„სამ რაან სპა და გამაჯანსაღებელი ცენტრი“ სწორედ ასეთი სივრცეა – დახვეწილი ესთეტიკა, პროფესიონალიზმი და გარემო, რომელიც შენზე ზრუნავს. ბრენდი წლების განმავლობაში ქალაქის (და არა მხოლოდ) ერთ-ერთ გამორჩეულ სივრცედ ჩამოყალიბდა. მის კონცეფციასა და განვითარების გზაზე „სითის“ ესაუბრა „სამ რაან სპა და გამაჯანსაღებელი ცენტრის“ ბრენდ მენეჯერი – ეკა ბახტაძე.

სივრცის კონცეფციისა და დიზაინის უნიკალურობა

– ცენტრი 2014 წლიდან ფუნქციონირებს და ამ დროის განმავლობაში არაერთი საერთაშორისო აღიარება მოიპოვა – როგორც საუკეთესო სპა ცენტრმა და როგორც   გამორჩეული   ინტერიერის მქონე სივრცემ.   ერთ-ერთ საერთაშორისო დაჯილდოებაზე „სამ რაანი“ ევროპის მასშტაბით საუკეთესო ინტერიერის მქონე სპა-ცენტრადაც დასახელდა. 

რა ქმნის ამ სივრცის უნიკალურობას და როგორ იქმნება განსხვავებული გამოცდილება სტუმრისთვის?

– ჩვენი კონცეფციის მთავარი ღირებულება არის უნიკალური გარემო და სპა ზონების მრავალფეროვნება ერთ სივრცეში – სტუმარს შეუძლია მიიღოს სრული მომსახურება, რომელიც აერთიანებს რელაქსაციას, ჯანმრთელობაზე ზრუნვას და ესთეტიკურ სიამოვნებას. აქ ერთ სივრცეში თავმოყრილია როგორც კლასიკური, ასევე უნიკალური სივრცეები. კომპლექსი მოიცავს  აუზს, სხვადასხვა სახის საუნას,  ფიტნეს ზონას, სათავგადასავლო და შოკ-შხაპებს, ყინულის შადრევანს, თურქულ აბანოსა და სამასაჟო სივრცეს, სადაც სპა-პროცედურების ფართო არჩევანია. ერთ-ერთი უნიკალური მიმართულებაა ჰიმალაის მარილის ოთახი – მარილიანი ჰაერი დადებითად მოქმედებს სასუნთქ სისტემაზე, განსაკუთრებით რეკომენდებულია ქრონიკული რესპირატორული პრობლემების დროს. ასევე, გვაქვს ფლოტაციის აუზი, მკვდარი ზღვის მინერალებით გაჯერებული, მაღალი სიმკვრივის და კონცენტრაციის მარილიანი წყალი. წყლის ზედაპირზე ტივტივისას, დუნდება ყველა კუნთი და სახსარი. ეს პროცესი იძლევა უწონობის შეგრძნებას, იწვევს სტრესის შემცირებას, ძილის გაუმჯობესებას, სრულ რელაქსაციას და ასევე, გამაჯანსაღებელ ეფექტს კანსა და ძვალსახსროვან სისტემაზე.

რა როლს ასრულებს პროფესიონალიზმი და გუნდის გამოცდილება სპა სივრცის მაღალი ხარისხის შენარჩუნებაში?

– პროფესიონალიზმი ჩვენთვის ფუნდამენტურია. გვყავს საერთაშორისო სპეციალისტები ტაილანდიდან, ინდონეზიიდან, თურქეთიდან. ასევე,  მაღალკვალიფიციური ადგილობრივი გუნდი. რეგულარული ტრენინგები გვაძლევს საშუალებას მომსახურების სტანდარტი მუდმივად მაღალ ნიშნულზე შევინარჩუნოთ.

სახელწოდება „სამ რაან“ ტაილანდური სიტყვიდან მოდის და სიამოვნებას, დასვენებასა და ტკბობას ნიშნავს – იდეას, რომელიც სივრცის ფილოსოფიას სრულად გამოხატავს. ინტერიერი „სამ რაანის“ ერთ-ერთი ყველაზე ძლიერი შთაბეჭდილებაა. ამ გარემოს აზიური ელემენტებისა და თანამედროვე დიზაინის შერწყმა ქმნის. თითოეული სარელაქსაციო სივრცე განსხვავებული და უნიკალურია.  დეტალებისადმი განსაკუთრებული ყურადღება – სურნელი, განათება, მუსიკა ქმნის განსაკუთრებულ  ატმოსფეროს, სადაც ადამიანი ყოველდღიურობას მარტივად სცილდება.

გამორჩეული სპა გამოცდილებები

რომელი ელემენტების ერთობლიობა ქმნის სტუმრისთვის სრულყოფილ სპა გამოცდილებას?

„სამრაანში“ პროცედურები მორგებულია სტუმრის საჭიროებასა და სურვილებზე. ეს იქნება გამაჯანსაღებელი თუ სარელაქსაციო, ძლიერი თუ მსუბუქი,  წყვილის თუ ინდივიდუალური, სპა პაკეტის თუ საცალო პროცედურის სახით. შერჩეულ პროცედურასთან ერთად, სტუმარს საშუალება ეძლევა დაისვენოს სპა-ცენტრის სხვადასხვა სარელქასაციო ზონაში დროში შეუზღუდავად. აუზთან გვაქვს ბარი მსუბუქი მენიუთი და ჩაის ფართო ასორტიმენტით. ასევე, ვთავაზობთ კოსმეტოლოგის და სილამაზის სალონის მომსახურებებს, სტუმარმა რომ  მოწესრიგებულმა დატოვოს სპა-ცენტრი. ეს დამატებით კომფორტს უქმნის მათ.

სეზონური შეთავაზებები და სპეციალური პროგრამები

სეზონურ შეთავაზებებს ყოველთვის დიდ ყურადღებას ვუთმობთ. სადღესასწაულო პერიოდებში სულ ვცდილობთ განსაკუთრებული შეთავაზებები გვქონდეს. ზამთარში მოთხოვნადია თბილი თერაპიები და ცხელი ქვების მასაჟი. გაზაფხულზე – ვარდის რიტუალები, ზაფხულში – ლავანდას, ლოტოსის და სხვა მცენარეული პროცედურები. შემოდგომაზე კი აქტუალურია ჩვენი ერთ-ერთი გამორჩეული პროგრამა,  ღვინის თერაპია – სრულყოფილი სპა-პაკეტი, რომელიც მოიცავს ღვინის აბაზანას ყურძნის ჭყლეტის რიტუალით, ყურძნის წიპწის სკრაბსა და ანტიოქსიდანტურ ნიღაბს,  ყურძნის წიპწის ზეთოვან სარელაქსაციო მასაჟსა და  სახის მოვლის პროცედურას. ამ რიტუალს ასრულებს თბილი გლინტვაინი ხილით. ღვინის თერაპიის პაკეტი განსაკუთრებით საინტერესოა უცხოელი სტუმრებისთვის.

წლების განმავლობაში სივრცე მუდმივად ვითარდებოდა – დაემატა ახალი სივრცეები, შეიცვალა ინფრასტრუქტურა, გაფართოვდა სერვისები. განვითარების პროცესი კი მუდმივად გრძელდება.

გზავნილი მომხმარებლებს

– ვეტყოდი, საკუთარ თავს მეტი ყურადღება დაუთმონ. გაანებივრონ და გაახარონ ახლობლები სამ რაან სპას სასაჩუქრე ვაუჩერებით. სპა არ არის მხოლოდ კომფორტი – ეს არის ჯანმრთელობისა და ემოციური ბალანსის აღდგენა. სხვადასხვა პროცედურის გამოცდა კი ადამიანს შესაძლებლობას აძლევს მაქსიმალური ეფექტი მიიღოს.

*** 

თანამედროვე სამყაროში კეთილდღეობა უკვე ფუფუნება აღარ არის – ის ცხოვრების ხარისხის აუცილებელი ნაწილი გახდა. „სამ რაან სპა“ სწორედ ამ იდეას ემსახურება. დღეს დასვენება უკვე არჩევანი აღარ არის, ის ბუნებრივი საჭიროება ხდება.

დანარჩენი კი, ნამდვილად, საკუთარი გამოცდილებით უნდა აღმოაჩინოთ!

“სამ რაან სპა და გამაჯანსაღებელი ცენტრი”

მისამართი: თბილისი, იალბუზის 14

The post სამრაან სპა & გამაჯანსაღებელი ცენტრი – დასვენება, რომელიც ცხოვრების ხარისხს ცვლის appeared first on City Magazine.

წლების წინ, ქართული ნაციონალური ბალეტის ყველა წევრი სადაზღვევო კომპანიამ “არდი” დააზღვია და ამით ტალანტის დაზღვევის პირველი პრეცედენტი დაუშვა ჩვენს ქვეყანაში. ეს ურთიერთობა 2026 წელს ახალ საფეხურზე გადავიდა. 

