2023 წელს ბათუმში დებიუტის შემდეგ, Harmont & Blaine-მა საქართველოში მეორე დამოუკიდებელი მაღაზია გახსნა, რომელიც თბილისში, ჭავჭავაძის გამზირის 50 ნომერში  მდებარეობს — ქალაქის ცენტრალურ უბანში, სადაც მრავალი მაღალი დონის მოდური ბუტიკია განლაგებული.

სივრცე ბრენდის იტალიური ფესვებითა და ხმელთაშუა ზღვის წარმომავლობითაა შთაგონებული, რომელიც სტილის ხედვის ცოცხალ და მხიარულ განწყობას ასახავს. ეს განწყობა პროდუქტს სცდება და სიმშვიდის, სიხარულისა და კავშირის ღრმა შეგრძნებას ატარებს.

80 კვადრატულ მეტრზე განლაგებული მაღაზია Harmont & Blaine-ის ხელწერის — “Living in Color“-ის — არსს  წარმოადგენს. მასში დამამშვიდებელი, ფრთხილად შერჩეული ფერები შერწყმულია ბუნებრივ და თანამედროვე მასალებთან, ისეთებთან, როგორიცაა ხე, გაპრიალებული ლითონი და LED განათება.

მომხმარებლებსა და სტუმრებს შესაძლებლობა აქვთ გაეცნონ SS25-ის მამაკაცისა და ქალის საზაფხულო კოლექციას Summer Euphoria, მათ შორის ჩანთებს, ფეხსაცმელს და აქსესუარებს, რომლებიც ზღვის მიმართ ბრენდის სიყვარულს გამოხატავენ, ასევე წარმოაჩენენ მის საყვარელ მზით გამთბარ ადგილებს — ამალფის სანაპიროდან მაიამის ოქროსფერ ქვიშამდე.

ახალი კოლექციის ესთეტიკას სიწმინდე, სიმსუბუქე და ფერები განსაზღვრავს –  ყველაფერი რაც სიცოცხლის სიმხიარულესა და კარგ ვიბრაციას გამოხატავს, შთაგონებულია წყლის მოციმციმე ფერებით, ნაყინის, ხილის ფერებითა და ექსკლუზიური საღებავების კრეატიული ტექნიკებით, რომელიც ბრენდის ხელოვნებისა და ოსტატობის ფილოსოფიაშია ფესვგადგმული.

თბილისის   Harmont & Blaine-ის  მაღაზიის გახსნა  ბრენდის კავკასიის რეგიონში გაფართოების სტრატეგიის ნაწილია. აქამდე მაღაზიები გაიხსნა სოფიას ექსკლუზიურ Paradise Center lifestyle მოლში, ათენის Attica City Link-სა  და Porto Montenegro-ში — ყველაზე პოპულარულ მოდურ და ელიტურ საკურორტო ადგილზე,  ქალაქ ტივატში.

გახსნას  მოწვეული სტუმრები, პრესის წარმომადგენლები, ცნობილი ადამიანები დაესწრნენ. სტუმრებს შორის მამაკაცები სჭარბობდნენ, ზოგი მეუღლესთან ერთად მოვიდა, ზოგი მეგობართან. ჭავჭავაძის გამზირზე მხიარული, ფერადი და სასიამოვნო გარემო სუფევდა. საქართველოში ბრენდის ოფიციალური წარმომადგენელი, ეკა კვანტრიშვილი, სტუმრებს ბრენდის შემოსვლის ისტორიას უყვებოდა, საზეიმო ლენტი მან  Halmont& Blane დირექტორთან, სტეფან ბრუგენკამპთან, ერთად  გახსნა. სტუმრებს შორის შევნიშნეთ  რუსა ჩაჩუა,  თაკო ჩხეიძე, ჯანეტ ქერდიყოშვილი, ბახვა ბრეგვაძე, ნოე სულაბერიძე, ირაკლი მაქაცარია, გიორგი იაშვილი . . . ბრენდის ფერადი, სასიამოვნო და ხალისიანი ფერებით უკლებლივ ყველა იყო აღფრთოვანებული!

Harmont & Blaine SpA

Harmont & Blaine არის იტალიური კომპანია, რომელიც ტაქსას ჯიშის ძაღლის ლოგოთია ცნობილი და პრემიუმ სეგმენტისთვის მაღალი ხარისხის, ელეგანტურ-ყოველდღიური სტილის სამოსს აწარმოებს. კომპანიას 600-ზე მეტი თანამშრომელი და 1,000-ზე მეტი არაპირდაპირი დასაქმებული ჰყავს. მისი სათავო ოფისი ნეაპოლში მდებარეობს.

ბრენდი როგორც იტალიაში, ასევე საერთაშორისო ბაზარზეა აღიარებული მისი უნარისთვის წარმოაჩინოს ხმელთაშუა ზღვის ცხოვრების სტილი, კოლექციებით, რომლებიც მაღალი ხარისხით და ფერებით ხასიათდება, ფორმებისა და ახალი მასალების მუდმივი ძიებით, რომლებიც სულ უფრო ყურადღებიან და მომთხოვნ საერთაშორისო მომხმარებელს აკმაყოფილებენ.ბრენდს აქვს 99 მონობრენდის მაღაზია, 464 მულტიბრენდის ბუტიკი და 58 უნივერმაღი კუთხეებითა და მაღაზია-მაღაზიაში კონცეფციით მსოფლიოს 34 ქვეყანაში. ამ ქვეყნებსა და ქალაქებს უკვე თბილისიც შეემატა.

The post Harmont & Blaine appeared first on City Magazine.

