“სითი”  ფიზიოთერაპევტ-რეაბილიტოლოგს, მაკო ციგრიაშვილს  ესაუბრა, რომლის ოჯახში თითქმის ყველა წევრი ავიაციასთან იყო დაკავშირებული. მაკოსაც მთავარი საქმე სხვა სფეროში უნდა ეპოვა. რეალობამ კი სულ სხვა, ბევრად უფრო რთული და ემოციური მარშრუტი დაუხაზა.  ჩააბარა საბაჟო აკადემიაში, დაამთავრა ბაკალავრიატი, შექმნა ოჯახი… ამ ეტაპიდან კი მისი პროფესიული არჩევანი შეიცვალა.

ვსაუბრობთ მაკო ციგრიაშვილთან – “ჟორდანიას სამედიცინო ცენტრის” ფიზიოთერაპევტ-რეაბილიტოლოგთან, რომლისთვისაც ყველა გამოჯანმრთელებული პაციენტი დიდი გამარჯვებაა.

პროფესიული გზის პირველი ნაბიჯები და მთავარი პაციენტი

მაკოს პროფესიული არჩევანი პასუხისმგებლობასა და შიშთან იყო დაკავშირებული. 19 წლის ასაკში გახდა დედა და ცხოვრებამ დიდი გამოწვევის წინ დააყენა; შვილის გამო პროფესიის რადიკალური ცვლილება მოუწია. დაიწყო სწავლა საქართველოში, შემდეგ – უცხოეთში.

– ჩემი პირველი პაციენტი ჩემი შვილი იყო. შემდეგ – პროფესიული გზა და ეს არ იყო მარტივი. დიდი შიშიც მქონდა, სანამ არ მითხრეს –  მაკო, შენ შეგიძლია! მანამდე შორიდან ვაკვირდებოდი, სიღრმისეულად ვსწავლობდი. შემდეგ, ჩემმა ახლო მეგობარმა მირჩია მუშაობა დამეწყო.  ამ ბიძგით გავაგრძელე ეს საქმე. მყავდა საკმაოდ რთული პაციენტები, გადაადგილება რომ უჭირდათ, მაგრამ დავიწყეთ, და დავიწყეთ ძალიან წარმატებით… 

პირადი გამოცდილება ნელ-ნელა პროფესიულ საქმიანობაში გადაიზარდა. იყო შემთხვევები – პროფესიულად და ემოციურადაც გარდამტეხი. ერთ-ერთი ასეთი ისტორია მაკოს 60 წლის პაციენტს უკავშირდება. 

ყველაზე რთული პაციენტი

– საკუთარ თავსაც ვერ ვაჯერებდი, რომ მე შევძლებდი მის ფეხზე დაყენებას. პალატიდან რომ გამოვდიოდი, უიმედოდ ვიყავი, მაგრამ არ ვიმჩნევდი. 2 თვიანი მუშაობის შემდეგ, პაციენტმა ფეხზეც გაიარა და დღეს თავის მეუღლეს უვლის. იგივე შემთხვევა გვაქვს დღეს ჟორდანიას კლინიკაშიც, პაციენტმა კიდურები რომ გაამოძრავა, ვტიროდი სიხარულისგან. ნდობა უპირველესია, მისი მოპოვება ძალიან რთულია, შენარჩუნება – კიდევ უფრო.

რეაბილიტაცია მხოლოდ ფიზიკური პროცესი არ არის. მაკო ხშირად უსვამს ხაზს, რომ თითოეული პაციენტი ინდივიდუალურ მიდგომას საჭიროებს – არა მხოლოდ სამედიცინო, არამედ ემოციურ დონეზეც. მისთვის უმნიშვნელოვანესია ის ემოციური კავშირი, რომელიც კაბინეტის კედლებს მიღმაც გრძელდება.   

ნდობა – მთავარი საფუძველი

– მადლიერი პაციენტი არის ჩემთვის ყველაზე ძვირფასი და მნიშვნელოვანი. ყველა პაციენტი მიყვარს, ყველა მათგანი მახსოვს. დღეს ერთ-ერთს ვეუბნებოდი, ინტერვიუზე მივდივარ-მეთქი და მითხრა, აუცილებლად თქვი, რომ გარდა ჯადოსნური ხელებისა, ჯადოსნური ხასიათით მკურნალობთ პაციენტებსო. ძალიან სასიამოვნოა ამ ყველაფრის მოსმენა. როცა პაციენტს ეხმარები ტრავმასთან ბრძოლაში, ეხმარები გადაიტანოს როგორც ფიზიკური ისე  ფსიქოლოგიური ტკივილი, არ ივიწყებ მის ისტორიას და მეორე დღეს კითხულობ, როგორი სასიამოვნოა, ხომ?

Art of Care – გარემო, სადაც სტრესი ქრება

დღეს ადამიანები სულ უფრო დიდ ყურადღებას უთმობენ ფიზიკურ მედიცინასა და რეაბილიტაციას, რომელიც შესაძლებელია პრაქტიკულად ჯანმრთელ ადამიანსაც დასჭირდეს, მაგრამ ტრავმის, ოპერაციის და სხვადასხვა დაავადების დროს, ფუნქციური შეზღუდვების არსებობისას, აუცილებელია კურსის ჩატარება. 

დღეს მაკო ციგრიაშვილი იმ გუნდთან ერთად მუშაობს, რომელიც უკვე განვითარების ახალ ეტაპზეა. სივრცეში, რომელიც პაციენტებისთვის კომფორტსა და სიმშვიდეს ქმნის. მათი საქმიანობა სცდება მხოლოდ ადგილობრივ პრაქტიკას. ამ პროცესში  განსაკუთრებული მნიშვნელობა აქვს გუნდურ მუშაობას, ერთიან ხედვას, გადაწყვეტილებების კოლექტიურად მიღებასა და მუდმივ ჩართულობას. 

Art of Care – ეს  არის მიდგომა, რომელიც აერთიანებს დამოკიდებულებას პაციენტის მიმართ,  სამედიცინო სიზუსტესა და ესთეტიკურ ხედვას.

– როგორ ხვდებით პაციენტს და როგორია ის გარემო, რომელშიც დღეს მუშაობთ?

– მთლიან გუნდში, ყველა აღნიშნავს რომ განსხვავებული აურაა, დადებითად განწყობილი, სტრესი გეხსნება. როცა პაციენტის პროგრესს ხედავ, ეს დიდი სტიმულია. სალომე სვანაძე არის ადამიანი, რომლის სულ მადლიერიც ვიქნები. ვიზუალურად ულამაზესი ხომ არის, დადებითი, ამ ადამიანში ყველაფერი კარგია, ისეთ ჯადოსნობებს ქმნის, რომ რთულია ის არ გააგრძელო, მისგან მაგალითი არ აიღო, მუდმივად ვითარდები, მუდმივად რაღაცას სწავლობ, ეს სასწაულია… სალომე მეც, როგორც პაციენტმა,  ისე გავიცანი. ეს შეხვედრაც ერთგვარი ბედისწერა იყო.

– ახლა რა ეტაპზე ხართ თქვენ და თქვენი გუნდი?

– დღეს ჩვენი გუნდი საკმაოდ მაღალ საფეხურზეა. ძალიან დიდი ამბები გველის წინ.  დიდ წინსვლებს ვგეგმავთ, რაც განვითარების კუთხით უკავშირდება კოლაბორაციას სხვადასხვა კომპანიასთან. დავიწყეთ სამედიცინო ტურიზმი. ბევრი პაციენტი გვყავს უცხოეთიდან… 70 პროცენტი ამ ეტაპზე უცხოელი პაციენტია.  

– რას სთავაზობთ მომხმარებელს?

– ჩემთვის, როგორც რეაბილიტოლოგისთვის, სხეულის ჰარმონიზაცია მხოლოდ ფიზიკურ აღდგენას არ ნიშნავს. ეს არის პროცესი, რომელიც მოიცავს როგორც სხეულს, ისე ადამიანის შინაგან, ემოციურ მდგომარეობას.

როდესაც პაციენტი მოდის ჩემთან, პირველ რიგში, ვცდილობ დავინახო მისი სრული სურათი – არა მხოლოდ დიაგნოზი ან პოსტოპერაციული მდგომარეობა, არამედ მისი განცდები, მოლოდინები და მიზნები. სწორედ ამიტომ, თითოეულ პაციენტთან მუშაობა ინდივიდუალურ მიდგომას მოითხოვს. ჩემი ყოველდღიურობა სავსეა განსხვავებული ქეისებით, ისტორიებით და შედეგებით. ეს მრავალფეროვნება მაძლევს საშუალებას მუდმივად განვვითარდე და თითოეულ პაციენტს შევთავაზო რეაბილიტაციის მაქსიმალურად ეფექტური და მიზანმიმართული პროცესი.

განსაკუთრებულ ყურადღებას ვუთმობ პოსტოპერაციულ და რეაბილიტაციურ აღდგენას, სადაც ვიყენებ ინდივიდუალურად შერჩეულ პროტოკოლებს. ეს პროცედურები არ არის მხოლოდ ტექნიკური – ისინი მიმართულია იმაზე, რომ პაციენტმა დაიბრუნოს არა მხოლოდ ფიზიკური ფუნქცია, არამედ თავდაჯერება და კომფორტი საკუთარ სხეულში. ჩემთვის ყველაზე დიდი შედეგი არის ის მომენტი, როცა პაციენტი სარკეში იხედება და კმაყოფილია საკუთარი თავით. ეს არის ნამდვილი წარმატება  როგორც მისთვის, ისე ჩემთვის.

