეთილმოწყობილი ეზო ბავშვების გასართობი სივრცით, საუნა და მცირე ზომის დახურული აუზი.

მეტი თავგადასავლისთვის სტუმრებს შესაძლებლობა აქვთ ადგილზე შეისწავლონ ჯირითი ან საბადურის ტყეში კვადროციკლებით გასეირნება დაგეგმონ.

 – „ყველა ადამიანს, განსაკუთრებით დღეს, როდესაც ირგვლივ სრული ქაოსია, ძალიან სჭირდება გარემო ბალანსისთვის და რადგან ეს უკანასკნელი ძალიან სუბიექტურია, ჩვენც შესაბამისად ბევრი განსხვავებული ამბავი შევქმენით და ამ ყველაფერს „ბუნებასთან სიახლოვის სიკეთეები“ ვუწოდეთ.

ბრენდის სტრატეგიაზე ანა ჭინჭარაულმა იმუშავა და როგორც ამბობს, საბადური ჰილსის მთავარი იდეა ადამიანების ბუნებასთან სიახლოვეს და ჯანსაღი ცხოვრების ხელშეწყობას უკავშირდება.

–  „აღნიშნული სიკეთეები  მაქსიმალურად მარტივად მისაღწევი რომ ყოფილიყო, ეს ამბავი თბილისთან ძალიან ახლოს, მაგრამ შუაგულ ტყეში მოვაწყეთ. გარემო და სივრცეები, რომელიც შევქმენით კვლავ ადამიანების ხასიათიდან გამომდინარე, ერთმანეთისგან განსხვავებული და მრავალფეროვანია, თუმცა, რა თქმა უნდა, თითოეულ მათგანს ბუნებასთან სიახლოვე აერთიანებს.“

აღსანიშნავია, რომ მეოთხე სართულზე მდებარე პანორამული რესტორანი მასპინძლობს არა მხოლოდ სასტუმროს სტუმრებს, არამედ ნებისმიერ მსურველს, კორპორატიულ წვეულებებს, კონფერენციებს ლანჩით და ყავის შესვენებით თუ უბრალოდ გემრიელი ვახშმის მოყვარულებს.

 ასევე უნდა აღვნიშნოთ საკონფერენციო სივრცე, რომელიც 45 ადამიანს მასპინძლობს და აღჭურვილია საჭირო ინვენტარით.

რაც შეეხება სპორტულ კომპლექსს,  საერთაშორისო სტანდარტების შესაბამისი,  მულტიფუნქციური სპორტული კომპლექსი შესაძლებლობას აძლევს სრულყოფილი მოსამზადებელი პერიოდი გაიარონ ისეთი  სპორტის სახეობებს, როგორიც არის: კალათბურთი, ფრენბურთი, ხელბურთი, მინიფეხბურთი, კრივი, ჭიდაობა. გარდა ამისა, სპორტული კომპლექსის ტერიტორიაზე განთავსებულია მაღალი ხარისხის ინვენტარით უზრუნველყოფილი ფიტნეს დარბაზი.

„პირველი სეზონი საკმაოდ საინტერესოდ გავიარეთ, სტუმრების 70% ქართველი  დამსვენებელი იყო,  ოლიმპიადის მოსამზადებელ პერიოდში ვუმასპინძლეთ პარატაეკვანდოს ეროვნულ ნაკრებს, კორპორატიულ ღონისძიებებს, კონფერენციებსა და საქორწინო ცერემონიებს.

კომპლექსი ოთხივე სეზონზე შეუფერხებლად მუშაობს და ყველა მიმართულებით კიდევ უფრო აქტიურ ფაზაში შედის.

The post სათავგადასავლო კომპლექსი – საბადური-ჰილსი appeared first on City Magazine.

ახალგაზრდა ფოტოგრაფის, სოფო შარიას ობიექტივით დანახული ნიუ იორკი.

ნიუ იორკის ხედები.

The post appeared first on City Magazine.