ქრისტინე იმედაძის შვილი, ტაისია ჯაკობია წელს სკოლას ამთავრებს. დიდი სამზადისია. უპირველეს ყოვლისა, საგამოცდო. ტაისიას გეგმები კონსერვატორიას უკავშირდება. ამ საპასუხისმგებლო ამოცანის გარდა, არანაკლები ფიქრი და მზადებაა საბანკეტოდ. ქრისტინესგან განსხვავებით, ტაისია ბოლო ზარისთვის და ბანკეტისთვის საკმაოდ დიდი ხანი ემზადება და პროცესში, ქრისტინესთან და ოჯახობასთან ერთად, ლამის მთელი სამეგობროა ჩართული. ამ სასიამოვნო პროცესში „სითი“ და „იპეკიოლიც“ ჩაერთო.

ქრისტინე იმედაძე

მე რომ სკოლას ვამთავრებდი, ვოცნებობდი…..

– ახალ ოცნებას ვეძებდი, რადგან ვამთავრებდი ვახტანგ ჭაბუკიანის სახელობის ქორეოგრაფიულ  სასწავლებელს და თავს ვანებებდი ბალეტს… ბავშვობის პირველ და ერთადერთ ოცნებას იმ დროისთვის.  მიუხედავად პატარა ასაკისა, პროფესიაში უკვე ძალიან დიდი შრომა მქონდა ჩადებული, უამრავი თავგადასავალი გადახდენილი და ფაქტობრივად, ერთი დიდი ადამიანის ცხოვრება მქონდა გავლილი.

როგორი იყო ბოლო ზარი?

– არ მაქვს განსაკუთრებული მოგონება ამ დღესთან დაკავშირებით. რთული წელი იყო, ბევრმა სევდიანმა მოვლენამ მოიყარა ერთად თავი.

ჩემი ბანკეტის კაბა შევიძინე…

– ამ დღის ჩაცმულობაზე  სპეციალურად არ  მიზრუნია, უბრალოდ, ავაწყვე Look-ი.

ბოლო ზარის, ბანკეტის ამოჩემებული მუსიკა (საუნდტრეკი)

– ახლა დავფიქრდი და მივხვდი, რომ არც ის მახსოვს რა მეცვა, არც მუსიკა და საერთოდ, არ მიმინიჭებია დიდი მნიშვნელობა არაფრისთვის, რაც  ბოლო ზარს უკავშირდება

 ყველაზე მთავარი ამ ამბავში (ბანკეტი, ბოლო ზარი) არის….

– აი, ჩემსავით, არ აღმოჩნდეს, რომ არაფერი გახსოვს 😂 რაც შეიძლება ბევრი და კარგი მოგონება უნდა დააგროვო სამზადისიდან დაწყებული, მთავარი ღონისძიებით დასრულებული…

ჩაცმის ჩემეულ სტილს დავარქმევდი….

– ქრისტინეს მეტს ვერაფერს  დავარქმევ. მგონია, რისი ჩაცმაც არ უნდა “მომიწიოს”, მაინც ყველაფერს ჩემი ხელწერა ეტყობა. სანამ ისე არ დავსვამ ტანზე, რომ “ქრისტინე” იყოს, არ გავალ არც სცენაზე, არც კამერასთან და არც სახლიდან.

ვის რჩევას ითვალისწინებ სამოსის, სტილის შერჩევისას?

– დედა იყო ეს ადამიანი საკმაოდ დიდი ხნის მანძილზე. ძალიან მიყვარს ქართველ დიზაინერებთან კლიპზე  ან სასცენო კოსტიუმებზე მუშაობა. ამ დრომდე ვისთანაც მიმუშავია, ყველა კოსტიუმი განსაკუთრებულია. ხშირად მეგობრებსაც ვიხმარ გადაწყვეტილების მიღებაში და ალბათ, ყველაზე ხშირად აჩიკო სოლოღაშვილს ვაწუხებ.  მითუმეტეს,  როდესაც გადასაღებ ან სასცენო კოსტიუმზე მე თვითონ ვზრუნავ.

 ჩემი და ტაისიას ბოლო ზარი

– ჩემგან განსხვავებით, ტაისიამ ბოლო ზარზე ლაპარაკი შარშან დაიწყო და შეწუხებული ჰყავს სრულიად ჩემი სამეგობრო… სტუმარი რომ მოდის,  სანამ ტაისია არ დაიღლება მის გეგმებზე, კაბაზე და მიმდინარე პროცესებზე საუბრით, მე ვერ შევდივარ კონტაქტში ჩემს სტუმართან. მიუხედავად ამისა, ჯერ მაინც არ იცის რას ჩაიცვამს.

 „იპეკიოლის“  ამ სამოსიდან ყველაზე მეტად რომელი მოგწონს?

– ჩვენი არჩეული „ლუქებიდან“ ყველაზე მეტად ტაისიას ჯინსის ორეული მომწონს . თუმცა, ჩემი წყლისფერი შარვალი და ბეჟი ლაბადაც ათიდან ათია!

დღეს რომ სკოლას ვამთავრებდე…

– ალბათ,  საინტერესო იქნებოდა ამ დროში  სხვა სცენარით იმ ასაკის გავლა …. მაგრამ არა, დავტოვოთ როგორც არის …

 ტაისია ჯაკობია

 რა პროფესიას ირჩევ?

– დავამთავრე მუსიკალური შვიდწლედი. მიყვარს სიმღერა და მინდა მეტი მუსიკალური განათლება მივიღო.

ყველაზე მეტად სკოლის რომელი პერიოდი გიყვარს ან გახსენდება

– ბოლო კლასები.

 როგორი იქნება თქვენი ბოლო ზარი?

– ყველაზე ბედნიერი და თან ცოტა სევდიანიც… გული დამწყდება, სკოლა რომ აღარ იქნება ჩემს ცხოვრებაში.