თანამშრომლობის განახლება ოფიციალურად გაფორმდა თბილისის ოპერისა და ბალეტის თეატრის სცენაზე, “სუხიშვილების” საიუბილეო კონცერტის დროს, სადაც 80 წლის წინ დიდი ისტორია დაიწყო. სწორედ ამ საღამოს გაიმართა ისტორიული მემორანდუმის ხელმოწერაც “არდსა” და “სუხიშვილებს” შორის, რომელიც ანსამბლის გენიისა და პროფესიული ტალანტის დაზღვევას ითვალისწინებს.

“სუხიშვილები” ქართული ავთენტური კულტურის ერთ-ერთი ყველაზე გამორჩეული წარმომადგენელია — დასი, რომელმაც ათწლეულების განმავლობაში საქართველო მსოფლიოს დიდ სცენებზე ღირსეულად წარმოაჩინა. შარშანდელი საიუბილეო წელი ნიუ იორკის ლეგენდარულ, კარნეგი ჰოლის სცენაზე გამოსვლით აღინიშნა. “არდისთვის” განსაკუთრებულად საპასუხისმგებლოა იყოს ქართული ნაციონალური ბალეტის “სუხიშვილების” პარტნიორი და მზღვეველი.

დაზღვევა სრულად მოიცავს ანსამბლის ყველა წევრს – როგორც მოცეკვავეებს, ისე მუსიკოსებს და ვრცელდება როგორც საქართველოში, ისე მსოფლიოს ნებისმიერ ქვეყანაში საერთაშორისო გასტროლების დროს.

“არდის” გენერალური დირექტორის, მიხეილ ჯაფარიძის განცხადებით: “ეს არ არის მორიგი სადაზღვევო თანამშრომლობა ორ ორგანიზაციას შორის — ეს არის სადაზღვევო ბაზრისთვის და ჩვენი კულტურის სფეროსთვის ახალი ხედვის დანერგვა. წლების წინ გვინდოდა შეგვექმნა პრაქტიკული, რეალური ზრუნვის ინსტრუმენტი იმ გამორჩეული პროფესიონალებისთვის, რომელთა საქმიანობაც ზებუნებრივ ნიჭს – ანუ ტალანტს უკავშირდება. ამ იდეის ხორცშესხმა “სუხიშვილებით” დავიწყეთ და ტრადიცია გრძელდება. დასის ჯამური სადაზღვევო ლიმიტი 1 მილიონი ლარია, რომლითაც სარგებლობა მის ნებისმიერ წევრს შეეძლება, იმ შემთხვევაში, თუ რომელიმე მათგანი გაუთვალისწინებელი შემთხვევის ან ტრავმის გამო, პროფესიულ საქმიანობას ვეღარ გააგრძელებს. მიგვაჩნია, რომ თუ მსოფლიოს უდიდეს  ვარსკვლავებს პროფესიული ტალანტი დაზღვეული აქვთ, ჩვენს ქვეყანაშიც უნდა ისარგებლოს “სუხიშვილების” გენიამ მსგავსი უნიკალური მომსახურებით.  ასე რომ, ამჯერად დაზღვეული ცეკვის ჯერია”

ნინო სუხიშვილის თქმით, ანსამბლის წევრებისთვის მსგავსი მხარდაჭერა განსაკუთრებით მნიშვნელოვანია: “პროფესიული უსაფრთხოება ნებისმიერი შემოქმედებითი საქმიანობის საფუძველია. ეს თანამშრომლობა საშუალებას გვაძლევს მეტი სიმშვიდით გავაგრძელოთ ის საქმე, რასაც წლებია ვემსახურებით და რომელიც, ხშირ შემთხვევაში, რთულ და მძიმე ფიზიკურ შრომას მოითხოვს.”

სადაზღვევო კომპანია “არდის” განცხადებით, კომპანია გეგმავს ტალანტის დაზღვევა დაუკავშიროს სხვა, როგორც უკვე ცნობილ, ისე ამომავალ ვარსკვლავებს, რომელთათვისაც ნიჭი, მათი ძირითადი პროფესიული საქმიანობა და ყოველდღიური სამუშაო გარემოა.

The post არდი აგრძელებს სუხიშვილების ტალანტის დაზღვევას appeared first on City Magazine.

ეს ამბავი იმაზეა, თუ როგორ გადაიკვეთა იტალიური ინჟინერია და დიზაინი საქართველოსთან. ჩვენს სტატიაში თავმოყრილია უცხოელი წარმომადგენლების ხედვები, ბრენდის სტრატეგიული მიზნები და ის კონტექსტი, რომელშიც Ferrari თბილისს უყურებს არა როგორც ბაზარს, არამედ როგორც პერსპექტიულ პარტნიორს. უფრო ვრცლად ამ ამბავზე სითი ბატონ ალი ნაზარს, Nazar Holding–ის მფლობელს და ბატონ რენო დე პაოლის, Ferrari Europe & Africa-ს ხელმძღვანელს ესაუბრა. 

Ferrari მხოლოდ ავტომობილი არ არის – ის მრავალწლიანი ისტორიისა და ღირებულებების მატარებელი ბრენდია. როგორ აღიქვამთ თქვენ პირადად და რა მნიშვნელობა აქვს ჩვენი ქვეყნისთვის იმას, რომ თბილისი დღეიდან Ferrari-ს ოფიციალური რუკის ნაწილი გახდა?

ალი ნაზარი:  ჩემთვის Ferrari Georgia იყო ერთ-ერთი ოცნება და დღეს ეს ოცნება რეალობად იქცა. საქართველო ვითარდება, ბევრი ბრენდი იწყებს საკუთარი წარმომადგენლობის გახსნას ქვეყანაში. ისტორიულად, ჩვენ აქ ავტომობილებს ვყიდით და საქართველოში Ferrari-ს ავტომობილების რაოდენობაც გაიზარდა. იმისთვის, რომ მაქსიმალურად ახლოს ვიყოთ ჩვენს საზოგადოებასთან და კლიენტებთან, ეს აუცილებელია. უმნიშვნელოვანესია ამ მაღალი სტანდარტების დაცვა და კლიენტებისთვის შესაბამისი მომსახურების უზრუნველყოფა. სწორედ ამიტომ ვართ დღეს აქ.

რენო დე პაოლი: აღსანიშნავია, რომ ეს  სივრცე  არის ახალი დიზაინის, რომელიც  პირველია არა მხოლოდ  საქართველოში, არამედ – მსოფლიოში. ჩვენი მიზანია შევქმნათ კუთვნილების შეგრძნება. დიზაინშიც ეს მკაფიოდ ჩანს. სივრცე მისაღებ ოთახს უფრო ჰგავს, ვიდრე ტრადიციულ ავტოსალონს. აქ ადამიანი თავს გრძნობს მეგობრის სახლში, სადაც შეიძლება ისტორიების გაზიარება, Ferrari-ზე ან ნებისმიერ სხვა თემაზე საუბარი. მიხარია, რომ ეს კონცეფცია პირველად სწორედ აქ, საქართველოში, ასე წარმატებით განხორციელდა.

საინტერესოა, რა დაინახა Ferrari-მ საქართველოში ისეთი, რამაც ამ ნაბიჯის გადადგმა შესაძლებელი გახადა?

რენო დე პაოლი: ჩვენ უკვე გვყავს კლიენტები, სწორედ ამიტომ ვართ დღეს აქ. დარწმუნებული ვარ, ეს კიდევ უფრო შეუწყობს ხელს Ferrari-ს ოჯახის ზრდას ამ ქვეყანაში. გვინდა დავრწმუნდეთ, რომ Ferrari-ში მომუშავე ადამიანები, პირველ რიგში, გულწრფელად არიან გატაცებული ბრენდით. ესმით ჩვენი ღირებულებები და იზიარებენ მათ, რათა შეძლონ Ferrari-ს ელჩობა, ამ გამოცდილების გაზიარება საზოგადოებასთან. დღეს ჩვენი მთავარი მიზანია ვიყოთ აქ, მოვემსახუროთ ჩვენს კლიენტებს. დარწმუნებული ვარ, ეს რეპუტაცია და ნდობა დიდ როლს ითამაშებს მომავალში.

19 დეკემბერს, თბილისში, ოფიციალურად გაიხსნა Ferrari Tbilisi, რაც საქართველოში ლეგენდარული იტალიური ბრენდისთვის ახალი ეტაპის დაწყებას ნიშნავს. Ferrari-ს ოფიციალური პარტნიორი საქართველოში Nazar Holding-ია  კომპანია, რომელსაც ავტომობილების სფეროში 46-წლიანი საერთაშორისო გამოცდილება აქვს. Nazar Holding მსოფლიო მასშტაბით გამოირჩევა Ferrari-ს კლიენტებისადმი განსაკუთრებული ყურადღებით,  კმაყოფილების მაღალი მაჩვენებლითა და დიდი სანდოობით. ჯგუფი წარმატებით წარმოადგენს ბრენდს სხვადასხვა ბაზარზე და სრულად იზიარებს Ferrari-ს ფილოსოფიას – სრულყოფილება ყველა დეტალში.

პრემიუმ კლასის გაყიდვები და გაყიდვის შემდგომი სრული სერვისი 

როგორც ჩანს, თბილისის შოურუმი ლოკალურ ჩარჩოებს სცდება. ხედავთ თუ არა თბილისს Ferrari-ს პოტენციურ ცენტრალურ პლატფორმად მთელი რეგიონისთვის?