წლებთან ერთად შეიძლება შეიცვალოს გამოცდილება, მიდგომები, გარემო, მაგრამ ერთი რამ უცვლელი რჩება – პროფესიისა და პაციენტების მიმართ ერთგულება.

– დღეს არის პროფესიის სიყვარული, საინტერესო ისტორიები და პაციენტები – რას ხედავთ წინ?

– წინ ვხედავ ძალიან დიდ პერსპექტივას, დიდ მასშტაბს. Art of Care-ის იდეაც ესაა. ვფიქრობ, წინ ჩვენი გუნდის დიდი წარმატებაა! მომავალში თუ იქნება შესაძლებლობა რომ გავაკეთო ცალკე რეაბილიტაციის ცენტრი Art of Care-ის ბაზაზე, ის 15 წლამდე ბავშვებისთვის იქნება სრულიად უფასო. ეს ხომ ჩემი ლუკას, ოჯახის, ჩემი შვილების დამსახურებაა და ჩემი მეგობრის, რომელმაც სალომეს შემახვედრა. უზომოდ მადლიერი ვარ…

არასდროს არ უნდა დანებდე. რაც  უნდა რთული ეტაპი იყოს, ყოველთვისაა ნათელი სხივი, რაც გამოსავალი შეიძლება იყოს. რა საქმესაც აკეთებ, გულით უნდა გააკეთო, წარმატებაც მოვა. ჩემთვის პირველია ჩემი შვილები – ლუკა და რატი.  შემდეგ , Art of Care, ჩემი მეგობრები, ხალხი, რომელიც გარშემო მყავს – ესაა ჩემი ძალა, რომ ვაკეთო ის, რაც მიყვარს.

მაკო ციგრიაშვილისთვის რეაბილიტაცია დიდი ხანია გაცდა პროფესიის ფარგლებს – ეს არის პასუხისმგებლობა, რომელიც წლების წინ პირადი გამოცდილებით დაიწყო და დღეს არაერთი ადამიანის მთავარ იმედად იქცა. იქცა თავისუფლების სივრცედ, სადაც თითოეული პაციენტი და პროფესიული ნაბიჯი დიდი გამარჯვებაა.

ტექსტი: კესო ბოჭორიშვილი

ფოტო: ნათია ასანიძე

The post მაკო ციგრიაშვილი და რეაბილიტაციის ხელოვნება appeared first on City Magazine.

კამპანიის ფარგლებში, ბრენდი მაყურებელს უკვე კარგად ნაცნობი ვიდეორგოლის განახლებულ ვერსიას, განსხვავებული დასასრულით სთავაზობს.  

ირინა კეიდია, მარკეტინგის დირექტორი, IDS ბორჯომი საქართველო:

„ჩვენი მიზანია, რომ ამ კამპანიით ჯანსაღი ცხოვრების წესი და ზრუნვის ელემენტები უფრო პოპულარული გავხადოთ და საზოგადოებას მისი მნიშვნელობა კიდევ ერთხელ შევახსენოთ. სწორედ ამიტომ, ვაგრძელებთ გიორგი მიქაუტაძესთან თანამშრომლობას, რომელიც წელს კიდევ უფრო მრავალფეროვანი გახდება. ვიდეორგოლთან ერთად, მომხმარებელს „ბაკურიანის” ლიმიტირებულ შეფუთვას ვთავაზობთ. ახალი ეტიკეტი ინარჩუნებს ძირითადი დიზაინის ხაზს, თუმცა დამატებულია ფერადი დეტალები, გიორგი მიქაუტაძის პორტრეტები და კამპანიის გზავნილი – „მიყვარს, მიყვარს „ბაკურიანი”. ვფიქრობ, რომ ჩვენი თანამშრომლობა წელსაც წარმატებული იქნება.”

გიორგი მიქაუტაძე, საქართველოს ეროვნული საფეხბურთო ნაკრების და  „ვილიარეალის” ფეხბურთელი:

„მიხარია, რომ „ბაკურიანთან” თანამშრომლობას ვაგრძელებ, რადგან ქართულ ბრენდთან პარტნიორობა ჩემთვის მნიშვნელოვანია. გადაღებები ძალიან საინტერესო იყო, განსაკუთრებით ბოლო ნაწილი, რომელიც ვალენსიაში დავგეგმეთ. მიხარია „ბაკურიანის” ლიმიტირებულ შეფუთვაზე ჩემი ფოტოები რომ იქნება. წყალი ფეხბურთელების ცხოვრებაში ძალიან მნიშვნელოვანია და ამიტომ, „მიყვარს, მიყვარს, „ბაკურიანი”.

ახალი ვიდეორგოლის იდეასა და გადაღების წარმოებაზე ფროდაქშენ მენეჯმენტ კომპანია „ინდუსტრია ფილმმა” იმუშავა, ხოლო ლიმიტირებულ ეტიკეტზე – დიზაინერმა  ზაქარია მესროპოვმა.

ლიმიტირებული „ბაკურიანი” „ბორჯომის” ჩამომსხმელ ახალ ქარხანაში იწარმოება და ქვეყნის მასშტაბით, უკვე ყველგან გამოჩნდა.

The post „ბაკურიანი“ X გიორგი მიქაუტაძე  appeared first on City Magazine.

მაშინ, როცა ნინო ბერიძემ პროფესიული გადაწყვეტილება მიიღო და ცხოვრება სტომატოლოგიას დაუკავშირა, ზუსტად იცოდა, რომ ახალი სიტყვა უნდა ეთქვა ამ სფეროში. ეს ახსოვდა ყოველთვის. მაშინაც კი, როცა პირველ პაციენტად უმცროსი ძმა მიიღო და ორთოდონტიის ინოვაციურ სამყაროში შეაბიჯა.

“2000 წელს დავამთავრე თბილისის სახელმწიფო სამედიცინო უნივერსიტეტი. იმ პერიოდში  ბრეკეტ-სისტემები არ იყო განვითარებული. ჩემი ინტერესი კი იყო სიახლეების დანერგვა. ვინაიდან თანამედროვე ორთოდონტიას საქართველოში ვერ ვისწავლიდი, ამავე წელს გავემგზავრე სასწავლებლად საზღვარგარეთ, ორწლიან ორდინატურაში.“

დღეს ნინო ბერიძე 23 წლიანი გამოცდილებით და 5 000-ზე მეტი კმაყოფილი  პაციენტით, საქართველოში ორთოდონტიის ერთ-ერთ ლიდერად არის აღიარებული.

– როგორ გაჩნდა იდეა, რომ შრომა, რასაც იღებდით და გასცემდით წლების განმავლობაში, გაერთიანებულიყო და შეგექმნათ საკუთარი კლინიკა? 

“მინდოდა, განსაკუთრებული სივრცე შემექმნა ჩემი პაციენტებისთვის, რასაც სხვა კლინიკებში ვერ ვთავაზობდი. სივრცე თანამედროვე ტექნოლოგიებით, გამართული მენეჯმენტით და საუკეთესო ექიმთა გუნდით. კარიერის დასაწყისში ვამბობდი, რომ არ მინდოდა საკუთარი კლინიკა, მაგრამ რაღაც ეტაპზე ეს მოცემულობაც დადგა…”

2010 წელს გაიხსნა კლინიკა, სახელად,  „ნინო ბერიძის ორთოდონტიული ცენტრი“. გადაწყვეტილება ადვილი არ ყოფილა, თუმცა მიზანი მკაფიო იყო – გამორჩეული კლინიკის შექმნა, რომელიც ბავშვთა სტომატოლოგიას განსაკუთრებულ ყურადღებას დაუთმობდა. 

“სიახლე, რასაც ყველაფერთან ერთად ვთავაზობდით ჩვენს პაციენტებს, იყო განსაკუთრებული სივრცე ბავშვებისთვის. 15 წლის წინ, ჩვენ პირველებმა შევქმენით სივრცე პატარა პაციენტებისთვის – ბავშვთა მოსაცდელი ოთახით და ფერადი კაბინეტით. დავიწყეთ ბავშვების პირის ღრუს ჯანმრთელობაზე ზრუნვა ადრეული ასაკიდან. მშობლებს ვუხსნიდით ბავშვთა სტომატოლოგიის მნიშვნელობას, რომ ის არის ფუნდამენტი ჯანმრთელი ბავშვის განვითარებისთვის. ჩვენთან მოსული პატარა პაციენტების ოჯახებსაც ვთავაზობდით სტომატოლოგიური მომსახურების სრულ სპექტრს. შესაბამისად, ეს კლინიკა ყოველთვის იყო საოჯახო, ნებისმიერი თაობის წარმომადგენლისთვის“– ამბობს ნინო ბერიძე, რომელიც წლებია ხარისხიანი და ინოვაციური სტომატოლოგიური მომსახურების წინა ხაზზეა გუნდთან ერთად, რომელსაც ენდობა და რომელთან ერთადაც მკურნალობის ახალ, თანამედროვე მეთოდებს ნერგავს.