ტაისია ბანკეტზე – როგორი იქნება?

– უჩვეულოდ გამოპრანჭული

რას დაარქმევდი ჩაცმის შენს სტილს

– კომფორტულს…

ამ პერიოდის შენი მთავარი მუსიკა ან სიმღერა

– ჯაზი და რეპი

„იპეკიოლის“ამ სამოსიდან რომელია შენი საყვარელი

– თეთრი კაბა

ვის რჩევას ითვალისწინებ ჩაცმისას?

– არავისას, როგორც მინდა, ისე ვიცვამ

ამ ზაფხულს მინდა დავისვენო…

– ამ ზაფხულს, უბრალოდ, მინდა  რომ დავისვენო

პროფესიის გარდა მინდა ვისწავლო…

– დიდი სიამოვნებით ვისწავლიდი ორგანზე დაკვრას

ფოტო: ლაშა ღუღუნიშვილი, ნათია ასანიძე

მაკიაჟი, თმა: ეკატერინე ჩანჩიბაძე

გადაღების ადგილი: სასტუმრო “აფიშა”

#ipekyol

The post ქრისტინე X ტაისია By IPEKYOL appeared first on City Magazine.

მსახიობ ეშლი პარკთან ერთად შექმნილი Weekend Max Mara – ს ახალი 2025 წლის გაზაფხული/ზაფხულის Signature კოლექცია სახელწოდებით “ვიქენდი ეშლი პარკთან ერთად” იდეალურ, მსუბუქ, ჰაეროვან და მეოცნებე ზაფხულის პეიზაჟს წარმოადგენს, რომელიც შექმნილია როგორც ქალაქისთვის, ასევე ზღვისპირა გარემოსთვის. 

პარკმა, რომელიც ცნობილია თავისი როლებით Beef – ში, Only Murders in the Building – ში, Joy Ride – ში და განსაკუთრებით პოპულარულ სერიალში “ემილი პარიზში”, წარმოიდგინა მრავალფუნქციური გარდერობი, რომელიც ნებისმიერი დანიშნულების ადგილისა და შემთხვევისთვისაა შესაფერისი. პარიზის ხალხმრავალი ქუჩებიდან მზით გაჯერებულ ხმელთაშუა ზღვის სანაპირომდე, ელეგანტური ხაზითა და La Dolce Vita – ს დაუდევარი ხიბლით გაჟღენთილი კოლექცია ბუნებრივ მშვენიერებასა და გლამურს ასახავს რაც ზაფხულის დაუვიწყარი თავგადასავლებისთვისაა შესაფერისი.

“კოლექციის საერთო განწყობა ზაფხულის მხიარულ სიცოცხლეს და იმ დაუვიწყარი მომენტების სიხარულსა და სიმსუბუქეს ასახავს, რომლებსაც ხმელთაშუა ზღვის თვალწარმტაც სანაპიროებზე დასვენებისას განვიცდით. ჩვენ გვსურდა გადმოგვეცა ის გლამურული სული, რომელიც სერიალ „ემილი პარიზშია“ და ის ავთენტური და მრავალმხრივი არჩევანი შეგვექმნა, რომელიც დახვეწილობას, კეთილდღეობის შეგრძნებას და კომფორტს შიკურ წონასწორობასთან აერთიანებს. თითოეული სამოსი იდეალური სამოგზაურო თანამგზავრია” – ამბობს ეშლი პარკი.

კოლექციის მოდელები მხიარული, ფლირტული და დახვეწილია. მათში იგრძნობა დროის მიღმა არსებული, თუმცა ენერგიული სიმსუბუქე, ასევე გამოირჩევა რეტრო ფემინურობის შტრიხებით, რაც გამოხატულია მომხიბვლელი ქვიშის საათის ფორმის ან სრული, გამოკვეთილი სილუეტებითა და ნატიფი დეტალებით.

კოლექციაში წარმოდგენილია Weekend Max Mara-ს რამდენიმე გადააზრებული კლასიკური ელემენტი, მათ შორის ტრენჩი, დამშვენებული ფუნჯის სტილის ექსკლუზიური პრინტით და ელეგანტური კაბები – დახვეწილი სწორი სილუეტები, დახვეწილი შიფონის შიფტები, მხრებჩამოშვებული გაშლილი მოდელები და მსუბუქი მინი კაბები. ლაიტმოტივად გვხვდება კომბინაციები: ზედები – მოცულობით ქვედაბოლოებზე, ხალტერ ტოპები – ქვედაბოლოებთან და მოკლე ბლუზები – ვიწრო შარვლებთან.  

შეხებაზე ნაზი და მსუბუქი, მაღალი ხარისხის ბამბა და სელი კოლექციის მთავარ აქცენტს წარმოადგენს. ისინი ხშირად გამდიდრებულია შიკური პრინტებით, რომლებიც ერთდროულად ნატიფი და შთამბეჭდავია – ფაქიზი ან აბსტრაქტული ფლორალური მოტივები და ასიმეტრიული, ბუნდოვანი უჯრული ნახატები. დენიმი კი იდეალური სიმსუბუქით და თანამედროვე ტექსტურითაა დამუშავებული.

ფერთა პალიტრა აერთიანებს ნაზი შერბეტისა და ახალ ტონებს, ძვირფასი ქვების ფერებს, ვარდისფერისა და ცისფერის ელფერებს.

ბრენდის Signature Pasticcino ჩანთა იდეალურად ასახავს ზაფხულის ვიბრაციას, შესრულებული ბამბის ტილოს კომბინაციებით – დაბეჭდილით ან ერთტონიანით, დახვეწილი ნაქსოვი კალათის სტრუქტურით და დამახასიათებელი ნაქსოვი ბურთულებით. ამ სეზონურ ლუქებს თასმებიანი სანდლები, მარგალიტებით მორთული ბადისებრი ბრტყელი სლინგბეკები და ცოცხალი სამკაულები ავსებს.

