Milan Design Week-ი ასევე ცნობილია სახელწოდებით “Salone del Mobile”  და “Fuori Salone”. მილანის პრესტიჟულ უბნებში მიმოფანტულია უამრავი გამოფენა, ინსტალაცია თუ ივენთი. კვირეულის მანძილზე აუცილებლად მოსანახულებელი დიზაინ რაიონებია: ბრერა, ტორტონა, იზოლა და 5ვიე. ასევე მილანის გარეუბანში “როფიერა მილანო”, რომელიც თავის მხრივ უამრავ გამოფენას აერთიანებს უდიდეს საგამოფენო პავილიონში.  თანამდედროვე ხელოვანების ნიმუშების და პროექტების მრავალფეროვნებას გვთავაზობს “ალკოვა მილანო”. კვირეულის ფარგლებში არქიტექტურული, ავეჯისა და ინდუსტრიული დიზაინის ბრენდებთან ერთად განრიგში ცნობილი მოდის სახლებიც ჭარბად არიან : Hermes, Fendi,  Marni, LV, Issey Miyake, Missoni, D&G, Prada, Miu Miu, Dior, Bottega Veneta … რომელთა პრეზენტაციები ჩემთვის ყოველთვის გამორჩეულია. მოდის წარმომადგენელი ბრენდების უმეტესობას ინტერიერის ხაზი აქვს. ესეთებია Fendi Casa, Dolce & Gabbana Casa, LV Objects Nomades და ა.შ რომლებიც ბრენდის  სახელობის ჭურჭლით დაწყებული სხვადასხვა საყოფაცხოვრებო ნივთებსა და ავეჯს სთავაზობენ საკუთარ მომხმარებლებს და უახლესი კოლექციების წარდგენას სწორედ დიზაინ კვირეულის დროს ახდენენ.

Salone Del Mobile-ის ძირითადი თემა დიზაინი, ავეჯი და საყოფაცხოვრებო ობიექტების წარმოდგენაა, რომელიც აერთიანებს არტიზანულ, ხელნაკეთ და კრეატიულ ნამუშევრებს ათასობით გმოფენისა, ინსტალაციის თუ ივენთის სახით. მილანის დიზაინის კვირეულის გადატვირთული გრაფიკი მოიცავს კოლაბორაციებს, ლაივ-საუბრებს, სოლო ივენთებს…

Casa Ornella არის ერთ-ერთი უპირველესი, რასაც ვსტუმრობ კვირეულის დასაწყისშივე. ეს არის პრივატული სახლი Maria Vittoria Paggini-ის, რომლის დიზაინიც ტოტალურად იცვლება ყოველ სეზონზე. წლევანდელ პროექტს სახელწოდებით „Animali Sociali“, განსხვავებულ ინტერიერთან ერთად სივრცეში დამხვდნენ ცხოველების საკარნავალო ნიღბებით შემოსილი პერსონაჟები.

 ვესტუმრე არტისტს Natalia Criado-ს, რომელმაც დიალოგი გამართა მეტალსა და კერამიკას შორის Laboratorio Paravicini-თან კოლაბორაციის სახით.

ჩემთვის ერთ-ერთ საყვარელ ბრენდ So-Le Studio-მ, რომელიც დაფუძნებულია Maria Sole Ferragamo-ს მიერ. ამ სეზონზე მან ხელოვან Bottega Ghianda-სთან ერთად კოლაბორაციის სახით შექმნილი ექსკლუზიური განათებები მილანის ყველაზე პოპულარულ  „პორტრეტ მილანოს“ სივრცეში არსებული ბრენდის გასაოცარ მაღაზიაში წარმიდგინეს.

ამ სეზონზეც ერთმანეთისგან განსხვავებულ და იმდენად საინტერესო ივენთებსა თუ პერფორმანსს დავესწარი, გამიჭირდება ერთი კონკრეტული ფავორიტის გამორჩევა.

მიყვარს Antonio Marras-ის კონცეპტუალური სივრცე – NonostanteMarras-ი, რომლის სტუმრობასაც ყოველთვის სხვა სამყაროში გადავყავარ. დიზაინერმა ამჯერად პერფორმანსი დაგვახვედრა იდეით „Morning Club“ , სადაც მოდელები აუზში ნებივრობდნენ დჯ-ს მიერ შესრულებულ მუსიკის თანხლებით.

ასევე ცნობილი იტალიური სამკაურების ბრენდი  Buccellati-ის ექსპოზიცია,რომელიც წარმოდგენილი იყო თემით „Aqcua Mirabile“.  რენესანსული ტიპის ვერცხლის ნაკეთობები ბრენდმა ცნობილ ინგლისელ ილუსტრატორთან Luke Edward Hall-თან კოლაბორაციით შექმნილ ულამაზეს სივრცეში წარგვიდგინა მისულ სტუმრებს. 

გამორჩეულად საყვარელი ბრენდია ჩემთვის ასევე Missoni, რომლისთვის დამახასიათებელი ფერადოვანი ნაქსოვი ტექსტილი უნიკალურია, წინა წლების მსგავსად ახლაც გასაოცარი ობიექტების ინსტალაცია შემოგვთავაზა Alberto Carili-იმ.

Loro Piana-მ გამოფენის სახით წარგვიდგინა ტექსტილი. გავეცანი მაღალი ხარისხის ნაქარგობებსა და ნაქსოვ ტილოებს. ბრენდის მთავარი იდეა იყო პლედის ინტერიერის ცენტრალურ ელემენტად გადაქცევა.

Arket-მა კოლაბორაცია შემოგვთავაზა Laila Cooks-თან და ერთობლივი ბოექტით ბავშვობაში დამაბრუნა, ზღაპრულად მორთული კარუსელი და სხვა აქტივობები დამხვდა „ჯარდინო დელე არტში“ მისულს.

La Double J-ს ფერადოვნებით და პრინტების სიუხვით ცნობილმა ბრენდმა ამ სეზონზე თემით „Size Matters“ – Giulio Michelucci-ის ხელმძღვანელობით უზარმაზარი ზომის ჭურჭელი შექმნა და განათავსა მონტენაპოლეონეს ქუჩებსა და საკუთარი მაღაზიის სივრცეში. 

იტალიურმა ცნობილმა სამოსის ბრენდმა Marina Rinald-იმ ითანამშრომლა არტისტ Fluuido -სთან. დავესწარი ლაივ პერფორმანს თუ როგორ ქმნიდა ხელოვანი თიხისგან ნამუშევრებს და ასევე გავეცანი ბრენდის ტანსაცმლის უახლეს კოლექციას.

Miu Miu Literary Club წელსაც მსგავსი განრიგით წარდგა, კვირეულის განმავლობაში გააერთიანა სხვადასხვა არტისტი და „ჩირკოლო ფილოლოჯიკო მილანეზე“-ს სივრცეში უმასპინძლა სხვადასხვა მუსიკოსსა და მწერალს. სტუმრებს შორის „მიუ მიუს გოგოები“ – Alexa Chung, Emma Corrin და Lena Mahfouf იყვნენ.

არ გადავაჭარბებ თუ ავღნიშნავ, რომ ყველაზე დიდი რაოდენობით მნახველი მოდის ბრენდებიდან Gucci, Hermes და Louis Vuitton -ს ყავდათ, ხოლო ინტერიერის მხრივ Artemest, Interni Venosta და მილანის ცათამბრჯენ „ტორე ველესკა“-ში Visteria Foundation-ის მიერ გამართულ გამოფენას Etel Design-თან თანამშრომლობით. მთელი კვირეულის განმავლობაში მათი გამოფენის ლოკაციაზე არ წყდებოდა დაუსრულებელი რიგები.

Gucci-ის ინსტალაცია მოეწყო ულამაზეს ბაღში-ცნობილ „კიოსტრი დი სან სიმპლიჩიანო“-ს სივრცეში სახელწოდებით „Gucci Memoria”-Demna Gvasalia-ს კურატორობით. ფარდაგებზე წარმოდგენილმა ნამუშევრებმა გადმოგვცა მოდის სახლის 105 წლიანი ისტორია.

Artemest აუცილებლად სანახავი გამოფენაა, რომელიც მრავალი ხელოვანის ნამუშევარს აერთიანებს. „პალაცო დონიძეტის“ სივრცეში წარმოდგენილი ნამუშევრები იტალიის სხვადასხვა რეგიონით ინსპირირებული იყო.

Dior-მა ფრანგი დიზაინერის Noe Duchaufour-Lawrance-ის მიერ შექმნილი „ყვავილის გვირგვინის“ ფორმის სანათების გამოფენა გვიჩვენა.

LV- Objects Nomades არის ბრენდის დიზაინის კოლექცია, რომელიც აერთიანებს უნიკალური დეკორის ნივთებს და თანამედროვე ავეჯს.

Hermes-მა წარმოგვიდგინა ხარისხსა და დეტალებზე დაფუძნებული სახლის კოლექცია: პლედები, ჭურჭელი და სხვადასხვა დეკორაციის ნივთები მინიმალისტურ სივრცეში.

Dolce&Gabbana-მ კი მისთვის დამახასიათებელი სიჭრელით და მაქსიმალისტური ტექსტურებით სავსე ნაწარმს გაუსვა აქცენტები.

Interni Venosta – ერთ-ერთი ყველაზე აუცილებელი მოსანახულებელი გამოფენაა, რომელიც აერთიანებს არქიტექტურას, დიზაინს და ხელოვნებას ერთ სივრცეში.

კოლექციების ჩვენება ერთმანეთისგან აბსოლუტურად განსხვავებულ გარემოში ტარდება რაც ერთგვარ ხიბლს მატებს დიზაინ კვირეულს. ლოკაციები არის ისევე როგორც ძველებული ვილები (მაგ;Alcova) ასევე ისტორიული შენობები ე.წ პალაცოები. ასევე ბრენდების მაღაზიები, რომლებიც არჩევენ თავისივე სივრცეში წარადგინონ კოლაბორაციები. მილანის ქუჩებში ადვილია მიაგნო “სალონე დელ მობაილ”-ის ფარგლებში მონაწილეებს, რადგან სივრცის წინ ყველას Milan Design Week-ის მიმანიშნებელი აბრა უდგას ამ დღეებთან დაკავშირებით. ვინაიდან ამ დროს უსაზღვრო რაოდენობის დამთვალიერებელია ქალაქში თავმოყრილი და დიზაინ ვიქის მანიშნებელის ქონა პრიორიტეტია, რაც მნახველების გარანტიას იძლევა.