პირამიდები: ნახევარი დღე გავატარეთ პირამიდების მონახულებაში.  მიუხედავად იმისა რომ შიგნით არ შევსულვართ, მაინც ძალიან შთამბეჭდავი იყო გიზის პირამიდები, სფინქსი და აქლემებზე გასეირნებაც. ჩვენ კერძო ვიზიტით ვიყავით და შესაბამისად, რიგსა და უსიამოვნო გამოცდილებებს თავი ავარიდეთ. ყველას, ვინც აპირებს ეგვიპტეში მოგზაურობას, ვურჩევ რომ ადგილობრივი მძღოლის, გიდის, ან ჩვენს შემთხვევაში, მეგობრის თანხლებით იმოძრაოს მეტი კომფორტისა და უსაფრთხოებისთვის. განსაკუთრებით, ტურისტებითა და ადგილობრივებით დატვირთულ ადგილებში. ჩვენ „ქრაუნ პლაზაში“ ვრჩებოდით, რომელიც მოსახერხებელი შეხვედრის წერტილი იყო ჩვენი მეგობრებისთვის. რეკომენდაციას გავუწევდი „მენა ჰაუს მერიოტს“, რომელსაც დაუვიწყარი ხედები აქვს პირამიდებზე.

სხვა ღირსშესანიშნაობები: მუსლიმანური ღირსშესანიშნაობებიდან აღსანიშნავია მუჰამედ ალის მეჩეთის ჭერის გრანდიოზულობა, სილამაზე და ხედი კაიროზე სალადინის ციტადელიდან. დრესკოდის გათვალისწინებით, აქ უმჯობესია არ გიჩანდეთ არც ფეხები და არც მკლავები, რადგან ამ შემთხვევაში, ფეხსაცმლის გახდის გარდა, მოგიწევთ რომ სამოსიც თან იქონიოთ სხეულის სრულად დასაფარად. გარდა მუსლიმანური ღირსშესანიშნაობებისა, ეგვიპტეში მრავლადაა ისტორიულად მნიშვნელოვანი, ქრისტიანული და ებრაული ადგილები – მაგალითად, ის ადგილი, სადაც ქრისტე თავს აფარებდა დევნას. ეგვიპტის მოსახლეობის მეათედს ქრისტიანები შეადგენენ. შესაბამისად, ეგვიპტეში, განსხვავებული აღმსარებლობის რელიგიური ღირსშესანიშნაობებიც ისეთივე ყურადღებით არის დაცული, როგორიც მუსლიმანური. არამუსლიმანური ღირსშესანიშნაობებიდან აღსანიშნავია ღვთისმშობლის სახელობის კოპტური ეკლესია, რომელსაც „დაკიდებულ ეკლესიასაც“ უწოდებენ ინჟინრული მიღწევების გამო – ტაძარი თითქოს ჰაერშია დაკიდებული, რადგან მიწაზე არ დგას. ეგვიპტური ღირსშესანიშნაობების სია სრულფასოვანი არ არის ეგვიპტის ცივილიზაციის ნაციონალური მუზეუმის და სამეფო მუმიების მუზეუმის ტურის გარეშე. ეგვიპტე დღემდე იბრუნებს დაკარგულ მუმიებს და მსოფლიოს გარშემო, სხვადასხვა მუზეუმიდან წელიწადში მილიონობით დოლარს იღებს  ეგვიპტური გამოფენებისთვის. აღსანიშნავია, რომ გრანდიოზული ეგვიპტური მუზეუმის მშენებლობა ახლა მთავრდება და 2023 წელს გაიხსნება. მუზეუმს, გარედან კომპლექსს,  მსოფლიოში ყველაზე დიდ და თანამედროვე მუზეუმად პოზიციონირების ამბიცია და პოტენციალი აქვს. არაბული მარკეტი საინტერესო ღირსშესანიშნაობაა. მაგალითად, ხან ელ ხალილი ლაბირინთისებრი ბაზარია, სადაც ძირითად მონაკვეთებში, მხოლოდ ერთი ადამიანი შეძლებს გავლას ვიწროდ ჩალაგებულ  მაღალ  დახლებს შორის, სადაც ყველაფერს იპოვი: მეტალის აბაჟურიდან დაწყებული, ადგილობრივი ტექსტილით და სუნელებით დასრულებული. აქაც გირჩევთ მოკრძალებით ჩაიცვათ თუ არ გინდათ ადგილობრივების მეგობრული და არამეგობრული შეძახილების და ხანდახან,  მათი  ჩახუტების მსხვერპლი გახდეთ.