იქნება ეს ქალაქის ქუჩებში გასეირნება თუ სანაპიროზე დღის გატარება, მოემზადეთ მზეში სტილური გართობისთვის.

Weekend Max Mara 1983 წელს ვიქენდისთვის განკუთვნილი ყოველდღიური საგარეო ტანსაცმლის გამოშვებით დაიწყო, ამჟამად კი ავთენტური იტალიური “ლაიფსთაილ” ხაზია თავისი უნიკალური იდენტობითა და რელევანტური თვისებებით. დღესდღეობით ვიქენდ მაქს მარას ტანსაცმლისა და აქსესუარების ფართო კოლექციები ყოველგვარი ძალისხმევის გარეშე აბალანსებს დღევანდელობასა და მარადიულობას.

თანამედროვე და დახვეწილი არჩევანი აერთიანებს ფორმალურ და არაფორმალურს, რაც მას თავსებადს ხდის სხვადასხვა გარემოებებისთვის და მისი ყოველდღიური ელეგანტური მოდელები თავისუფალი ქალებისთვის იქმნება, რომელთა ინდივიდუალიზმი მოდის და სეზონების საზღვრებს სცდება. ბრენდის Signaturi Capsule კოლექციები შექმნილი ან შთაგონებული ცნობილი ადამიანების მიერ, კრეატიულია და ყოველ სეზონზე ინტერპრეტაციას უკეთებს ბრენდის სტილს რითიც უნიკალური გარდერობი იქმნება. Weekend Max Mara დაახლოებით 250 მონობრენდულ მაღაზიასა და წამყვან უნივერმაღებშია ხელმისაწვდომი.

The post ვიქენდი ეშლი პარკთან ერთად appeared first on City Magazine.

გაზაფხულის მოახლოებასთან ერთად, Weekend Max Mara ახალ სიცოცხლეს სძენს კლასიკას, სადაც მემკვიდრეობა და თანამედროვეობა ჰარმონიულადაა  შერწყმული.

კოლექციაში წარმოდგენილია სხვადასხვა სიგრძის თრენჩები –  ულტრა – მოკლედან, მოკლე და მსუბუქი ან, გრძელი და მოფრიალე. თითოეული გამდიდრებულია ისეთი ექსკლუზიური დეტალებით, როგორიცაა კაპიშონები, დაჭიმული წელის ზონრები, განიერი სახელოები და მატყლისა და ბამბის გაბარდინის კომბინაცია. კოლექციას  ლოგოთი შემკული რევერსული თრენჩი ავსებს, რომლის უკანა მხარეს Weekend – ის წარწერაა დატანილი და დეკორატიული ზოლებითაა მორთული.

Weekend Max Mara – ს თრენჩები წყალგაუმტარი თვისებებით გამოირჩევა და იდეალურად აბალანსებს ფორმასა და ფუნქციონალობას, რაც მათ ბუნებაში მოგზაურობისთვის შეუცვლელ არჩევანად აქცევს.

Weekend Max Mara 1983 წელს ვიქენდისთვის განკუთვნილი ყოველდღიური საგარეო ტანსაცმლის გამოშვებით დაიწყო, ამჟამად კი ავთენტური იტალიური “ლაიფსთაილ” ხაზია თავისი უნიკალური იდენტობითა და რელევანტური თვისებებით.

დღესდღეობით  Weekend Max Mara  – ს ტანსაცმლისა და აქსესუარების ფართო კოლექციები ყოველგვარი ძალისხმევის გარეშე აბალანსებს დღევანდელობასა და მარადიულობას. თანამედროვე და დახვეწილი არჩევანი აერთიანებს ფორმალურ და არაფორმალურს, რაც მას თავსებადს ხდის სხვადასხვა გარემოებებისთვის და მისი ყოველდღიური ელეგანტური მოდელები თავისუფალი ქალებისთვის იქმნება, რომელთა ინდივიდუალიზმი მოდის და სეზონების საზღვრებს სცდება. ბრენდის Signaturi Capsule კოლექციები შექმნილი ან შთაგონებული ცნობილი ადამიანების მიერ, კრეატიულია და ყოველ სეზონზე ინტერპრეტაციას უკეთებს ბრენდის სტილს რითიც უნიკალური გარდერობი იქმნება.

Max Mara დაახლოებით 250 მონობრენდულ მაღაზიასა და წამყვან მოლებშია ხელმისაწვდომი.

The post ვიქენდი ბუნებაში appeared first on City Magazine.

მემფისში, ტენესის შტატში დაბადებული ჰეილი, რომელიც ცნობილი გახდა სერიალებიდან Pretty Little Liars, The Hating Game, Puppy Love და Which Brings Me To You, კოლექციას „Joyroad“ აღწერს, როგორც “მხიარულს, ავთენტურს და დასავლურს”. ჰეილი თავის წინაპართა ფესვებში წარმოსახვითი მოგზაურობით იყო შთაგონებული, რის შედეგადაც მან ბუნების მიმართ საკუთარი სიყვარული გამოიკვლია და ინდივიდუალურობა, თვითმიღება და თავისუფალი სული მოიძია. როდესაც საკუთარი შინაგანი კომპასი გიხელმძღვანელებს, საბოლოო დანიშნულება ნებისმიერი რამ შეიძლება იყოს, მაგალითად მიზანი, ადგილი ან მიღწევა.

საერთო უდარდელი განწყობა იდეალურად ერგება Weekend Max Mara-ს დასვენებულ კოდებს.