„2018 წელს გაიხსნა მეორე ფილიალი, კიდევ უფრო გაუმჯობესებული ინფრასტრუქტურით, მასშტაბით და ტექნოლოგიებით. რა თქმა უნდა, ჩვენ გვყავდა არაჩვეულებრივი არქიტექტორები, მაგრამ ეს სივრცე ფაქტობრივად მე დავაგეგმარე. ზუსტად ვიცოდი  მუშაობის დროს რა მაკლდა და რისი შეცვლა მინდოდა. წინა კლინიკაში  დავტოვეთ მხოლოდ ბავშვთა სტომატოლოგია. საქართველოში პირველად შევქმენით ცალკე სივრცე მხოლოდ პატარა პაციენტებისთვის. აქ  პაციენტებს ხვდებოდა გადამზადებული ექიმების, მედდების და ადმინისტრაციის  გუნდი.  ჩვენთან ვიზიტი ბავშვებისთვის იყო ჯადოსნურ სამყაროში მოხვედრა და ბედნიერი ემოციები. ეს არ იყო სტანდარტული სტომატოლოგია და შიშები, რაც ჩვენი თაობის წარმომადგენლებს ჯერ კიდევ  აქვთ. 2024 წელს ბავშვთა კლინიკა გადმოვიდა ახალ, სუპერ ტექნოლოგიურ ფილიალში. სიამაყით მინდა ვთქვა, რომ ასეთი სივრცე ბავშვებისთვის არ არსებობს ჩვენს ქვეყანაში.“  

2024 წელს ბრენდმა გიარა რებრენდინგი. „ნინო ბერიძის ორთოდონტიული ცენტრის“ ნაცვლად, გახდა „NB დენტალი-ნინო ბერიძის კლინიკა“.

– დღეს რას გვთავაზობს თქვენი კლინიკა?

“NB Dental – ნინო ბერიძის კლინიკა” და “NB დენტალ ქიდსი“- ჩვენ ორ დიდ კლინიკას წარმოვადგენთ, რომელსაც 900 კვადრატი უჭირავს. ეს საქართველოს მასშტაბისთვის საკმაოდ დიდი ფართია. ორივე კლინიკა მდებარეობს ერთ ქუჩაზე, გვერდი-გვერდ შენობაში. ახლო ლოკაცია სპეციალურად შევარჩიეთ. გვინდოდა ყოფილიყო ერთიანი სივრცის აღქმა. ბავშვები დადიან ქვედა, დიდები კი ზედა ფილიალში. ასეთი განლაგება მაქსიმალურ კომფორტს სთავაზობს პაციენტებს და იძლევა საშუალებას  ოჯახის წევრებმა ერთდროულად ჩაიტარონ პროცედურები. ჩვენთან პაციენტები ჩამოდიან ევროპიდან, ამერიკიდან. აღნიშნავენ, რომ ასეთი სივრცის კლინიკები იქაც არაა. რატომ მოდიან დღეს თაობები? იმიტომ, რომ კმაყოფილები არიან ჯერ კიდევ მაშინ მიღებული მკურნალობით. მაღალი სტანდარტი, რასაც პირველი დღიდან ვთავაზობდით პაციენტებს, რეპუტაციულად ძალიან მნიშვნელოვანი იყო ჩემთვის. სწორედ ამ ხარისხმა განაპირობა ის ნდობა, რაც დავიმსახურეთ ამდენი წლის განმავლობაში.“

ნინო ბერიძე, 23 წლიანი გამოცდილებით, პაციენტებს თანამედროვე, ინდივიდუალურად მორგებულ მკურნალობას სთავაზობს. წლებმა ტექნიკური თვალსაზრისით ბევრი რამ შეცვალა, მაგრამ მუშაობის პროცესში ერთი რამ უცვლელია –  ხარისხი და კომფორტი, რომელსაც კლინიკა პაციენტებს სთავაზობს.

– თქვენი პროფესია არის ჯადოსნური – ზრუნავთ ღიმილზე, სილამაზეზე, ჯანმრთელობაზე და ამით,  პაციენტების ხასიათსა და განწყობაზე.

“ჩვენი მიზანია, ყველა პაციენტი წავიდეს ბედნიერი და კმაყოფილი. დევიზია – ტკივილამდე მიმართო სტომატოლოგს, ამით კი დაზოგო ფინანსები, გაუფრთხილდე ჯანმრთელობას და შეამცირო პროცედურების ხანგრძლივობაც.”

მთავარი პრიორიტეტი – პაციენტთან ინდივიდუალური მიდგომა და შესაფერისი ატმოსფეროს შექმნაა.

„ჩვენი მიზანია, თქვენს შვილს  დენტალური პრობლემები დავუყვანოთ მინიმუმამდე, მავნე ჩვევები შევუმციროთ, გავზარდოთ ჯანმრთელი ახალი თაობები დენტალური ფობიის გარეშე.“

– კლინიკის გარდა კიდევ რა საქმიანობას ეწევით?

“ბავშვებთან მუშაობისას  დაგროვილმა გამოცდილებამ, ცოდნამ და დარგის განვითარების სურვილმა მთელი ქვეყნის მასშტაბით, 2018 წელს გვიბიძგა დაგვეარსებინა საქართველოს ბავშვთა სტომატოლოგების ასოციაცია და გაგვეზიარებინა ჩვენი ცოდნა კოლეგებისთვის. მისია იყო დიდი – აგვემაღლებინა ცნობიერება ბავშვთა სტომატოლოგიის შესახებ, როგორც მოსახლეობაში, ასევე – კოლეგებში, რაც საკმაოდ დიდი წარმატებით შევძელით. ასოციაციამ აქტიურად დაიწყო მუშაობა.  ატარებს საერთაშორისო კონფერენციებს, დაკავებული ვარ საგანმანათლებლო პროგრამებით. ასევე, ჩემს ცოდნასა და გამოცდილებას სერტიფიცირებულ ორთოდონტებს ვუზიარებ.“

– თქვენს კლინიკაში თუ იზრდებიან ახალი თაობის ექიმები? 

დიახ, სტუდენტები, რეზიდენტები კლინიკაში პროფესიონალი ექიმების ასისტენტები არიან. მათ აქვთ ფუფუნება იმუშაონ საუკეთესო ექიმებთან, შეეხონ ბოლო თაობის ტექნოლოგიებს. ისინი ძალიან ბევრს სწავლობენ ჩვენს სივრცეში. საუკეთესოებს კი ვტოვებთ კლინიკაში ექიმებად.

სტომატოლოგია და კლინიკის მართვა საინტერესო გზა აღმოჩნდა ნინო ბერიძის ოჯახისთვისაც.

“ნუცა – პატარა ნინო ბერიძე, ჩემი ძმის შვილი, მომავალი სტომატოლოგია, გადადის მესამე კურსზე. უნდა ორთოდონტიის მიმართულებით წასვლა.  პროცესში სრულად ჩართულია, თან ასისტენტია. ჩემი შვილი ანასტასია ამთავრებს სკოლას. მედიცინა მისი ინტერესი არ ყოფილა. დაინტერესდა მენეჯმენტით. წელს იყო კლინიკის მენეჯმენტში ჩართული. საკუთარი სურვილით სამკვირიანი პრაქტიკა გაიარა და მიხვდა,  “როგორი საინტერესო და დინამიკური ყოფილა მენეჯმენტის პროცესი… “

– თქვენ ამ 15 წლის განმავლობაში დიდი ტემპებით განვითარდით. როგორ ფიქრობთ, რამ განაპირობა ეს?

დაუღალავმა შრომამ, კარგმა გუნდმა, მენეჯმენტის სწორმა სტრატეგიამ პირველივე ნაბიჯებიდან. ამ ბრენდის განვითარებაში ჩადებულია ძალიან დიდი რესურსი, ენერგია და ფიქრი.

– როგორია თქვენი გუნდი,  რამდენი ადამიანისგან შედგება?

“15 წლის წინ დავიწყეთ რამდენიმე ადამიანმა და დღეს უკვე 116 თანამშრომელს ვითვლით. თავიდანვე გვყავდა საუკეთესო გუნდი და დღემდე ასეა. მადლიერი ვარ ყველა იმ თანამშრომლის, რომლებმაც ჩვენს განვითარებაში  და წარმატებაში თავისი წვლილი შეიტანა. განსაკუთრებით გვეიმედება NB დენტალის ახალი თაობა, რომლებმაც უნდა დაწერონ თავიანთი წარმატების ისტორია.”

– რა იქნება თქვენი მთავარი რჩევა? 

“გიყვარდეს შენი პროფესია და გიყვარდეს ადამიანები… თუ ადამიანები არ გიყვარს, ურთიერთობების ჩამოყალიბება ძალიან რთულია, ნებისმიერი პროფესიის ადამიანს სჭირდება, რომ თავისი საქმისგან იღებდეს სიამოვნებას. უნდა გიყვარდეს და ვითარდებოდე გაუჩერებლად. წარმატების მიღწევა ხომ რთულია, მაგრამ შენარჩუნება — უფრო რთული.  თუ დროს ფეხს ვერ უწყობ, აუცილებლად ჩამორჩები დინებას.”

– თქვენ ნამდვილად გეტყობათ როგორ გიყვართ თქვენი საქმე…

“ცხადია რთულია როდესაც ერთდროულად მმართველიც ხარ და მოქმედი ექიმიც, თუმცა ვერაფრით ვთმობ ექიმობას.  23 წელია ამ პროფესიაში ვარ.  წლებმა ცოდნა და  გამოცდილება მოიტანა. მე ამ საქმისგან სიამოვნებას ვიღებ. ამაზე უარის თქმა კი ძნელია, ხოლო  საკუთარი კლინიკის მართვა უდიდესი სიამოვნებაა… ”  

შედეგი – თაობების ნდობა,  15 წელი, 116 თანამშრომელი, მათგან 30 ექიმი. განსაკუთრებული სივრცე დიდებისთვის და 18 წლამდე პაციენტებისთვის, რათა ბავშვებმა სტომატოლოგთან ვიზიტი შიშის გარეშე, ჯანსაღი ჩვევის სახით მიიღონ. ნინო ბერიძის ინოვაციური მიდგომები და შესაძლებლობები ყოველ ჯერზე გვახსენებს, რომ ღიმილი არის ჯანმრთელობა, სილამაზე და ბედნიერება. სწორედ ამიტომ, „კლინიკა ოჯახისთვის” იქცა იმ ადგილად, სადაც პაციენტები წლებია თაობიდან თაობას  აქ მიღებულ ნდობას და ემოციას გადასცემენ.