ალი ნაზარი: საქართველოს აქვს უნიკალური საგადასახადო რეჟიმი, რაც ნამდვილად დიდი უპირატესობაა, განსაკუთრებით დიდი ბრენდების ავტომობილების მფლობელებისთვის. თუ შევადარებთ მეზობელ ქვეყნებს, მაგალითად თურქეთს ან აზერბაიჯანს, იმპორტის გადასახადებში უზარმაზარი განსხვავებაა. ეს პრივილეგია ქართველ მომხმარებლებს აძლევს შესაძლებლობას შეიძინონ სუპერ ლუქს ავტომობილები შედარებით დაბალი ხარჯებით. ამავდროულად, ეს ხელს უწყობს ამ ინდუსტრიის განვითარებას საქართველოში.

Ferrari მსოფლიოში ერთ-ერთი ყველაზე გავლენიანი ბრენდია, რომელიც ავტოსპორტს, სპორტულ ავტომობილებსა და ცხოვრების სტილს აერთიანებს. მისი გლობალური იდენტობა Formula 1-ის ლეგენდარულ გუნდთან – Scuderia Ferrari-სთან არის დაკავშირებული.

Ferrari ბევრისთვის ცხოვრების წესს ნიშნავს. თქვენი დაკვირვებით, რამდენად არის მზად ქართული საზოგადოება და ადგილობრივი ავტომოყვარულების წრე ამ ბრენდის მიერ შემოთავაზებული უმაღლესი სტანდარტების მისაღებად?

ალი ნაზარი: დიახ, და რატომ? თუ დააკვირდებით, ქართველებში აშკარად იზრდება ცხოვრების სტანდარტები – როგორ მოგზაურობენ, როგორ ირჩევენ საუკეთესო სასტუმროებს, როგორ იყენებენ პრემიუმ მომსახურებებს. ფუფუნების კულტურა ვითარდება – დაწყებული ჩაცმულობით, დასრულებული საუკეთესო რესტორნებითა და ახალი ლუქს სასტუმროებით. ეს ყველაფერი ნიშნავს, რომ მოთხოვნაც თანდათან იცვლება.

მანამდე, სანამ Ferrari ოფიციალურად იქნებოდა წარმოდგენილი, მფლობელებს ტექნიკური მომსახურებისთვის სხვა ქვეყანაში წასვლა  უწევდათ. რა იცვლება მათთვის დღეს? 

რენო დე პაოლი: ჩვენ გვიყვარს კლიენტების მოწვევა იტალიაში, ჩვენს სახლში, სადაც ჩვენი ოჯახის წევრებს შეუძლიათ ნახონ როგორ იქმნება Ferrari, მიიღონ ახალი იდეები და შთაგონება მომავალი მოდელების პერსონალიზაციისთვის. ჩვენ გვინდა უფრო სწრაფი და ხელმისაწვდომი მომსახურება შევთავაზოთ კლიენტებს. ფიზიკური არსებობა ნიშნავს, რომ მათ შეეძლებათ თავიანთი Ferrari-ს მომსახურება და ტექნიკური მხარდაჭერა ბევრად უფრო მარტივად.

ალი ნაზარი: ჩვენ აქ ვართ ზუსტად იმისთვის, რომ უზრუნველვყოთ უმაღლესი სტანდარტები. გვინდა ვიყოთ ჩვენს კლიენტებთან ახლოს. როდესაც ისინი ავტომობილს ყიდულობენ, მათ უნდა ჰქონდეთ სრული ნდობა, რომ არსებობს შესაბამისი სერვისი და 24/7 დახმარება ნებისმიერი საჭიროების შემთხვევაში. რაც უფრო მეტად დარწმუნებული იქნებიან ისინი ამაში, მით უფრო მჭიდრო კავშირი ექნებათ ბრენდთან.

იტალიაში, მარანელოში მდებარე სათავო ოფისში, Ferrari ქმნის, აწყობს და აწარმოებს მსოფლიოში ყველაზე ცნობილ ავტომობილებს მსოფლიო ბაზრისთვის.

გაიარეს თუ არა ქართველმა სპეციალისტებმა პროფესიული გადამზადება უშუალოდ იტალიაში, Ferrari-ს შესაბამის პროგრამებში?

ალი ნაზარი: ყველა მათგანი ვალდებულია გაიაროს სპეციალური ტრენინგები. პროგრამა მოიცავს როგორც პრაქტიკულ, ისე თეორიულ მომზადებას იტალიაში, Ferrari-ს ქარხანაში. Ferrari ყოველწლიურად ახალ მოდელებს უშვებს და შესაბამისი გამოცდილებისა და ცოდნის გარეშე შეუძლებელია ამ ავტომობილების სწორად მომსახურება. ამიტომ, ტრენინგი ჩვენთვის პრიორიტეტულია. მომავალში დავასაქმებთ უფრო მეტ ადგილობრივ სპეციალისტს, მოვამზადებთ და გადავამზადებთ მათ, რათა უზრუნველვყოთ უმაღლესი ხარისხის სერვისი ამ გამორჩეული ავტომობილებისთვის.  ასეთ ავტომობილებთან მუშაობისთვის აუცილებელია შესაბამისი ცოდნა და უნარები, რათა მათი მომსახურება და შეკეთება სწორად განხორციელდეს.

რენო დე პაოლი: ძალიან მნიშვნელოვანია ნდობის ჩამოყალიბება, შესაბამისი ინფრასტრუქტურის არსებობა და იმის ჩვენება, რომ ჩვენ გვყავს გადამზადებული ტექნიკოსები. ისინი გადიან ტრენინგებს იტალიაში, Ferrari-ს აკადემიაში, იღებენ შთაგონებას უშუალო კონტაქტით ქარხანასთან. ჩვენ ხშირად ვსაუბრობთ ოჯახზე, მაგრამ ოჯახის წევრები თავადაც უნდა ეწვიონ ამ ოჯახს, რათა შემდეგ ეს კულტურა აქ გაავრცელონ.

დიდი ხელოვნება

ამ სივრცეში მოსულ სტუმრებს დახვდებათ Ferrari-ს მოდელების ფართო არჩევანი, ყველა ის მოდელი, რომელიც ამ ბრენდის სახელით იქმნება.

არსებობს თუ არა მოლოდინი, რომ დროთა განმავლობაში Ferrari-ს იშვიათი და ლიმიტირებული მოდელები საქართველოში გამოჩნდეს?

რენო დე პაოლი: დიდი სიურპრიზი ჩვენი დღევანდელი და მომავალი კლიენტებისთვის საქართველოში იქნება ის, რომ ჩვენ მნიშვნელოვნად გავაფართოვეთ მოდელების სპექტრი. შოურუმში წარმოდგენილი თითოეული მოდელი, მათ შორის სპეციალური ვერსიებიც, როგორიცაა ახალი 849 Testarossa და მომავალი Amalfi, რომელიც, იმედია, მალე ჩამოვა, განკუთვნილია განსაკუთრებული შემთხვევებისთვის. არსებობს სპეციალური საპილოტე ვერსიებიც. მათთვის, ვისაც ზღვისპირას გასეირნება უყვარს, გვაქვს Spider ვერსიები. ასევე – ოთხკარიანი, ოთხადგილიანი მოდელები, რომლებიც ყოველდღიური გამოყენებისთვისაა მოსახერხებელი. ყველა ეს მოდელი უნიკალურია, მაგრამ მათ აერთიანებს ერთი მთავარი – ემოცია მანქანის მართვის დროს.

ალი ნაზარი: როგორც ცნობილია, Ferrari-ს ლიმიტირებული მოდელების მოლოდინის დრო დიდია და წარმოება – ძალიან შეზღუდული. ასეთ შემთხვევებში თავად Ferrari ირჩევს კლიენტებს, რომლებიც იდეალურად შეესაბამებიან ბრენდის ღირებულებებს და აფასებენ ამ ავტომობილების მნიშვნელობას. ჩვენ საქართველოში უკვე შემოვიტანეთ  რამდენიმე განსაკუთრებული და შეზღუდული სერია და დარწმუნებული ვარ, მათი მფლობელები ძალიან კმაყოფილები არიან. დროთა განმავლობაში სხვა კლიენტებიც ამ გზას დაადგებიან, გააფართოებენ თავიანთ კოლექციებს და მომავალში მათაც ექნებათ შესაძლებლობა ფლობდნენ განსაკუთრებულ Ferrari-ს.

მეტი, ვიდრე ბიზნეს-ნაბიჯი – Ferrari საქართველოში ნიშნავს, რომ… 

რენო დე პაოლი: ეს მხოლოდ დასაწყისია. ეს არის გზის საწყისი ეტაპი და მოუთმენლად ველით რა იქნება.

ალი ნაზარი: ბრენდის არსებობა საქართველოში სრულიად ცვლის ქვეყნის პოზიციონირებას Ferrari-ს გლობალურ რუკაზე და ზოგადად დიდი ბრენდების კონტექსტში. სხვა ბრენდები, ბაზარზე შემოსვლამდე, ყოველთვის აკვირდებიან, ვინ არის უკვე წარმოდგენილი ქვეყანაში. უმაღლესი კლასის საავტომობილო ბრენდის არსებობა საქართველოში სხვა ლუქს ბრენდებისთვისაც ქმნის სტიმულს ინვესტირებისათვის.