„Weekend Max Mara ავთენტურობისა და თავისუფალი სულის ღირებულებებს განასახიერებს, იმ ორ პრინციპს, რომელთა მიხედვითაც ვცდილობ ვიცხოვრო. ეს ღირებულებები ამ კოლექციის შესაქმნელად მყარი საფუძველი იყო. ჩვენ თავიდანვე ვიზიარებდით იმ ხედვას, რომ ამერიკულ დასავლურ ესთეტიკას უნდა შევეგებოთ და შევქმნათ ისეთი ტანსაცმელი, რომელიც თვითგამოხატვას წაახალისებს,“ – ამბობს ჰეილი.

ეს ხასიათი წარმოადგენს დასავლური სულისკვეთების, ურბანული ხიბლისა და გარე გამძლეობის სრულყოფილ ბალანსს. ფრინჯის ელემენტები კოვბოის რიტმს ასახავს, ამ ელემენტებითაა მორთული რბილი ტყავის ქურთუკი, ზამშის შარვლები და ლეგენდარული “პასტიჩინოს” ჩანთა, რომელიც მდიდარია დაწნული დეკორაციებითა და გახუნებული ლითონის შესაკრავებით. თავისუფალი სტილის ჯინსებისა და მინი ქვედაბოლოების ღია ლურჯი ზღვა მქრქალი ტონების სთადებიანი ნაქარგებით ან ჩიაროსკუროს ეფექტებით არის მორთული.

გარე ტანსაცმელი მსუბუქია, ესენია გაუჩოს სტილის ბომბერი, საველე ქურთუკები, პარკა, მონტგომერის ქურთუკი და მყარი შალის ქურთუკი, რომელსაც ნაქსოვი სახელოები აქვს. ნაქსოვები უზორებიანია ან ფერადი ყვავილოვანი აპლიკაციებითაა მორთული. ზამთრის პალიტრა ტალახიანი ან თაფლისფერი მიწის ტონებზე, მუქ მწვანესა და ღია ლურჯზე აკეთებს აქცენტს.

ახალი მოშვებული დენიმის სთადებიანი “პასტიჩინო პილეს” ჩანთა, ვინტაჟის სტილის კოვბოის ჩექმები და ბეისბოლის ქუდი კოლექციის რიტმს აძლიერებენ. მსგავსად, თვალისმომჭრელი სამკაულების არჩევანი, მათ შორის ყელსაბამი, ბეჭედი და მყარი სამაჯური, შექმნილია გახუნებული ლითონისგან და გაფორმებულია ყვავილის ელემენტით.

გაითავისე ეს განწყობა და გადადგი ნაბიჯი ველურ მხარეში.

Weekend Max Mara 1983 წელს ვიქენდისთვის განკუთვნილი ყოველდღიური საგარეო ტანსაცმლის გამოშვებით დაიწყო, ამჟამად კი ავთენტური იტალიური “ლაიფსთაილ” ხაზია თავისი უნიკალური იდენტობით და რელევანტური თვისებებით. დღესდღეობით ვიქენდ მაქს მარას ტანსაცმლისა და აქსესუარების ფართო კოლექციები ყოველგვარი ძალისხმევის გარეშე აბალანსებს დღევანდელობას და მარადიულობას. თანამედროვე და დახვეწილი არჩევანი აერთიანებს ფორმალურ და არაფორმალურს, რაც მას თავსებადს ხდის სხვადასხვა გარემოებებისთვის და მისი ყოველდღიური ელეგანტური მოდელები თავისუფალი ქალებისთვის იქმნება, რომელთა ინდივიდუალიზმი მოდის და სეზონების საზღვრებს სცდება. ბრენდის Signaturi Capsule კოლექციები შექმნილი ან შთაგონებული ცნობილი ადამიანების მიერ, კრეატიულია და ყოველ სეზონზე ინტერპრეტაციას უკეთებს სახლის კოდებს რითიც უნიკალური გარდერობი იქმნება. Weekend Max Mara დაახლოებით 250 მონობრენდულ მაღაზიაში და წამყვან უნივერმაღებშია ხელმისაწვდომი.

The post Weekend Max Mara წარმოგიდგენთ: Joyroad ლუსი ჰეილის მიერ: უდარდელი დასავლეთის ვაიბები appeared first on City Magazine.

საქართველო პირველია, სადაც ბრენდმა თავისი პროდუქცია გაიტანა. ველოდებით ევროპისა  და დუბაის ფილიალებს. 

რობიუთი საინტერესო ბრენდია იმით, რომ სხეულის მოვლასთან ერთად, მის სილამაზესა და იერზე ზრუნავს.

მრავალფეროვანი სკრაბები, გაჯერებული ეთერზეთებით: მათი ტექსტურა თავის საქმეს ისე აკეთებს, რომ არ ჩხაპნის კანს, არ იპნევა.  შესაბამისად, ეკონომიურიცაა. დასკრაბვის შემდეგ კანი დატენიანებულია და კრემს არ საჭიროებს. მიკრო ნაწილაკები კი  ტანს სიბზინვარეს ანიჭებს.

რობიუთი შიმერი უნივერსალურია, იღებთ რუჯს, ხართ დაცული , ხოლო  4 სახის ეთერზეთი  კანს კვებავს და ატენუანებს. ფერთა პალიტრა ნებისმიერი გოგოს გემოვნებას მოერგება.

ტანის ჰაილაითერი სხეულის სილამაზეა, ის თითქოს დნება კანზე და მას ერთგვაროვანს და კრიალას ხდის. ფერები აქაც ულამაზესია. 

რობიუთის აბრეშუმის ფლუიდი, რომელიც ასე შეიყვარეს უკვე საქართველოშიც, თქვენი მეორე კაბაა. ჰიალურონით მდიდარი ტექსტურა კანს აბრეშუმივით ნაზს ხდის, მოვერცხლილი ნაწილაკები კი მას ზომიერ სიბზინვარეს აძლევს. 