პროექტის ავტორი:ეკა ხოფერია

ფოტო: IVAN BERKOVICH

ტექსტი: კესო ბოჭორიშვილი

MUA: ეკატერინე ჩანჩიბაძე

The post ოჯახის კლინიკა, სადაც პაციენტი ბედნიერია, სტომატოლოგია კი – ყოველთვის ერთი ნაბიჯით წინ! appeared first on City Magazine.

ეს ხასიათი პირველივე შეხედვით იგრძნობა კავკასიის მედიცინის ცენტრში. CMC სტაბილური ისტორიული გამოცდილების მქონე უმსხვილესი მულტიპროფილური ჰოსპიტალია, რომელიც რეგიონის მოსახლეობას უახლეს სამედიცინო კვლევებზე დაფუძნებულ მიდგომებს სთავაზობს.

გზა ლიდერობამდე – ვსაუბრობთ კავკასიის მედიცინის ცენტრის დირექტორ, სოფიო ასპანიძესთან.

“თითქოს მარტივია –  მოხვედი, გაიარე კონსულტაცია, ჩაიტარე კვლევები ან ოპერაცია. მაგრამ, ამის უკან უზარმაზარი საოპერაციო სისტემა დგას უწყვეტი ოპერირებით, რომელსაც ორგანიზაცია ჰქვია. მაგალითად, იმაზე, რომ ოპერაციისას დენი არ ჩაქრეს და თუ ეს მოხდა, მაშინ უწყვეტად იმუშაოს დამხმარე სისტემამ და ამავდროულად, 10 წამში აღდგეს ელექტროენერგიის მომარაგება, რადგან პაციენტის მომსახურების უსაფრთხოების სტანდარტი არ დაირღვეს,  აქ შემოსული ადამიანი არასდროს ფიქრობს.”

სოფიო ასპანიძე კავკასიის მედიცინის ცენტრს 2022 წელს შემოუერთდა და დაიწყო ახალი ეტაპი, ახალი გამოწვევითა და მისიით, რომ ეს სივრცე ჯანდაცვის საუკეთესო პროვაიდერი გამხდარიყო.

“იყო ეპიზოდი, როცა მე შემექმნა ჯანმრთელობის დიდი პრობლემა. სიკვდილ-სიცოცხლის ზღვარზე მომიწია გავლა. ძალიან ფილოსოფიური ნატურა ვარ და მაშინ კიდევ უფრო გამიმძაფრდა აზრი – რისთვის ვცოცხლობთ. ადამიანების დახმარება, სიცოცხლის მსახურება აღმოჩნდა ის ძირითადი მოტივაცია, რამაც აქამდე მომიყვანა. შესაბამისად,  ძალიან ავთენტური იყო, რომ ამ კორპორაციის ერთ-ერთ საუკეთესო ჰოსპიტალში გადავწყვიტე წინა ხაზზე ყოფნა, ბევრ ადამიანთან ერთად.”

მიზნები საერთო აღმოჩნდა. შრომასთან და დროსთან ერთად კი, მოვიდა საერთაშორისო აღიარება.

– რას ნიშნავს  JCI  ხარისხის ოქროს სტანდარტი?

“ეს არის უმაღლესი საერთაშორისო სამედიცინო აკრედიტაცია, რაც გულისხმობს, რომ კავკასიის მედიცინის ცენტრში პაციენტის უსაფრთხოების ყველა აუცილებელი სტანდარტია დანერგილი. ეს არის ობიექტური საერთაშორისო აღიარება, ყოველგვარი მიკერძოების გარეშე. დღეს შემიძლია ვთქვა, რომ პაციენტის უსაფრთხოების ნაწილში ჩამოყალიბებულია უწყვეტი გაუმჯობესების სისტემა. სწორედ ხარისხის უმაღლესი ოქროს სტანდარტებით მუშაობს ჰოსპიტალი.”

კავკასიის მედიცინის ცენტრი აღიქმება როგორც უნიკალური კონცეფცია. CMC-ის ფილოსოფია მარტივია – პრევენციიდან სრულ გამოჯანმრთელებამდე,  ყველა სერვისი ერთ სივრცეში. აქ უახლეს სამედიცინო კვლევებზე დაფუძნებული ტექნოლოგიები და ინოვაციური მიდგომები პაციენტებისთვის ხელმისაწვდომ რეალობად არის ქცეული.

– რა შეიძლება ჩაითვალოს ორგანიზაციის მთავარ საყრდენ იდეად?

“სამი მიმართულება:  უნიკალური გუნდი – ქვეყნის წამყვანი პროფესიონალები თქვენ გვერდით; ჯანმრთელობის სრული მონიტორინგი, პრევენციიდან რეაბილიტაციის ჩათვლით და ყველა სერვისი ერთ სივრცეში. ესაა ჩვენი ბრენდის ძირითადი მიმართულებები. ჩვენთვის პაციენტის კმაყოფილება არის ძალიან მნიშვნელოვანი.”

იდეა, რომ კმაყოფილი თანამშრომელი უდრის კმაყოფილ პაციენტს აქ ცხადად იგრძნობა. CMC-ის ხედვის ფუნდამენტიც თანამშრომლისა და პაციენტის კმაყოფილებაა.

“თუ ადამიანი  ბედნიერია და მოსწონს რასაც აკეთებს, ეს ორგანიზაციის  წარმატების გარანტიაა.   ჩემთვის, როგორც ამ ორგანიზაციის ხელმძღვანელისთვის, ნომერ პირველი ოცნებაა აქ მომუშავე 1000-მდე ადამიანი იყოს უბედნიერესი და ამაყობდეს იმით, რასაც აკეთებს.  ზუსტად ვიცი ეს, პირველ რიგში, მხოლოდ უკეთესად ნამკურნალებ პაციენტს, ბევრ გამოჯანმრთელებულ ადამიანს ნიშნავს.  საბოლოოდ კი, ეს ქმნის განსხვავებას, რასაც მოსახლეობის კეთილდღეობამდე მივყავართ.”

გუნდის ერთ-ერთი საყვარელი საქმიანობა პაციენტების კომენტარების კითხვაა. ეს “პაციენტის ხმაა”, რომელსაც უსმენენ და რომელსაც ითვალისწინებენ. დროთა განმავლობაში უკუკავშირი, ინფრასტრუქტურული გაუმჯობესების თუ მომსახურების სიმარტივის შესახებ,  ცენტრის განვითარების მთავარ ინსტრუმენტად გარდაიქმნა.

მომავლის ხედვა

“ცენტრის ამგვარად ფორმირებაში კოლოსალური შრომა იყო ჩადებული. უკლებლივ ყველა ის ეტაპი, რაც CMC-მ გაიარა, უმნიშვნელოვანესი იყო იმისთვის, რომ ჩვენ გაგვეგრძელებინა… ორგანიზაციის მართვაში ჩვენი გუნდის გზას ღრმა ფუნდამენტის და მყარი სისტემების შექმნას დავარქმევდი. გვჯეროდა, რომ კულტურის და პლატფორმების შექმნა, უნიკალური ინტელექტუალური რესურსის მულტიდისციპლინური მართვის გამოყენებით, მაქსიმალურ ეფექტს მოგვცემდა  პაციენტისთვის საუკეთესო შედეგის მისაღწევად.“

CMC მუდმივად ვითარდება, რისი დასტურიც არის: ბოლო ერთ წელიწადში ჯანმრთელობაზე პერსონალური ზრუნვის და პრევენციის ცენტრის, „ველმოს“ შექმნა; ცენტრში უახლესი თაობის 640-შრიანი კომპიუტერული ტომოგრაფის შემომატება, რომელიც გულის კორონოგრაფიას არაინვაზიურად აკეთებს; ონკოლოგიური ცენტრის მშენებლობა, რომელიც პაციენტებს სრულ მომსახურებას ერთ სივრცეში შესთავაზებს – ქიმიოთერაპიიდან რადიაციული თერაპიის ჩათვლით; ინფექციური დაავადებების მართვის ამბულატორიული ცენტრის შექმნა; რევმატოლოგიური ცენტრის გაძლიერება. გეგმაა – კავკასიის მედიცინის ცენტრი იქცეს “ექსელენს ცენტრად” და გახდეს რეგიონში სამედიცინო ტურიზმის ჰაბი, სადაც ხარისხი და სერვისის ხელმისაწვდომობა სავიზიტო ბარათებია.

 “გვაქვს ჯანმრთელობაზე პერსონალური ზრუნვის და პრევენციის ცენტრი “ველმო”, რომელიც გვთავაზობს ყველა საჭირო სამედიცინო სერვისს, ჯანმრთელობის მდგომარეობის სრულფასოვანი გამოკვლევისთვის. „ველმოს“ ჩექაფ პაკეტები ასაკობრივი რისკების გათვალისწინებითაა შედგენილი. მათი ჩუქება ახლობლებისთვისაც შეგიძლიათ, სასაჩუქრე ბარათით. მე  ჩემს მშობლებს ვჩუქნი ხოლმე და ამიტომ ვიცი – შეგრძნება გაქვს, რომ თავიდან დაიბადე. „ველმო“ ჯანმრთელობაზე ზრუნვას პერსონალურ, კომფორტულ და პაციენტის ცხოვრების სტილზე მორგებულ გამოცდილებად აქცევს. ექიმი კი, თქვენი ჯანმრთელობის მდგომარეობის მუდმივი მეთვალყურე და ჯანსაღი ცხოვრების წესის მრჩეველი იქნება.”

– თქვენ, როგორც მენეჯერს,  რა გასწავლათ ამ სამმა წელმა?