ქალაქი: წარმოიდგინეთ ორმხრივი მოძრაობა, ოთხ-ოთხი  ვიწრო საავტომობილო გზით. მანქანების ძრავის მუდმივი  ხმა, საყვირის სიგნალი და ხალხის ყიყინი. ამ გზის გასწვრივ – დაუსრულებელი სახლები ფანჯრების გარეშე. ჩემი მეგობარი ლარა, შვეიცარიიდან იყო ჩამოსული და თბილისში მოძრაობას „ბალაგანს“ ეძახდა. ეგვიპტეში, ალბათ, სიტყვები არ ეყოფოდა მდგომარეობის აღსაწერად. ჩვენი ეგვიპტელი მეგობარი ხუმრობდა – წყვეტილი ხაზი ეგვიპტელებს ნიშნული ჰგონიათ, რასაც მანქანა უნდა გაუთანაბროო. ტრანსპორტის სიძვირის და ეგვიპტის მოსახლეობის საშუალო  შემოსავლის გათვალისწინებით,  აქ, ძირითადად, არაიმპორტული, ძველი მანქანებია.  დაუსრულებელი სახლები ექსპლუატაციაში არ არის შეყვანილი, რადგან თუ სახლი ექსპლუატაციაში შევა, მაშინ გადასახადი უნდა გადაიხადო. ეგვიპტელებიც, გადასახადების თავიდან არიდების მიზნით, სახლებს ფანჯრებს არ უკეთებენ, აფარებენ ხალიჩებს და ფარდებს. ეკონომიკურად მოხერხებული გადაწყვეტილება მძიმე  სანახავია.  ნებისმიერი შეიძლება შეესწროს მეზობელი ოჯახის ტელევიზორში ფეხბურთს, სამზარეულოში ჩხუბს და მისაღებში საუბარს.

გასტრონომია: ტრადიციული ეგვიპტური კერძები: ქოშარი – ბრინჯის, მაკარონის და ოსპის კერძი და ჯუთის სუპი,  რთული საჭმელია უცხოელებისთვის, საცივს და ჩაშუშულს მიჩვეული ხალხისთვისაც კი.  ხოლო აღმოსავლეთის კერძები: ჰუმუსი, ფალაფელი, ფეტუში – ძალიან გემრიელია. რესტორნები, სადაც ჩვენ დავდიოდით, ძირითადად, გემრიელი სამზარეულოს კომბინაცია იყო, საუკეთესო სერვისით. გამორჩეული იყო „ხუფუსი“, რომელიც პირამიდებს გაჰყურებდა – გირჩევთ აქ სტუმრობა იმ დღეს დაამთხვიოთ, როდესაც პირამიდების მოსანახულებლად წახვალთ. „საჭი პარკი“ – თუ  აზიური სამზარეულო გიყვართ, „პიერ ოთხმოცდარვა“ კარგია  საღამოს გართობისთვის. ლანჩისთვის, გირჩევთ ნილოსის ნაპირას მდებარე ლამაზ ლაუნჯს, „კრიმსონი“, მიმზიდველი ხედებით.  ესტუმრეთ  „კაზოკუს“, თუ გინდათ რომ თავი ეგვიპტეში აღარ იგრძნოთ. ეგვიპტეში იმპორტული ალკოჰოლი ძალიან ძვირი ღირს. ამიტომ, გირჩევთ აეროპორტის უბაჟო ზონაში იყიდოთ სასმელი, რესტორანში გადაიხადოთ ბოთლის გახსნის ღირებულება და თქვენივე მიტანილი სასმელით გამზადებული კოქტეილები მიირთვათ. ეს,  დაახლოებით, ხუთი დოლარი დაგიჯდებათ ოცდაათი დოლარის ნაცვლად.