რობიუთის  გაცნობა  და შეძენა სითის ვებგვერდიდან შეგიძლიათ, პროდუქცია აგვისტოს ფასებითაა წარმოდგენილი და მას შეძენიდან 24 საათში მიიღებთ.

The post Robeauty სითის ონლაინ მაღაზიაში  appeared first on City Magazine.

შენს სამკაულს პოვნა უნდა. მას შენი ხასიათი უნდა ჰქონდეს, შენი იერი. ის მერე შენი ცხოვრების ნაწილი ხდება და ბევრ რამეს ყვება შენზე. 

ასე შეიქმნა და დაიწყო ათი წლის წინ მშვენიერი გოგოს, ნათია ჩინჩალაძის, და მისი NC Jewellery-ის ისტორია. 

პროფესიით ფილოლოგისთვის დღეს ეს სამყარო მაინც ჰობია, იმის მიუხედავად, რომ მის მიერ შექმნილი ნაკეთობები გამორჩეული და განსაკუთრებულია. 

ნათია მუშაობს მხოლოდ ოქროზე, ვერცხლსა  და ბუნებრივ ქვებზე. თავიდან ბოლომდე მისი ქმნილებაა: იდეა, ესკიზი, ქვების თუ ლითონის შერჩევა და შექმნა. თითოეული  მათგანი ხელნაკეთია და რომ დააკვირდე, თემას დაწერ ცნობილი სათაურით:” ქალთა სახეები…. ”  

ქალების და გოგოების შესახებ დაკვირვება არც სჭირდება ნათიას. ის სამი ქალიშვილის დედაა და ერთი გოგოს ბებია. 

იცით,  მალე ორ შვილიშვილს ელოდება და ისინიც გოგოები არიან. უთუოდ, ახალ

სახეებსა და ფერებს შემოიტანენ ულამაზეს სახლში სახელად NC JEWELLERY.

NC JEWELLERY-ის სრული კოლექციის ნახვა ფეისბუქ გვერდზე შეგიძლიათ.

The post NC JEWELLERY appeared first on City Magazine.

ნიტერიაში საოცრად ნიჭიერი და საქმეზე შეყვარებული ადამიანები მუშაობენ. ყოველ კოლექციაში დაიჭერთ ქართული ელემენტების თანამედროვე წაკითხვას. ნიტერიას შემქმნელების მიზანი და სურვილი ნაქსოვი ტანსაცმლის პოპულარიზაციაა და ამიტომ თითოეული სამოსის შექმნას დიდ დროს და ენერგიას უთმობენ.

ნიტერიას კოლექციის ნახვა და შეძენა ონლაინ შეგიძლიათ.

ჩვენი ინსტაგრამ გვერდი

ფეისბუქ გვერდი

მოდელი: ქრისტო ჭიჭინაძე

ფოტოგრაფი: ალექსანდრე გვენცაძე

მაკიაჟი: ტაისია ერაძე

The post Knitteria – ნიტერია – ქართული ნაქსოვი სამოსი appeared first on City Magazine.

როგორც უკვე გითხარით, „პარიზს“ საკმაოდ დიდი ისტორია აქვს. შეუძლებელია არ აღვნიშნოთ, რომ ეს მაღაზია იყო პირველი, რომელმაც მისცა დასაბამი ქალაქის რიტმს მოდის ინდუსტრიაში.  სწორედ მან გადადგა პირველი ნაბიჯები  ჯერ კიდევ მაშინ, როცა ლამაზ ვიტრინიანი მაღაზიები ჩვენთვის დასავლეთთან, მეტად განვითარებულ ქვეყნებთან ასოცირდებოდა და მიუწვდომელ ხილად გვეჩვენებოდა. მან ასწავლა ადამიანებს კონსულტანტთან გასაუბრება თუ რჩევის მიღება.  გარდა იმისა, რომ თავად მაღაზია ძალიან სწორად ვითარდებოდა, ის ზრდიდა და ავითარებდა საკუთარ მომხმარებელსაც, აყალიბებდა გემოვნებას. ერთი  მეორეს ეტყოდა და ასე, ნელ-ნელა იზრდებოდა ცნობადობაც. „პარიზი“ იყო პირველი მაღაზია, რომელიც გამოირჩეოდა ნაფიქრი ვიტრინებით. ისე დელიკატურად იყო შერჩეული თითოეული დეტალი, არასდროს რჩებოდა განცდა, რომ იქ რაღაც შემთხვევით მოხვდა.  ასეა დღესაც.  

 მაღაზიების სწორი განლაგება, თვალში მოსახვედრი ვიტრინა და ულამაზესი ინტერიერი  – სწორედ ეს იყო  იყო იმ ფაქტორთა შორის, რითაც მომხმარებელმა „პარიზი“ სხვა მაღაზიებს შორის გამოარჩია. ორივე ფილიალი ქალაქის ცენტრშია, პროსპექტს გაჰყურებს. თანამედროვე, ულამაზესი ვიტრინების შერწყმა ძველი არქიტექტურის ფასადებთან, ქალაქის ურბანული განვითარების ნაწილია და განსაკუთრებულ ყურადღებასაც იპყრობს.

გადავწყვიტე წარმატების ფორმულაზე მეტი რამ უშუალოდ მაღაზიის დამფუძნებლისგან გამეგო და ლია ჩეკურიშვილს გავესაუბრე:

– თითქმის 22 წელია, რაც მოდის ინდუსტრიაში ხართ. შეინარჩუნო პოზიცია წამყვან და მოთხოვნად მაღაზიათა შორის ამდენი წლის განმავლობაში, არ არის მარტივი. როგორ ფიქრობთ, რამ განაპირობა ეს ყველაფერი?