Photo & Text- Matassi Tsertsvadze

The post Milan Design Week 2026 Reportage by Matassi Tsertsvadze appeared first on City Magazine.

სითი  “მაქრო სითი თბილისის” შესახებ გიყვებათ. 

უძრავი ქონების პროექტებზე საუბარი ხშირად იწყება ციფრებით, კვადრატული მეტრებითა და ფასებით. თუმცა, “მაქრო სითი თბილისის” შემთხვევაში, ერთ-ერთი პირველი დიდი შთაბეჭდილება მომხმარებლის ინტერესებზე მორგებული გაყიდვების ოფისია – მოგზაურობა თქვენს მომავალ სახლში. ამაში თავადაც დარწმუნდებით, როცა მათ ეწვევით მისამართზე: სამგორი, ნოე რამიშვილის N30

შოურუმში წარმოდგენილი რეალური მასალები მომხმარებელს საშუალებას აძლევს არა უბრალოდ წარმოიდგინოს, არამედ პრაქტიკულად “შევიდეს” კიდეც მომავალ სახლში. ბინის ყიდვაც, აბსტრაქტული პროცესიდან, რეალური გადაწყვეტილება ხდება. სწორედ ამ სივრცეში იკვეთება კომპანიის მთავარი ხასიათი – მასშტაბური ხედვა,  დეტალებსა და მომხმარებელზე ორიენტირებული მიდგომა.

ამ შთაბეჭდილებას აძლიერებს  პროექტის მაკეტიც – 10 ჰექტარზე გაშენებული მულტიფუნქციური კომპლექსი, რომელიც  თბილისში ერთ-ერთი ყველაზე მასშტაბური დეველოპერული ინიციატივაა. მაცხოვრებლებს ყოველდღიური საჭიროებების დასაკმაყოფილებლად ტერიტორიის დატოვება არ დასჭირდებათ. ტერიტორიაზე გათვალისწინებულია კომერციული ფართები, რომლებიც სრულად ფარავს მოთხოვნილებების ფართო სპექტრს.

რას აერთიანებს “მაქრო სითი თბილისი”? 

კომპლექსი ოთხ საცურაო აუზს აერთიანებს. მათ შორის,  საბავშვო აუზები და უსაფრთხო, სტანდარტებთან შესაბამისი ინფრასტრუქტურა. ასევე – სამი ჩოგბურთის კორტი, ველო და სარბენი ბილიკები, ღია და დახურული ფიტნეს ზონები, საბავშვო ბაღი. მსგავსი მასშტაბის სპორტულ-სარეკრეაციო გარემო თბილისში პრაქტიკულად უნიკალურია. ქალაქის გადატვირთული მოძრაობისა და დროის დეფიციტის პირობებში, ეს ნიშნავს უფრო მარტივ ყოველდღიურობას – დილის რუტინა, ფიზიკური აქტივობა და დასვენება ერთ სივრცეშია თავმოყრილი.

ინვესტიციური პოტენციალი და მზარდი ღირებულება

პროექტი მნიშვნელოვან შესაძლებლობებს სთავაზობს ინვესტორებსაც. ოპტიმალური დაგეგმარება და მრავალფუნქციური გარემო ქმნის სტაბილური სარგებლის მიღების  წინაპირობას. კომპლექსის ტერიტორიაზე დედაქალაქში პირველი, შვეიცარიული,  საერთაშორისო ბრენდის სასტუმრო განთავსდება, რაც პროექტის პრესტიჟსა და უძრავი ქონების საბაზრო ღირებულებას ზრდის. „მაქრო დეველოპმენტის” დასრულებული წარმატებული პროექტები – “მწვანე ბუდაპეშტი” და “მწვანე ალმასი” ამის მკაფიო მაგალითია.  კვადრატული მეტრის ფასი, პროექტების განვითარებასთან ერთად, მნიშვნელოვნად გაიზარდა. მსგავსი მოლოდინია “მაქრო სითი თბილისის” შემთხვევაშიც, რომელიც უკვე აჩვენებს ფასის ზრდის დინამიკას.

რატომ “მაქროს სითი თბილისი”?

ერთ-ერთი მნიშვნელოვანი უპირატესობაა უკვე გარემონტებული ბინების  ჩაბარება. ბაზარზე გავრცელებული კარკასული მდგომარეობისგან განსხვავებით, მომხმარებელი იღებს დასრულებულ საცხოვრებელს – შეღებილი კედლები, ლამინირებული იატაკი, ალუმინის ფანჯრები, სრულად აღჭურვილი სამზარეულო და სველი წერტილი… პროექტში გვხვდება ისეთი იშვიათი გადაწყვეტები, როგორიცაა ორსაძინებლიანი ბინები ცალკე სამზარეულოთი და სტუდიო სივრცით, რაც ბაზარზე ნაკლებად გავრცელებულია. აქ კი, არჩევანის შესაძლებლობა დაგხვდებათ.

გადახდის პირობები 

მოქნილი, შიდა უპროცენტო განვადება, მინიმალური, 10%-იანი პირველადი შენატანი, დამატებითი ფასდაკლებები და მიმდინარე კამპანიის ფარგლებში, ბინის შეძენის შესაძლებლობა თვეში 480 დოლარიდან.

ხელმისაწვდომი ხარისხი  “მაქრო სითი თბილისის” ნიშაა, რომელიც ცდილობს დაარღვიოს სტერეოტიპი, თითქოს დახურული, განვითარებული  ინფრასტრუქტურის მქონე კომპლექსები მხოლოდ მაღალშემოსავლიან სეგმენტზეა გათვლილი. პროექტის კონცეფციაა  მაღალი ხარისხის ცხოვრების წესი  ფართო აუდიტორიისთვის გახდეს ხელმისაწვდომი. ამას ემატება გამწვანებული სივრცეები – პროექტის ნახევარი მწვანე ზონას უკავია. 

პროექტი კახეთის გზატკეცილზე მდებარეობს – თბილისში ერთ-ერთ ყველაზე მაღალი გამტარუნარიანობის მქონე მაგისტრალზე. ახლოსაა აეროპორტი, სავაჭრო ცენტრი „ისთ ფოინთი“, მეტრო და საზოგადოებრივი ტრანსპორტი. ეს კი ტერიტორიას ქალაქის საკვანძო წერტილად აქცევს. ამ არეალის განვითარებას დამატებით აძლიერებს სამომავლო ინფრასტრუქტურული გეგმებიც.

ხედვა, რომელიც მასშტაბს სცდება

გაყიდვები 2025 წლის ივნისში დაიწყო და ამ ეტაპზე უკვე 1000-მდე ბინა გაიყიდა. მშენებლობის პირველი ეტაპი კი 2028 წლის ივნისში დასრულდება. სწორედ ეს ხედვა, ინოვაცია და გამოცდილი გუნდი განსაზღვრავს პროექტის მნიშვნელობასა და მის მომავალ წარმატებას  თბილისში და მის ფარგლებს გარეთ. კომპანიის სამომავლო გეგმებშია მასშტაბური, ინოვაციური პროექტი ბათუმში, რომელიც რეგიონში სრულიად ახალ სტანდარტს დაამკვიდრებს და ბაზარზე ინოვაციით შევა.

ხარისხი, ინოვაცია, გაბედული ხედვა, გამოცდილი გუნდი და ბაზრის ღრმა ცოდნა –  ეს ის ფაქტორებია, რომლებმაც “მაქრო დეველოპმენტი” უკვე აქცია ერთ-ერთ ყველაზე გავლენიან და სანდო დეველოპერულ ბრენდად ქვეყანაში და განაპირობა წარმატება პროექტიდან პროექტამდე. ამაში კი თავადაც დარწმუნდებით, როცა  გაყიდვების ოფისს ეწვევით მისამართზე: სამგორი, ნოე რამიშვილის N30

The post მაქრო სითი თბილისი- ქალაქში ცხოვრების ახალი სტანდარტი appeared first on City Magazine.

ბრენდის მთავარი განაცხადია – სულ სხვა ცხოვრება, რომელიც სულ სხვა სიმშვიდეს, სუფთა ჰაერს, დაცულობასა და უსაფრთხოებას მოიაზრებს. ამ პარამეტრებს კი ადგილმდებარეობა განსაზღვრავს. ცხოვრების ახალი სტანდარტის დასამკვიდრებლად ზიონის დამფუძნებლებმა თბილისის ყველაზე ეკოლოგიურად სუფთა ლოკაცია აირჩიეს – კრწანისის დიპლომატიური უბანი. პროექტი მდებარეობს ბრიტანეთის საელჩოს მოპირდაპირე მხარეს, მეზობლად კი განლაგებულია სამი სხვადასხვა ქვეყნის საელჩო და სამთავრობო რეზიდენცია.

ჩვენს დედაქალაქში ჰაერის შემოდინება სწორედ კრწანისის ხეობის გავლით ხდება, შესაბამისად კრწანისი ისტორიულად გამოირჩევა  მიკროკლიმატით, ჯანსაღი ეკოსისტემითა  და პანორამული ხედებით ქალაქზე.

სწორედ ამ ადგილას შენდება ქართულ-ებრაული დეველოპერული კომპანია ზიონის პროექტი – “ზიონი კრწანისში საელჩოებთან’’, რომელზეც მოსაყოლი ბევრია და ამ მასალის მომზადებაში ზიონის ბიზნესის განვითარების ხელმძღვანელი – ნათია ცხადაია დაგვეხმარა. 

სულ სხვა ცხოვრება – ბრენდის მთავარი განაცხადი 

,,სულ სხვა ცხოვრების’’ კონცეფცია გულისხმობს სულ სხვა არქიტექტურას, მსოფლიო დონის ინტერიერს, გამორჩეულ ხედსა და სიმწვანეს, საერთაშორისო სტანდარტების შესაბამის მოვლა-პატრონობას, კომფორტსა და პრივატულობას. 

ზიონის შესახებ 

ზიონი არის ქართულ-ებრაული დეველოპერული კომპანია მრავალწლიანი საერთაშორისო გამოცდილებითა და ადგილობრივი ბაზრის სიღრმისეული ცოდნით, რომელიც საქართველოში საცხოვრებლის აღქმას ცვლის და მომავლის პროექტებს ქმნის. 

