ფილმის Couture პრემიერაზე ვარსკვლავმა სტანდარტული საღამოს კაბის ნაცვლად,  Gabriela Hearst-ის  დღეს ასე აქტუალური ღვინისფერი ლაბადა, ჩაიცვა, სამკაულად Cartier აირჩია.

მისმა  საკულტო  პოზამ კი, ცხადია, ყველას  2012 წლის  ოსკარები გაგვახსენა, პირველად  ანჯელინას ასეთი დგომა სწორედ მაშინ Atelier Versace კაბაში ვნახეთ. მას მერე უამრავმა ვარსკვლავმა გაიმეორა ეს ულამაზესი და თამამი პოზა.

გავიდა 13 წელი და თითქოს არაფერი შეცვლილა. ის კვლავ მშვენიერი და შეუდარებელია, და, ცხადია, მისი ფეხიც.

The post Strike a pose appeared first on City Magazine.

ამ ისტორიას “მამა მიას” ვარსკვლავი, ამანდა სეიფრიფი ასე განმარტავს: “მას შემდეგ, რაც ჯულიაზე ეს ტანსაცმელი ვნახე, ჩემს სტილისტს მივწერე და ვთხოვე, შეიძლებოდა თუ არა იგივე სამოსი მეც ჩამეცვა.

ჯულიას ეს იდეა ძალიან მოეწონა. გოგოები, მეგობრები, ერთმანეთს ხომ ვათხოვებთ ხოლმე ტანსაცმელს? რა მოხდა, რომ ეს წითელ ხალიჩაზეც გავაკეთოთ?” – ამბობს ამანდა. 

ერთნაირ სამოსში გამოწყობილი ფოტოები აიტაცა უკლებლივ ყველა გამოცემამ . ინსტაგრამის პოსტის ქვეშ ჯულია რობერტსი ამანდას გულებს უწერს, ამანდა პასუხობს “მადლობა, რომ მათხოვე შენი ტანსაცმელი”… 

ეს ამბავი არაერთი მემის შექმნის ინსპირაციაც გახდა. რამდენიმე მათგანს ჩვენც შემოგთავაზებთ. 

ისტორია კი უნდა დავასრულოთ ცნობილი კითხვით: ვის უფრო უხდება ახალი Versace, ჯულიას თუ ამანდას? 

ან იქნებ ასე: ეს ის შემთხვევაა, როცა გამარჯვებული მხოლოდ ერთია Versace და მისი კარგი სარეკლამო სვლა

The post მათხოვებ შენს ტანსაცმელს?  appeared first on City Magazine.

წელს ღონისძიებაზე ორი მუსიკალური ფილმი დაჯილდოვდა.

ფილმმა Emilia Pérez საუკეთესო კინოსურათისთვის – მუსიკალურ/კომედიური ჟანრის კატეგორიაში მთავარი ჯილდო მიიღო. ფილმი ასევე დაჯილდოვდა საუკეთესო ორიგინალური სიმღერისთვის, ზოი სალდანიას სამსახიობო შესრულებისა და საუკეთესო  უცხოენოვანი ფილმისთვის.

2025 წლის ოქროს გლობუსის გამარჯვებულთა სრული სია:

საუკეთესო ფილმი – დრამა – The Brutalist (A24)

საუკეთესო ფილმი – მუსიკალური ან კომედიური ჟანრი – Emilia Pérez (Netflix)

საუკეთესო ორიგინალური კინომუსიკა – ტრენტ რეზნორი, ატიკუს როსი (Challengers)

საუკეთესო ორიგინალური სიმღერა – El Mal– Emilia Pérez; მუსიკა და ტექსტი: კლემან დუკოლი, კამილი, ჟაკ ოდიარი

საუკეთესო ანიმაციური ფილმი – Flow (Sideshow / Janus Films)

კინემატოგრაფიული და კომერციული წარმატება – Wicked (Universal Pictures)