„მაღაზიამ ბევრ ქარცეცხლს გაუძლო. ბევრმა ფაქტორმა განაპირობა ჩვენი წარმატება:

•         კავშირები მხოლოდ წამყვან ევროპულ ბრენდებთან — ფრანგული, იტალიური, გერმანული, ავსტრიული, კანადური, ამერიკული; BOGNER, MARCCAIN, WINDSOR, WEILL, DOROTHEE SHUMACHER, RIANI, HARMONT &BLAINE, ELISA FANTI, BEATRICE, PIERO MORETTI, BRAX, MICHAEL KORS და სხვა;

•         ამ ბრენდების პროდუქცია საქართველოში მხოლოდ „პარიზში“ იყიდება

•         აკმაყოფილებს ყველა ტიპის მომხმარებლის გემოვნებას, რადგან არის როგორც ლუქს, ასევე საშუალო დონის ბრენდები;

•         მხოლოდ ახალი კოლექციები,  რომელიც აუცილებლად ემთხვევა საზღვარგარეთ არსებულს;

•         პროფესიონალი კონსულტანტები;

•         ყველა მომხმარებელთან ინდივიდუალური მიდგომა;

ეს ერთობლიობა ქმნის წარმატებული ბიზნესის ფორმულას. თავის მხრივ, თითოეულში ბევრი დეტალი ერთიანდება. მაგალითად, კოლექციის შერჩევისას, როგორც იტყვიან, ხელი მომხმარებლის პულსზე გვიდევს. აუცილებლად ვითვალისწინებთ ქართულ ბაზარს, გემოვნებასა და მოთხოვნებს როგორც ფერების, ასევე სტილისა და ზომების კუთხით. მაქსიმალურად ვცდილობთ ჩვენი კოლექციები მოვარგოთ არა ტურისტებს, არამედ ადგილობრივ მოსახლეობას, რაც ჩვენი მთავარი გამოწვევაა.

თუმცა, როგორი გასაოცარი კოლექციაც უნდა გქონდეს, თუ არ გყავს პროფესიონალი კონსულტანტი, რომელთან მისვლაც მომხმარებელს უყვარს და ენდობა, რომელსაც შეუძლია სწორი რჩევა მისცეს როგორი სტილის შარვალი ან კაბა მოუხდება მას, მომხმარებელს მომენტალურად კარგავ. გვქონია შემთხვევები, როდესაც კონკრეტული ღონისძიებისთვის 15 წუთში გამოგვიწყვია მომხმარებელი და პირდაპირ წვეულებაზე გაგვიშვია.

სწორედ ეს არის მნიშვნელოვანი და ერთ-ერთი მთავარი მიზეზი რატომაც სწორედ ჩვენს ბუტიკში მოდის მომხმარებელი.  არანაკლებ მნიშვნელოვანია გარემო და ინტერიერი,რომელიც ძალიან მოსწონთ და ყოველთვის აღნიშნავენ, რომ  აქ ხვდებათ განსაკუთრებული სითბო და სილამაზე, რასაც არა მხოლოდ ქართველი მომხმარებელი, არამედ ტურისტიც აფიქსირებს და გვიტოვებენ ჩანაწერებს, რაც მეტად სასიამოვნოა.

სწორედ ეს არის მნიშვნელოვანი და ერთ-ერთი მთავარი მიზეზი, რატომაც მოდის ჩვენს მაღაზიაში  მომხმარებელი. ასევე, მნიშვნელოვანია გარემოც, თუ რამდენად კეთილმოწყობილია ინტერიერი.

უმეტესწილად, მომხმარებლები საფასო პოლიტიკას ამოწმებენ. რაც ღირს საზღვარგარეთ, იგივე უნდა ღირდეს ჩვენთან. დღეს იმდენი ონლაინ პლატფორმა არსებობს, თუ მომხმარებელი ფასში დაინახავს სხვაობას, რა თქმა უნდა, ჩვენთან არ იყიდის. შევძელით და ერთგული მომხმარებელი უკვე ისე მოგვეჩვია, მას ურჩევნია საზღვარგარეთ ვიზიტისას დრო შოპინგზე არ დახარჯოს, რადგან იცის, როდესაც დაბრუნდება, ჩვენს მაღაზიაშიც შეძლებს ზუსტად იმავეს შეძენას. რაც მთავარია, ვიწერთ ისეთ ზომებსაც, რაც ხშირად ევროპაში მიუწვდომელია.

ეს არის რამდენიმე ძირითადი მომენტი, რის გამოც ჩვენს მაღაზიებზე არის მოთხოვნა. ერთი სიტყვით, იმისთვის რომ ბიზნესმა ნორმალურად ფუნქციონირება შეძლოს, ყველაფერი უნდა გათვალო. მათ შორის, ქვეყნის ეკონომიკური თუ პოლიტიკური მდგომარეობაც.  წარმატებას ძალიან ბევრი შრომა და  ნერვები ქმნის“.

– თქვენს მაღაზიაში წარმოდგენილი სამოსი  მხოლოდ ფრანგული არ არის. მაშინ, რატომ „პარიზი“?

 „ჰო, ეს საინტერესო ამბავია. Paris Expo Porte de Versailles არის ყველაზე დიდი საგამოფენო და საკონფერენციო ცენტრი პარიზში,  სადაც ყოველწლიურად იკრიბებიან  მოდის  ინდუსტრიის წამყვანი წარმომადგენლები. ჩვენს მაღაზიაში წარმოდგენილი ძირითადი ბრენდებიც სწორედ აქ, Pret A Porter Paris-ის გამოფენაზე აღმოვაჩინეთ. სწორედ ასე გადავწყვიტეთ პარიზის ეს სივრცე საქართველოში გადმოგვეტანა“.