– მოგეხსენებათ, რომ საერთაშორისო სტანდარტების შესაბამისი პრემიალური კომპლექსის აშენებისთვის ბევრი კომპონენტია საჭირო, ერთ-ერთი მნიშვნელოვანი კი არის ლოკაცია. ვეცადეთ, შეგვერჩია ისეთი ადგილი, რომელიც იქნებოდა ეკოლოგიურად სუფთა, დაბალი მტვერიანობითა და გამწვანებული რეკრეაციული ზონებით. ამას გარდა, უსაფრთხოების, პრივატულობის, დაცულობისა და სიმშვიდის გათვალისწინებით, არჩევანი გაკეთდა კრწანისზე. ეს თბილისის სამხრეთ-აღმოასავლეთი გორაკებიანი ადგილია, რომელიც გამოირჩევა რბილი ეკოლოგიური ჰაერითა და ბუნებრივი ეკოსისტემით. – აღნიშნავს ‘’ზიონის’’ ბიზნესის განვითარების ხელმძღვანელი ნათია ცხადაია. 

სულ სხვა არქიტექტურა 

პროექტი ინარჩუნებს ძველი თბილისის იერსახეს; არის დაბალი განაშენიანებისა და ტერასული განლაგების. ფასადზე გამოყენებულია უმაღლესი ხარისხის ტერაკოტას ფილები, ფარული რიგელების კონსტრუქცია და 3.40 მეტრი ჭერის სიმაღლე კი უზრუნველყოფს მეტ სივრცეს თითოეულ საცხოვრებელ ბინაში. შენობის არქტირექტურა შემუშავებულია საქართველოში ერთ-ერთი წამყვანი კომპანია – DEPHANI-ს მიერ.

მსოფლიო დონის ინტერიერის დიზაინი 

კომპლექსის ინტერიერის დიზაინი შეიმუშავა მსოფლიოში აღიარებულმა იტალიელმა  დიზაინერმა – Matteo Nunziati-მ. ინტერიერში გამოყენებული თითოეული დეტალი ქართული ტრადიციისა და თანამედროვეობის ჰარმონიულ ნაზავს წარმოადგენს და მაცხოვრებლების ყოველდღიურობას მნიშვნელოვნად აუმჯობესებს. პროექტის გამორჩეული ნაწილია 150 მ2 ლობი, რომლის ჭერის სიმაღლეც 7.5 მეტრია და სხვა საერთო სივრცეებთან ერთად ჯანსაღი ცხოვრებისა და განტვირთვის ყველა პირობას ქმნის.

,,ზიონზე მუშაობა ჩემთვის ძალიან მნიშვნელოვანია, რადგან ის კავკასიის რეგიონში ჩვენი პირველი პროექტია. უზარმაზარ ძალისხმევას ვდებთ და თითოეულ დეტალს მაქსიმალურ ყურადღებას ვუთმობთ. პროექტის დიზაინი თანამედროვე ხედვითა და ევროპული მასალებით იქმნება, თუმცა მეორე მხრივ,  შთაგონებულია ძველი თბილისის არქიტექტურით, ხალიჩების ტრადიციული ორნამენტებითა და იტალიური ეზოების კულტურით. 

თბილისში სტუმრობისას თქვენი დედაქალაქის ძველ უბნებს ვესტუმრე და აღფრთოვანებული დავრჩი ქალაქის მდიდარი ისტორიით – განსაკუთრებით კი ევროპისა და აზიის კავშირით, დიდი აბრეშუმის გზის კვალით თბილისზე.” – აღნიშნავს იტალიელი დიზაინერი მატეო ნუნზიატი ჩვენთან საუბრისას. 

სულ სხვა ხარისხი 

პროექტი გამორჩეულია 150 წლიანი გამოცდილების შვეიცარიული ბრენდი Schindler-ის ექსკლუზიური ლიფტებით, ესპანური პრემიუმ ბრენდი “კორტიზოს” ალუმინის კარ-ფანჯრებითა და სკანდინავიური ბრენდი Akukon-ის სტანდარტის შესბამისი 60 დეციბელამდე ხმის იზოლაციით.

ჭკვიანი კომპლექსი 

ჭკვიანი სისტემებით თანამედროვე სამყაროში ვერავის გააკვირვებ, მაგრამ ზიონი აქაც სულ სხვა მიდგომას, გამოცდილებასა და ხედვას სთავაზობს კომპლექსის მაცხოვრებლებს: 

,,თანამედროვე ადამიანისთვის მნიშვნელოვანია, საცხოვრებელი სივრცე ფეხს უწყობდეს მისი ცხოვრების რიტმს და ამასთანავე აგრძობინებდეს თავს უსაფრთხოდ. ზიონის მაცხოვრებელი სახლში დაბრუნებისთანავე იგრნობს კომფორტსა და დაცულობას: პარკინგის შესასვლელში მას ხვდება ჭკვიანი ბოძწკინტები, რომელიც ამოიცნობს მანქანის ნომერს, დაპარკინგების შემდეგ კი უკვე ჭკვიანი სისტემებით მართული ლიფტი ელოდება. კომპლექსში შესვლა-გამოსვლა კონტროლდება უახლესი ტექნოლოგიის QR სისტემით. ჩვენ ვთანამშრომლობთ ისეთ გამორჩეულ და სანდო ბრენდებთან, რომლებიც ინოვაციურ მიდგომებს გვთავაზობენ, ისეთ სისტემებს, რომელიც საქართველოს ბაზარზე ჯერ არავის გამოუყენებია.

ეს კომპლექსი ინოვაციისა და ტრადიციების სინთეზს წარმოადგენს. ერთი მხრივ, ზიონის მაცხოვრებლები ძველი თბილისური ეზოს ატმოსფეროში იცხოვრებენ, განტვირთვისა და დასვენების საერთო სივრცეებით, მეორეს მხრივ, მათი პირადი სივრცე დაცული იქნება და თვითგამოხატვაში ხელს არავინ შეუშლის. შესაბამისად, ბინები ჭადრაკული პრინციპითაა განლაგებული, რათა შევუქმნათ პრივატული გარემო და კარის გაღებისას არ დაირღვეს ოჯახის სიმყუდროვე.  

ასევე გვაქვს სრულად გამწვანებული შიდა უმანქანო ეზო, სადაც გათვალისწინებულია 20-მეტრიანი აუზი, რომელიც ზამთარში გათბება. 4000 კვ.მ.-მდე რეკრეაციული ზონის გამწვანებაზე ზრუნავს ლანდშაფტის არქიტექტორი, რომელმაც შეიმუშავა 5-წლიანი დენდროლოგიური გეგმა, შეინარჩუნა ტერიტორიაზე არსებული გამწვანება და გაამდიდრა 300-მდე ახალი ხე-მცენარით.’’ – ნათია ცხადაია, ზიონის ბიზნესის განვითარების ხელმძღვანელი.

30 კვ.მ.-იანი საინვესტიციო ბინებიდან – 450 კვ.მ-იან პენტჰაუსებამდე 

კომპლექსი შედგება 5 ბლოკისგან, თითოეულში გათვალისწინებულია შინდლერის 2 ლიფტი და სამდონიანი ჭკვიანი პარკინგი. ყველაზე პატარა სტუდიოს ტიპის ბინები 30 კვ.მ.-დან იწყება და 450 კვ.მ-ის ფართის პენტჰაუსებამდე აღწევს, საიდანაც იშლება შეუდარებელი ხედები ქალაქსა და კრწანისის ეკოსისტემაზე. 

კომპლექსის მოვლა-პატრონობის საერთაშორისო სერვისი 

ზიონი თანამშრომლობს საერთაშორისო გამოცდილების მქონე ებრაულ კომპანიასთან – Capital Maintenance, რომელსაც აქვს 15-წლიანი გამოცდილება A-კლასის ბიზნეს ცენტრების, პრემიალური კომპლექსებისა და სასტუმროების მოვლა-პატრონობის მიმართულებით.
სულ სხვა მოვლა-პატრონობა არ მოიაზრებს მხოლოდ კონსიერჟის მომსახურება, არამედ შემდეგ სერვისებს: საერთო სივრცეების რეგულარული დასუფთავება, ელექტროგენერატორის მართვა-მომსახურება, გამწვანება და მებაღეობა, სადარბაზოებისა და ლიფტების მოვლა, 24/7 უსაფრთხოების მონიტორინგი, სახანძრო სისტემების მომსახურება, წყლის რეზერვუარების მონიტორინგი და საერთო აგრეგატების მოვლა-პატრონობა. 

0 კომერციული ფართი კომპლექსში 

‘’ზიონის კომპლექსში არ არის გათვალისწინებული არც ერთი კომერციული ფართი. ვეცადეთ ის მინუსები, რომელიც კომერციული ფართების გაქირავებას შემოაქვს კომპლექსის ტერიტორიაზე – მაგალითად უცხო პირების მიმოსვლა, ზედმეტი ავტომობილების გადაადგილება ეზოში – აგვერიდებინა ეს დისკომფორტი მობინადრეებისთის და კომერციული ფართის არარსებობა გვექცია გამორჩეულ უპირატესობად. ეს კომპლექსი არის ზიონის მაცხოვრებლებისთვის, აქ უცხო ადამიანების შემოსვლა ძალიან გაჭირდება და ინფრასტრუქტურითან მხოლოდ მოსახლეობა ისარგებლებს’’ – გვიყვება ნათია ცხადაია. 

‘’ზიონის’’ მომავალი მაცხოვრებლები 

„სითის“ ამ სტატიის მომზადებისას არაერთხელ ვესტუმრეთ პროექტს “ზიონი კრწანისში საელჩოებთან’’, წყნარ და მშვიდ გარემოში ზიონის გაკრიალებული მშენებლობის პროცესს ადევნებ თვალს, რომელიც 19 თვეში დასრულდება; გაყიდვების ოფისს პერიოდულად მომავალი მობინადრეები სტუმრობენ. ამ სიჩუმეში და ცოტა ტოსკანურ გარემოში უნდა მიიღო, ალბათ, ასეთი მნიშვნელოვანი გადაწყვეტილება შენს ცხოვრებაში და იცხოვრო სულ სხვა ადგილას, ზიონში – კრწანისში საელჩოებთან!

„ადამაინებს რა მოსწონთ?  თავიანთ სახლში შემოქმედებითად ცხოვრება; ვცდილობთ მათ შევთავაზოთ ისეთი სახლი, რომელსაც რომ შეიძენ, აღარ გაყიდი. ეს არაა მათთვის  მორიგი  კომერციული  ნაბიჯი, აქ ადამიანებს უნდათ ცხოვრება  ოჯახებით  და ჩვენი სურვილი და მიზანიც  სწორედ ამ გარემოს შექმნა იყო“- დამშვიდობებისას მთავარს გვიზიარებს ჩვენი რესპონდენტი ნათია ცხადაია.