რენო დე პაოლი: ჩვენ უკვე გვაქვს ნდობაზე დაფუძნებული ურთიერთობა Nazar Holding-თან, და სწორედ ეს გახდა ერთ-ერთი მთავარი ფაქტორი Ferrari-ს გაფართოებისთვის საქართველოში. ეს არის მყარი საფუძველი ქვეყნის შემდგომი განვითარებისათვის.

ალი ნაზარი: Ferrari Georgia – ეს მხოლოდ დასაწყისია.

Ferrari-ს შოურუმი თბილისში დიდი პროცესის ნაწილია, იმ ცვლილებების, რომლებიც ქალაქს ნელ-ნელა ახალ იდენტობას სძენს. ეს არ არის მხოლოდ პრემიუმ ან ექსკლუზიური ავტომობილების სივრცე, ეს არის ამბავი ხარისხზე, ნდობასა და მომავალზე. თბილისი ახალი და მნიშვნელოვანი წერტილი გახდება Ferrari-ს რუკაზე. ქალაქში მისი გამოჩენა კი გვახსენებს, რომ მსოფლიოს წამყვანი ბრენდის, დიდი ისტორიისა და მნიშვნელოვანი სივრცის ნაწილი ვართ.

ესაა ისტორიაც, ემოციაც და ცხოვრების სტილიც…

Ferrari Georgia – ეს მხოლოდ დასაწყისია!

ავტორი: კესო ბოჭორიშვილი

ფოტო: ნათია ასანიძე

The post Ferrari-ს ერა საქართველოში appeared first on City Magazine.

აეროპორტში ყოფნისას პირველი რასაც ვაკეთებთ, ტელეფონის ეკრანის შემოწმებაა. No Service – მარტივი სიტყვაა, მაგრამ მისი დანახვა უცხო ქვეყანაში ნიშნავს, რომ რუკა არ იტვირთება, მესენჯერს ვერ ვიყენებთ, ტაქსის ვერ ვიძახებთ და ასე შემდეგ. ნაცნობი ისტორიაა, ხომ?

დღეს, როცა დრო ყველაზე ძვირფასი რესურსია, კომფორტი კი მთავარი ღირებულება, „სელფი მობაილი“ მომხმარებლებს სთავაზობს ინოვაციას, რომელიც ამ ორს იდეალურად აერთიანებს. Travel eSIM ქმნის გარემოს, სადაც კომუნიკაციას საზღვრები არ აქვს და ეს ყველაფერი სულ რაღაც ოთხი დაწკაპუნებით ხდება.

რატომ არის ეს განსხვავებული გამოცდილება? 

Travel eSIM – ეს ციფრული გადაწყვეტილებაა, რომელიც მოგზაურობას მეტად თავისუფალს ხდის.

მარტივი… მოქნილი… უნივერსალური…

სელფის Travel eSIM არის ციფრული SIM ბარათი, რომელიც ხელმისაწვდომია ნებისმიერი ქსელის მომხმარებლისთვის, რაც ნიშნავს იმას, რომ თქვენი ნომერი და მოწყობილობა რჩება უცვლელი, ხოლო კავშირი – მუდმივი.

გააქტიურება კი მარტივზე მარტივია:

შედით roamingpass.ge -ზე, აირჩიეთ სასურველი პაკეტი და რამდენიმე წამში უკვე მზად ხართ ონლაინ სამყაროსთან დასაკავშირებლად.

გადახდა შესაძლებელია საბანკო ბარათით, Apple Pay-ით ან Google Pay-ით – ყველაფერი ისე, როგორც თანამედროვე მოგზაურს შეეფერება.

კავშირი მაშინაც, როცა მეგაბაიტები ამოიწურება

სელფის Travel eSIM-ის ერთ-ერთიმნიშვნელოვანი უპირატესობაა უფასო წვდომა Google Maps, ასევე WhatsApp და Messenger აპლიკაციების ტექსტურ შეტყობინებებზე – მაშინაც კი, როცა თქვენი ინტერნეტ პაკეტი ამოიწურება. ეს ნიშნავს, რომ უცხო ქალაქის ქუჩებში აღარ დავიკარგებით და საჭირო დროს ყოველთვის შევძლებთ ახლობლებთან კონტაქტს.

არჩევანი – თქვენი მოგზაურობის სტილზე მორგებული

მომხმარებელს შეუძლია აირჩიოს ოთხი სხვადასხვა პაკეტიდან სასურველი: 

EuropePass 2GB – 15₾

EuropePass 7GB – 40₾

ContinentlPass 2GB – 20₾

ContinentlPass 7GB – 60₾

პაკეტი ავტომატურად აქტიურდება შეძენისთანავე და მოქმედებს 14 დღის განმავლობაში ან GB ამოწურვამდე. 

მეტი, ვიდრე ტექნოლოგია – თავისუფლების განცდა

Travel eSIM არა მხოლოდ კომფორტს, არამედ დამოუკიდებლობის განცდას გვთავაზობს. მსოფლიოს ნებისმიერ წერტილში, თუნდაც Wi-Fi არ იყოს, მაინც ონლაინ ვართ. აღარ გვიწევს ადგილობრივი ოპერატორის ძებნა, რთული ინსტრუქციების კითხვა ან დროის დაკარგვა. უბრალოდ, გავააქტიურებთ და ვიმოგზაურებთ ისე, თითქოს სახლიდან არც ისე შორს ვართ.

სწორედ ამაშია „სელფი მობაილის“ მთავარი გზავნილი:

ტექნოლოგია ხომ მაშინ არის ნამდვილი, როცა ის პირად გამოცდილებად იქცევა, ყოველი მოგზაურობა კი – მარტივ, დაცულ და დაუვიწყარ თავგადასავლად.  

ტექსტი: კესო ბოჭორიშვილი

The post „სელფის“ Travel eSIM – მარტივი მოგზაურობა ნებისმიერი ქსელის აბონენტისთვის appeared first on City Magazine.

   გასტროგიდი „ბორჯომის” მიერ შექმნილი პირველი გასტრონომიული პორტალია, რომელსაც ქართველი მომხმარებელი უკვე კარგად იცნობს. უნიკალური გასტრონომიული ციფრული პლატფორმა წელს კიდევ უფრო მასშტაბური გახდა და 135-წლიანი ისტორიის მქონე ბრენდმა, საქართველოსთან ერთად ცენტრალურ აზიაში – უზბეკეთსა და ყაზახეთში წარადგინა, მომავალი წლიდან კი სხვა ქვეყნებიც დაემატება. გასტროგიდი მიზნად ისახავს კულინარიის მხარდაჭერას და „ბორჯომის” პარტნიორი ობიექტების პოპულარიზაციას საქართველოსა და ყველა საექსპორტო ქვეყანაში.

   „ბორჯომის” გასტროგიდი რესტოგიდს, ღონისძიებებს და „ბორჯომი” კერძებთან მიმართულებებს აერთიანებს.

   რესტოგიდი – ეს არის ციფრული გზამკვლევი, რომელიც კულინარიით დაინტერესებულ ადამიანებს საშუალებას აძლევს აღმოაჩინონ გამორჩეული კვების ობიექტები როგორც საქართველოში, ისე – მის ფარგლებს გარეთ. „ბორჯომი“ ამ გზამკვლევით რეკომენდაციას უწევს რესტორნებს, კაფეებსა და ბარებს, წარადგენს მათ კერძებს, შეფ-მზარეულებს და მომხმარებლებს, მდიდარ გასტრონომიულ გამოცდილებას უზიარებს.

   „ბორჯომი” კერძებთან – ეს არის სივრცე სტუმარმასპნიძლობის აღმოსაჩენად. „ბორჯომი” სუფრის განუყოფელი ნაწილია, ამიტომ ტრადიციულად, ყველა შეკრება „ბორჯომის” გახსნით იწყება. „ბორჯომთან” ერთად, თითოეული კერძი უფრო გემრიელი, ხოლო გემოები უფრო ინტენსიური ხდება. ამიტომ სუფრა, მრავალფეროვანი კერძების დაგემოვნება და საყვარელ ადამიანებთან შეკრება, „ბორჯომთან” ერთად უფრო სასიამოვნო ხდება. სწორედ ამ ტრადიციას და „ბორჯომის” და სხვადასხვა კერძის შეხამებას აღმოაჩენთ გასტროგიდის ამ ნაწილში, რაც კიდევ ერთხელ ყველას შეახსენებს ბრენდის მთავარ საკომუნიკაციო გზავნილს – გახსენი, ისიამოვნე, შეიგრძენი სიმსუბუქე!

   გასტროგიდის ღონისძიებების ნაწილში კი აღმოაჩენთ, კულინარიულ ფესტივალებს და აქტივობებს.