ქორწილი: მეფე-პატარძალმა ერთმანეთი ბოსტონში გაიცნო.  მე  ორივეს ვიცნობდი ცალ-ცალკე. ერთი კვირით ადრე, შარმ-ელ-შეიხში ვიყავი ბოსტონელი მეგობრების ქორწილში დაპატიჟებული და ჩასვლა ვერ მოვახერხე. თუმცა, საერთო მეგობრებისგან გავიგე, რომ სანაპირო ქალაქები უფრო ტურისტულია, ნაკლებად ფორმალური დრესკოდით და მეტი თავისუფლებით. შემდეგში აუცილებლად წავალ შარმ-ელ-შეიხშიც.  ეგვიპტეში ქორწილი სხვა კალიბრის ღირსშესანიშნაობაა. სამი ათასი სტუმარი, რამდენიმე ღონისძიება – პატარძლის სახლში მისვლა, ხელის მოწერის ცერემონია, თვითონ ქორწილი, სხვადასხვა ქვეყნიდან მოწვეული მომღერლები და წამყვანები, ცოტა საჭმელი, მაგრამ ალკოჰოლი ულიმიტოდ. სტუმრები ტრადიციულ მუსლიმანურთან ერთად,   ევროპულ დიზაინერულ ტანსაცმელშიც  იყვნენ ჩაცმულები. იყო ტრადიციაც და მოდერნიზმიც, რიტუალიც და გართობაც. დიდი სიამოვნებით ველი სხვა ჩემი  ეგვიპტელი მეგობრების ქორწილებსაც და შესაძლებლობას, მათთან ერთად ვიზეიმო ეგვიპტეში.

დასკვნა: ეგვიპტეს, ყველაზე თუ არა, ერთ-ერთი ყველაზე მნიშვნელოვანი წვლილი აქვს შეტანილი მსოფლიო ცივილიზაციაში და ვფიქრობ, თვალსაწიერის გასაფართოებლად, აუცილებელია ყველა ადამიანმა შეძლოს მისი, თუნდაც ერთხელ, მონახულება. ეგვიპტის შეყვარება – არშეყვარების საკითხი კი, ადამიანზეა დამოკიდებული.

ბლოგერი, ანა გვალია 

The post მითები და რეალობა –  ეგვიპტე appeared first on City Magazine.

წელიწადის რომელ სეზონს გამოარჩევდი?

სწორედ ზაფხულია ის ერთადერთი სეზონი, როდესაც შემიძლია დავისვენო, გადავიტანო ყურადღება კალათბურთიდან და მეტი დრო დავუთმო ოჯახსა თუ მეგობრებს. 

მიყვარს მთა, თუმცა, ზღვის გარეშეც არ წამომიდგენია ჩემი ზაფხული. მეტი დოზით მთა, დანარჩენი – ზღვა. ჩემი გრაფიკიდან გამომდინარე, რადგან აქტიური სპორტსმენი ვარ, ზაფხულში დასვენება ჩემთვის, მაქსიმუმ, ორი კვირა გაგრძელდეს. 

სად გაატარეთ ზაფხულის ცხელი დღეები?

ზაფხულის დასაწყისში მოვასწარი ძალიან საინტერესო მოგზაურობა იტალიის სხვადასხვა ქალაქში. ამის შემდეგ, მთელი ზაფხული გავატარე ეროვნულ ნაკრებში და თამაშებში…

როგორც ემოციურად, ასევე ფიზიკურადაც ძალიან დატვირთული ზაფხული გამოვიდა. 

რითი გამოარჩევ ამ ზაფხულს?

როგორც აღვნიშნე, თითქმის მთელი ზაფხულის გატარება მომიწია ეროვნულ ნაკრებთან. კულმინაცია იყო ევროპის ჩემპიონატი, რომელსაც საქართველო მასპინძლობდა. ეს, თავისთავად, გამოარჩევს ამ სეზონს სხვა დანარჩენებისგან.

ეს ევროპის ჩემპიონატი მთელი ცხოვრება მემახსოვრება. იყო საკმაოდ მტკივნეული ფინალი, რადგან საკუთარ კედლებში ვერ მივაღწიეთ ჩვენს მიზანს და ეს დაუკმაყოფილებლობის შეგრძნება გამყვება სულ. თუმცა, ასევე ენით აღუწერელი იყო ქართველი გულშემატკივრის გვერდში დგომა, რაც ასევე, საოცრად დასამახსოვრებელია ჩემთვის. 

მომავალი ზაფხული თუ გაქვთ დაგეგმილი?

რაც ნამდვილად ვიცი, ისევ იტალიას ვესტუმრები. თუმცა, ამჯერად სამხრეთ ნაწილს. დანარჩენი ვნახოთ, ბევრი დროა წინ……

ტექსტი: ქეთა მიქელაძე

The post იტალიური არდადეგები appeared first on City Magazine.

ზამთარი თუ ზაფხული?