“ამ წლებმა მუშაობაში დახარჯული ყოველი საათი უფრო ხელშესახები გახადა, რასაც უფრო მეტი გამოჯანმრთელებული და კმაყოფილი პაციენტის სახით ვხედავ. ამან მეტი სიმყარე მოიტანა და რა თქმა უნდა, ძალიან დიდი გამოცდილება… ყოფილა იმედგაცრუებებიც. აქ ხშირად ბეწვის ხიდზე გადიხარ… ამ ადამიანებს ზურგად ედგე, მათთვის იყო საიმედო დასაყრდენი და მუდმივად შეძლო მათი ფსიქოლოგიური სიმტკიცისთვის  ზრუნვა – ეს შენგან ძალიან დიდ გამძლეობას მოითხოვს. ისინი ხომ გმირები არიან, სიცოცხლის ელჩები და ყოველდღიურად სასწაულის შემოქმედები. ადამიანებისთვის, რომლებიც ფრონტის წინა ხაზზე არიან,  უნდა ვიყო საყრდენი და ალბათ, ზუსტად ეს – სხვისთვის  სიძლიერის განმტკიცება  მასწავლა ამ სამმა წელმა.”

კავკასიის მედიცინის ცენტრი უკვე დიდი ხანია, რაც მხოლოდ ჰოსპიტალი აღარ არის. CMC ერთგვარი მისიაა – უზრუნველყოს პაციენტის უსაფრთხოება, შექმნას თანამშრომლებისთვის ბედნიერი სამუშაო გარემო და გახდეს სამედიცინო პროგრესის სიმბოლო რეგიონში.

სოფიო ასპანიძე  დღეს კავკასიის მედიცინის ცენტრთან ერთად აგრძელებს გზას, რომელიც წლების წინ აირჩია და ეს პროფესიული არჩევანი არასდროს უნანია. ალბათ, სწორედ ასე, საქმის დიდი სიყვარულით ჩნდება ის სივრცე, რომელიც, ორგანიზაციის სახელით, საკუთარ ხასიათს ატარებს. 

ავტორი: კესო ბოჭორიშვილი

ფოტო: ნათია ასანიძე

The post კავკასიის მედიცინის ცენტრი – თქვენი ჯანმრთელობის თანამგზავრი appeared first on City Magazine.

ოცნება იმდენად დიდი გახდა, რომ მიზნად იქცა. კარდიოლოგ ნანა ბაკაშვილს მიზნისკენ სვლა არასდროს შეუწყვეტია. პროფესიულმა გზებმა თურქეთსა და ესპანეთშიც მიიყვანა, მაგრამ ყოველთვის იცოდა, რომ  მთავარი ადგილი საკუთარ ქვეყანაში უნდა ეპოვა. არაერთი სირთულის, უძილო ღამისა თუ ბიუროკრატიული პრობლემების მიუხედავად, არ ივიწყებდა ფრაზას…

– დაიღალე? არა უშავს, შენს მიზანს აუცილებლად უნდა მიაღწიო – ამით ვიმხნევებდი ყოველთვის თავს.

პირველი პაციენტი და თეთრი ხალათი ექიმის სტატუსით – გახსოვთ ეს შეგრძნება?

უკვე ლიცენზირებული, დამოუკიდებელი …  როგორ არ მახსოვს. პულსი იმხელა მქონდა… გეხება-არ გეხება ყველაფერს კითხულობ, ყველაფერში ეჭვი გეპარება. შემდეგ, გამოცდილება რომ გროვდება, ხვდები, რომ რუტინულად მიდის, ისევ ისე ყურადღებით, მაგრამ გიქრება ნერვიულობა და დაძაბულობა. პასუხისმგებლობის განცდა, რასაკვირველია, არსად მიდის. ეს პროფესია იმიტომ ავირჩიე, რომ მიყვარს. მიყვარს როგორ ვითარდება ეს სფერო, პროცესები… მიყვარს ცხოვრების ხარისხის გაუმჯობესებისთვის ბრძოლა, შემდეგ – გამარჯვება.

და მადლიერი პაციენტები…

ყველაფერს წონის ხოლმე ერთი მადლობა, პაციენტის კმაყოფილება. „მადლობა, რომ თქვენ გამომახილეთ თვალებში“ და მერე, რაღაცნაირად ხარ, თითქოს ჯეკპოტი მოიგე. მუდმივი სურვილი გაქვს, რომ განვითარდე. მთავარია ის, რომ პაციენტს არ დააკლო არაფერი.

აჯიბადემის კლინიკამ ნანა ბაკაშვილის პროფესიულ განვითარებაში მნიშვნელოვანი წვლილი შეიტანა. განსაკუთრებული გამოცდილება აღმოჩნდა უცხოელ პაციენტებთან ურთიერთობა. ფიქრობს, რომ ყველა მათგანი საკუთარ ქვეყანას ჰგავს. და ასე, მიზნისკენ მიმავალ გზაზე, პაციენტებისთვის გაჩნდა სრულიად ახალი შესაძლებლობის შეთავაზების იდეა. ის არის ევროპაში, ამერიკაში და რატომაც არა – საქართველოში?

როგორ გაჩნდა „ჯი ელ ესი“?

მარტივი პარამეტრია, რამდენად კარგად მუშაობს გულის კუნთი – ამის შესაფასებლად. „ჯი ელ ესი“ 2000 წლების დასაწყისში სხვა პროგრამით შეიქმნა. დაიტესტა ამერიკის შეერთებულ შტატებში, განსაკუთრებით ონკოპაციენტებისთვის, ქიმიოთერაპიული მკურნალობის ფონზე. ქიმიოთერაპიისა და სხივური თერაპიის დროს გამოვლინდა კარდიოტოქსიკურობა. გულზე მოქმედებს ყველაფერი, ამიტომაც გაჩნდა ამის  საჭიროება. ჩაეშვა გაიდლაინებში, რომ წინასწარ განვსაზღვროთ დაიწყება თუ არა რაიმე პროცესი და დასაწყის სტადიაზე მივეშველოთ გულს.

ეს, ჩვეულებრივ ექოსკოპიურ გამოკვლევაში ჩაშენებული ახალი პროგრამაა, რომლის მთავარი მიზანი რისკების თავიდან აცილება და ონკოპაციენტების მკურნალობისას სწორედ გულის უკმარისობის პრევენციაა.

რასაკვირველია, არ უნდა გავიგოთ ისე, რომ ეს პროგრამა მხოლოდ ონკოლოგიურ ან კარდიოლოგიურ პაციენტებს ეხმარება. ეს იქმნება იმიტომ, რომ გავამარტივოთ პაციენტთან მიდგომა, დიაგნოზის სწორად ვერიფიცირება. არ არის საჭირო დამატებითი გადასახადი. პაციენტი იხდის სტანდარტულ, ულტრაბგერითი მომსახურების  თანხას.

ახალი პროგრამა, „ჯი-ელ-ესი“ მან იაპონიაში შეიძინა და  საქართველოში 2024 წლიდან  სარგებლობს კარდიოონკოლოგიის მიმართულებით. ეს მხოლოდ აქ, ჩაფიძის სახელობის გადაუდებელი კარდიოლოგიის ცენტრში ხდება.        

ესპანეთში წასვლამდე,  აქ მოვიძიე რა ხდებოდა ამ მიმართულებით.  აღმოჩნდა, რომ ოფიციალურად არავინ აკეთებდა. მოგეხსენებათ, რაღაცას რომ იწყებ, მერე ხშირად ამბობენ ხოლმე –  „ამას  მეც ვაკეთებდი“.  შეიძლება ერთი, ორი ან რამდენიმე აკეთებდა  დიაგნოზის დასმის  დროს, მაგრამ რუტინულად ამის გამოკვლევა  არ გვქონია. მე ონკოლოგებთანაც მქონდა ამაზე საუბარი. ამიტომ გადავწყვიტე, რატომაც არა, ამერიკასა და ევროპაშია, ხომ გვინდა მოწინავე ვიყოთ ჩვენც? დღეს ეს გამოკვლევა ჩაფიძის გულის ცენტრში ხდება, მაგრამ   თუ დაიწყებს ბევრი სხვა კლინიკაც, ეს მხოლოდ უკეთესობისკენ შეცვლის ყველაფერს.

ჩაფიძის გულის ცენტრი თაობებისთვის ცნობილი ადგილია. ნანა ბაკაშვილისთვისაც მნიშვნელოვანი სივრცე – ახალი შესაძლებლობებით.

ცხოვრების ყველა ეტაპზე არიან ადამიანები, რომლებიც დიდ როლს თამაშობენ შენს წინსვლაში და გიწვდიან დახმარების ხელს. ჩემი ოჯახი ჩემთვის ყველაფერია და მათი წილი უზარმაზარია ჩემს საქმეში. მათ გარდა, სტამბულში, ისმეთ დინდარი-მიქელაძე, წარმოშობით ქართველი, ბიძაჩემია-მეთქი ვამბობ. უანგაროდ დამიდგა გვერდით… როცა პირველ ნაბიჯებს ვდგამდი საქართველოში, ვინც ხელი შემიწყო, პროექტები განიხილა, დიდი მადლობა… ვიღაცამ უნდა დაგინახოს, წარმოგიდგინოს.  ასეთი იყო ეს კლინიკა ჩემთვის. ეს იყო ავთანდილ ჯორბენაძე, მას ჰქონდა ინოვაციური მიდგომა, უყვარდა ახალგაზრდები. უნდა გიყვარდეს ახალგაზრდების მოსმენა, ახლა მის მიმართულებას აგრძელებენ ავთანდილ ჯორბენაძის ვაჟები, ბატონი რეზო და ბატონი ბუტა, დიდი მადლობა მათ. რამდენი დამწყებია, რომელსაც არ აძლევენ საშუალებას. აქ მე გარემო შემექმნა – დავიწყე პირველი ნაბიჯებიდან და ვაგრძელებ.