   ეს მიმართულებები ერთად კი ქმნის გასტროგიდს – უნიკალურ ციფრულ გამოცდილებას, რომელიც გასტრონომიული ჰაბია პროფესიონალებისთვის, მოყვარული კულინარებისთვის და ამ თემით დაინტერესებული ნებისმიერი ადამიანისთვის. ეს არის სივრცე, რომელიც დაგეხმარებათ, რომ დაუსრულებლად იმოგზაუროთ კულინარიის სამყაროში, აღმოაჩინოთ უნიკალური ადგილები, ავთენტური გემოები და ექსპერტების რჩევები.

   ამ პროექტს „ბორჯომმა” საქართველოში განსაკუთრებული კონცეფციის ვახშმების სერია მიუძღვნა, რომელიც გალა ვახშმით დასრულდა. ღონისძიებების ფარგლებში „ბორჯომმა” ტურიზმის ეროვნულ ადმინისტრაციის, სტუმარმასპინძლობის სფეროს წარმომადგენლებს საქართველოდან და საექსპორტო ქვეყნებიდან, შეფებს, პარტნიორებს და ინფლუენსერებს, თბილისში, უმასპინძლა. ამ შეხვედრებით, ქართული კულტურის და თანამედროვე ქართული კულინარიის გაზიარებით, კიდევ უფრო თვალსაჩინო გახდა ის იდეა, რის გარშემოც გასტროგიდი შეიქმნა. „ბორჯომის” განსაკუთრებული კონცეფციის ვახშმები ყოველ წელს კიდევ უფრო მასშტაბური გახდება და სხვადასხვა ქვეყანაში გაიმართება.

The post გასტროგიდი – განახლებული კულინარიული პლატფორმა „ბორჯომისგან“ appeared first on City Magazine.

სასწავლო წლის დაწყებასთან ერთად, აღმოაჩინეთ HONOR-ის განსაკუთრებული  აქცია საქართველოში, რომელიც თქვენთვის საყვარელ სმარტფონებზე საუკეთესო ფასებსა და სასიამოვნო საჩუქრებს შემოგთავაზებთ. ახალი სმარტფონით სწავლა და გართობა კიდევ უფრო მარტივი და კომფორტული იქნება!

ეწვიეთ HONOR-ის პარტნიორ მაღაზიებს და შეიძინეთ HONOR-ის პრომო მოდელები სპეციალურ ფასად.

HONOR 400 – უმაღლესი დონის კამერა და წარმადობა

HONOR 400 სმარტფონი თავისი შთამბეჭდავი მახასიათებლებით გამოირჩევა, რის გამოც ის იდეალური არჩევანია სტუდენტებისა და პროფესიონალებისთვის.

 ფასები:

o   12/512 GB – 1199 GEL

o   12/256GB – 1149 GEL

o   8/256 GB – 1100 GEL

·   ძირითადი მახასიათებლები:

o   ეკრანი: 6.55 დიუმიანი AMOLED ეკრანი 120Hz განახლების სიხშირით და 5000 ნიტის პიკური სიკაშკაშით, რაც უზრუნველყოფს ნათელ და მკვეთრ გამოსახულებას.

o   კამერა: 200MP-იანი მთავარი კამერა, 12MP ულტრა-ფართოკუთხოვანი კამერა და 50MP-იანი სელფის კამერა, რომელიც საუკეთესო ხარისხის სურათებსა და ვიდეოებს იღებს.

o   პროცესორი: Qualcomm Snapdragon 7 Gen 3 (4 ნმ) ჩიპსეტი სწრაფი და შეუფერხებელი მუშაობისთვის.

o   ელემენტი: 6000 mAh სიმძლავრის ელემენტი 66W სწრაფი დამუხტვის მხარდაჭერით.

o   მდგრადობა: IP65 სტანდარტით მტვრისა და წყლისგან დაცვა.

HONOR 400 Pro – შეუდარებელი ძალა და ინოვაცია

თუ ეძებთ მაქსიმალურ წარმადობასა და უახლეს ტექნოლოგიებს, HONOR 400 Pro თქვენთვისაა.

·   ფასები:

o   12/512 GB – 1749 GEL

o   12/256 GB – 1679 GEL

·   ძირითადი მახასიათებლები:

o   ეკრანი: 6.7 დიუმიანი AMOLED ეკრანი 120Hz განახლების სიხშირით და 5000 ნიტის პიკური სიკაშკაშით.

o   კამერა: სამმაგი უკანა კამერა, რომელშიც შედის 200MP-იანი მთავარი, 50MP ტელეფოტო (3X ოპტიკური ზუმით) და 12MP ულტრა-ფართოკუთხოვანი კამერები. ორმაგი სელფის კამერა (50MP + 2MP).

o   პროცესორი: უმაღლესი დონის Qualcomm Snapdragon 8 Gen 3 (4 ნმ) ჩიპსეტი, რომელიც უზრუნველყოფს საუკეთესო წარმადობას.

o   ელემენტი: 5300 mAh სიმძლავრის ელემენტი 100W სუპერ სწრაფი დამუხტვის მხარდაჭერით.

o   მდგრადობა: IP68/IP69 სტანდარტით მტვრისა და წყლისგან მაქსიმალური დაცვა.

HONOR X9c – სიმტკიცე და სტილი ერთად

HONOR X9c არის ბიუჯეტური, მაგრამ მძლავრი სმარტფონი, რომელიც გამოირჩევა გამძლეობით და თანამედროვე დიზაინით.

·   ფასი: 8/256 GB 800 GEL, 12/256 GB 849 GEL

·   ძირითადი მახასიათებლები:

o   ეკრანი: 6.78 დიუმიანი AMOLED ეკრანი 120Hz განახლების სიხშირით.

o   კამერა: 108MP-იანი მთავარი და 5MP-იანი ულტრა-ფართოკუთხოვანი უკანა კამერები, ასევე 16MP-იანი სელფის კამერა.

o   პროცესორი: Qualcomm Snapdragon 6 Gen 1 (4 ნმ) ჩიპსეტი.

o   ელემენტი: 6600 mAh სიმძლავრის გამძლე ელემენტი 66W სწრაფი დამუხტვის ფუნქციით.

o   მდგრადობა: IP65M სტანდარტით წყალგამძლე და განსაკუთრებით მდგრადი დაცემის მიმართ.

დამატებითი საჩუქრები 400 სერიის სმარტფონებზე!

ყველა მომხმარებელი, რომელიც შეიძენს HONOR 400 ან HONOR 400 Pro სმარტფონს, საჩუქრად მიიღებს HONOR-ის აქსესუარებს. ისარგებლეთ ამ გამორჩეული შეთავაზებით და მიიღეთ მეტი საუკეთესო ფასად!

ეწვიეთ ჩვენს პარტნიორ მაღაზიებს და აღმოაჩინეთ HONOR-ის სამყარო!

The post ახალი სასწავლო წელი HONOR-თან ერთად appeared first on City Magazine.

ამ ორ ფოტოს ერთმანეთთან 43 წელი აშორებს. იმ შავ-თეთრ ფოტოში, გაგრაში გადაღებულში, 9 წლის ვარ, 9 ივლისია, ჩემი დაბადების დღე. მე, როგორც ზაფხულში დაბადებული ბავშვების უმრავლესობა, ძალიან ვიჩაგრებოდი  დაბადების დღის აღნიშვნისა და მით უფრო, სტუმრების მოწვევის კუთხით:  ყველა ჩემი თანატოლი  არდადეგებზე გადიოდა თბილისიდან  და 9 ივლისს არც ერთხელ,  არცერთი ჩემი კლასელი თუ მეგობარი არ დასწრებია. ამ ამბავს დედაჩემის გადაწყვეტილებაც ართულებდა.  სკოლა რომ დამთავრდებოდა, ის  ლამის მეორე დღესვე მატარებელში გვსვამდა და  აგვისტოს 31 რიცხვამდე სულ აფხაზეთში, გაგრაში, ბებიასთან  ვიყავით და აბა, გაგრაში ასე იოლად ვინ ჩამომაკითხავდა პატარა ეკას?!

ჰოდა, ყოველ 9 ივლისს, ლერმონტოვის ქუჩის  9 ნომერში,  ბებიის დიდ   სახლში, ჩემს დაბადების დღეს სხვადასხვა წელს სხვადასხვა და სრულიად უცხო ბავშვები ესწრებოდნენ.  გააჩნია იმ წელს ზაფხულში დასასვენებლად ვინ იყო ჩამოსული. არ იცვლებოდა მხოლოდ ადგილი,  ჩემი ორი უსაყვარლესი და, ამ ფოტოშიც რომ მოჩანან, და ჩვენი დიდი ოჯახი.