საუკეთესო  უცხოურენოვანი  ფილმი – Emilia Pérez (Netflix) – საფრანგეთი

ქალის როლის საუკეთესო შემსრულებელი – დრამა – ფერნანდა ტორესი (I’m Still Here)

კაცის როლის საუკეთესო შემსრულებელი – დრამა – ადრიან ბროუდი (The Brutalist)

ქალის როლის საუკეთესო შემსრულებელი სერიალში – მიუზიკლი ან კომედია – დემი მური (The Substance)

კაცის როლის საუკეთესო შემსრულებელი სერიალში – მიუზიკლი ან კომედია – სებასტიან სტენი (A Different Man)

მეორეხარისხოვანი როლის შემსრულებელი საუკეთესო მსახიობი ქალი – ზოი სალდანა (Emilia Pérez)

მეორეხარისხოვანი როლის შემსრულებელი საუკეთესო მსახიობი კაცი – კირან კალკინი (A Real Pain)

საუკეთესო რეჟისორი – ბრედი კორბეტი (The Brutalist)

საუკეთესო სცენარი – პიტერ სტრაუგანი (Conclave)

საუკეთესო სერიალი– დრამა – Shōgun (FX/Hulu)

საუკეთესო  სერიალი – მიუზიკლი ან კომედია – Hacks (HBO | Max)

საუკეთესო მინისერიალი ან სატელევიზიო ფილმი – Baby Reindeer (Netflix)

ქალის როლის საუკეთესო შემსრულებელი სერიალში – დრამა – ანა სავაი (Shōgun)

კაცის როლის საუკეთესო შემსრულებელი სერიალში – დრამა – ჰიროიუკი სანადა (Shōgun)

ქალის როლის საუკეთესო შემსრულებელი სერიალში – მიუზიკლი ან კომედია- ჯინ სმარტი (Hacks)

კაცის როლის საუკეთესო შემსრულებელი სერიალში – მიუზიკლი ან კომედია – ჯერემი ალენ უაიტი (The Bear)

ქალის როლის საუკეთესო შემსრულებელი მინისერიალში ან სატელევიზიო ფილმში – ჯოდი ფოსტერი ( True Detective: Night Country)

კაცის როლის საუკეთესო შემსრულებელი მინისერიალში ან სატელევიზიო ფილმში – კოლინ ფარელი (The Penguin)

მეორეხარისხოვანი როლის შემსრულებელი საუკეთესო მსახიობი ქალი (სატელევიზიო სერიალი) – ჯესიკა განინგი (Baby Reindeer)

მეორეხარისხოვანი როლის შემსრულებელი საუკეთესო მსახიობი კაცი (სატელევიზიო სერიალი) – ტადანობუ ასანო (Shōgun)

კომედიურ ჟანში – ალი ვონგი (Single Lady)

The post ოქროს გლობუსი 2025 appeared first on City Magazine.

დედა – პირველი ადამიანი ვისაც ვხედავთ და ვისი ხმაც გვესმის, პირველი სიტყვა რომელსაც ვამბობთ, ჩვენი პირველი საუკეთესო მეგობარი, მესაიდუმლე, მისაბაძი პიროვნება და პირადი სუპერ გმირია. დედა ადამიანია, რომელიც შვილის გამო ყველაფერს თმობს, რაც არ უნდა ძნელი იყოს, მათ შორის საკუთარ თავსაც.

სწორედ ამიტომ, ამ სიტყვებსაც დედაჩემს ვუძღვნი.

დედა-შვილს შორის არსებული კავშირის მსგავსი არაფერია, ერთადერთი და განუმეორებელია. დედა იმედია, რომელიც დისტანციის თუ პრობლემების მიუხედავად მუდმივად გვერდით გვყავს, ამიტომ მნიშვნელოვანია, რომ 3 მარტი და არა მხოლოდ 3 მარტი მათთან ერთად გავატაროთ. ვაგრძნობინოთ ის მადლიერება და სიყვარული, რომელსაც რეალურად ყოველ წამს იმსახურებენ.