ავტორი: თამარ გუნთაიშვილი

ფოტო: ნათია ასანიძე/LIG Studio

The post პარიზი – თბილისი appeared first on City Magazine.

Harmont & Blaine-ი ცნობილია თავისი გამორჩეული Dachshund (ტაქსას) ბლეინის ლოგოთი.  კომპანიის სათავო ოფისი კამპანიის რეგიონის ქალაქ ნეაპოლში მდებარეობს და მსოფლიოს 46 ქვეყანაშია წარმოდგენილი.

საქართველოში ამ ახალი მაღაზიის გახსნით, კომპანია აგრძელებს თავისი გაფართოებისა და უცხოურ ბაზრებზე შესვლის გზას და შემოაქვს  თავისი საფირმო დახვეწილი casual (ყოველდღიური) სტილი ქალაქ ბათუმში, შავი ზღვის ლამაზ სანაპიროზე.

იტალიური ბრენდი მამაკაცის, ქალისა და ბავშვის სამოსს ქმნის, თუმცა ახალ მაღაზიაში, ექსკლუზიურად მხოლოდ მამაკაცის ხაზი იქნება წარმოდგენილი. მაღაზიის სტუმრებს შემოდგომა-ზამთრის 2023 წლის მამაკაცის სამოსისა და აქსესუარების კოლექცია დახვდებათ.

ბათუმში არსებული სივრცე შთაგონებულია ბრენდის იტალიური ფესვებისა  და ხმელთაშუა ზღვის წარმომავლობით,  რომელიც გადმოსცემს სიმარტივის, სიმსუბუქის და ერთიანობის ღრმა გრძნობას. ახალი ინტერიერი წარმოადგენს Harmont & Blaine-ის ფერების სიყვარულის არსს, რომელიც გამოირჩევა ლურჯის დამამშვიდებელი ეფექტით და ოხრას შეხებით, შერეული ბუნებრივ და თანამედროვე ელემენტებთან, როგორიცაა ხე,  ფოლადი და LED (ლედ) განათება.

Harmont & Blaine-ის მამაკაცის კოლექცია მოიცავს როგორც ფუნქციონალურობისა და მხატვრობის სამყაროს განვითარებულ კონცეფციებს, ასევე ბუნებაში დასვენებას და

აპრის-სათხილამურო გამოცდილებას. სეზონი იხსნება Elevated Utility (გაზრდილი სარგებლობის)   გარდერობით, რომელიც ორიენტირებულია სიმსუბუქესა და კომფორტზე, შემდეგ წარმოგიდგენთ Art Academy (ხელოვნების აკადემიის) თემას, რომელიც შთაგონებულია მხატვრის პალიტრით, ბოლოს კი ცის ლაუნჯის Sky Lounge Drop (ცის ლაუნჯის)  თემით ქალაქიდან მთებში ინაცვლებს.

Harmont & Blaine-ი ახალ კოლექციაშიც აგრძელებს თავის   გზას – მუდმივ კავშირს ბრენდის კრეატიულობასა და პლანეტის რესურსების დაცვის ვალდებულებას შორის. კოლექცია შეიცავს მრავალფეროვან პროდუქტს, რომლებიც დამზადებულია ინოვაციური პროცესების, რეციკლირებული ბოჭკოების და ორგანული მასალების გამოყენებით. , გარემოზე დაბალი ზემოქმედებით.გადამუშავების პროცესის წყალობით, კომპანია ნარჩენ ბოჭკოებს მეორე სიცოცხლეს ანიჭებს. რაც ადასტურებს ბრენდის მიდგომას და მის მუდმივ განვითარებას პლანეტის დასაცავად

ბრენდის საქართველოში ტერიტორიული გაფართოების ფარგლებში იგეგმება მეორე მაღაზიის თბილისში გახსნა, სადაც ბრენდმა უკვე შეარჩია პრესტიჟული ლოკაცია ჭავჭავაძის გამზირზე, ვაკეში.

Harmont & Blaine SpA

Harmont & Blaine იტალიური კომპანიაა, რომელიც გამოირჩევა ცნობილი Dachshund-ის ბრენდით, რომელიც აწარმოებს მაღალი ფენის, მაღალი დონის, ყოვედლღიური, ნახევრად ფორმალურ,ჭკვიანურ , კომფორტულ  ტანსაცმელს ბაზრის პრემიუმ სეგმენტისთვის. 600-ზე მეტი პირდაპირი თანამშრომლით და 1000-ზე მეტი ინდუქციით, Harmont & Blaine S.p.A–ს  შტაბ-ბინა ნეაპოლში მდებარეობს. ბრენდი მტკიცედ არის აღიარებული იტალიაში და მის ფარგლებს გარეთ ხმელთაშუა ზღვის ცხოვრების სტილის წარმოდგენით,, კოლექციებით, რომლებიც ხასიათდება მაღალი ხარისხით და ფერების, ფორმებისა და ახალი მასალების მუდმივი ძიებით, რომელიც აკმაყოფილებს მზარდი ყურადღებიანი და მომთხოვნი საერთაშორისო მომხმარებელს. Harmont & Blaine-ს შეუძლია დაეყრდნოს 99 მონობრენდული მაღაზიის სადისტრიბუციო ქსელს, 464 მულტიბრენდული ბუტიკისა და 58 უნივერმაღის კუთხეებითა და მაღაზიებით მსოფლიოს 46 ქვეყანაში.

www.harmontblaine.com

The post Harmont & Blaine-მა საქართველოში პირველი მაღაზია ქალაქ ბათუმში გახსნა appeared first on City Magazine.