ფოტოზე აღბეჭდილი ის  9 ივლისი მაინც განსაკუთრებულად მახსოვს და მიყვარს. ერთი, რომ 9 რიცხვში 9 წლის გავხდი და მეორე, დედას, რომელსაც ჩემთვის  რაღაც საუცხოო და  უგემრიელესი ტორტი გამოეცხო, ძალიან ლამაზი, წყლისფერ-თეთრ ზოლიანი ფარფატა კაბა ეცვა.  კაბა ტანს მოჰყვებოდა, თხელი ქამარი კი, უკან ნაზი ბანტით იკვრებოდა. ნაჭერს არ ვიცი რა ერქვა, მაშინ

„მარლის ნაჭრის კაბას“ ეძახდნენ. ისე უხდებოდა და ისეთი ფარფატით დაქროდა სამზარეულოდან ვერანდაზე,  თვალს ვერ მოწყვეტდი. ძალიან ბედნიერი და მხიარული იყო! ეს კადრი ამ ფოტომ შეინახა და შესაბამისად, კიდევ უფრო მეტად ჩაიბეჭდა ჩემს გონებაში. ფოტოს გადაღებაც ხომ დიდი იშვიათობა იყო იმ დროს.არც ვიცი ვინ იღებდა. თუ არ ვცდები, ერთ-ერთი დამსვენებლის მამა, რომელსაც ნამდვილი ფოტოაპარატი ჰქონდა!   აი,  ამ ფოტოს წყალობით ის დღე ჩემთვის ბავშვობის ერთ-ერთ უბედნიერეს დღედ დარჩა  ტორტიან, კაბიან, დამსვენებლებთან, სტუმრებიანად.

დედას ის იერი და კაბა ძალიან მიყვარდა და სულ მახსოვდა. მერე, წლების შემდეგ, ერთ-ერთ ამერიკულ ფილმში ვნახეთ. ისე გაგვიხარდა დებს, ხმამაღლა ვყვიროდით და დავხტოდით. ფილმის სახელს ვერც ერთი ვერ ვიხსენებთ.  სასიყვარულო ისტორია იყო  ერთ წყვილზე, წლების შემდეგ რომ კვლავ იპოვიან ერთმანეთს.  დედას ცნობილი ზოლიანი ფარფატა კაბა ეცვა მთავარ გმირს. ის დედასავით თხელი იყო, უბრალოდ ქერათმიანი . საოცრად უხდებოდა ფილმის გმირსაც.

ეს კაბა რომ დედას შემოენახა, დღეს უთუოდ მოხვდებოდა ჩემს გარდერობში და ზაფხულის ამ ცხელ დღეებში ჩემი დიდი ამოჩემებაც იქნებოდა. სხვათა შორის, ჩემი კაბების დიდი კოლექცია ბინადრობს ახლა ჩემი შვილის, ანანოს კარადებში. ეს ამბავი საშინლად მეამაყება!

თაობები ჩემთვის ასეთი პაწაწინა, საყვარელი და სათუთი ისტორიების მძივია. ერთად რომ შევიკრიბებით ჩვენი ოჯახის დიდი და პატარა გოგოები, ამ მძივის სხვადასხვა ისტორიას ვიხსენებთ. ზოგი ფოტოთია აღბეჭდილი, ზოგი სამოსში შენახული, ზოგი ნახატში, უმეტესობა  კი ჩვენს საუბრებსა და ფიქრებში.

„სითი“ იმიტომ მიყვარს, რომ აგერ უკვე 15 წელია სხვადასხვა თაობის მძივების ნაწილია. რამდენი, ახლა უკვე ისტორიული და სათუთი, კადრია გადაღებული, რამდენია წინ!  ჩვენი ყდის გმირებიც  ხომ ამ ისტორიის შემადგენელია – დიდების „სითიში“ –  ნანა, ნინა და ელიჩკა, „სითი ჯუნიორში“ კი,  კაშკაშა მაშო   და ჯუნიორის დიდი ფოტოსესიის მონაწილეები. ნახეთ რა კარგი ამბებია ამ ფოტოსესიებში.  მიხარია, რომ  ეს ნომერი, რომელიც თაობებს მიეძღვნა, თითოეული მისი გმირისთვის  მისი ისტორიის,  მძივის, ნაწილი იქნება.

P.S.

არ დაიზაროთ და გადაიღეთ ბევრი ფოტო!

არ დაიზაროთ და შეინახეთ საყვარელი კაბები დედების გარდერობიდან!

ეკა ხოფერია

The post სარედაქტორო appeared first on City Magazine.

ეს მოკლედ. უფრო ვრცლად ამ ამბავზე  „სითი“ გიორგი მადუაშვილს,  „გლობალ სელის“ დირექტორს  ესაუბრა.

2009 წლიდან, მას შემდეგ, რაც „გლობალ სელი“ დაფუძნდა, მოგზაურობები თუ საქმიანი მივლინებები მის გარეშე წარმოუდგენელი გახდა. ყველას გახსოვთ საერთაშორისო ნომრიანი ფიზიკური სიმ-ბარათები, რომელსაც, ძირითადად, აეროპორტებში განთავსებულ „გლობალ სელის“ ფილიალებში ვყიდულობდით. ვეცნობოდით ინსტრუქციებს, ვერკვეოდით და ჩვენ-ჩვენი საქმეებისკენ მივემგზავრებოდით იმედიანად. მას მერე ბევრი რამ შეიცვალა საკომუნიკაციო სამყაროში. მნიშვნელოვანი ტექნოლოგიური ცვლილებებია „გლობალ სელშიც“.

• დღეს, 16 წლის თავზე, შეგვიძლია ვთქვათ, რომ გვაქვს სრულიად განსხვავებული და უნიკალური პროდუქტი არა მხოლოდ ქართულ, არამედ მსოფლიო ტელეკომ ბაზარზე. თუ წლების წინ, ეს იყო ევროპული ოპერატორის მიერ გამოშვებული საერთაშორისო ნომრიანი როუმინგული სიმ-ბარათი, დღეს ბაზარზე წარმოდგენილი ვართ უკვე „გლობალ სელისავე“ ქართულნომრიანი, საერთაშორისო, როგორც ფიზიკური (SIM), ისე ელექტრონული (eSIM)  სიმ ბარათის   სახით – გვიამბობს გიორგი მადუაშვილი.

„გლობალ სელის“ ახალ საერთაშორისო სიმ-ბარათს მუდმივმოქმედი ქართული ნომერი აქვს, რომელიც აბონენტს მთელი ცხოვრების მანძილზე შეიძლება ჰქონდეს. მას არ სჭირდება ნომრების ან სიმ-ბარათების შეცვლა მოგზაურობების დროს. ასევე, აღარაა საჭირო ტექნიკური პარამეტრების ხელით შეყვანა ან გასწორება. აიღებთ ერთხელ, გექნებათ სულ და ის ავტომატურად ჩაირთვება მსოფლიოს ნებისმიერ ქვეყანაში ჩასვლისას.

• გარდა იმისა, რომ საერთაშორისო სიმ-ბარათზე გააქტიურებულია  ქართული ნომერი, კიდევ რა უპირატესობა აქვს „გლობალ სელის“ ახალ ბარათს ბაზარზე არსებულ სხვა ანალოგიებთან შედარებით?

ერთ-ერთი ყველაზე მნიშვნელოვანი არის ის, რომ „გლობალ სელის“ როგორც SIM, ისე eSIM ბარათზე ვსარგებლობთ სრულიად უფასო შემომავალი ზარებით მსოფლიოს ნებისმიერ ქვეყანაში ყოფნის დროს და არც იმას აქვს მნიშვნელობა, რომელი ქვეყნიდან გვიკავშირდებიან. წარმოიდგინეთ, მოგზაურობაში მყოფ ჩვენს აბონენტს, პირობითად, მისი ოჯახის წევრი თუ ახლობელი, მაგალითად საქართველოდან, ადგილობრივი ქართული ტარიფით დაურეკავს (რადგან ჩვენს SIM და eSIM ბარათზე სწორედ ქართული ნომერია გააქტიურებული) და ასევე, „გლობალ სელის“ აბონენტისთვის მიღებული ზარი არის სრულიად უფასო, რომელ ქვეყანაშიც არ უნდა იყოს, ზარის ხანგრძლივობის მიუხედავად…

რაც შეეხება სხვა ტელეკომ ოპერატორების სტანდარტულ როუმინგს, ამ შემთხვევაში, აბონენტთათვის შემავალი ზარი ფასიანია ნებისმიერ ქვეყანაში და ეს არცთუ ისე მცირე ხარჯებთანაა დაკავშირებული.

ხოლო რაც შეეხება სხვა დამატებით ალტერნატიულ შეთავაზებებს, ეს გახლავთ არა ტელეკომ ოპერატორების, არამედ ე.წ. შუამავალი კომპანიების მიერ უცხოეთიდან შემოტანილი ელექტრონული eSIM ბარათები, რომელსაც, ძირითადად,  საერთოდ არ აქვს ნომერი და მხოლოდ ინტერნეტისთვის გამოიყენება.

შესაბამისად, „გლობალ სელის“ ქართულნომრიანი საერთაშორისო სიმ-ბარათი სრულიად უნიკალური და ექსკლუზიური პროდუქტია ტელეკომ ბაზარზე, რომელიც აბონენტებს არათუ უფასო ზარებს სთავაზობს როუმინგში, არამედ ყველაზე იაფ ინტერნეტ-პაკეტებსაც მსოფლიოს ნებისმიერი ქვეყნისთვის.