The post ზიონი კრწანისში საელჩოებთან  appeared first on City Magazine.

როგორ ჩნდება  იდეა?  სხვადასხვაგვარად. ვისთან როგორ. ამ ლამაზი და ორიგინალური სანათების იდეას საფუძვლად მეგობრობა და  პოსტპანდემიური ლაპარაკი დაედო საფუძვლად. მათ, სამივეს – ხათუნა იოსავას, ლანა ბენდუქიძე და ნიცა ჩოლოყაშვილს “სითის” მკითხველი და, ვფიქრობთ, არამხოლოდ, კარგად იცნობთ. თავისი საქმის პროფესიონალები, ნიჭიერები და საქმიანი გოგოები არიან. გადაწყდა, რომ გოგოების Light Life Studio  სითიშოპშიც დაიდებს ბინას. აბა, დაათვალიერეთ, შეათვალიერეთ და თან წაიკითხეთ ისტორია ამ ბრენდის შექმნის შესახებ.

სითი: როგორ და როდის გაჩნდა იდეა?

ხათუნა: პანდემიამ ყველა შეგვცვალა, შეგვანელა, დაგვასვენა და მერე ახალი სუნთქვაც ჩაგვირთო. პოსტ პანდემიურ პერიოდში, ერთ დღეს, უბრალოდ ვისხედით გოგოები (ლანა, ხათუნა და ნიცა) და აი ასე, უცებ, სპონტანურად, მოგვინდა სამივეს რამე საინტერესო და მეტად სასიამოვნო გვეკეთებინა. თან, ლანას გასაოცარი ნიჭის და გემოვნების ამბავი კი იცით და ვიფიქრეთ ლანას გარშემო გავერთიანებულიყავით. ჩვენ ჩვენი მენეჯერული უნარებით და ლანა კი, თავისი ნიჭით, ხედვით და შემოქმედებითობით. სანათების შექმნის იდეაც ამ საუბარში მოვიდა და ასე დავიწყეთ. აღმოჩნდა, რომ ლანასაც ეს უნდოდა, რადგან იმ საღამოსვე დაიწყო და ვეღარ ვაჩერებთ.

სითი:  ვინ ხართ და რატომ სანათი? როგორც ვიცი, პროფესიით ლანა ხელოვნებათმცოდნეა, ხათუნა – ფრანგული ენის ფილოლოგი და ნიცა  – სოციოლოგი.

ნიცა: სამივემ ჩვენი კარიერა ტელეჟურნალისტიკით დავიწყეთ და კომუნიკაციებით გავაგრძელეთ. სამივეს გვიყვარს ხელოვნება, მხატვრობა, მუსიკა, თეატრი, ბალეტი. ამ ბოლო დროს ფეხბურთიც.  ლანა საოცრად ხატავს და ასევე, ძალიან ცნობილია მისი საშობაო და სააღდგომო სოფლების დეკორაციული სერია. სულ რაღაცას ქმნის და ალამაზებს. ჯერ ის რად ღირს, რომ საოცარ წინასაახალწლო განწყობას გვიქმნის, როცა მისი სახლი ახალი წლის წინ ჯადოსნურ ადგილს ემსგავსება. მოკლედ, რა რა და, განწყობის შექმნა ლანამ ნამდვილად იცის. ასევე, გვიყვარს ლამაზი ინტერიერის შექმნა. ვთვლით, რომ ინტერიერში ერთ-ერთ გადამწყვეტ აქცენტს სწორად შერჩეული განათება ქმნის. განათება, რომელსაც პოზიტიური ვიბრაციები აქვს ოთახში. ამიტომ, გადავწყვიტეთ, რომ ლამაზი სანათებით სიმყუდროვე შეგვექმნა ოჯახებში. ერთიცაა, რემონტს სახლში ხშირად ვერ გააკეთებ, სანათი კი ის ნივთია და თითქოს, ერთი შეხედვით პატარა დეტალი, რომელსაც თავიდან ბოლომდე შეუძლია შეცვალოს ინტერიერის ხასიათი და შემოიტანოს ახალი განწყობა სახლში ან რომელიმე კონკრეტულ ოთახში, ან თუნდაც, სამზარეულოში. მაგალითისთვის, მისაღებ ოთახში შეიძლება  განათების რამდენიმე სისტემა გქონდეს. თუ ყველას ერთდროულად გამოიყენებ, ოთახი გაჩახჩახებულია. ეს ძირითადად, წვეულებების დროს ხდება მაგრამ, ვითარებიდან გამომდინარე, ისე შეიძლება გამოიყენო ეს განათებები, რომ თითოეულის გამოყენება სხვადასხვა ემოციას და განწყობას ქმნიდეს.

სითი:  როგორ იქმნება თქვენი სანათები?

ლანა: მუშაობის დროს ჩვენი ამოსავალი წერტილია დამკვეთი და მისი სურვილები, განწყობა, ხასიათი. საცხოვრებელი სივრცე ხომ მისი ბინადრის ხასიათს ასახავს. ძალიან მიყვარს მყუდრო სახლები და მათ მიერ მოყოლილი ამბები ადამიანებზე, რომლებიც იქ ცხოვრობენ. ყოველთვის ძალიან ყურადღებით ვუსმენთ დამკვეთს. ჩვენი ინსპირაციის წყარო ასევე, ძველი და ახალი, თანამედროვე ნივთების სინთეზია. ხშირად ძველ ნივთებს ახალ სიცოცხლეს ვანიჭებთ. ყოველთვის ვიყენებთ ძვირფას, ძველ, ანტიკვარულ დეტალებს ჩვენს სანათებში. მნიშვნელოვანია, რომ ორი ერთნაირი სანათი არ გვაქვს. ყველა ერთადერთი და განუმეორებელია. ჩვენი მომხმარებელიც სწორედ ასეთია, მას უნდა ორიგინალური, ექსკლუზიური ნივთი, რასაც მხოლოდ მის სახლში ნახავენ, რითაც თავს მოიწონებს და რაც ხაზს გაუსვამს მის სტილსა და გემოვნებას, მის სამყაროს. 

ნიცა: თავად პროცესი ჩვენ უდიდეს სიამოვნებას გვანიჭებს. იდეა ყოველთვის ლანასია, ჩვენ კი ვეხმარებით როგორც შეგვიძლია. განწყობა მუშაობის დროს ყოველთვის განსაკუთრებულად კარგი გვაქვს და თითოეულ ნივთს მხოლოდ პოზიტივს ვატანთ დამკვეთთან. პოზიტივს და კიდევ, სიყვარულს. რამდენჯერმე იყო შემთხვევა, როცა ნივთი გავაკეთეთ და მერე დავიტოვეთ. მე ასე უკვე ორი ჭაღი მაქვს ჩვენი გაკეთებული. ცხადია, ეს შეკვეთების დროს არ ხდება. 

ლანა: იცით, ყველაზე დიდი მუხტი რას მოაქვს? მოლოდინს. როცა დამკვეთი პირველად იხილავს ჩვენს სანათს, აი, რომ შეხედავს და მის სახეზე კითხულობ აღტაცებას, ყველაზე შთამბეჭდავი მომენტია ეს ჩვენთვის. სწორედ ესაა, ალბათ, იმის წინაპირობაც, რომ საოცრად სწრაფად ვასრულებთ შეკვეთებს. როგორც კი იდეაზე შევთანხმდებით, პროცესი ძალიან სწრაფად ვითარდება. მოკლედ, ჩვენ ჩვენი პატარ-პატარა ბედნიერი ეტაპები გვაქვს კეთების პროცესში.სანათების კეთების პროცესი არის სწორედ ის, რასაც გავყავართ ყოველდღიური რუტინიდან, რაც უსაზღვრო სიამოვნებას გვანიჭებს. ამ დროს არაფერზე არ ფიქრობ გარდა იმისა, თუ როგორი ფორმა მისცე, როგორ ააწყო მძივები, როგორ შეურჩიო ფერი, რა ფორმის ნათურა მოარგო. ერთადერთი, რაც ფონად გასდევს ამ ყველაფერს, გემრიელი ყავაა და მშვიდი, კლასიკური მუსიკა ან ჯაზი. გვიყვარს როგორც ჩვენ მიერ შექმნილი თითოეული სანათი, ასევე ის ადამიანები, რომლებიც გვენდვნენ და მოგვმართეს. ეს დიდი პასუხისმგებლობაა ჩვენთვის.

ხათუნა: პირველად როცა გადავწყვიტეთ ამ საქმის დაწყება, საკმაოდ ბევრი სანათი გავაკეთეთ. ახალი და თან პატარა კომპანიისთვის, საკმაოდ დიდი პორტფელით შემოვედით ბაზარზე და რაც ყველაზე სასიამოვნო იყო, უმოკლეს დროში  გაიყიდა ყველაფერი. მართლა არ ველოდით ასე მოკლე დროში ასეთ შედეგს. ფინანსისტი, რომელიც გვეხმარება ფინანსურ გათვლებში, გაოცებული იყო – ასეთ პროგნოზზე ყველაზე ოპტიმისტური გათვლებითაც კი ვერ ვიფიქრებდიო. გვქონდა პაუზაც, რადგან, როგორც გითხარით, ჩვენც დაკავებულები ვართ, სამსახურები, ოჯახები, მაგრამ შეკვეთებმა თავისი ქნა. როგორც კი დამკვეთი გვიკავშირდება, პატარა დროც კი არ გვჭირდება, რომ სამუშაო განწყობაზე მოვიდეთ.

The post Light Life Studio „სითიში“ appeared first on City Magazine.

სითის  ონლაინ მაღაზიას ახალი მეგობარი ჰყავს,  სახლის დეკორისა და ნივთების პლატფორმა, სადაც  ადამიანები პოულობენ სასურველ ნივთებს სახლისთვის და სასაჩუქრედ.

– რას ნიშნავს Flat 44?

– ფლეტ 44 ჩვენი ბინის მისამართია, იქ, სადაც გაჩნდა იდეა ამ პლატფორმის, სადაც ჩამოდის, გროვდება, ხარისხდება ყველაფერი. აქვე ვიღებთ ფოტოებს, ვტვირთავთ საიტზე  და აქედან მიდიან ეს ლამაზი ნივთები თავიანთ ახალ მფლობელებთან. “ფლეთ 44” გემოვნებით შერჩეული ნივთებია, რომლებიც ქმნიან მყუდრი გარემოს თქვენს სივრცეში

– რომელი ქალაქებიდან ჩამოდის Flat 44 ნივთები თბილისში?