ზაფხული, რა თქმა უნდა…. ზამთარი, მაქსიმუმ, ორი კვირა – შობა და ახალი წელი.

ზაფხულის დღეები, უმეტესად, ანსამბლ “შვიდკაცასთან“ ერთად გავატარე. დასასვენებლადაც ერთად ვიყავით. გვქონდა ძალიან ბევრი კონცერტი, რამოდენიმე რეგიონსა თუ ქალაქში.

ამას დაემატა პროექტი ჩემი, ნეკა სებისკვერაძისა და ნინო გულიაშვილის მონაწილეობით, რომელიც ბევრ რეგიონში ჩატარდა. ზაფხულის ბოლოს, ბიჭები ოჯახებით წავედით არაჩვეულებრივ ადგილას ქობულეთთან, „შატო კვირიკეში”, სადაც ძალიან კარგი და ლამაზი დღეები გავატარეთ.

წინა, პანდემური ზაფხულისგან ნამდვილად გამოვარჩევ 2022 წლის ზაფხულს ბევრი კონცერტითა და საღამოთი. ასევე, გასტროლით ვიყავი ამერიკაში, რაც ალბათ, ყველაზე დასამახსოვრებელია ამ ზაფხულს.

ტექსტი: ქეთა მიქელაძე

The post დათო ნოზაძის 2022-ის ზაფხული appeared first on City Magazine.

ზაფხული მაინც, ყველას სჯობს.

ზაფხული ოჯახურად, ჩვენს საყვარელ, სამტრედიის სოფელ ნინუაკუთხეში გავატარეთ. შემდეგ ზღვაზე, აჭარაში. ეს ზაფხული ძალიან დატვირთული იყო უამრავი კონცერტითა და სხვადასხვა ღონისძიებით. პანდემიის შემდეგ, ძალიან სასიამოვნოა ასეთი დიდი დოზით შეხვედრა მსმენელთან.

რასთან ასოცირდება თქვენთვის ზაფხულის სეზონი – დასვენებასთან თუ გართობასთან?

ადრე, უფრო გართობასთან, ვიდრე დასვენებასთან. ყოველთვის ვირჩევდი ადგილს, სადაც ხალხმრავლობა და აქტიური დასვენება იყო შესაძლებელი. ახლა ყველაფერი შეიცვალა. მეტად მომწონს ოჯახთან ერთად მშვიდ და წყნარ გარემოში დასვენება.

მომავალი ზაფხულის გეგმა თუ იცით?

ჩემი საქმიანობიდან გამომდინარე, რთულია ასე ადრე გეგმების დაწყობა. თუმცა, ძალიან მინდა მომავალი წლის ზაფხული ოჯახთან ერთად, იტალიაში გავატარო.

ტექსტი: ქეთა მიქელაძე

The post აჩიკო ნიჟარაძე appeared first on City Magazine.

თამუნა, რომელი სეზონია შენთვის გამორჩეულად საყვარელი, ზამთარი თუ ზაფხული, რატომ?

მიყვარს ზაფხული. ის ჩემთვის ზღვასთან ასოცირდება…. სხვაგვარად ბედნიერი ვბრუნდები ზღვის სანაპიროდან….ვერ ვხვდები ბედნიერების მიზეზს. ჩემთვის ყოველი დღე განსაკუთრებული და ჯადოსნურია. შეყვარებული ვარ ცხოვრებაზე.

ხანდახან ძალიან მიყვარს ზღვაზე მარტო ყოფნა. მუსიკა, ზღვა, მზე, წიგნი … მეტი არაფერი. 

თამუნა, სად და როგორ დაისვენე ზაფხულში?

ზაფხულში ვახერხებ დასვენებასაც და გართობასაც….. 

წელს სამჯერ ვესტუმრე ბათუმს. პირველი წასვლა აღდგომის პერიოდში მოვასწარი. ბათუმი ასეთი მშვიდი არ მახსოვს. ძალიან მომეწონა ამ დროს ზღვა. სწორედ ასეთი ბათუმი მიყვარს.

ზაფხულის მიწურულს კი, წავედი ავსტრიაში, ჩემს მეგობრებთან ერთად.