• თქვენ საუბრობდით ე.წ. შუამავალი კომპანიების მიერ უცხოეთიდან შემოტანილ უნომრო ბარათებზე, რა დროსაც აბონენტმა რეალურად არ იცის ვინ უწევს მას როუმინგულ მომსახურებას. უსაფრთხოა თუ არა ეს მომსახურება (განსაკუთრებით პერსონალური ინფორმაციის ნაწილში), რამდენად ხარისხიანი იქნება ეს მომსახურება და ა.შ. ამ მხრივ, ალბათ, არანაკლებ მნიშვნელოვანია, რომ „გლობალ სელი“ არის ავტორიზებული ოპერატორი და მისგან მიღებული მომსახურება აბონენტთათვის არის საიმედო, სტაბილური და უსაფრთხო. იქნებ ამაზეც გვიამბოთ ორიოდე სიტყვით.

დიახ, ეს უმნიშვნელოვანესი საკითხია და მადლობა, რომ ამ თემას შეეხეთ. სატელეკომუნიკაციო სერვისების ლიცენზირებული / ავტორიზებული ოპერატორისგან მიღება მნიშვნელოვანია რამდენიმე მიზეზით, რომელიც უშუალოდაა დაკავშირებული მომხმარებლის უსაფრთხოებასთან, მომსახურების ხარისხთან და სამართლებრივ გარანტიებთან.

პირველი, ეს გახლავთ პირადი მონაცემების უსაფრთხოება და კონფიდენციალურობა – ლიცენზირებული ოპერატორები ვალდებულნი არიან დაიცვან მომხმარებლის პირადი მონაცემები და კომუნიკაციის კონფიდენციალურობა. მათზე მოქმედებს მკაცრი რეგულაციები, რომელიც გამორიცხავს ინფორმაციის არასანქცირებულ გამოყენებას ან გაზიარებას.

მეორე, და არანაკლებ მნიშვნელოვანი, გახლავთ მომსახურების ხარისხი – ლიცენზირებულ ოპერატორებს ეკისრებათ სერვისის კონკრეტული და წინასწარ განსაზღვრული სტანდარტების დაცვა. ეს მოიცავს სტაბილურ კავშირს, სწრაფ ინტერნეტს, ხმოვანი ზარების ხარისხს და ა.შ. არალიცენზირებული ოპერატორებისგან სერვისის მიღება შეიძლება დაკავშირებული იყოს დაბალ ხარისხთან, ხშირ შეფერხებებთან და სხვა.

მესამე, სამართლებრივი დაცვის მექანიზმები – ლიცენზირებული ოპერატორები მოქმედებენ მკაცრად რეგლამენტირებული კანონმდებლობის ფარგლებში. მომხმარებელს აქვს საშუალება, მათ შორის, იჩივლოს და მოითხოვოს კომპენსაცია მომსახურების შეწყვეტის ან მომსახურების პირობების დარღვევის შემთხვევაში. არალიცენზირებულ კომპანიებთან ასეთ სამართლებრივ ურთიერთობებს ხშირად არ აქვს საფუძველი.

რეგულაციისა და მონიტორინგის შესაძლებლობა – საბაზრო მარეგულირებელი ორგანოები (მაგალითად, საქართველოში კომუნიკაციების ეროვნული კომისია) ახდენენ ავტორიზებული ოპერატორების საქმიანობის მონიტორინგს და მათ მიერ კონტროლდება მომსახურების პირობები, ტარიფები და მომხმარებელთა უფლებები.

სატელეკომუნიკაციო ინფრასტრუქტურის დაცვა – ლიცენზირებულ ოპერატორებს აქვთ კანონიერი წვდომა სატელეკომუნიკაციო ინფრასტრუქტურაზე, რაც უზრუნველყოფს სერვისის სანდოობასა და უწყვეტობას. არალიცენზირებულმა ოპერატორებმა შეიძლება გამოიყენონ არასანდო ან უკანონო საშუალებები, რაც შესაბამისად,  არასასურველ ასახვას ჰპოვებს  მომხმარებლებზე.

საბოლოო ჯამში, ლიცენზირებული ოპერატორისგან სერვისის მიღება ნიშნავს გარანტირებულ ხარისხს, სამართლებრივ დაცვას და ინფორმაციის უსაფრთხოებას. ეს არა მხოლოდ მომხმარებლის ინტერესს ემსახურება, არამედ მთლიანად სატელეკომუნიკაციო სექტორის სტაბილურ და განვითარებად ფუნქციონირებას უზრუნველყოფს.

ჩვენი მხრივ კი, არალიცენზირებულ პირებს, ე.წ. შუამავალ კომპანიებს, ღიად მოვუწოდებთ და ვთავაზობთ პარტნიორობას. მათ შეუძლიათ ოფიციალურად გახდნენ ჩვენი დისტრიბუტორები და მომხმარებლებს შესთავაზონ ავტორიზებული ოპერატორის სერვისები საუკეთესო პირობებით და არა გაურკვეველი წარმომავლობის ნომრები თუ სერვისები, რომლის პრობლემურობაზეც დეტალურად მოგახსენეთ.

აქვე აღვნიშნავ, რომ „გლობალ სელმა”, როგორც ტელეკომ ოპერატორმა, სულ ახახანს, ორი უმნიშვნელოვანესი ISO სერტიფიცირება მოიპოვა. ეს გახლავთ ISO/IEC 27001:2022 – ინფორმაციული უსაფრთხოების მართვის სისტემის ნაწილში და ISO 9001:2015 – ხარისხის მართვის მიმართულებით, რაც შესაძლებლობას გვაძლევს, რომ ჩვენს მომხმარებლებს საუკეთესო და უსაფრთხო მომსახურება შევთავაზოთ.

–   გიორგი, გვიამბეთ, როგორ შეძელით ისეთი ტელეკომ პროდუქტის შექმნა, რომელიც, როგორც ვხედავთ, უალტერნატივოა მისი ინოვაციურობის, ყოვლისმომცველობის, უსაფრთხოებისა და ხელმისაწვდომობის კუთხით?

მნიშვნელოვანი ცვლილებების და სიახლეების დანერგვას წინ უძღოდა ბრენდის წარმატება საერთაშორისო ასპარეზზე. მათ შორის, „გლობალ სელი“ პირველი და ერთადერთი ქართული ტელეკომ ოპერატორია, რომელიც სულ რამდენიმე თვის წინ გაეროს საერთაშორისო ტელეკომუნიკაციების კავშირის (ITU) წევრი გახდა. ამ ავტორიტეტულ მსოფლიო ორგანიზაციაში გაწევრიანებას ბევრი ბენეფიტი მოჰყვა როგორც კომპანიისთვის, ასევე მისი აბონენტებისთვის.

–   „გლობალ სელის“ აბონენტებს შორის არ არიან მხოლოდ საქართველოს მოქალაქეები. აბონენტების არეალი საკმაოდ ფართოა. რით არის ეს განპირობებული?

პირველ რიგში, მინდა სიამაყით აღვნიშნო, რომ „გლობალ სელი“ ქართული ტელეკომ ბრენდია.  სწორედაც რომ საქართველოშია დაბადებული და მისი სახელი დღესდღეობით მსოფლიოს უფრო და უფრო მეტ ქვეყანაში ხდება ცნობილი. ბრენდი უკვე მსოფლიოს სხვადასხვა კონტინენტსა და მსოფლიოს მრავალ ქვეყანაშია წარმოდგენილი: GLOBALCELL USA, GLOBALCELL ASIA, GLOBALCELL AFRICA…, რომლებიც, თავის მხრივ, ცხადია, გადიან იქაურ ადგილობრივ ავტორიზაციას, იღებენ ლიცენზიას და ემსახურებიან უცხოელ აბონენტებს სატელეკომუნიკაციო სერვისების ფართო სპექტრით, საუკეთესო პირობებით.

შთამბეჭდავი სიახლეებია 16 წლის თავზე

„გლობალ სელის“ ახალი, ქართულნომრიანი, ფიზიკური თუ ელექტრონული სიმბარათის გაფორმება მარტივად შეგიძლიათ. ეწვიეთ ვებ-გვერდს (www.globalcell.ge), იქ ყველაფერი დაწვრილებითაა მითითებული და ელექტორნული სიმის (eSIM) მიღება ვებ-გვერდიდანვეა წამებში შესაძლებელი (სასურველ ინტერნეტ-პაკეტებთან ერთად).

ფიზიკური სიმ-ბარათის მიღება კი შესაძლებელია როგორც „გლობალ სელის“ ცენტრალურ ოფისში (თბილისი, მარი ბროსეს 2, ბიზნეს-ცენტრი „სახლი ოპერასთან“), ისე მთელი საქართველოს მასშტაბით – იუსტიციის სახლის ყველა ფილიალში (ქალაქებსა თუ რაიონულ ცენტრებში) და ასევე, საქართველოს ფოსტის ყველა რაიონულ ოფისში.

ან გადადით „სითის“ გვერდიდან პირდაპირ „გლობალ სელის“ ონლაინ პლატფორმებზე!

The post „გლობალ სელის“ სიახლე appeared first on City Magazine.