– ბრუსელი და პარიზი ის ქალაქებია, სადაც ყველაზე მეტი ვინტაჟური და ანტიკვარული ნივთია თავმოყრილი. ჩვენი პლატფორმის ერთ-ერთი ავტორი, თამარა ნუცუბიძე, უკვე ათი წელია, რაც ბელგიაში ცხოვრობს და იდეა გაჩნდა, თბილისშიც ჩამოგვეტანა ლამაზი და ორიგინალური ნივთები

– როგორია Flat 44 -ის სტილი? 

– ალბათ, კლასიკურ-მინიმალისტური

– როგორ არჩევთ ნივთებს?

– ჩვენი გემოვნებით, თუმცა აუცილებლად ვითვალისწინებთ ტრენდებს

– ყველაზე პოპულარული ნივთი Flat 44-ის არის…

– პირველი და ყველაზე პოპულარული იყო და არის ინოქსის (უჟანგავი ფოლადის) სანაყინე სეტები, სხვადასხვა ფორმისა და ზომის. ისინი ახლაც ყველაზე გაყიდვადი და პოპულარულია.

– რა უყვარს ქართველ მომხმარებელს?

– უყვარს ლამაზი ნივთები ხელმისაწვდომ ფასად

– სახლში მთავარია…

– დადებითი აურა… დანარჩენი გემოვნების, ჩვევების, ხასიათის ამბავია

– როგორ ვარჩევთ საჩუქარს?

– გააჩნია ვის ჩუქნით. თუ კარგად იცნობ, ალბათ, იცი, რა მოეწონება. თუ არადა, ენდეთ საკუთარ ინტუიციას და აჩუქეთ გულით!

The post Flat 44   სითიში appeared first on City Magazine.

აბა, გაიხსენეთ მშობლების თუ ბებია-ბაბუების სახლები ნებისმიერ სითი-ქალაქში… 

გახსოვთ, საღამოობით ჩაის რომ სვამდით რაღაც განსაკუთრებით ლამაზი ჭიქით, იქნებ გეჩვენებოდათ? არა, სულაც არა. არც  იმ ადამიანების გამორჩეული გემოვნება და სტილი გეჩვენებოდათ. როგორც ყველა ქალაქს მსოფლიოში, ჩვენს სითი-ქალაქებსაც აქვთ თავისი სტილი, განუმეორებელი და მათ შორის, თბილისს! 

ანტიკიტა – ეს ყველა ამ პატარა ისტორიის ნაკრებია. თითქოს,  ერთი დიდი მსოფლიოდან შეკრებილა ამ სივრცეში ულამაზესი და განსაკუთრებული თვალით და გემოვნებით შერჩეული ნივთები. 

ერთი ამბავია ხოლმე სადღესასწაულოდ. ყველა რაღაც თავისას  ეძებს და პოულობს. 

“ანტიკიტა” სახლის დეკორია. თავისი ხელწერით და უკვე ისტორიით. სხვაში არ შეგეშლებათ. 

ახალ მისამართზე გადავიდნენ ახლახანს, ულამაზეს თბილისურ ეზოში, სახლში სახელად “ფიდელი”. ერთმანეთს ძალიან მოუხდნენ, თუ არ ყოფილხართ, აუცილებლად ესტუმრეთ, უთუოდ აღმოაჩენთ საინტერესო სამოსს ან სახლის დეკორს.

საგანგებოდ სითისთვის ვინტაჟური დეკორის და ჭურჭლის ულამაზესი ნივთები შეირჩა: მუქი მწვანე და დამჯდარი წითლისფერი ღვინის ბოკალები.  წინა საუკუნის თითბერის სასანთლეები ბელგიიდან, მექსიკიდან გულები, ანუ  ძველებური ხელნაკეთი სარკეები და ლამაზი ანტიკვარული სავარძელი  საფრანგეთიდან, ისიც მეოცე საუკუნის დასაწყისის, ბრონზირებული ხის მასალისა და ლამაზი აბრეშუმის ნაჭრის. 

“დეკორი ჩვენი გატაცება და სიყვარული იყო, ახლა უკვე პროფესია და საქმიანობა” – უყვებიან სითის “ანტიკიტას” შექმნელები. ბევრ საინტერესო და ახალ პროექტზე მუშაობენ გოგოები ნიჭიერ არტისტებთან ერთად. ამ სიახლეებს აუცილებლად გაიგებთ. იქამდე  კი ესტუმრეთ სითის ულამაზეს მაღაზიას ონლაინ სივრცეში და დაათვალიერეთ ახალი განყოფილება,  სახელად, ვინტაჟური ნივთები!

The post სიყვარულით ანტიკიტასგან appeared first on City Magazine.

ახალი თაობა წამოვიდა. თაობა ბიზნესმენების, ტოპ-მენეჯერების, არქიტექტორების, იურისტების. . .  ახალ თაობას ახალი ხედვები და მოთხოვნები აქვს; სახლი, სადაც ისინი იცხოვრებენ, ინოვაციური უნდა იყოს. მდებარეობდეს ეკოლოგიურ გარემოში, ეკოლოგიური და ხარისხიანი მასალებით აშენებული,  დაცული,  მინიმალისტური, მაგრამ არქიტექტურულად საინტერესო და  კომფორტული. ამ, და კიდევ სხვა მოთხოვნებს  ზუსტად შეესაბამება  სივრცე, რომელსაც „წავკისი ველისა“ და „წავკისი პანორამას“  შემქმნელები გვთავაზობენ. ახალ პროექტს „წავკისი პარკი“ ჰქვია. ის წავკისის უკვე სახელგანთქმულ, „წავკისის ველში“ ბოლო საცხოვრებელი პროექტი იქნება. ამდენად,  ვისაც წავკისისკენ გული მიგიწევთ, მოინიშნეთ ეს ინფორმაცია.

როგორ გაჩნდა „წავკისი პარკის“ იდეა

ისტორია 2008 წელს იწყება. მაშინ, როდესაც დასავლეთის გამოცდილებაზე დაყრდნობით თბილისში პირველი ინოვაციური ტიპის დასახლება – „წავკისი ველი“ აშენდა. ვინც ამ გზაზე ერთხელ მაინც მოხვედრილხართ, უთუოდ შეამჩნევდით  დიდი და ლამაზი სახლებით მოფენილ, ოდნავ ტოსკანური სტილის ფერდობს.

წარმატებულმა პროექტმა  „წავკისი ველი“, გუნდს ახალი  იდეისკენ უბიძგა.  ასე შეიქმნა „წავკისი პანორამა“. პანორამა ოდნავ სხვა კონცეფციით გაკეთდა; მეტი სიმწვანე შევიდა სივრცეში, გაფართოვდა სამანქანო გზები, ინფრასტრუქტურა ნელ-ნელა თანამედროვე დასახლებისკენ წავიდა. პროექტის დიდი წარმატება და პოპულარობა იმანაც განაპირობა, რომ ის დროზე ადრე ჩაბარდა, რაც საქართველოში, პრაქტიკულად, არ ხდება.

„წავკისი პანორამაც“ ძალიან მალე დასახლდა. აქ წამყვანი  ბანკებისა და  სამშენებლო კომპანიების  ტოპ მენეჯმენტის წარმომადგენლები,  ცნობილი სპორტსმენები, ბიზნესმენები გადმოვიდნენ საცხოვრებლად.  დედაქალაქს ახალი და საინტერესო საცხოვრებელი  სივრცე დაემატა.

გამოცდილებამ, წარმატებულმა პროექტებმა და 12- მა ჰექტარმა,   რომელიც დარჩენილი იყო „წავკისი ველის“ ტერიტორიაზე,  გააჩინა სურვილი შექმნილიყო კიდევ უფრო ინოვაციური და სრულიად ახალ მოთხოვნებზე ორიენტირებული განაშენიანება სახელად – „წავკისი პარკი“.  რატომ პარკი? იმიტომ, რომ ყველა თაუნჰაუსს  ირგვლივ  5000 კვ.მ-ზე გაშენებული კეთილმოწყობილი პარკი ესაზღვრება.

„წავკისი პარკი“ ცნობილი გუნდის, „არქიტექტურის ლაბორატორიის“  მიერ არის დაპროექტებული. ამ გუნდმა თავის დროზე  დედაქალაქის მაცხოვრებელთა ყურადღება   ისეთი  პროექტით მიიქცია, როგორიცაა, მაგალითისთვის, ვაკის პარკის ცნობილი „მედიათეკა“. მიდგომაც ასეთი აქვთ – შექმნან ისეთ ნაგებობები, რომლებიც ჩვენს ქალაქს საინტერესო და გემოვნებიან ადგილებს შემატებს.

„წავკისი პარკის“ ავტორთა და არქიტექტორთა ხედვები ამ მიმართულებითაც დაემთხვა ერთმანეთს.

„წავკისი პარკის“ თაუნჰაუსები

ამჟამად თქვენს ყურადღებას „წავკისი პარკის“ ოც თაუნჰაუსზე შევაჩერებთ. მათგან  6 სახლის კარკასი  უკვე ამოყვანილია და ეს ეტაპი სექტემბრისთვის დასრულდება. სამსართულიანი სახლები ასე დაპროექტდა: პირველ სართულზე დისტანციურად მართვადი  ავტოფარეხია, მეორე და მესამე სართულებზე განლაგდება სამზარეულო, მისაღები და საძინებლები. თაუნჰაუსებში 3 ან 4 საძინებელია გათვალისწინებული. ბოლო სართულზე დიდი ტერასა და თქვენი საკუთარი, როგორც ავტორები ეძახიან, გასაგრილებელი  აუზი. აბა  წარმოიდგინეთ, სამსახურიდან მოსული, დაღლილი, აუზში რომ ჩახვალთ და  თბილისის ხედებით  დატკბებით. კიდევ ერთი განსაკუთრებული დეტალი -ყველა სამზარეულოს 20-30 კვ.მ-ის ზამთრის ბაღი ესაზღვრება. ეს არის გადასარევი სივრცე კულინარიული თავგადასავლებისთვის ყველა სეზონზე.  მენიუ და განწყობა – სეზონის შესაფერისი. 