მშობლის და შვილის ამ განსაკუთრებული ურთიერთობის დანახვის ბედნიერება არაერთ ფილმსა თუ სერიალშიც გვაქვს. მათი ნახვა კი წამით დავიწყების შემთხვევაში შეგვახსენებს, თუ რას ნიშნავს, გყავდეს ადამიანი რომლის ნაწილიც ხარ და რომელმაც მთელი ცხოვრება მოგიძღვნა.

ერთად გავიხსენოთ საუკეთესო 3 ფილმი/სერიალი, რომლებიც გვახსენებს, თუ რამდენად დიდი კავშირია დედა-შვილს შორის.

1.       The Maid

ალექსს მედის უსასრულო სიყვარული ყველაფერს შეაძლებინებს. ცხოვრების ახლიდან დაწყება, სიღატაკე, უსახლკარობა და თავგანწირვა მისი შვილის, მედის უსაფრთხო მომავლის გამო, სწორედ იმ დედა-შვილობის ზუსტი მაგალითია, რომელზეც ვსაუბრობდით.

მთავარი გმირის – ალექსის ცხოვრება იმ წამიდან შეიცვლება, როდესაც ერთი შეხედვით იდეალური მამა და პარტნიორი – შონი თავის რეალურ ხასიათს გამოავლენს და ალკოჰოლის დამოკიდებულების ქვეშ მოექცევა.

სერიალში ალექსის სიმამაცე და მისი ურთიერთობა მედისთან დედა-შვილობის ნამდვილ სახეს დაგანახებთ, განსაკუთრებით კი იმ ნაწილს, რომელსაც დედები მარტო უმკლავდებიან შვილის მომავლისთვის.

2.       Gilmore Girls

გილმორების მსგავს დედა-შვილს სხვაგან ვერსად ნახავთ.

ლორელაის და ლორელაის, მეტსახელად რორის, ურთიერთობის აღსაწერად მგონია რომ მხოლოდ სიტყვა დედა-შვილი საკმარისი არ არის. ლორელაი და რორი არც მარტო საუკეთესო მეგობრები ან დები არ არიან. მათ არა მხოლოდ სახელი აქვთ საერთო, ისინი ერთნი არიან.

მათთვის ყველაფერი შესაძლებელია. ერთმანეთის გვერდში დგომით, ყველაფრის გადალახვას შეძლებენ.

რორის ერთ-ერთი სიტყვით გამოსვლა კი ზუსტად დაგვანახებს მათ სახეს:

„…But my ultimate inspiration comes from my best friend, the dazzling woman from whom I received my name and my life’s blood, Lorelai Gilmore. My mother never gave me any idea that I couldn’t do whatever I wanted to do or be whomever I wanted to be. She filled our house with love and fun and books and music, unflagging in her efforts to give me role models from Jane Austen to Eudora Welty to Patti Smith. As she guided me through these incredible eighteen years, I don’t know if she ever realized that the person I most wanted to be was her. Thank you, Mom: you are my guidepost for everything.“

3.   Everything Everywhere all at once

ათობით ჯილდოს მფლობელი ფილმი, რომელიც მრავალ სამყაროსა თუ დროის განზომილებაში გამოგზაურებთ, რეალურად ყველაზე მნიშვნელოვან თემას – დედა- შვილობას ეხება.

ეველინი, ემიგრანტი დედა, შვილისთვის უკეთეს მომავალს ეძებს მაშინ, როდესაც შვილს – ჯოის მხოლოდ ის სურს, რომ დედამ ისეთი მიიღოს, როგორიც არის. მათ ერთი სისხლი აქვთ, თუმცა თაობებს შორის სხვაობა იმხელაა, რომ ისინი საერთო ენას ვერ პოულობენ.

ეველინს სიყვარული შვილისგან განსხვავებულად ესმის, თუმცა მზადაა, რომ ყველა და ყველაფერი, მათ შორის სამყაროც გაწიროს მის დასაცავად.

ავტორი: სალომე ედიშერაშვილი

The post სამი საუკეთესო ფილმი/სერიალი 3 მარტისთვის appeared first on City Magazine.