მოგზაურობა, ფილმების ყურება, წიგნების კითხვა – ძალიან ბევრი წლის შემდეგ აუცილებლად მინდა. იმედია, მექნება მეტი თავისუფალი დრო ჩემი სხვა ინტერესებისთვისაც.

მაგრამ იცის, რომ ჯერ საკუთარ პროფესიას და პაციენტებს სჭირდება.

– გისურვებთ ძალიან ბევრ მადლიერ პაციენტს!

ასე დავასრულეთ საუბარი.

გამოსვლის დროს  ვფიქრობდი – ალბათ, რამდენმა მათგანმა დატოვა ეს კარი ბედნიერმა, ახალი სიცოცხლით, ენერგიით და ოცნებით, რომლის შემოქმედიც  კარდიოლოგი ნანა ბაკაშვილი გახდა. 

ტექსტი: კესო ბოჭორიშვილი

The post კარდიოლოგი ნანა ბაკაშვილი და GLS appeared first on City Magazine.

ბრენდის ფილოსოფიას გადმოსცემდა New Nordic  საქართველოს მიერ მომზადებული ვიდეოისტორია, სადაც მშვენიერი სალომე ღვინიაშვილი ადასტურებს მარტივ ჭეშმარიტებას სილამაზე და ჯანმრთელობა ეს შინაგანი და გარეგნული ჰარმონიაა – Beauty in and Out! – გვახსენებს New Nordic.

სკანდინავიური ბრენდი  გვთავაზობს სრულიად განსხვავებულ საკვებ დანამატებს ახალგაზრდობის, ჯანმრთელობისა და სილამაზისათვის.

New Nordic დაარსდა 1990 წელს. 35-წლიანი გამოცდილების მქონე შვედური ბრენდი დღეს  მსოფლიოს  45 ქვეყანაში სარგებლობს მომხმარებლის  ნდობით.  ის ლიდერის პოზიციას იკავებს ევროპაში, ჩრდილოეთ ამერიკასა და აზიაში.

ყველა პროდუქტი 100%-ით ნატურალური და ვეგანურია – შექმნილი ჩრდილოეთის ველური ბუნების წიაღში მოპოვებული უმაღლესი ხარისხის მცენარეული ნედლეულის, ვიტამინებისა და მინერალებისგან.

New Nordic იყენებს 400-ზე მეტ განსხვავებულ რეცეპტს, ყველა  მცენარე გადის საფუძვლიან სამეცნიერო კვლევას და მისი ეფექტიანობა ლაბორატორიებში მოწმდება . 

ნიუ ნორდიკის ლოგოში დატანილი ვერცხლისფერი ხის სიმბოლო  გარანტიაა, რომ იღებთ სუფთა სკანდინავიურ პროდუქტს, რომელიც მეცნიერთა კვლევით  ადასტურებს მის ჰარმონიულობას ადამიანის სხეულთან.

მოდით, მოკლედ გავეცნოთ ბრენდის ვარსკვლავ პროდუქტებს:

• ეფლ საიდერი – მაღალკონცენტრირებული ვაშლის ძმრისა  და არტიშოკის შემცველი ფორმულა  წონის კორექციასა და ორგანიზმის დეტოქსისთვის.

•  განსხვავებული და საინტერესო პროდუქტი “ზუკარინი” – თეთრი თუთისა და ქრომის უნიკალური კომბინაცია, რომელიც არეგულირებს სისხლში შაქრის დონეს, ამცირებს ტკბილზე მოთხოვნას და იდეალურია წონის კლებისთვის.

• ჰეა ვოლუმი –  მსოფლიოში აღიარებული  #1 სილამაზის პროდუქტი თმის ზრდისა და მოცულობისთვის.

• სრულიად ახალი თაობის  კრილის ომეგა 3 – რედ ოილ-ი თევზის ქონთან შედარებით ორჯერ მეტი ეფექტით გამოირჩევა; ასევე ყველაზე მოთხოვნად საკვებ დანამატებშია ფოლკეპილენი, რომელიც ენერგიის, ჯანმრთელობისა და სილამაზისთვის უნიკალური ე.წ. ხალხური აბია.

New Nordic-ის ხაზში ასევე წარმოდგენილიასპეციალიზებულ პრემიუმ დანამატებს იმუნიტეტის, თვალის, სმენის, შარდსასქესო სისტემის, ღვიძლის, გულისა და ტვინის ჯანმრთელობისთვის.

ნიუ ნორდიკის ბესთსელერი საკვები დანამატები უკვე დაგხვდებათ ფარმსახლის აფთიაქებში, ონლაინ – ვოლტსა და ველიზე, ხოლო უახლოეს მომავალში მათ ნახავთ ჯიპისისა და ფარდმადეპოს სივრცეებში.

„ჩვენ ფეხს ვუწყობთ თანამედროვე მიღწევებსა და აღმოჩენებს ადამიანების კეთილდღეობისთვის. New Nordic-ის საკვები დანამატები უკვე ხელმისაწვდომიაქართულ ბაზარზე – რაც ნიშნავს, რომ სკანდინავიური ბუნების საიდუმლოები უკვე ჩვენს ოჯახებშიც შემოვა.” – ამბობს  ლიკა ლობჟანიძე, ფარმაცევტული კომპანია „არტფარმას“ დამფუძნებელი და გენერალური დირექტორი.

The post New Nordic   appeared first on City Magazine.

დადგა დრო, როდესაც სხეულის ჯანმრთელობასა და სილამაზეზე მხოლოდ ზაფხულის მოახლოებისას არ უნდა ვიფიქროთ. დღეს ადამიანები  სულ უფრო დიდ ყურადღებას უთმობენ ფიზიკურ მედიცინასა და რეაბილიტაციას.

– როდის არის საჭირო რეაბილიტაციის ჩატარება?

რეაბილიტაცია შესაძლებელია პრაქტიკულად ჯანმრთელ ადამიანსაც დასჭირდეს. თუმცა ტრავმის, ოპერაციის და სხვადასხვა დაავადების დროს ფუნქციური შეზღუდვების არსებობისას, აუცილებელია კურსის ჩატარება  შეშუპების სამართავად, კანის შეხორცებითი პროცესების გასაუმჯობესებლად, სისხლის მიმოქცევის  და მოძრაობის აღდგენის მიზნით. ასევე, ვარჯიშებისა და თერაპიის საშუალებით ხდება ტკივილის შემცირება და კუნთების  გაძლიერება.

– რა შედეგი დგება რეაბილიტაციის შემდეგ?

ფიზიკური რეაბილიტაციის დახმარებით, სწრაფად აღდგება მოძრაობის დიაპაზონი.  სპორტის დროს მიღებული ტრავმის, ასევე, სახსრების პრობლემების დროს დაჭიმული კუნთოვანი ქსოვილები ადვილად დუნდება და იხსნება ტკივილი.  

– რა პროცედურებს ატარებთ თქვენს ცენტრში?

ჩვენს სარეაბილიტაციო ცენტრში ხელმისაწვდომია შემდეგი

პროცედურები:

1. პრესოთერაპია – რომელიც ორგანიზმს ეხმარება ზედმეტი სითხის გამოდევნაში, ასევე, შეშუპების მოხსნაში;

2. ულტრაბგერითი თერაპია – ამგვარი პროცედურის დროს, ულტრაბგერითი ტალღების მეშვეობით ხდება რბილ ქსოვილებზე ზემოქმედება და ისეთი თერაპიული ეფექტის მიღება, როგორიცაა სისხლმომარაგებისა და ლიმფის მიმოქცევის გაუმჯობესება, ანთებისა და ტკივილგამაყუჩებელი ეფექტის მიღება, აღდგენა-რეგენერაციული მექანიზმის გააქტიურება;

3. ელექტრო თერაპია –  რბილი ქსოვილების დაზიანების შემდგომ, ეს პროცედურა ხელს უწყობს მკურნალობასა და რეაბილიტაციის პროცესს. ელექტრული იმპულსების მეშვეობით, შესაძლებელია კუნთების ტონუსის გაძლიერება, ტკივილის შემსუბუქება, ქსოვილების სისხლმომარაგების გაზრდა, ანთების საწინააღმდეგო, აღდგენითი და რეგენერაციული ეფექტის მიღება;

4. ხელის ლიმფოდრენაჟი  – ამ მასაჟის დახმარებით, უჯრედშორისი სივრციდან გამოიდევნება ზედმეტი სითხე და მასთან ერთად, ტოქსინებიც. აღმოიფხვრება შეშუპება და შეგუბებითი პროცესები. ქსოვილები მარაგდება ჟანგბადით;

5. სამკურნალო მასაჟი;

6. სპორტული მასაჟი;

7. ესთეტიკური მასაჟი;

8. ანტიცელულიტური და სხეულის მაკორექტირებელი მასაჟი;

9. სახის მასაჟი;

ყველა ზემოთ ჩამოთვლილი პროცედურა კეთდება პაციენტთან ინდივიდუალური კონსულტაციის შემდგომ, მისი ჯანმრთელობის და მდგომარეობის შესაბამისად.

The post რეაბილიტაცია ჯანმრთელობის და სილამაზის გარანტიაა appeared first on City Magazine.