რაც ეხება ჩაბარებას: „წავკისი პარკის“ თაუნჰაუსები მწვანე კარკასით ბარდება, მაგრამ ეს მწვანე კარკასი რამდენიმე მნიშვნელოვან ბონუსს ითვალისწინებს: ავტოფარეხს, დისტანციურად მართვადი კარით,  პერგოლით გადახურულ ტერასას, თანამედროვე სტანდარტების აუზს და ბოლოს,  ჭკვიანი სახლი –Smart House,  ჩამონტაჟებული სერვერით, რომელსაც რასაც მოისურვებთ იმ ფუნქციას დაუმატებთ, იქნება ეს ფარდების გაწევ-გამოწევა, ტელევიზორის ჩართვა, წყლის გადაკეტვა, ელექტროენერგიის ჩართვა-გამორთვა ეს იმ შემთხვევისთვის, თუ   დასასვენებლად წასულს სახლში რაღაც დაგავიწყდათ.

თაუნჰაუსები უმაღლესი ხარისხის ევროპული მასალებით შენდება: ალუმინის კარ-ფანჯრები  ორმაგი მინა- პაკეტით, იტალიური წარმოების  გაყვანილობა, მაღალი ხარისხის თბოიზოლაცია და ჰიდროიზოლაცია.

ამ ახალი ხედვისა და შინაარსის სივრცის ყველაზე მთავარი ხიბლი, მაინც, კომფორტი, სიმყუდროვე და დაცულობაა. აქ განახლდა ბავშვების ეზოებში ჩასვლის ტრადიცია, რაც ასე მოგვწონდა ძველ თბილისში და რაც დაიკარგა დღეს. „წავკისის ველის“, „წავკისი პანორამის“ მაცხოვრებელთა ბავშვები, თურმე,  უფრო კარგად იცნობენ ერთმანეთს, ვიდრე მათი მშობლები.  თუმცა, ეს ამბავი გამოსწორებადია და ამაში, სავარაუდოდ,  „წავკისი პარკის“ ახალმოსახლეებიც ჩაერთვებიან.

დაგვრჩა ბოლო, მაგრამ ძალიან მნიშვნელოვანი პუნქტი:

„წავკისი პარკის“ თანჰაუსების ფასი გახლავთ   კვ.მ 1300 $  (შესაბამისი კურსით ლარში). ვინც დედაქალაქის ფასებს იცნობთ, მით უფრო ცენტრალურ უბნებში, მიხვდებით, რომ ამ პირობებისთვის ეს საკმაოდ  კონკურენტული ფასია და შესაბამისად, ასეთი ტიპის სახლებზე მოთხოვნაც მაღალია „წავკისი ველის“ ტერიტორიაზე. 

ამდენად, თუ თქვენ  ახალი ცხოვრების სტილის ადამიანი ხართ, „წავკისი პარკი“ თქვენ გელოდებათ. მერე, ყველა ერთად რომ დასახლდებით, ერთი საერთო ამოცანა უნდა გადაწყვიტოთ – ახალი თაობისთვის, ანუ თქვენი შვილებისთვის,  ამ გადასარევ ადგილზე  ერთი სკოლა  დაგჭირდებათ. პროექტის ავტორები უკვე ფიქრობენ და თქვენს მოსაზრებებს და სურვილებსაც  აუცილებლად მოისმენენ.

ეკა ხოფერია

The post “წავკისი პარკი” appeared first on City Magazine.

თეონა გიორგაძე, კომპანია „მზიური რეზორტის“ კომერციული დირექტორია. კომპანიის, რომელიც აჭარაში ორ მსხვილ დეველოპერულ პროექტს ავითარებს.

„მზიური რეზორტამდე“ მის ცხოვრებაში იყო განსხვავებული მიმართულებები –  სწავლა, ოჯახი, ცხოვრება დიდ ბრიტანეთში, ერთ-ერთი ყველაზე წარმატებული ტურისტული კომპანიის დაარსება.   2021 წლიდან კი,  „მზიური რეზორტის“   კომერციული დირექტორობა.

ყველაფერი ამის პარალელურად კი, მეუღლე და სამი შვილი, ძლიერი და სიყვარულით სავსე ოჯახი, რომელიც უკვე 17 წელს ითვლის.  

თეონა პროფესიით ფილოლოგია. პროფესიის არჩევისას გადამწყვეტი უცხო ენების სიყვარული და ინტერესი იყო, თუმცა უნივერსიტეტის დასრულების შემდეგ, როდესაც ერთ-ერთ კერძო სკოლაში პედაგოგად მუშაობა სცადა,  მალევე მიხვდა, რომ ეს არ იყო ის საქმე, რომელიც ნამდვილად უნდოდა.

ოჯახი, შვილები მისთვის ყოველთვის განსაკუთრებით მნიშვნელოვანია. ჩვენი შეხვედრის დროსაც ბევრ სხვადასხვა საქმიან ზარს შორის იყო ზარები, სადაც თეონა იყო მხოლოდ დედა,  შვილებისთვის მუდამ ხელმისაწვდომი.

მოგზაურობა მისთვის ყველაზე სასიამოვნო საქმიანობაა და ამიტომ აქცია ეს ჰობი წარმატებულ საქმედ. 2014 წელს, დასთან ერთად, დააფუძნა ტურისტული კომპანია Blue Bird Travel.  კომპანია მალევე გახდა წარმატებული და დღემდე მყარად ინარჩუნებს ამ ნიშას.

ოჯახთან ერთად ბრიტანეთში ცხოვრების რამდენიმეწლიანმა გამოცდილებამ  მას საქმისადმი დამოკიდებულების განსხვავებული და ახალი გამოცდილება შესძინა.

გზა „მზიური რეზორტში“ მოსვლიდან – დღემდე

„მზიური რეზორტის“ ისტორია 2019 წელს იწყება.  პირველი პროექტი და წარმატებული სტარტი იყო „მზიური გარდენსი“.  ჩემმა მეუღლემ ბრიტანელ  ინვესტორებთან ერთად,  აჭარაში დაახლოებით 80 მილიონი ლარის ინვესტიცია განახორციელა.   საწყის ეტაპზე კომპანიის მართვაში არ ვიყავი ჩართული, მაგრამ 2021 წლიდან „მზიური რეზორტის“ გუნდს კომერციული დირექტორის როლში შევუერთდი.

ხშირად ვამბობ ხოლმე, რომ ამ კომპანიაში აღმოვაჩინე საკუთარი თავი. ეს ზუსტად ის ადგილი და სფეროა, სადაც კომფორტულად ვგრძნობ თავს.  საწყის ეტაპზე, უძრავი ქონების სფეროში მუშაობის დაწყება საკმაოდ დიდი გამოწვევა იყო ჩემთვის,  რადგან არ მქონდა შესაბამისი გამოცდილება. თუმცა, ჩემთვის არ არსებობს სირთულე, რომელსაც ვერ გადავლახავ.  მუდმივად ვისწრაფვი სიახლეებისკენ და ვსწავლობ, საკუთარი თავის ძიებაში ვარ. რა თქმა უნდა, მომწონს სირთულეებიც. ვფიქრობ, უფრო მეტად მაძლიერებს, მოტივაციას და ძალას მაძლევს. 

ვფიქრობ, „მზიური რეზორტში“ ჩემი მოსვლით დიდი წვლილი შევიტანე კომპანიის განვითარებაში  პროცესების დალაგების, საქმის დელეგირების და კომპანიის ცნობადობის გაზრდის კუთხით. რაც, ბუნებრივია, აისახა კიდეც გაყიდვების ზრდაზე.

2022 წლის გაზაფხულიდან კომპანიაში „აფეთქება“ დაიწყო, რაც დღემდე გრძელდება. მგონია, რომ ეს ყველაფერი გარკვეულწილად, იმ მთავარი ღირებულების დამსახურებაა, რაზეც ჩვენი კომპანია დგას – ეს ჩვენი გუნდია. ადამიანები, რომლებიც  დიდი პროფესიონალიზმით და სიყვარულით ქმნიან „მზიური რეზორტს“. 

მოგვიყევით პროექტებზე, რომელსაც „მზიური რეზორტი“  ქმნის

„მზიური რეზორტი“ ამ ეტაპზე აჭარაში ორ  მსხვილ საცხოვრებელ და საინვესტიციო პროექტს ავითარებს, რომელიც როგორც ჩვენთვის, ასევე რეგიონისთვის  უმნიშვნელოვანესია.

პირველი, ეს არის „მზიური გარდენსი“. პრემიუმ კლასის აპარტამენტებისგან შემდგარი საცხოვრებელი და საინვესტიციო პროექტი  მახინჯაურში, რომელიც ზღვიდან სულ რამდენიმე მეტრში და ბათუმიდან 6 კილომეტრში მდებარეობს. პროექტში სამშენებლო პროცესების  90%  უკვე დასრულებულია.

მეორე და ახალი პროექტი ეს არის „მზიური ველნესი“. საცხოვრებელი და გამაჯანსაღებელი კომპლექსი, რომელიც  ზღვის დონიდან 16000 კვ.მ. ზე მრავალწლოვანი ფიჭვებისა და ენდემური ნარგავების შუაგულში, მახინჯაურში, ყოფილი ბალნეოლოგიური კურორტის ტერიტორიაზე ვითარდება. აქ ოდითგანვე არსებობდა ცნობილი სანატორიუმი „მზიური“, რომელსაც როგორც პოსტ საბჭოთა, ასევე ევროპის მრავალი ქვეყნიდან ყოველწლიურად 10000 – ზე მეტი ვიზიტორი სტუმრობდა.

„მზიური ველნესი“ გააერთიანებს საცხოვრებელ აპარტამენტებს, 5*-იანი  სასტუმროების ქსელს CROWNE PLAZA და საერთაშორისო სტანდარტების მქონე ბალნეოლოგიურ და გამაჯანსაღებელ ცენტრს, რომელიც როგორც ჩვენი კომპლექსის  მობინადრეებისთვის, ასევე ნებისმიერი ვიზიტორისთვის იქნება ხელმისაწვდომი.

ჩვენი მიზანია აჭარა, კონკრეტულად კი მახინჯაური, კვლავ ვაქციოთ ოთხივე სეზონზე მიმზიდველ დასასვენებელ ლოკაციად და ამ გეგმაში მნიშვნელოვანი ადგილი უკავია სამედიცინო ტურიზმით და ბალნეო კურორტით დაინტერესებული ვიზიტორების მიღებას მსოფლიოს სხვადასხვა ქვეყნიდან.  პროექტის ჯამური საინვესტიციო ღირებულება 50 მილიონ ლარს შეადგენს.

მშენებლობა უკვე დაწყებულია და 2026 წლის ბოლოს დასრულდება.

რაში მდგომარეობს მზიური რეზორტის უნიკალურობა?