ასეთია HONOR 400 – არა როგორც მორიგი სმარტფონი, არამედ როგორც მოწყობილობა, რომელიც ითვალისწინებს შენს შეგრძნებებს, საქმიან დღესა და ემოციებს. ხდება ცხოვრების ნაწილი და იწყებ მარტივ, მაგრამ დაუვიწყარ მოგზაურობას ციფრულ ტექნოლოგიაში. ყოველდღიური ცხოვრების რიტმი გვთხოვს, ვიყოთ პროდუქტიული და მუდმივად კავშირში ჩვენს ირგვლივ განვითარებულ მოვლენებთან. ასეთ დროს ტექნოლოგია ჩვენი მეგობარი ხდება.  

HONOR-ის მიზანი მხოლოდ ტექნიკის შექმნა არაა. ეს ბრენდია, რომელიც გლობალურ სივრცეში სწორედ იმაზე ფიქრობს, როგორ გახადოს შენი და ჩვენი ცხოვრება უკეთესი, მარტივი და უფრო ჭკვიანი. HONOR ქმნის სმარტფონებს, ლეპტოპებს, ტაბლეტებს, ჭკვიან საათებს… მაგრამ ყველაზე მნიშვნელოვანი ის არის, რომ ამ ყველაფრის უკან დგას იდეა – ტექნოლოგია ემსახურებოდეს ადამიანს, ყველაფერი ისე უნდა მუშაობდეს, თითქოს შენს ფიქრებს მიჰყვება. მორგებულია შენს საჭიროებებზე, იდეებსა და კომფორტზე. 

HONOR 400, როგორც შენი ცხოვრების ნაწილი

ეს არის ახალი სმარტფონი, რომელიც გამოირჩევა ძლიერი ტექნოლოგიური კომპონენტებითა და სრულად მომხმარებელზე მორგებული მონაცემებით. მოდელი, რომელიც თანამედროვე დიზაინს და მაღალეფექტურ პროცესორს აერთიანებს.

ახლა კი გავიცნოთ ახალი რეალობა ციფრულ სამყაროში – როგორ გამოიყურება HONOR 400 ?

განსაკუთრებულობა იწყება გამორჩეული დიზაინით და ოთხი დახვეწილი ფერით: შუაღამის შავი, მოქცევის ლურჯი, მეტეორის ვერცხლი და უდაბნოს ოქრო. ის გახდება საუკეთესო მეგობარი მოგზაურობისას, თუ ფოტოგრაფია გაინტერესებს, ეს შესაძლებლობა ნამდვილად შენთვისაა. 

HONOR 400 შთამბეჭდავი სმარტფონის ფოტოგრაფიის გამოცდილება 200 MP Ultra-Clear AI კამერის სისტემით, კინემატოგრაფიული ეფექტებით – სმარტფონისთვის არც ღამის განათებაა პრობლემა და სიცხადეს დაბალი განათების პირობებშიც ინარჩუნებს. პროფესიონალური ხარისხის სელფები მნიშვნელოვანი დეტალებითა და ცოცხალი ფერებით. ფოტოგრაფიის მოყვარულებისთვის ეს ნამდვილი აღმოჩენა იქნება, რადგან ბარიერი არც დიდი მანძილია – ზუმის წარმოუდგენელი შესაძლებლობებით თვალწარმტაცი პეიზაჟების გადაღებაა შესაძლებელი.

AI საშლელი – არასასურველი ელემენტები ფოტოდან ძალისხმევის გარეშე გაქრება. AI Upscale – ახალი სიცოცხლე იქნება ძველი ან დაბალი გარჩევადობის ფოტოებისთვის, რომელიც საყვარელ მოგონებებს გააცოცხლებს. 

ცხოვრების რიტმი სწრაფია და მუდმივად გვჭირდება სმარტფონი, რომლის ბატარეაც ძლიერია და რომელიც ყოველთვის ჩვენს გვერდითაა.
დატენვა? 

HONOR SuperCharge ტექნოლოგიით მოწყობილობას სრულად დატენვისთვის მხოლოდ 46 წუთი სჭირდება.  

მეხსიერება

HONOR 400 ეს წარმოუდგენლად დიდი სივრცეა მონაცემების შესანახად, რომ შენი ცხოვრების ყველაზე ძვირფასი მომენტები არ წაშალო – დაახლოებით 121 000 ფოტო ან 48 500 სიმღერა. ეს ყველაფერი ზუსტად შენს ხელთაა, თამამად შეგვიძლია დავგეგმოთ მოგზაურობა და არ შევიზღუდოთ თავი მოგონებების დაფიქსირებაში. 

და რაც მთავარია ფუნქციები ჩვენს ჯანმრთელობაზეც ზრუნავს, დაბალი ლურჯი სინათლის ტექნოლოგიით ნაკლებია მავნე ცისფერ შუქზე ზემოქმედება – თვალის დაღლილობა 18%-ით მცირდება.

ეკრანი – ფერების აღქმა მზეშიც კი
ის საუკეთესო მეგობარია პლაჟზე, ასე რომ HONOR 400 ზაფხულის განუყრელ მეგობრად იქცევა. ეკრანს არ აშინებს წყლის წვეთები – შენ შეგიძლია სმარტფონი დასველების შიშის გარეშე გამოიყენო.   

და რა ხდება მგზავრობის დროს?

HONOR 400 არის ინდუსტრიაში ერთ-ერთი პირველი სმარტფონი, რომელიც მოწინავე სენსორის ტექნოლოგიისა და ვიზუალური სტაბილიზაციის გამოყენებით ებრძვის გულისრევის შეგრძნებას, თავბრუსხვევასა და დისკომფორტს მოძრაობის დროს, უზრუნველყოფს თქვენს კომფორტს მგზავრობის დროსაც.

AI Writing Tools, AI ჩამწერი, AI თარგმანი, AI Deepfake Detection – სმარტფონი ხდება მეგობარი, რომელიც გეხმარება წერაში, აკორექტირებს შეცდომებს, ნებისმიერ ენაზე საუბარი მარტივი ხდება. დაგიცავს, რომ ციფრული სახეების გარჩევაში შეცდომა არ დაუშვა. ყველა ფუნქცია დაგეხმარება, რომ ყოველთვის ერთი ნაბიჯით წინ იყო!

ფიზიკური პარამეტრები
HONOR 400-ის წონა – მსუბუქი  – 184 გრამი, სისქე – 7.3 მმ.  

და რა რჩება?
მხოლოდ შენი ყოველდღიურობა, სადაც HONOR 400 ზუსტად ისეთია, როგორიც გჭირდება. თითქოს შენი ცხოვრების ნაწილი ხდება, რომელიც შენს გვერდითაა მზის შუქზეც, წვიმაშიც და ღამით, როცა ჩვენს თვალებს განსაკუთრებული მოფრთხილება სჭირდება. მოკლედ, HONOR 400 – სმარტფონი, რომელიც იცნობს შენს სამყაროს, მიჰყვება შენს რიტმს და ჩვეულებრივს ნამდვილად აქცევს განსაკუთრებულად.

და შეთავაზება, რომელიც განსაკუთრებულს კიდევ უფრო გამორჩეულს ხდის: შეიძინეთ HONOR 400 მომდევნო ივლისის ბოლომდე და საჩუქრად მიიღეთ უსადენო ყურსასმენები და ჭკვიანი საათი!                                                                            

HONOR 400 – Pro და Standart ვერსიები – ეს არის ის, რაც ზაფხულის თავგადასავლებსაც განსაკუთრებულად უხდება! 

შენი რიტმით, შენი სტილით, შენი ცხოვრების ნაწილად…  

ავტორი: კესო ბოჭორიშვილი

The post HONOR 400 appeared first on City Magazine.

კრისტალური ზედაპირი განასახიერებს ფარს – ნეგატიურს აირეკლავს და პოზიტიურს აძლიერებს. ის თანამედროვე ადამიანის პირად, დაცულ სივრცეს ქმნის. 

მინიატურული თევზი წყალში ცურავს, რაც ქვეცნობიერში ჩაღრმავებასა და ინტუიტიურ სიბრძნეზე მიანიშნებს. ის გვახსენებს, რომ ცვლილებების მიღება და ადაპტაცია ჩვენი ბუნებრივი უნარია და ნებისმიერ გარემოში შეგვიძლია ვიპოვოთ ჩვენი გზა. 

ბორჯღალო კი, მარადიული მოძრაობის სიმბოლო, გვიცავს სტაგნაციისგან და გვახსენებს განახლების უწყვეტ პროცესს.

პროექტის ავტორები:

დედა სიდონია, რია ქებურიას ფონდი

ფოტო : გურამ მურადოვი 

ვიდეო: Aleksei Morozov / Ana Khocho

Fragment 19 

The jewelry collection presents a modern interpretation of ancient protective symbols, where the mirror, fish, and borjgali (Georgian solar symbol) unite in elegant gold jewelry. 

The crystalline surface embodies a shield – reflecting the negative and amplifying the positive. It creates a personal, protected space for the modern individual. 

A miniature fish swims in water, suggesting a dive into the subconscious and intuitive wisdom. It reminds us that accepting change and adaptation are our natural abilities, and we can find our way in any environment. 

Borjgali, a symbol of eternal motion, protects us from stagnation and reminds us of the continuous process of renewal.

Authors of the project 

Sidonia Nun, Ria Keburia Foundation 

Photo Guram Muradov

Video: Aleksei Morozov / Ana Khocho

The post ფრაგმენტი 19 appeared first on City Magazine.