ქალის ცხოვრებაში ერთ-ერთი ყველაზე მნიშვნელოვანი, საეტაპო და გარდამტეხი მომენტი შვილის გაჩენაა. გზა, რომელსაც ქალი დაორსულებამდე და მის შემდგომ  გადის, დიდ პასუხისმგებლობას, ენერგიასა და ფსიქოლოგიურ მზაობას მოითხოვს. ამ მნიშვნელოვანი ეტაპის თანამონაწილე მეან-გინეკოლოგია. ამიტომ, ქალები საკუთარი და მომავალი შვილის ჯანმრთელობას ანდობენ ადამიანს, რომელსაც ხანგრძლივი ძიების შემდეგ ირჩევენ.

როგორია პროფესიის უპირობო სიყვარული, ორსულებთან ურთიერთობა და ახალი სიცოცხლის მოლოდინი. გამოცემა „სითი“ ღუდუშაურის სახელობის ეროვნული სამედიცინო ცენტრის მეან-გინეკოლოგ მანანა მახარაძის ამბავს გიამბობთ.

უკვე 16 წელია, მანანა მახარაძე ღუდუშაურის კლინიკის პერინატალური დეპარტამენტის  მეან-გინეკოლოგია. 2016 წლიდან კი, ამავე კლინიკაში წამყვან მეან-გინეკოლოგად მუშაობს.  2019 წელს დაიცვა დისერტაცია თემაზე “სპონტანური აბორტების რისკ-ფაქტორები და პროგნოზირება ქართულ პოპულაციაში”, რისთვისაც მედიცინის დოქტორის აკადემიური ხარისხი მიღო. არის 5 სამეცნიერო ნაშრომის ავტორი და 2023 წლიდან პედაგოგიურ და სამეცნიერო საქმიანობასაც ეწევა.

პროფესიული არჩევანი და გზა მეან-გინეკოლოგიამდე ..

ჩემი ბავშვობის დიდი ნაწილი  ბებიასა და გურიას უკავშირდება. სწორედ იქ ვიზრდებოდი მასთან. ეს იყო ქალი, რომელიც გამოირჩეოდა აღზრდის ჰუმანური, საკმაოდ მკაცრი, მაგრამ სამართლიანი მეთოდით. ბევრი ჩემი თვისება – ხასიათის სიმტკიცე, ბრძოლისუნარიანობა, მიზანდასახულობა, ადამიანებზე  ზრუნვა და სიცოცხლის სიყვარული მისი დამსახურებაა. ასევე,  მისი დამსახურებაა, რომ ყველაზე ჰუმანური პროფესია და ამ პროფესიაში ყველაზე  ჰუმანური განხრა – მეან-გინეკოლოგია ავირჩიე. რთული გზა გავიარე. იყო ბევრი შრომა, უძილო ღამეები, ბევრი იმედგაცრუება, წყენა, მაგრამ ჩემმა ხასიათმა, საკუთარ თავზე მუშაობის უნარმა და ოჯახმა დანებების საშუალება არ მომცა. მიზანი იყო ერთი და ურყევი – მაქსიმალური ცოდნა მიმეღო ყველაფრისგან და ყველასგან, რათა შემძლებოდა დავხმარებოდი ადამიანებს.

ურთიერთობა ორსულ პაციენტებთან და ახალი სიცოცხლე..

გუნდური მუშაობა, კოლეგიალობა, ეთიკა და პაციენტის სიცოცხლის ხარისხის გაუმჯობესებაზე ორიენტირება – ეს არის ღუდუშაურის კლინიკის  წარმატების საიდუმლო. აქაურმა გარემომ დიდი გავლენა მოახდინა  ჩემზე,  კვალიფიციურ ექიმად ჩამოყალიბების საქმეში. იმის გააზრება, რომ პირველად ეხები ახალ სიცოცხლეს, ხდები პირველი მხილველი დედისა და შვილის კონტაქტისა, იმდენ ემოციას იწვევს ჩემში, რომ ყველა დაღლას, ყველა პირად პრობლემას ფარავს და ყოველთვის მაძლევს სტიმულს  უფრო მეტი გავაკეთო, მეტად დავიხარჯო და წინ წავიდე. მეანობა ჩემი მხოლოდ პროფესია არაა, ის ჩემი ჰობიცაა, რამაც განაპირობა ცხოვრებაში ჩემი მაქსიმალური რეალიზება. ორსულთან მუშაობა განსაკუთრებულ მიდგომებს მოითხოვს; უნდა გაიცნო, შეიყვარო და იცხოვრო მათი ცხოვრებით. დღის ნებისმიერ მონაკვეთში უნდა აგრძნობინო, რომ მის გვერდით ხარ, რომ ზრუნავ და გახსოვს. უნდა იცოდე რით იკვებება, როდის იძინებს, როგორი რეჟიმით ცხოვრობს, ვინაიდან ამ ფაქტორებს დიდი მნიშვნელობა აქვს ორსულობის მიმდინარეობაზე. ემპათია და პაციენტთან მეგობრული დამოკიდებულება წარმოადგენს ექიმისადმი ნდობის მარკერს, რაც საკმაოდ რთული მოსაპოვებელია, მაგრამ, ამავდროულად, მარტივიცაა, თუ გიყვარს ეს პროფესია. ყველა ორსულმა იცის, რომ სახელმწიფო პროგრამის ფარგლებში ორსულები 8 უფასო ვიზიტით სარგებლობენ. ყველა ვიზიტზე უტარდებათ სხვადასხვა კვლევა. გარდა ამისა, გინეკოლოგთან ვიზიტის დროს, ექიმი აფასებს ორსულის წნევას, პულსს, კანის ფერს, წონის ნამატს. ზოგჯერ საჭირო ხდება დამატებითი კვლევები, რომელსაც ექიმი ნიშნავს გარკვეული პათოლოგიის გამოსარიცხად. ორსულობის პერიოდის სწორ მართვას დიდი მნიშვნელობა აქვს  ორსულობის მიმდინარეობაზე, საბოლოო შედეგზე, ლოგინობის პერიოდის დროს გართულებების თავიდან აცილებასა და მშობიარობის გზების დაგეგმვაზე, რასაც, ასევე, შეუძლია საკეისრო კვეთის ჩატარების მოთხოვნის შემცირება. გარდა ამისა, ექიმთან მუდმივი კონტაქტით შესაძლებელია თავიდან იქნას აცილებული გვიანი აბორტებისა და ნაადრევი მშობიარობის რისკები.

საშვილოსნოს ყელის კიბო  – თანამედროვეობის გამოწვევა

საშვილოსნოს ყელის კიბო ონკოლოგიური დაავადებაა, რომელსაც ახასიათებს ავთვისებიანი წარმონაქმნის ფორმირება საშვილოსნოს ყელის მიდამოებში. საშვილოსნოს ყელის კიბო ჩნდება  პაპილომა ვირუსის ზემოქმედებით. ეს ვირუსი გადადის სქესობრივი გზით. არსებობს ვირუსის 100-ზე მეტი ტიპი, თუმცა ე.წ. ონკოგენური ვირუსის ტიპებს  მიეკუთვნება 16 და 18. სწორედ ისინი იწვევენ საშვილოსნოს ყელის კიბოს დაავადების  70%-ს. ვირუსის ეს ტიპები იწვევს კიბოსწინა დაავადებებს. ადამიანის პაპილომა ვირუსით დაინფიცირება ხდება სქესობრივი კავშირის გზით. ცალსახად ვირუსი, ყოველთვის არ იწვევს აღნიშნულ დაავადებას, მაგრამ საგრძნობლად ზრდის სიმსივნის წარმოქმნის რისკს. კიბოსწინარე დაავადებების განვითარების მიზეზი შეიძლება ასევე გახდეს სხვა, არანამკურნალები  ანთებითი თუ არაანთებითი დაავადებები, როგორიცაა ეროზია, პოლიპები და სხვა ფონური პათოლოგიები. კიბოსწინარე დაავადებებიდან ყველაზე ხშირად გვხვდება დისპლაზია – საშვილოსნოს ეპითელიუმის შრიანობის დაკარგვა. საშვილოსნოს ყელის კიბო არ გადადის მემკვიდრეობით.  მნიშვნელოვანია, რომ WHO-სა და  UNFPA ხელშეწყობით, საშვილოსნოს ყელის კიბოს ელიმინაციისთვის, საქართველოს მოქალაქეებისთვის ხელმისაწვდომია აპვ ვაქცინაცია, საშვილოსნოს ყელის კიბოს სკრინინგი და მკურნალობა. მოსახლეობის ცნობიერების ამაღლება ვაქცინაციის აუცილებლობაზე, პერმანენტული სკრინინგი და ექიმთან დროული მიმართვიანობა მნიშვნელოვნად ამცირებს საშვილოსნოს ყელის კიბოს განვითარების რისკს და ზრდის განკურნების შანსს.

მედიცინის სიახლეებისა და განვითარების კვალდაკვალ…

თანამედროვე სამყაროში მედიცინა ყოველდღიურად ვითარდება. ტარდება მაღალტექნოლოგიური დიაგნოსტიკური კვლევები, მუდმივად ხდება არსებული მიდგომების განახლება ცალკეული დაავადებების პროფილაქტიკის, დიაგნოსტიკისა და სამკურნალო ღონისძიებების ეფექტურობის მიზნით, რაც  მოითხოვს ექსპერტებსა და კოლეგებს შორის  გამოცდილების გაზიარებას, სხვა ქვეყნების მიდგომების შესწავლას და ყოველდღიურ პრაქტიკაში დანერგვას. ჩემს ძირითად მიზანს წარმოადგენს მუდმივად მეტი ინფორმაციის მოძიება, ახლის შესწავლა და ჩემს პრაქტიკულ საქმიანობაში დანერგვა, რათა მაქსიმალურად შევძლო იმ ადამიანებისთვის ცხოვრების ხარისხის გაუმჯობესება, ვინც ამ მოლოდინით მოდის ჩემამდე.ეს არის პროფესია, რომელსაც სიყვარულისა და  უდიდესი შრომის გარეშე წარმატებით ვერ წარმართავ.