ვფიქრობ, „მზიური რეზორტის“ მთავარი ღირებულება ისაა, რომ ჩვენ ვაშენებთ ისე, როგორც საკუთარ ბინას, სადაც  ჩვენი ოჯახით და შვილებით ვიცხოვრებდით.

ყველა დეტალს მომავალი მობინადრის თვალით ვუყურებთ. ვფიქრობთ რა იქნება უკეთესი უფრო მეტი კომფორტისთვის. როგორ ვაგრძნობინოთ თავი  მშვიდად  და უსაფრთხოდ.  ჩვენ არ  ვაშენებთ უბრალოდ კორპუსებს, ჩვენ ვქმნით ახალ საცხოვრებელ გამოცდილებას. ჩვენი პროექტები, როგორც უკვე აღვნიშნე, რეგიონის განვითარებისთვისაც მნიშვნელოვანია. მას შემდეგ, რაც „მზიური გარდენსის“ მშენებლობა დაიწყო, გარშემო არაერთი ახალი პროექტი გაჩნდა. მოიმატა მიწის და უძრავი ქონების ფასმა, გაიზარდა ეკონომიკური აქტივობა. შედეგად კი, მახინჯაური გახდა კომერციულად მიმზიდველი ლოკაცია.

17 წელი – მყარი და სიყვარულით სავსე ოჯახი

ოჯახი 21 წლის ასაკში, უნივერსიტეტის დამთავრების შემდეგ შევქმენი და 17 წელია ერთად ვართ. ჩვენს ოჯახს აძლიერებს ჩვენი სამი შვილი, 13 წლის ლუკა, 11 წლის თეკლა და 7 წლის ლიზა.

ვფიქრობ გაგვიმართლა კიდეც და ორივემ ძალიან ბევრიც ვიშრომეთ იმისათვის, რომ 17 წელი მყარად და სიყვარულში გაგვეტარებინა. ამ ყველაფრის უკან, დიდ სიყვარულთან ერთად, დგას ურთიერთგაგება, ნდომა, მეგობრობა, ერთმანეთის პატივისცემა. ამიტომაც ვართ კარგი პარტნიორები საქმეშიც და ოჯახშიც. ჩვენ განსაკუთრებით გვაერთიანებს მეგობრობა, საერთო საქმე და ერთმანეთის მიმართ ინტერესი, რომელიც ამდენი წელია არ განელებულა.

როგორ ინარჩუნებთ ბალანსს ოჯახსა და წარმატებულ კარიერას შორის?

საკმაოდ რთულია. თუმცა ვფიქრობ, რომ მაინც ვახერხებ. ხშირად მქონია განცდა, რომ შვილებს ნაკლებ დროს ვუთმობ. მიუხედავად იმისა, რომ  ყოველთვის მათ გვერდით ვარ როცა ვჭირდები. მაგრამ შემდეგ ვხვდები, რომ მათ რეალიზებული და ბედნიერი დედა ნამდვილად სჭირდებათ. ამ ყველაფერში რა თქმა უნდა, ხელს მიწყობს ისევ და ისევ ჩემი ოჯახი და მეუღლე. მათი თანადგომით ვახერხებ, რომ ვიყო წარმატებული საქმეშიც და არ მოვაკლდე ჩემს ოჯახსაც. თუმცა, ალბათ ყველაფერში აუცილებელია ბალანსი. მთავარია პრიორიტეტები გადაანაწილო სწორად.

როგორია თქვენი ერთი ჩვეულებრივი დღე?

ჩემი დილა 7 საათზე  იწყება  ტრადიციული ფინჯანი ყავით. შემდეგ გრძელდება ბავშვების გაღვიძებით და ვემზადებით სკოლისთვის.  როდესაც ბავშვები სკოლაში მიდიან,  ცოტა დროს ვუთმობ საკუთარ თავს – ვვარჯიშობ, ვცურავ, ვწესრიგდები და მივდივარ სამსახურში.

საღამოს საათებს ძირითადად ოჯახთან ერთად ვატარებ.

ძალიან გვიყვარს მოგზაურობა და ვცდილობთ ამის დროც გამოვნახოთ. ასეთი დღეები განსაკუთრებით მნიშვნელოვანია ბავშვებისთვის. ბავშვები ყველაზე ბედნიერები არიან, როდესაც ოჯახის ყველა წევრი ერთად ვართ.

ლიდერი ქალი  – სირთულეები ამ გზაზე

ვფიქრობ, იყო ლიდერი ეს არის თვისება, რომელიც ან გაქვს ან არა და არ აქვს მნიშვნელობა ქალი ხარ თუ კაცი. ჩემთვის ძალიან მნიშვნელოვანია, რომ ყოველთვის ვიყო აქტიური, რეალიზებული და პროდუქტიული. როცა ვიცი  რომ ვინმეს ვჭირდები, როცა შემიძლია ვინმეს დავეხმარო, როცა მნიშვნელოვან და სასარგებლო საქმეს ვაკეთებ, მაშინ ვარ ყველაზე ბედნიერი და ენერგიით სავსე.

ლიდერობის თანმდევ სირთულეებს რაც შეეხება, ვიტყოდი რომ ნამდვილად არაა იოლი იყო  დედა და ამავდროულად, იყო კომპანიის სათავეში. ყოველთვის მაქსიმუმს ვითხოვ საკუთარი თავისგან და მუდმივად ვეუბნები –   შენ საუკეთესოდ შეძლებ! ნამდვილად გამიმართლა, რომ მყარად მიდგას გვერდით ჩემი ოჯახი.

სამომავლო გეგმები

ამ ეტაპზე მთლიანად დეველოპერული პროექტებით ვარ დაკავებული. ჩემი სამომავლო გეგმებიც მას უკავშირდება. კომპანია  განვითარების აქტიურ ფაზაშია. ვმუშაობთ რამდენიმე ახალ პროექტზეც.

„მზიური რეზორტმა“ თავი ღირსეულად დაიმკვიდრა ქართულ დეველოპერულ ბაზარზე  და მომავალშიც ასე ვაპირებთ გაგრძელებას.

ავტორი: ანა არაბიძე

ფოტო: თიკო ჭიღლაძე

The post თეონა გიორგაძე –  ლიდერი  ქალის ისტორია appeared first on City Magazine.

–   ქარვისფერი  ქვის ზედაპირი მინდა აი ამ ყავის მაგიდის, ფეხი ლატუნისფერი, შემოსასვლელში რომ დგას პატარა მაგიდის, იმის რომ გავაკეთოთ? ხოლო  ფორმა საკუთრივ ზედაპირის, ოდნავ რომ შევცვალოთ?

–   შევცვალოთ, როგორით?

–   უფრო ოვალურით. . . 

–   იქნებ კატალოგში შევარჩიოთ?

–   შევარჩიოთ

„მონტე სალოტის“ შოუ რუმში მოსმენილი დიალოგის ნაწყვეტია, დიალოგის შოუ რუმის მენეჯერსა და ქალბატონს შორის. რამდენიმე სართულზე ფართოდ გაშლილ სივრცეებში მსგავსი ტიპის საუბრებს ხშირად მოისმენთ. აქ მოსულ ადამიანს უნდა რაღაც  განსხვავებული, ისეთი, როგორსაც ის ხედავს თავის სახლში. მრავლაფეროვნებასა და ფანტაზიას „ მონტე სალოტის“ სივრცეში საზღვარი არ აქვს. იდეალური და გემოვნებიანი სახლის მოსაწყობად შექმნილი ადგილია : ავეჯის, განათებებისა და აქსესუარების დიდი არჩევანით და გადახდის მოქნილი, თქვენს გეგმებზე მორგებული,  სქემით.

ამბობენ, თებერვალი იდეალური დროა ახალსახლობისთვის მოსამზადებლად, ან  მის დასაგეგმად. იდეალური,  რადგან დეკემბერ-იანვრის სადღესასწაულო ორომტრიალის შემდეგ დგება სიმშვიდის პერიოდი, როდესაც რეალურად იწყებ ფიქრს  ბევრი რამის განახლების შესახებ,  მათ შორის, ცხოვრების სტილის.

სახლი, ბინა, აგარაკი, დიდი თუ პატარა, მეტსაც გეტყვით, პაწაწინა ბინის ერთი ახლადმოწყობილი კუთხეც კი ცხოვრების სტილია და ის ძალიან ბევრს გეტყვით იმ ადამიანზე, თუ ადამიანებზე, ვინც იქ ცხოვრობს.

„მონტე სალოტზე“  უნდა მოგიყვეთ. თუ თქვენ მაღალი ხარისხის, გემოვნებიანი და თანამედროვე შტრიხების მქონე დიზაინის მოყვარული ხართ, მაშინ ეს სტატია თქვენთვისაა. არც ისე დიდი ხნის წინ პრემიუმ ბრენდების ავეჯისა და განათებების სივრცე სახელად „მონტე სალოტი“  ახალ მისამართზე- დავით აღმაშენებლის ხეივნის 65  ნომერში განთავსდა.

დიდვიტრაჟებიანი სივრცის პირველივე სართულზე „ მონტე სალოტის“ მთავარი ვარსვლავები გხვდებათ: მასიური და ამავდროულად ძალიან ნაზი ნაკეთობის ქვის ზედაპირიანი მაგიდები, იქვე  სკამები-ხარისხიანი, კომფორტული, შესასვლელშივე მაგიდის თავზე  სხვადასხვა ფერის განათებებია დამონტაჟებული-მათი ერთობლიობა განსაკუთრებულ სიმყუდროვეს და აქცენტს აძლევს იქაურობას. ფართო არჩევანია „მონტე სალოტში“ სამეულების, სავარძლების, საწოლების, ყავის მაგიდების, ქსესუარების და ნახატებისაც კი . . .

„მონტე სალოტის“ დამფუძნებლებს სფეროში საქმიანობის მრავალწლიანი გამოცდილება აქვთ და აღნიშნული სივრცე რიგით მესამეა ჩვენს დედაქალაქში. იმთავითვე გეზი და აქცენტი მაღალი, პრემიუმ ხარისხის ავეჯზე იყო აღებული და წლების მანძილზე მიღებულმა გამოცდილებამ აჩვენა, რომ ხარისხთან ერთად უმნიშვნელოვანესია მომხმარებლისთვის ფართო არჩევანის შეთავაზება.მთავარი პრინციპი აქაურობის ესაა – აქ მოსული ადამიანი არაფრით არ უნდა შეიზღუდოს.  სწორედ ამიტომაა, რომ „მონტე სალოტის“ განსაკუთრებულ შტრიხად სწორედ მომხმარებლის გემოვნებაზე, სურვილსა და ხედვაზე აწყობილი  ნივთებისა და სერვისის შეთავაზებაა.