ზაფხული, რომელიც არასდროს დაგავიწყდება

ჩემთვის ყველა დღე დღესასწაულია. ვერ გამოვარჩევ და ვერ გამოვყოფ ასე, ერთ ზაფხულს. ერთ-ერთი ზაფხული დასამახსოვრებელია ჩემი დისშვილის, ნუცა რამიშვილის დაბადებით, რომელიც ჩემთვის ყველაფერია. ეს გოგო ბავშვობიდან განსხვავებული ემოციის მატარებელია ჩემთვის. მთელი ცხოვრება მაბედნიერებს.

სწორედ წელს, ზაფხულში, ნუცას ჯადოსნური ქორწილიც აღვნიშნეთ, რაც ჩემთვის ძალიან დიდ ემოციასთან არის დაკავშირებული.

თუ გაქვთ მომავალი ზაფხულის გეგმა?

არასდროს არ ვიცი მომავალი გეგმების შესახებ. არ ვგეგმავ ხოლმე. ცხოვრება რა სიურპრიზს მიმზადებს, არ ვიცი. შეიძლება ჩემი სამომავლო გეგმა ერთ წამში ამოყირავდეს.

ტექსტი: ქეთა მიქელაძე

The post მუსიკა, ზღვა, მზე, წიგნი… appeared first on City Magazine.

როგორ დაიწყო თქვენი ზაფხული?

ზაფხული ძალიან მიყვარს და მოუთმენლად ველოდები მთელი წელი. ზაფხულის პირველივე დღეებში მე და ჩემი მეგობარი, მაკუნა ნაცვლიშვილი რამოდენიმე დღით გავემგზავრეთ სტამბულში. განსაკუთრებული მოგონებები მაკავშირებს ამ ქალაქთან. რამდენჯერაც არ უნდა წავიდე, სულ ახალ-ახალ აღმოჩენებს ვაკეთებ. მცირე დროც მყოფნის, რომ დადებითი ემოციებით დავიმუხტო და უკან დავბრუნდე ახალი ენერგიით.

ჩემი დაბადების დღეც ზაფხულშია. მეგობრებთან ერთად აღვნიშნე ზღვაზე, კვარიათში. მიუხედავად ცუდი ამინდებისა, დაუვიწყარი დღეები გავატარეთ. ზოგადად, ვფიქრობ, კარგ ამინდსა და სასიამოვნო გარემოს ადამიანები ქმნიან. თქვენი ჟურნალის საშუალებით დიდი მადლობა მინდა გადავუხადო ჩემს მეგობრებს.

რა არის ზაფხულში გამორჩეული?

– მიყვარს ზღვა.… მგონია, ის ყველაფერს გრძნობს და არაფერს ამბობს. ზღვის ნაპირზე ჯდომა და ფიქრი მიყვარს. ხან, სულაც არ ვფიქრობ, მხოლოდ ტალღების მოსმენით ვტკბები. იაპონელი მწერალი, ჰამუკი მურაკამი ამბობს – „როცა ზღვას დიდხანს უყურებთ, ადამიანების მონატრება გეწყებათ. ხოლო როცა ადამიანებს დიდხანს უყურებ, მაშინ ზღვა გენატრება” მეც სწორედ ასე ვარ.

ბევრი ახალი მეგობარი შევიძინე წელს ზაფხულში, რაც ძალიან მახარებს. მიყვარს სიახლე, საინტერესო ადამიანებთან გატარებული ყოველი დღე ჩემთვის ძალიან მნიშვნელოვანია.

გყავთ ორი შვილი. როგორ ახერხებთ დროის სწორად გადანაწილებას ზაფხულის პერიოდში?

– სამსახურის დატვირთული გრაფიკიდან გამომდინარე, ბოლო წლებია ბავშვებთან ერთად დიდი ხნით დასვენებას ვერ ვახერხებ, რაზეც ძალიან მწყდება გული. თუმცა, რამოდენიმე დღე მაინც მოვახერხე მათთან ერთად ბაკურიანში წასვლა.

რასთან ასოცირდება თქვენთვის ზაფხული?

ზაფხული ჩემთვის თავისუფლებასთან, გართობასთან ასოცირდება. მეგობრებთან და ოჯახის წევრებთან ერთად აქტიურ დასვენებასთან.

ტექსტი: ქეთა მიქელაძე

The post ნუცას დაუვიწყარი ზაფხული appeared first on City Magazine.