ავტორი: ნათია გაბუნია

​​

The post მანანა მახარაძე – პროფესიის უპირობო სიყვარული appeared first on City Magazine.

ექთნების საერთაშორისო კონგრესის ოფიციალური მიღების ცერემონია გაიმართა საერთაშორისო, ოქროს სტანდარტად აღიარებული – JCI აკრედიტაციის მფლობელ „ამერიკულ ჰოსპიტალ თბილისში“. ჰოსპიტალის აღმასრულებელმა დირექტორმა, ერჯან აიილდიზმა, საექთნო სამსახურის დირექტორმა – ია გელენიძემ და AHT მენეჯმენტის წარმომადგენლებმა უმასპინძლეს სტუმრებს, როგორც საქართველოდან, ასევე აშშ-ის, ევროპისა და აზიის ქვეყნებიდან. 

CosmeticAid -ი ამ მნიშვნელოვან ფორუმზე წარადგინა დარგის სპეციალისტმა, ამერიკული ჰოსპიტალის მასაჟისტ რეაბილიტოლოგმა,  მაკო ციგრიაშვილმა. დამსწრე საზოგადოებას მან წარუდგინა ვორქშოფი, სადაც ის პოსტოპერაციულ რეაბილიტაციაში კოსმეტიკეიდის პროდუქციას იყენებს.

The post CosmeticAid-ი და მისი პარტნიორები საერთაშორისო კონგრესზე!  appeared first on City Magazine.

„სანამ ჩვენს გამორჩეულ პროცედურებზე ვისაუბრებთ, გეტყვით, რომ „პარაგრაფ სპა” არის ბრიტანული ბრენდის,  ESPA-ს ოფიციალური წარმომადგენელი საქართველოში. ამ ბრენდის პროდუქციის ფართო ასორტიმენტი  ბუნებრივი ინგრედიენტებისგან შედგება, რომელიც გვთავაზობს კანის ინოვაციური მოვლის რუტინას. „პარაგრაფ სპაში” სტუმრობისას გექნებათ შესაძლებლობა აირჩიოთ სახისა და ტანის მოვლის პროცედურები. ESPA -ს პროდუქციით ჩვენ ვატარებთ გამორჩეულ და უნიკალურ პროცედურებს, მაგალითად – ცეცხლისა და ყინულის რეგენერაციის რიტუალს, სითბოსა და სიცივის 2 საათიან თერაპიას, რომელიც სხეულის ენერგიის სტიმულირებისთვის საუკეთესო არჩევანია. ვულკანური ცხელი ქვებით მასაჟი ხსნის დაძაბულობას და კონტრასტს ქმნის მყინვარით შთაგონებული სახის კანის აღმდგენ კრიო სფერულ მასაჟთან, სხეულისა და გონების გაძლიერების და გამოცოცხლების მიზნით.

ასევე, გამორჩეული და ძალიან მოთხოვნადი პროცედურაა ჰიმალაის მარილის ქვების დამამშვიდებელი რიტუალი. ამ პროცედურაში გამოიყენება თავად ჰიმალაის მარილის ქვები, რომლებიც არის მინერალებით სავსე და აქვს სამკურნალო ეფექტი. ამ ქვებთან ერთად, გამოიყენება ESPA-ს არომათერაპიული ზეთები. ამ პროდუქტების სინთეზი აუმჯობესებს სისხლის მიმოქცევას, ამშვიდებს სხეულს, კვებავს კანს და უზრუნველყოფს შინაგან ბალანსსა და რელაქსს.” – ელენე სევასტიანოვა “პარაგრაფ სპას” და რეკრეაციის მენეჯერი.

„პარაგრაფ თბილისის” სპაში დამსვენებლებს დახვდებათ დახურული და ღია აუზი პანორამული ხედებით თბილისზე. სხვადასხვა ტიპის საუნა, ფიტნეს და იოგას დარბაზი, წყვილების მასაჟის ოთახი, 5 მულტიფუნქციური საპროცედურო ოთახი-ინდივიდუალური ტერასით.  ამ ყველაფერთან ერთად, სპა-კაფე, სადაც ჰარმონიულ და კომფორტულ გარემოში ჯანსაღი და დაბალანსებული მენიუ დაგხვდებათ.

„ESPA-ს  პროცედურების გარდა, ჩვენთან ასევე არის აპარატული მომსახურება, რაც LPG-ის აპარატით ტარდება. LPG ენდერმოლოგია – ეს არის სხეულის მასაჟის მოწყობილობა, რომელიც ღრმა ქსოვილების მასაჟის და ვაკუუმის კომბინაციით, სხეულის კორექციისთვის არის განკუთვნილი. თუმცა, ამასთან ერთად, გვაქვს „ნორა ბოდეს“ ოქსიგენო თერაპია, რომელიც გამოიყენება სახის  კანის გამაახალგაზრდავებელი, აღმდგენი, დამამშვიდებელი პროცედურებისთვის და ასევე, ღრმა წმენდისა და პიგმენტური ლაქების მოსაშორებლად.“ – ელენე სევასტიანოვა „პარაგრაფ თბილისის“ სპას და რეკრეაციის მენეჯერი.

„პარაგრაფ თბილისის“ სპას ცენტრალური მისაღები მდებარეობს სასტუმროს მეცხრე სართულზე, სადაც დაგვხვდნენ გოგონები, რომლებმაც ყველაფერი ისევე პროფესიონალურად და დეტალურად იცოდნენ, როგორც ყველა დანარჩენმა სპა სპეციალისტმა. გოგოებმა დაგვათვალიერებინეს  თაროებზე წარმოდგენილი ESPA -ს პროდუქცია.  სახის მოვლის საშუალებები, ქალის თუ მამაკაცის ხაზი, ტანის პროდუქცია, საწმენდები, დამატენიანებლები, ნიღბები, არომატები, დიფუზორები, სანთლები და ყველაფერი, რაც ადამიანს საკუთარი თავის მოვლისთვის სჭირდება. ამავე სართულზე ვნახეთ ღია და დახურული აუზები, რომლებსაც, ასევე, საოცარი ხედები ამშვენებს. უკვე საკმაოდ აცივდა, მაგრამ ღია აუზში კვლავ ცურავდნენ სტუმრები. ვიფიქრე – ბოლო შესაძლებლობას იყენებენ სანამ ძალიან აცივდება- მეთქი, თუმცა არა, როგორც ელენემ გვითხრა, ღია აუზი მთელი ზამთრის განმავლობაში იმუშავებს.  ცხელი წყლიდან  თოვლიანი თბილისის ხედით ტკბობა აუზიდანაც იქნება  შესაძლებელი. დახურულ აუზშიც კი ჰიდრო მასაჟორები  ჰქონიათ და ამავე სივრცეში არის სხვადასხვა საუნა – ფინური, მცენარეული, ორთქლის, ჰიმალაის მარილის და ერთი განსაკუთრებული ოთახი  – ყინულის გამოქვაბული, სადაც საუნის ცხელი თერაპიის შემდეგ განსაკუთრებით სასარგებლოა შესვლა. სტუმრები ყინულის ოთახით განსაკუთრებულად აღფრთოვანებულები არიან, რადგან როგორც ამბობენ, მსგავსი რამის შესახებ არც სმენიათ და აქამდე არც არასოდეს გამოუცდიათ.

„გარდა ამ მრავალფეროვანი პროცედურებისა, ჩვენ ვზრუნავთ სტუმრების ჯანსაღი ცხოვრების გაუმჯობესებაზეც. სრული განტვირთვისა და განებივრებისთვის, ჩვენ ასევე გვაქვს სავარჯიშო დარბაზი, რომელიც აღჭურვილია უახლესი, პრემიუმ კლასის ინვენტარით,  კვალიფიციური და სერტიფიცირებული ფიტნეს-ინსტრუქტორებით.  მრავალფეროვნებისათვის, ასევე გვაქვს  კარდიო პილატესი, იოგა და აკვაფიტნესი. დიახ, კიდევ არ დამისრულებია, რადგან მინდა გაგაცნოთ PRAMA STUDIO, რაც ექსკლუზიურად „პარაგრაფ სპას” აქვს პირველად საქართველოში. ეს არის ინოვაციური ტექნოლოგიებით შექმნილი სივრცე, რომელიც გვაძლევს საშუალებას ჩავატაროთ მაღალი ინტენსივობის ვარჯიშები. ვისთვისაც სტანდარტულ დარბაზში ვარჯიში მოსაწყენი და უინტერესოა, PRAMA STUDIO-ში შეუძლია მიიღოს დაუვიწყარი გამოცდილება.”  – ელენე სევასტიანოვა “პარაგრაფ სპას“ და რეკრეაციის მენეჯერი.

ამ ყოვლისმომცველ სპა ცენტრში შეგიძლიათ დაუვიწყარი გამოცდილებების მიღება – სარელაქსაციო, აღმდგენი, ჯანსაღი პროცედურებისა და სერვისების საშუალებით. ამიტომ, ვისაც გსურთ ამ უნიკალური სიამოვნების მიღება, დასვენება და განტვირთვა, ეწვიეთ მათ ბმულს და წინასწარ დაჯავშნეთ ვიზიტი.

Experiences Near Paragraph Freedom Square, a Luxury Collection Hotel, Tbilisi | Marriott Bonvoy

ავტორი: ელენე ბარამიძე

ფოტო: ნათია ასანიძე

The post კეთილი იყოს თქვენი მობრძანება “პარაგრაფ თბილისის” სპაში appeared first on City Magazine.