შეცვლით ნებისმიერ დეტალს: შეუცვლით ,მაგალითისთვის, თქვენს მიერ მოწონებულ  სამეულს ტექსტილს,  ფერს, სახელურის დეტალსაც კი.  ფანტაზიას ჩართავთ მაგიდების მიმართულებითაც, იქნება ეს მისაღები ზონის დიდი მაგიდა, თუ მცირე ან საშუალო ზომის ყავის მაგიდები. ხელით შეეხებით ყველა მასალას, შეუხამებთ, იფიქრებთ, მოიფიქრებთ, გადაწყვეტთ და საბოლოოდ იპოვით თქვენსას.

განათებები „ მონტე სალოტის“ კიდევ ერთი გამორჩეული და განსაუთრებული აღნიშვნის თემაა. სახლი განათებით იწყება და პირველი, როგორც დიზაინერები გვირჩევენ, სახლის დაგეგმარებისას სწორედ განათებები უნდა აირჩიოთ. „ მონტე სალოტს“ ექსლუზიური მომწოდებლები ჰყავთ მსოფლიოს პრემიუმ ბრენდების სახით, თანამედროვე, საინტერესო დიზაინის ულამაზესი განათებების ნიმუშებს შოუ რუმის მეორე სართულზე ნახავთ. იქვეა გარე ავეჯის ფართო და საინტერესო არჩევანი.

მთავარი რჩევა „ მონტე სალოტის“ გუნდისა და მისი მეგობარი დიზაინერებისგან მაინც სწორად დაგეგმარებაა.

–   იცით, სახლის ავეჯი მის დაგეგმარებამდე უნდა შეარჩიოთ. მოხვიდეთ შოუ რუმში, დაათვალიეროთ და შეარჩიოთ ის ნივთები, რომლებთანაც ერთად წლები უნდა იცხოვროთ. უნდა ჩაჯდეთ თქვენს მიერ მოწონებულ სავარძელში, უნდა მიხვდეთ, თქვენია ის თუ არა, ცხადია, იგივე ეხება საწოლს, მაგიდას, სკამებს. . . აქედან იბადება თქვენი სახლის კონტურები და იქმნება მისი დიზაინი- გვიზიარებენ გამოცდილებას „მონტე სალოტში“.

ასეც ხდება. მოდიან შოუ რუმში წყვილები, მოდიან დამკვეთები დიზაინერებთან ერთად და არჩევენ მათი მომავალი სახლების ავეჯს და სტილს.

„მონტე სალოტის“ კიდევ ერთი დამახასიათებელი ნიშანი ადეკვატური საფასო პოლიტიკაა. პრემიუმ ხარისხის ავეჯს აქ ადეკვატურ ფასად შეიძენთ, მუშაობს შიდა განვადების სისტემა და მომხმარებლის გეგმაზე მორგებული გადახდის სქემა.

„მონტე სალოტი“ თავდაპირველად  ე.წ. „აუთლეტის“ პრინციპით შეიქმნა, აუთლეტი ძალზედ პოპულარული იყო  იმის მიუხედავად, რომ ქალაქის ცენტრიდან საკმაოდ შორს იყო განლაგებული. უნდა აღინიშნოს, რომ  ეს პოპულარობა მას ავეიჯსა და განათებების ფართო არჩევანმა, მაღალმა ხარისხმა და რაც მთავარია მომხმარებელზე მორგებულმა სერვისმა მოუტანა. შედეგმაც არ დააყოვნა და დღეს უკვე „ მონტე სალოტის“ ახალ ეტაპს, განახლებულ შოუ რუმსა და საინტერესო და ახალ კოლექციებს ვხედავთ. თუმცა, დამფუძნებელის ინფორმაციით, ძალიან მალე „ მონტე სალოტის“ მესამე სართულზე აღდგება „ აუთლეტის“ სივრცე, სადაც კიდევ უფრო მისაღებ ფასებში ფასდაკლებულ კოლექციებს შეიძენთ.

ახალი მისამართი და ახალი შოუ რუმი კიდევ ერთი ახალი ეტაპია, რომლის გაგრძელება „მონტე სალოტისგან“ შემოთავაზებული  ბევრი საინტერესო პროექტი იქნება. 

The post Monte Salotti appeared first on City Magazine.

ბექა თეზელაშვილი

სამშენებლო კომპანია „მოდერნ სითის“ გენერალური დირექტორი

დაახლოებით 10 წელზე მეტია, ჩვენი კომპანიის იურისტი ვარ. იქიდან გამომდინარე, რომ იურისტები აქტიურად არიან ჩართული კომპანიის მართვის თითქმის ყველა პუნქტში, ჩვენი კომპანიის დამფუძნებლებმა მიიღეს გადაწყვეტილება  დამეკავებინა გენერალური დირექტორის პოზიცია. 

„მოდერნ სითი“ მრავალი წელია ოპერირებს ბაზარზე და არაერთი წარმატებული პროექტის ავტორია.  ერთ-ერთი პირველი ნაბიჯი, რაც ამ პოზიციის დაკავების შემდეგ გუნდთან ერთად განვახორციელე, არის რებრენდინგი. გვსურდა,  რომ კომპანიას და ჩვენს პროექტებს უფრო სტრუქტურირებული სახე მიეღო. რებრენდინგის  ფარგლებში ჩამოყალიბდა ჩვენი კომპანიის ახალი და თანამედროვე ვიზუალური იდენტობა. სრულიად შეიცვალა ლოგო და კორპორაციული სტილი, განახლდა ვებგვერდი და სოციალური ქსელები.

პირადად ჩემთვის, ძალიან მნიშვნელოვანი ფაქტორია, რომ კომპანიის დაფუძნების დღიდან,  უკვე 15 წელია, ძირითადად, ერთი გუნდი ქმნის MODERN CITY -ს. ადამიანები, რომლებსაც ამ მიმართულებით მუშაობის დიდი გამოცდილება აქვთ და საკუთარი საქმის პროფესიონალები არიან. სწორედ ეს განაპირობებს იმას, რომ ჩვენი შესრულებული პროექტები განსაკუთრებული ხარისხით გამოირჩევა. ჩვენი კომპანიისთვის მთავარი ღირებულებაა ადამიანი. შესაბამისად, თითოეული დეტალი მორგებულია ადამიანურ ფაქტორზე, სიმშვიდეზე, სიმყუდროვესა და ჯანსაღ გარემოზე. თანამედროვე ადამიანისთვის ყველაზე მნიშვნელოვანი  ღირებულებაა ოჯახი. დამეთანხმებით, ყველა განსაკუთრებულ ყურადღებას აქცევს იმ გარემოს, სადაც ოჯახი დიდ დროს ატარებს. ნებისმიერი ადამიანისთვის, საცხოვრებელი სახლის შეძენა დაკავშირებულია ძალიან დიდ პასუხისმგებლობებთან. სწორედ ამიტომ, ვცდილობთ შევქმნათ ისეთი გარემო, სადაც იქნება სიმყუდროვე, მშვიდი გარემო და დაცული იქნება თითოეული მაცხოვრებლის უსაფრთხოება.

დიდი სტიმულია, რომ ჩვენს ახალ პროექტებში  30% ჩვენი ძველი მომხმარებლები არიან. ადამიანები, რომლებსაც ჩვენს სხვადასხვა პროექტში აქვთ ბინები შეძენილი.  თამამად ვიტყვი, რომ ამ სანდოობას განაპირობებს ხარისხი, რომელსაც უკვე 15 წელია კომპანია ქმნის. ამჟამად  ორ მიმდინარე პროექტზე ვმუშაობთ: „მოდერნ სითი“ ლისი და „მოდერნ სითი“ დიღომი.

MODERN CITY – ლისი 

პროექტი გამორჩეულია როგორც ადგილმდებარეობით, ისე საცხოვრებელი კომპლექსის კონცეფციით.  მდებარეობს ქალაქის ხმაურისა და გამონაბოლქვისგან მოშორებულ ლოკაციაზე, ლისის ტბიდან რამდენიმე მეტრში, ფერმწერთა ქუჩაზე, სკოლა მილენიუმთან. ამავდროულად, მნიშვნელოვანია რომ MODERN CITY – ლისის  მობინადრეებისთვის 1.5 კმ. რადიუსში ხელმისაწვდომია ყველა ყოველდღიურად საჭირო სამომხმარებლო ობიექტი – სკოლები, უნივერსიტეტები, კაფეები, რესტორნები, მაღაზიები, აფთიაქები და სხვა.

რაც შეეხება უშუალოდ მშენებლობის პროცესს, კომპლექსი შენდება ენერგოეფექტური და უმაღლესი ხარისხის სერტიფიცირებული სამშენებლო მასალებით. 14000 კვ.მ-ის ფართობზე განთავსდება: ოთხი დაბალსართულიანი საცხოვრებელი ბლოკი,  კეთილმოწყობილი და გამწვანებული შიდა ეზო, საბავშვო და გასართობი ინფრასტრუქტურა, მიწისქვეშა და მიწისზედა ავტოსადგომები.

MODERN CITY – დიღომი

დიღმის პროექტის კონცეფცია სრულიად განსხვავდება ლისის პროექტისგან. თუმცა, მთავარი იდეა აქაც მაცხოვრებლის კომფორტზე მორგებული სივრცის შექმნაა. კომპლექსი ოლიმპიური აუზისა და ამერიკის საელჩოს მიმდებარედ,  10000 კვ.მ-ზე ვითარდება და სამი 13-სართულიანი საცხოვრებელი ბლოკისგან შედგება.  დიდი ყურადღება  ეთმობა რეკრეაციასა და კეთილმოწყობილ ეზოს, სადაც განთავსდება: საბავშვო გასართობი სივრცეები, სპორტული მოედანი, ღია საცურაო აუზი როგორც უფროსებისთვის, ასევე ბავშვებისთვის, მიწისქვეშა და მიწისზედა ავტოსადგომები.

ორივე პროექტის მშენებლობის პროცესი ეკოლოგიურად სუფთა და ლიცენზირებული პროდუქციით ხორციელდება. სამშენებლო სამუშაოები გრაფიკის სრული დაცვით მიმდინარეობს და კომპლექსში ცხოვრება 2025 წლის გაზაფხულიდან იქნება შესაძლებელი.

ტექსტი: ანა არაბიძე

ფოტო: ნათია ასანიძე / LIG Studio

The post Modern City appeared first on City Magazine.